رواية الحب الدائم رغم البعد الفصل الحادي عشر 11 - بقلم جاسمين محمد

امل: عشان خاطري انا هاتي زي بعضو ده فنجان. جاسمين: ماشي. وراحت تعمل الفنجان القهوه، وهي بتعمله وقفت تبص للفنجان شوي، وجابت حاجه من على الرف وحطط منها في الفنجان. جاسمين: ان مخليتك تحرم تقولي هاتيلي قهوه تاني، مبقاش أنا جاسمين. وراحت شالت القهوه وراحت عند فهد وخبطت الباب. فهد: ادخلي. جاسمين: دخلت وحطت القهوه على المكتب. اتفضل يا أستاذ فهد. فهد: سيبي واطلعي. جاسمين: حاضر. وبسمت وطلعت. بعد ما طلعت،

فهد بصوت عالي: آآآه جاسمينننننننننن. آدم جه جري هو ومروان والكل واقف. آدم: بيزعق ليه ده؟ جاسمين ببتسامة: معرفش، ادخل شوفه. آدم: مش مطمن للابتسامة دي، تعال نشوف في إيه يا مروان. ودخلوا عند آدم. مروان: مالك يا فهد؟ فهد: الاستاذه اللي بتدافعوا عنها، قولتلها هاتيلي فنجان قهوة، حطتلي بدل السكر ملح وشطة. جاسمين: أحسن عشان تحرم تطلب مني تاني، أنا مش خدامة بتاعتك. فهد: طيب وربنا ما أنا سايبك. وهي جرت وهو طلع يجري وراها.

آدم: يا ولاد المجانين خدوا هنا. وفهد عمال يجري ورا جاسمين لحد ما دخلت مكتب محمد، واستخبت ورها. محمد: في إيه؟ اهدوا. فهد: والله لو استخبيتي ورها مين لجيبك برضو، أوعى يا عمي. جاسمين: وريني نفسك كدا وأنت بقيت عجوز وبتنهج. محمد: ههههه في إيه؟ اهدوا انتوا الاتنين، فهمني عملت إيه؟ فهد: بتحطلي مكان السكر في القهوة ملح وشطة. محمد: ملح وشطة؟ يالهوي. فهد: أنت بتضحك؟ هي أنا النهاردة؟ محمد: اهدوا بس، وصلوا على النبي.

فهد وجاسمين: عليه أفضل الصلاة والسلام. محمد: مش غلط اللي أنتِ عملتيه ده. جاسمين: أنا جي هنا ليه؟ مش عشان أتدرب وأشتغل بس؟ محمد: آه أنتِ جاية لكده بس. جاسمين: كويس، هو بقى بيطلب مني أعمله فنجان قهوة ليه؟ فهد: وفيها إيه؟ كنتي هتتأخري على الهزار والسهرية اللي عملها في المعمل تحت. جاسمين: وأنت مالك؟ أهزر ولا مهزرش؟ مش بعمل اللي مطلوب مني خلاص. فهد: بت انتي متعصبنيش. جاسمين: اسمي جاسمين، مش بت يا ض.

فهد: يا ض لا كدا أنتِ حسابك كتر، وأنا مش سايبك. جاسمين مسكت في محمد: احلقني والنبي هيموتني ده، متوحش. محمد: بس انتوا الاتنين بقى، انتوا مش صغيرين، اترزع يا فهد هنا، وأنتي اترزعي. جاسمين: طيب هترزع بس ميجيش جنبي. محمد بصوت واطي لجاسمين: لم أنتِ خايفة منه كدا، عاملة فيها شبح ليه؟ جاسمين: يا عم اسكت دلوقتي، ده شوف عضلاته قد جسمي، أنتوا بتوكلوه إيه ده؟ محمد: يخربيتك هموت. فهد: انتوا بتتكلموا وتضحكوا على إيه؟

محمد: بقولها عيب كدا، يلا قوليله آسفة وغوري على شغلك. جاسمين: مش هقول أنا لحد آسفة. محمد: قولي واخلصي عشان هينفخني أنا وأنتِ، اخلصي. جاسمين: أنا آسفة. محمد: شاطر، يلا روحي على شغلك بقى بسرعة. جاسمين: حاضر. وطلعت من جمب فهد. فهد بصوت واطي: برضو مش هسيبالك. جاسمين: حرام عليك والله. وطلعت. فهد: أنا رايح أشوف الشغل. محمد: فهد متكلمهاش. فهد: مش هي اتأسفت خلاص؟ محمد: فهد أنا اللي مربيك وعارفك، متكلمهاش. فهد: طيب سلام.

وطلع من المكتب. امل وآدم ومروان: ها عملتي إيه؟ جاسمين: هينفخني حتى بعد ما اتأسفتله. آدم: أحسن عشان قولتلِك ابعدي عن فهد. جاسمين: ولا هيقدر يعمل حاجة برضو، المعقد ده. شهد: اتنيلي وابعدي عنه واسكتي، وهو مش معقد خالص. جاسمين: وأنتِ مالك بيه وبدافعي عليه ليه كدا؟ شهد: وأنا مالي أنا، خايفة عليكي بس عشان انتي صحبتي. جاسمين: من إمتى وأنا صحبتك؟ شهد: من ساعة ما جينا هنا، أنا رايحة أشوف شغلي، يلا يا ملك انتي ومنه. ملك: يلا.

جاسمين: وربنا البت دي بتقول كدا عشان شكلها بتلف عليه. آدم: يابت اتلمي وخليكي في حالك، أنتِ لسه طلعتي من أول مشكلة. امل: هي متعودة على كدا، متخافش، هي بتطلع من مشكلة بتكون مجهزة الجديد. آدم: لا والله، هي متعودة على كدا. امل: آه. آدم: يا حلوتها، هنتفرج ونضحك. جاسمين: آه عاجبك؟ آدم: أنا مش عاجبني غير المزة دي. جاسمين: أنت بتقول إيه؟ وقعتك مطينة النهاردة أنت التاني. آدم: وأنتِ مالك بي، خليكي مع فهد.

جاسمين: شيل عينك من على أمل طيب، ويلا نخلص الشغل قبل ما ينزل. آدم: ياختييي يلا بدل ما يفش غله في. امل: يا خواف. آدم: أنا مش خواف بس خايف عليكي، أنتِ وهي هينفخكم لو لاقاكم واقفين كدا. امل: يالهوي يلا طيب. آدم: يخربيتك يا جبانة، مش طالعة ليها ليه؟ امل: اتنيل، دي مصيبة. فهد: انتوا لسه بتهزروا؟ آدم: عمال أقولهم يلا مش راضيين. فهد: لا والله. المهم قولتلهم على الحفلة بتاعت بليل. آدم: نسيت.

فهد: عارف، المهم الكل يتجمع هنا دقيقة. شهد: في إيه يا أستاذ فهد؟ فهد: بكرة هيكون في حفلة في الفيلا بتاعتنا بمناسبة نجاح أول تجربة في علاج، والكل تبع معزوم. شهد بصوت واطي: الله، أخيرًا هنشوف العز اللي عايش فيه. ملك: آه يابت، دول أغنى جدا. منه: بطلو انتوا الاتنين رغي بقى. شهد: مالكيش فيه، اسكتي انتي. منه: براحتكم. وسابتهم وراحت عند جاسمين وأمل. الكل: ألف مبروك يا أستاذ فهد، ومن تفوق لتفوق يارب.

فهد: يارب، يلا كله على شغله. جاسمين: أستاذ فهد، هو أنا كمان معزومة؟ فهد: أنتِ بالذات لو شفت وشك هنفخك هناك. جاسمين: هاجي، وريني هتعمل إيه، مكنتش حفلتك. فهد: بت انتي، أنا لسه مخدتش حقي منك مرة، لما دورك. جاسمين: مش هلم، وريني هتعمل إيه. آدم: بس انتوا الاتنين، يلا يا جاسمين نخلص شغل. وراح شاددها هي وأمل وراحوا يكملوا، وفهد دخل مكتبه. امل وهم قاعدين على السرير: امل: هتروحي بكرة؟ جاسمين: لسه بفكر، مش عارفة لسه.

امل: تعالي نروح، أهو نغير جو. جاسمين: طيب، لم يجي بكرة يبقا يسهلها ربنا، يلا ننام. امل: يلا تصبحي على خير. جاسمين: وأنتِ من أهل الخير. خديجة: ازيك يا طنط؟ عاملة إيه؟ مني: الحمدلله بخير يا روحي، أنتِ عاملة إيه؟ يعني مش بتيجي. خديجة: هاجي كيف؟ مش شوفتي فهد عمل في إيه آخر مرة. مني: تعالي بس بكرة عندنا حفلة، وحاولي تتصالحي انتي وفهد فيها، وقربوا لبعض. خديجة: عمالة أحاول من زمان، مش عارفة.

مني: تعالي بس وأنا ابقى أقولك تعملي إيه. خديجة: تمام، هاجي. مني: يلا أسيبك تكملي السهر بتاعتك، وأنا أروح ألبس عشان طالعة. خديجة: تمام يا طنط، سلام. مني: سلام.