نظرت نازلي إلى والدتها بصدمة. حاولت أن تتحدث، ولكنها تلقت صفعة قوية على وجهها.
"انتي حامل! الله يلعنك! عملتي كده إزاي؟ ومين أبوه؟ جاسر صح؟" صرخت والدتها.
"ماما.. أنا.." قالت نازلي بدموع.
"جاسر صح؟ هو أبو الطفل؟ أنا هقتله والله ما هسيبه عايش حتى لو مت بعده وهقتلك معاه!"
"جاسر معملش حاجة، أنا حامل من ظافر."
"ظافر مين؟ اللي أختك حكتلي عنه؟"
"ظافر ده يبقى كنان، خطيب أميره."
انفجعت صفية من مكانها. "انتي بتقولي إيه؟"
أخذت نازلي هاتفها وجعلت والدتها تشاهد صورًا لهما معًا في أماكن عامة.
"جاسر ملوش ذنب. اللي عمل كده كنان. ولما جاسر عرف، هو قرر يتجوزني عشان يساعدني."
نظرت صفية إلى نازلي بغضب شديد وصفعتها.
"انتي بتقولي إيه عاد! الله يلعنك ويلعنه! حسبي الله ونعم الوكيل فيكم. ربنا ينتقم منكم. تعالي معايا."
"على فين بس؟" قالت نازلي ببكاء.
نظرت صفية إليها بغضب شديد وسحبتها من يدها بقوة.
***
أما عند كنان، كان يقف أمام سيارته أمام إحدى العمارات، بعدما اتصلت به صفية وأخبرته أنها تريد التحدث معه في أمر خاص وضروري. وجدها تنزل من التاكسي وهي تمسك بيد نازلي بغضب.
"في إيه؟" اقترب منها.
"اطلع شقتك عشان نتكلم." قالت صفية بغضب.
نظر كنان إلى نازلي، ثم صعد إلى الأعلى وخلفه نازلي وصفية. دخلوا إحدى الشقق.
"اكتب كتابك عليها دلوقتي." دفعت صفية نازلي بقوة فوقعت على الأرض.
اقترب منها كنان بلهفة. "نازلي!"
"اكتب كتابك عليها دلوأتي." قالت صفية بغضب.
نظر كنان إليها بصدمة، ثم إلى نازلي التي نهضت بفزع.
"لأ يا ماما، بالله عليكي بلاش كده. هندمر حياة أميره."
"أوعي تنطقي اسم أختك على لسانك تاني. اكتب كتابك عليها وافسخ خطوبتك من بنتي وخدها وامشي من هنا. ولو ده محصلش دلوقتي، قسمًا بالله هقتلها واقتل نفسي."
بعد مرور ساعتين، ذهب المأذون والشهود.
"قومي معايا هنروح. ولما جاسر يجي بليل، أنا هقول إني مش موافقة، وانتي تجولي إنك متقدريش تخالفي كلامي، وانت تيجي بليل تفسخ خطوبتك من بنتي." قالت صفية بغضب.
نظرت نازلي إلى كنان بدموع. "أنا بكرهك."
تنهد كنان بضيق. فسحبت صفية نازلي وذهبت.
***
وبعد فترة، وصل أحمد وجلس بصدمة.
"يعني اتجوزتها؟"
"أيوه اتجوزتها. ده اللي أنا كنت عاوزه أصلًا، بس مش بالطريقة دي. أمها مش طايقة تبص في وشها."
"وهي هتبص في وشها إزاي بعد اللي حصل؟ بس متعرفش هي عرفت إزاي."
"لأ، هي جالتلي اتجوزها. وأنا بصراحة كنت مستني اللحظة دي واتجوزتها وخلاص. بس مش عارف بقى هي هتيجي معايا إزاي ولا إيه اللي هيحصل بليل."
***
في المساء، اقتربت أميره من نازلي.
"انتي زعلانة كده ليه؟ مش كنتي مبسوطة الصبح؟"
نظرت نازلي إلى أميره بحزن ولم تجرؤ على الكلام. دخلت والدتها وطلبت منهم الخروج. جلسوا جميعًا، ولكن كان يبدو على وجه جاسر الضيق الشديد، فهو علم بكل ما حدث بالتفصيل الممل.
عندما اتصل بنازلي، أكدت له شكوكه.
"انت إيه رأيك يا حج، موافق؟" سأل والد جاسر.
"معلش إني بندخل، بس أنا مش موافقة وشايفه إن البنت لسه صغيرة." قالت صفية بضيق.
نظر طاهر وأميره باستغراب شديد. وجاء ليتحدث، ولكن قاطعه جاسر.
"اللي انتي عايزاه يا حجة. أنا هستنى وهتقدم تاني."
تحدثوا جميعًا لبعض الوقت ثم ذهبوا.
جاء طاهر ليتحدث، ولكن وصل كنان وجلس وهو يشعر بالضيق.
"عمي، أنا جاي بصراحة عشان أقولك إني مش هينفع أكمل مع أميره."
نظر طاهر وأميره إليه بصدمة.
"ليه يا ابني؟ هي بنتي غلطت معاك في حاجة؟ لو غلطت، جولي وأنا هتصرف معاها."
"لأ، بالعكس. أنا المشكلة مني. مش هينفع أظلمها معايا." قال كنان بضيق.
"انت بتقول إيه يا كنان؟ هتسيبني؟" قالت أميره بدموع وصدمة.
"والله عشان مصلحتك. مينفعش أفضل معاكي أكتر من كده. أبويا وأمي هيجوا بكرة إن شاء الله ينهوا كل حاجة رسمي زي ما دخلنا."
ألقى كنان كلماته ثم ذهب. نظرت أميره إلى الفراغ بصدمة لم تستوعب ما حدث. اقتربت منها والدتها وارتمت أميره بين أحضانها وهي تبكي بشدة.
***
أمام بيت كنان، كان جاسر ينتظره. عندما وصل ونزل من السيارة، اقترب جاسر وتحدث بغضب شديد.
"فاكر إنك كده كسبت؟ انسى يا كنان. نازلي قالتلي إنها هتطلق منك وإنها مش عاوزاك."
"تقول اللي هي عايزاه. مين قال إنها هتطلقني؟ أنا عارف إنها بتحبني وهتفضل تحبني لآخر يوم في عمرها." قال كنان بحدة.
"هنشوف إيه اللي هيحصل ومين فينا اللي هيكسب في الآخر." قال جاسر بسخرية.
ألقى جاسر كلماته ثم ذهب. ركل كنان السيارة بقدمه ثم ذهب إلى الداخل. وجد والده ووالدته ينتظرونه.
"انت إيه اللي عملته ده؟" قال مصطفى بغضب.
"بوظت خطوبتي وجلتلك قبل كده إني مش هكمل في الخطوبة دي وهتجوز البنت اللي بحبها." قال كنان بحدة.
"مش هيحصل."
"هيحصل! وهاخد حاجتي وأروح أقعد في شقتي لحد ما أسافر." قال كنان بصراخ.
ألقى كنان كلماته، ثم صعد وأخذ أشياءه وذهب من البيت بأكمله.
***
أما عند أميره، فقد كانت طوال الليل تبكي بشدة. في الصباح، خرجت نازلي وذهبت إلى الشقة. عندما طرقت الباب، فتح كنان وهو عاري الصدر ويبدو عليه أنه مازال تحت تأثير النوم.
"أهلاً بمراتي الحلوة. وحشتك صح؟"
"إحنا اتجوزنا أهه، يبقى طلقني بقى. أنا مش عاوزاك." قالت نازلي بغضب.
مسح كنان على وجهه بغضب ثم تحدث بعصبية.
"عشان تروحي تتجوزي جاسر صح؟ انتي غبية ولا مجنونة؟ نسيتي حبك ليا بسهولة كده؟"
"ملوش صالح بيا. ابعد عني بقى. كفاية اللي أختي فيه. حرام عليك. إحنا السبب في كل اللي بيحصلها." قالت نازلي بصراخ وبكاء.
تنهد كنان بضيق ثم تحدث.
"ده الصح اللي كان لازم يحصل من زمان. ولا عايزاني أتجوزها وأنا كنت معاكي أصلاً؟ انتي مجنونة صح؟"
نظرت نازلي إليه بدموع وتأنيب ضمير وغضب. فتحت الباب وجاءت لتخرج، ولكن وجدت أميره أمامها. نظرت إليها باستغراب عندما وجدتها هي من تفتح الباب. جاءت لتتحدث، ولكن انصدمت عندما وجدته يخرج من الغرفة وهو عاري الصدر.
"هو في إيه؟" قالت أميره متجمدة مكانها.
نظرت نازلي إلى كنان بارتباك، ثم إلى أميره. جاءت لتتحدث، ولكن قاطعها كنان ببرود.
"انتي هتجولي إيه؟ أختك شافت كل حاجة. مفيش داعي نضحك عليها أكتر من كده."
"انت بتقول إيه؟" قالت أميره بصدمة.
"اسكت خالص." قال كنان بعصبية.
"اسكت ليه؟ هي شافتنا. انتي هتتبرري ليها الموقف ده إزاي بقى إن شاء الله؟" قال كنان ببرود.
"ما تقولوا في إيه بالظبط!" قالت أميره بصراخ.
"بصي يا أميره، أنا فركشت خطوبتي بيكي عشان بحب نازلي ومن زمان. وأنا وهي اتجوزنا." قال كنان بضيق.
نظرت أميره إلى نازلي بصدمة، ثم صفعتها على وجهها بغضب شديد. اقترب منها كنان بلهفة وتحدث بعصبية.
"أميره، متنسيش إنها مراتي. ومسمحش لحد يمد إيده عليها."
"مراتي؟ انتوا للدرجة دي أوساخ؟ ده أختك بقى تعملي فيا كده؟ تخطفيه مني؟ وانت مش كنت بتقول إنك بتحبني؟ ولا عي لعبت بيك بكلمتين؟" قالت أميره بصراخ وبكاء.
"أميره، أنا مراعي شعورك، بس كلمة زيادة وهعمل تصرف مش هيعجبك." قال كنان بغضب.
نظرت أميره إلى نازلي، ثم تحدثت.
"ربنا ينتقم منك. من دلوقتي لا انتي أختي ولا أعرفك."
ألقت أميره كلماتها ثم ذهبت. وقفت نازلي بصدمة، حتى شعرت بألم رهيب أسفل معدتها ونزيف. فجأة، وقعت على الأرض. اقترب منها كنان بلهفة.
"نازلي، مالك يا حبيبتي؟ في إيه؟"
"ابني يا كنان." قالت نازلي بألم ودموع.