رواية الجميلة والعاجز الفصل الثامن 8 - بقلم روما محمد

تقي كانت قاعدة بتتفرج على التليفزيون لحد ما اتبعت لها مسدج من رقم مجهول. كان مضمونه: جوزك اللي بيحبك موجود في شقتي عشان نقضي سهرتنا مع بعض يا عسل. لو عايزه تيجي تشوفيه وهو بيخونك العنوان اهو. تقي مهتمتش بالرسالة أوي. قامت جهزت نفسها ولبست فستان شيك لحد الركبة واستنت أدهم لحد ما يجي، ولكنه اتأخر. بعد مرور ساعتين من الانتظار، أدهم رجع لقي تقي مستنياه. أدهم بابتسامة: انتي لسه صاحية يا حبيبتي. تقي بابتسامة: كنت بستناك.

أدهم بحب حضنها وتقي حضنته. اتفاجأت بروائح على هدومه وعلى رقبته. أدهم بحب: تقي أنا عاوزك. تقي ابتسمت بخجل وأدهم شالها ودخل بيها أوضتهم. *** في صباح يوم جديد. أدهم صحي من النوم مبسوط لأنه تمم زواجه على تقي. أدهم بابتسامة: صباح الجمال يا روحي. ولكنه اتصدم لما ملقاش تقي جنبه. فضل يدور عليها بس هي مش موجودة في البيت. رجع الأوضة وفتح الدولاب ملقاش هدوم تقي موجودة ولقى رسالة من تقي.

الرسالة: ياريت مش تدور عليا. أدهم على قد ما أنا حبيبتك على قد ما أنا كرهتك لخيا"نتك ليا. جن جنون أدهم من فكرة أن تقي مشيت وسابته. وبدأ يكسر كل حاجة في الأوضة. أدهم بصراخ: لييييه يا تقي تعملي فيا كده؟ لدرجة دي معندكيش ثقة فيا إنك تسمعي مبرراتي؟ طلع حبك ليا مجرد كذبة، لأن لو فعلاً حبتني مكنتيش هتتخلي عني بالطريقة دي. قام بسرعة خد مفاتيح سيارته وراح بيت عمه على أساس أنها ممكن تكون هناك. *** في منزل أهل تقي.

أدهم كان بيخبط على الباب بعصبية. سميحة: استر يا رب. قوم شوف مين يا عاصم. عاصم بهدوء: طيب. عاصم فتح الباب واتفاجأ بأدهم. عاصم بخوف: في إيه يا أدهم؟ بتخبط كده ليه؟ أدهم بعصبية: هي فين يا عمي؟ عاصم بدون فهم: هي مين يا ابني؟ أدهم بعصبية: تقي فين؟ سميحة بخوف: تقي مش هنا يا ابني. عاصم بهدوء: تقي فين يا أدهم؟ أدهم بسخرية: معرفش. الهانم سابت البيت ومشيت وسابت الرسالة دي.

عاصم شد الرسالة من أدهم بعصبية وبدأ يقرأها واتصدم من اللي قرأه. عاصم بعصبية: بنتي لو حصلها حاجة مش هسامحك يا أدهم. سميحة بدموع: أنا عايزة بنتي يا عاصم.