رواية الضائعة الفصل الرابع عشر 14 - بقلم بسمة سلام

ركبت العربية وفضل شهاب وحاتم ساكتين طول الطريق. وصلنا بيت شهاب. نزلت من العربية. نغم: أنا طالعة معاك. شهاب: لي؟ نغم بخبث: عادي يعني. شهاب: لا شكراً. نغم: إيه يا شهاب، عايزة أطلع فـ إيه؟ شهاب: عشان أنا اللي مربيك وفاهم كويس عايزة تطلعي ليه. نغم: إيه؟ شهاب: مش هتشوفيها يا نغم وملكيش دعوة بيها، انتي فاهمة؟ وابعدي عنها. مااااشي؟ نغم: دي كانت أختي، افهم بقى. شهاب: انتي قولتيها بلسانك، كانت. كان يا مكان، تمام.

نغم: مش هينفع يا شهاب وأنا مسمحاها. شهاب: وأنا مش مسامحها. نغم: بس. شهاب: اركبي وامشي يلا. أنت يا عم خدها وامشي، ويكون في علمك إحنا الاتنين جايين معاك بكرة. تمام. حاتم: حاضر. ركبت جنب حاتم اللي طول الكلام ده باصص قدامه ومبيتكلمش. وفي الطريق. نغم: حاتم. أطفأ الموسيقى. قفلها من غير أي رياكشن. نغم: وقف نشتري مياه، عطشانة. وقف واشترى مياه واداها من غير أي رياكشن برضه. نغم: يوووه، طيب قولي فـ إيه، فهمني. حاتم: ...

نغم: تمام، أوي. براحتك. روحت وطلعت الأوضة وقعدت مش عارفة أعمل إيه. بعد ساعات كتير خرجت ودخلت عند حاتم. خبطت كتير بس مردش، فدخلت. ومكنش موجود في الأوضة. وشوية لقيته خارج من الحمام، لابس شورت للركبة لونه أبيض وفوطة على راسه وشعره وبينشف شعره اللي بينزل قطرات المياه على وجهه. نظر ليه وقعد على السرير وشال الفوطة وبص في الأرض. حاتم: كنت هخرج بس سمعته بيقول... نغم: نعم. نغم: أنت مالك؟ حاتم: مالي؟ نغم: يا حاتم، فـ إيه؟

حاتم: مفيش. حاجة. جلست جنبه على السرير ومسكت وجهه ونظرت في عينه. نغم: مالك؟ حاتم: خلاص يا نغم، مفيش حاجة. أنا كويس. اطلعي برا، عايز أنام. نغم: مش هخرج غير لما أعرف فـ إيه. حاتم: بتتكلمي بجد؟ مش عارفة فـ إيه؟ نغم: والله حضني عشان... حاتم: بس بس، متجبليش سيرة الموضوع ده. نغم: يا حاتم اسمعني طيب. حاتم: تعالي أحضن واحدة ونشوف هتعملي إيه. نغم: بص هقولك. حاتم: صحيح، مش هتعملي حاجة. مهو انتي أصلاً مش هيفرق معاكي.

نغم: يعني إيه؟ حاتم: يعني أنا قولتهالك، وانتي ولا مرة قولتيها. يبقى مش هيفرق. نغم: أنا مستنية أشوف أهلي وبعدين أنت عارف. حاتم: عارف إيه؟ هاا، عارف إيه؟ أنا طلعت مش عارف حاجة خالص. عايزة أهلك صح؟ وكنتي في حضنه بتعملي إيه؟ بتدوري على أهلك؟ نغم بدموعها: أنا آسفة، مكنتش أقصد. حاجة وحشة. حاتم: أنا مبقتش قادر يا نغم. مبقتش قادر أستحمل. من وقت ما رجعت وأنا في مصايب ومشاكل. كل ده عادي، بس ليه أتخانق مع شباب على بنت بحبها؟

ليه أنا مطلوب مني أنام وأنا بفكر حبيبتي بتفكر فيا ولا فـ أسر ولا فـ شهاب ولا فـ شريف؟ نغم بصراخ: بس! بس بس بس! كلامك محسسني إني بنت مش كويسة. حاتم: انتي مش عايزة تفهمي إن الموضوع وحش ومؤذي. افهمي أنا واحد شاف البنت اللي أتمناها كل عمره يكون معاها في حضن ولد بيحبها. نغم: بيكرهني. حاتم بضحكة سخرية: عشان غبية ومش عارفة اللي بيعملوه ده. يعني إيه؟ نغم: فهمني. حاتم: بيحبك ومش عايزك أخته ولا على اسمه عشان بيحبك.

نغم: أكيد لا. هو سابني كل السنين دي كلها، مسألش عليا. أكيد لا. حاتم: طفل بقا. بس أنا شفت عينه كويس. عينه بتاكلني أنا وشهاب عشان قريبين منك. نغم: حاتم اسمعني. حاتم: اسمعيني انتي. مش قادر. مش قادر أفكر إنك بعيد عني. مش قادر افهمي بس. نغم: تمام. تصبح على خير. دخلت غرفتي وقعدت على السرير وكنت بعيط وبموت من الزعل. دقائق وكان داخل وهو يرتدي الشورت للركبة فقط. وجسمه رياضي وعيونه الملونة وبشرته الساحرة. قعد جنبي ومسح دموعي.

حاتم: آسف. نغم: أنا اللي آسفة. قربت راسي لصدره وطبطب على شعري. نغم: لا أنا اللي آسفة، أنا اللي غلطان إني زعقتلك، بس جيت عشان مش هعرف أنام وإنتي زعلانة مني. مش هقدر. بس أنا متت لما لقيتك في حضنه. أنا اللي.. نغم: خليك جنبي يا حاتم. حاتم: من غير ما تقولي، جنبك. بعد عنه ونظرت في عينه. نغم: صدقني أنا مش وحشة. أسر أول واحد شوفته وبعده شهاب وانت وبعدين شريف. أنا مش وحشة. كل واحد جه في وقت مختلف.

حاتم: قطع لسان اللي يقول عليكي وحشة يا قلبي انتي. أنا بحبك وهفضل أقولها حتى لو انتي مقولتهاش ومش هزعلك أبداً تاني. صدقيني. نغم: أنا آسفة إني وجعتك وشيلتك الهم معايا، بس... حاتم: من غير بس. (وحضني جامد وكأنه بيدوبني جواه) . انتي حتة مني ومشكلتك مشاكلي، حتى لو مش عايزة تعترفي بده، دي الحقيقة وبس. نغم: خليك جنبي يا حاتم، بجد أنت حاجة كبيرة عندي. حاتم: وإنتي كل حاجة عندي. حاتم: بقولك صحصح. نغم: نعم.

حاتم: حضني من غير هدوم أحلى ولا حضنه هو؟ نغم: بطل قلة أدب وابعد بقى، أنت مصدقت. ابعد. حاتم: خليك شوية يا عبد المحسن يا أخويا، والنبي. نغم: طيب ابعد بقى، ابعد. حاتم: مش هسيبك. شعرك اللي بيطير وريحتك أسرتني، مش قادر أسيبك أصلاً. جدتي: حاتم. حاتم: إيه؟ ليه بس كده يا جدتي؟ بتعملي فيا كده ليه؟ ده أنا مصدقت. جدتي: تعال عايزك. حاتم: يعني هيا حبكت؟ انتي مش شايفة أنا كنت عامل إزاي؟ ده أنا عشان أوصل للمرحلة دي قعدت 13 سنة.

جدتي بضحك: طيب تعال عايزك. حاتم: حاضر. حاتم: بقولك إيه، لو روحت ورجعت ممكن نكمل ولا... جدتي: يبقى ولا تصبحي على خير. الله يسمحك يا جدتي. ضحكت ونمت على السرير وضحكتي منورة. جدتي: تعالي حبيبي عايزك. حاتم: إيه بقى؟ جدتي: ... ... ... في بيت شهاب. خبطت هالة ومعاها صينية أكل. شهاب: نعم. هالة: جبتلك أكل. شهاب: شكراً، مش عايز حاجة. هالة: أرجوك يا شهاب. شهاب: ابعدي عني يا هالة وعن نغم أهم. عشان وقتها هنسالك كل حاجة.

هالة: أرجوك يا شهاب. 🥺🥺 شهاب: خدي صينيتك وادخلي ها؟ وصلي وادعي إنه يغفر لك اللي بتعمليه. هالة: أنا غلط بس عشانك، افهم بقى. شهاب: تصبحي على خير. هالة: بس. شهاب: نعم. هالة: أنت عارف إني بخاف أقعد لوحدي. شهاب: أعملك إيه؟ هالة: متعملش حاجة. تصبح على خير. شهاب: بقولك. هالة: نعم. شهاب: سيبي الباب مفتوح لحد ما تنامي، وأنا هقفله. هالة: شكراً. شهاب: ادخلي. في الصبح خرج حاتم يخبط على باب نغم.

خرجت ترتدي سلوبت قماش بيضاء فـ كشميري وكوتشي أبيض وشنطة كشميري. حاتم: ...... نغم: إيه؟ حاتم: إيه الجمال ده. نغم: شش، بطل ويلا بينا. حاتم: لا، موزة. نغم: يبني بطل قلة أدب. حاتم: قلة أدب إيه؟ دي الحقيقة، ربنا. نغم: ضحكت. حاتم: طيب يلا بينا بسرعة. نغم: أنت مستعجل على إيه كده؟ حاتم: يلا، أقولك بعدين. جدتي: حاتم. حاتم: نعم. جدتي: قولتلها؟ حاتم: ااا، بعدين. نغم: قالي إيه؟ جدتي: أصل...

حاتم: قولتلك هقولها، إحنا متأخرين، يلا. نغم: هو فـ إيه وهتقول إيه؟ حاتم: بعدين، يلا بينا. نظرت جدتي تنظر على آثار خروجنا. يتبع