تحميل رواية الغريب بقلم ايمان pdf

مراد: يعني إيه يا بابا أنت متجوز على أمي؟

أحمد: كنت متجوز.

محمد: وبتقولنا القصة دي ليه؟

أحمد: عشان أنا خلفت منها.

إلياس: أنت بتقول إيه؟ وماقلتلناش ليه؟

أحمد: يابني أنا ماكنتش عارف أقولكم إيه.

مراد: وشمعنى دلوقتي؟

أحمد: خايف يحصلي حاجة والبنت صغيرة مش كبيرة.

مراد: الله بنت وكمان صغيرة!

أحمد: يابني دي هتعيش معاكم من بكرة.

مراد: أنتِ موافقة يا أمي؟

هنية: أيوه يابني.

محمد: عايزين تجيبوها جيبوها، بس إحنا عمرنا ما هنعتبرها أختنا.

في اليوم التالي، كانوا قاعدين يتعشوا لحد ما دخل أحمد ومعاه بنت عمرها 16 سنة، جميلة جداً، وفي إيديها قط.

هنية: أهلاً أهلاً يا حبيبتي.

شيليا: أهلاً بيكي.

أحمد: دي زي مامتك. وشاور على ولاده.

مراد 28.

إلياس 26 ومراته ليلى.

محمد 20.

شيليا: أهلاً.

مراد: أهلاً بيكي.

إلياس: مش هناكل؟

محمد بص لها بصة قرف وسابهم.

أحمد: يلا أطلعك لغرفتك.

بعد أيام وهما بيتجاهلوا شيليا على الأكل.

أحمد: أنا مسافر النهاردة.

هنية: ماقولتش يعني.

أحمد: جات فجأة.

شيليا: يبقى أنا هروح بيت ماما لحد ما ترجع من السفر يا بابا.

أحمد: ده بيتك، ودول إخواتك، ولا إيه؟

محمد: ما هي قاعدة، هو إحنا هناكلها؟

شيليا: معلش، بس أنا مش هقدر أقعد في غيابك.

مراد بعصبية: بلاش دلع البنات ده، بابا قال هتفضلي هنا يبقى هتفضلي هنا. أنا رايح الشركة. وسابهم.

سافر أحمد.

شيليا كانت خارجة.

محمد: خدي هنا يابت، أنتِ رايحة فين؟

شيليا: رايحة عند صحبتي أدرس معاها.

محمد: وأنتِ سألتي؟

شيليا: أسأل ليه إن شاء الله؟

محمد: هستنى إيه من بنت ربتها واحدة ست.

شيليا: اللي ربتها ست ما تشربش كل يوم وترجع الفجر.

محمد: أنتِ مش متربية.

شيليا: كأنك أنت اللي متربي.

ضربها محمد بالقلم.

مراد: محمد!

شيليا دمعت عينها، وطلعت بسرعة لغرفتها عشان ما تنهار قدامهم.