رواية الحب الدائم رغم البعد الفصل الرابع 4 - بقلم جاسمين محمد

امل: ده كله تأخير ياهانم، ناسيه إنك سايبة واحدة أهيه مستنياكي هنا في الشمس. جاسمين: والله الموصلات اللي أخرتني، حقك عليا. امل: إنتي طول عمرك بتقولي كده. جاسمين: خلاص بقى حصل خير، يلا نروح نحضر محاضرة. امل: يلا ياختي، وحسابنا بعدين. جاسمين: حاضر، بس يلا. جاسمين: نعم يا دكتور.

_الدكتور: مبروك، إنتي بسبب نجاحك في الجامعة، العميد طلب إنك تشتغلي في شركات الأدوية المشهورة في إسكندرية وتكملي هناك تعليمك، وهتدربي في أكبر شركة هناك إنتي وأمل أحمد، ولو نجحتوا فيها هتسافروا السعودية وتشتغلوا في أكبر شركات هناك. جاسمين: بس أنا مينفعش أسيب أمي وإخواتي لوحدهم. _الدكتور: والله أنا ماليش فيه، انزلي اتكلمي مع عميد الكلية. جاسمين: تمام يا دكتور، شكراً. امل: إيه يا جاسمين، مش عايزة تسافري ليه؟

جاسمين: مينفعش أسيب أمي وإخواتي لوحدهم يا أمل وأسافر. امل: أخوكي معاهم وهو كبير، ده عنده 16 سنة يعني هيقدر ياخد باله منهم، وإنتي تكملي تعليمك، دي فرصة كبيرة إننا نشتغل في شركات المصري. جاسمين: خلاص هفكر، وبكرة أقولك قراري، بس بقى. امل: جاسمين، إنتي متعرفيش حاجة عن أهلك الحقيقيين؟ جاسمين: أهلي الحقيقيين، أنا عايشة معاهم وماليش أهل غيرهم، وياريت متجيبيش سيرتهم تاني، هم رموني ومسألوش عليا.

امل: وإنتي إيه عرفك إنهم رموكي، متظلميهمش يا جاسمين. جاسمين: مظلميهمش، حاضر يا أمل، يلا بقى نمشي. امل: نمشي فين؟ أنا جعانة، هنروح ناكل، إنتي مش جعانة ولا إيه؟ جاسمين: مليش نفس والله يا أمل. امل: إنتي سخنة يا جاسمين؟ بقا جاسمين ملهاش نفس؟ لا مستحيل. جاسمين: بس بقى هزار، والله بجد نفسي مسدودة ومليش نفس لأي حاجة، يلا روحي كولي إنتي وأنا هقعد بس كدا معاكي.

امل: لا خلاص، يلا نروح وإنتي فكري وردي عليا عشان المفروض إننا هنسافر الأسبوع الجاي. جاسمين: تمام، اللي كاتبه ربنا هيكون، يلا. امل: يلا. جاسمين: سلام عليكم، إزيك يا ماما. حنان: وعليكم السلام يا روحي، الحمد لله، إنتي عاملة إيه. جاسمين: الحمد لله، أدخل أرتاح شوية وأبقى صحيني. حنان: روحي يا روحي، ارتاحي. جاسمين: ماما، في حاجة عايزة آخد فيها رأيك إنتي وتيتا وأخويا. حنان: في إيه يا روحي.

جاسمين: الجامعة طلبت إني أسافر إسكندرية وأكمل تعليمي هناك، وهيشغلوني أتدرب في شركات المصري بتاعت الأدوية. حنان: بسم الله ما شاء الله يا روحي. _الجد: مبروك يا بنت ابني. أحمد: مبروك يا جاسمين يا حبيبتي. جاسمين: اهدوا بس، أنا هرفض ومش هروح. حنان: هترفضى ليه. جاسمين: عشان مينفعش أروح وأسيبكم لوحديكم، بابا وصاني عليكم قبل ما يموت، وأنا مش هقدر أسيبكم.

أحمد: لا هتروحي يا جاسمين وتحققي حلمك، إنتي كان نفسك تشتغلي في شركات فهد ومحمد المصري، وأهي جتلك الفرصة، عايزة تضيعيها وتتخلي عنها. جاسمين: كان نفسي أبويا كان عايش، أم دلوقتي أسيبكم إزاي. أحمد: جاسمين، روحي وحققي حلمك ومتخافيش، أنا معاهم وأنا بقيت كبير ورجل، ها أقدر أحميهم، ولا إنتي مش شايفة إني قد المسؤولية. جاسمين: أكيد لا يا روح أختك، بس إنت قدامك تعليمك. أحمد: وفيها إيه، محمود موجود وأنا وهو اهو مع بعض.

جاسمين: ربنا يديمكم لينا يا روحي، بس برضه مش هقدر أسيبكم، وروح. أحمد: هتروحي وأنا راجل البيت وكلامي يتسمع، بكرة تقولي للعميد بتاع الكلية إنك موافقة إنك تسافري. جاسمين: بس. أحمد: مبسش، يلا قومي ريحي شوية عقبال ما ماما تجهز الأكل. جاسمين: حاضر يا قلب أختك، وربنا يديمك في حياتي كلها يا رب يا روحي. أحمد: يا رب يا قلبي، ويديمك في حياتي. أحمد: هو أنا كده عملت الصح صح يا ماما.

حنان: أكيد يا قلب أمك، إنت كده أثبتلي صح إنك بقيت كبير ورجل يعتمد عليك، ربنا يخليك لينا يا رب يا قلبي. أحمد: يا رب يا مامي، ويخليكي لينا يا رب. حنان: يا رب، يلا اقعد أجهز الأكل عشان تاكل وتشوف هتروح فين. أحمد: ماشي. جاسمين دخلت الأوضة ورنت على أمل. جاسمين: سلام عليكم. امل: وعليكم السلام ورحمة الله وبركاته، ها عملتي إيه. جاسمين: هروح، أحمد قالي لازم تروحي وتحققي حلمك. امل: شفتي، قولتلك مش هيوافقوا إنك متروحيش.

جاسمين: بس أسيبهم إزاي يا أمل، عارفة أهو أحمد بكلامه كبر في نظري، بس مهم يكبر هو في نظري لسه صغير برضه وتعليمه هيتهتم بيه إيه ولا إيه. امل: متخافيش، كل حاجة ربنا كاتبها وعارف إيه هيحصل. جاسمين: يا رب خير إن شاء الله، أروح أنام شوية وبليل نبقى نتكلم. امل: تمام يا حبيبتي، سلام. جاسمين: سلام. محمد: فهد، في خمس طلاب هييجوا يتدربوا هنا في الشركة، عايزك تحط عينك عليهم عشان آدم ومروان اللي هيبقوا بيدربوهم، أحسن يحصل حاجة.

فهد: طيب ما آدم ومروان معاهم أب، لازمته إيه أنا بقى. محمد: إنت عارف إن آدم ومروان طايشين، أحسن يتلهوا في معاكساتهم ويحصل حاجة. فهد: طيب هييجوا إمتى دول. محمد: هييجوا يوم الأحد الأسبوع الجاي، بس هيبدأوا هنا شغل يوم التلاتة، عشان عقبال ما يظبطوا نفسهم ويروحوا الجامعة بتاعتهم عشان هيتنقلوا هنا كمان في الجامعة، تابعنا. فهد: كمان، تمام، بص بقى، أنا هنا معاك من الصبح، أروح أضيع شوية وقت 😉😉.

محمد: وحياة أمك، اترزع ياض، قال أروح أضيع وقت قال، في شغل يا أستاذ، اقعد هنا. فهد: ليه بس بتكلمني كده، ده أنا زي ابنك والله، وإنت مكنتش بتضيع وقت وإنت قدي يعني، سيبني بدل ما أحرش ماما زينب عليك 😉😉. محمد: وإنت اتلم وخلي بالك من شغلك عشان مقولهاش وأحرشها عليك وأقولها إنك بتسهر بر لحد الصبح. فهد: والله أنا غلطان أصلاً إني قاعد معاكم هنا، أنا هسافر السعودية تاني مثلاً قريب.

محمد: ههههه، بعد ما تدرب الطلاب ابقى روح، أصلاً زينب عايزة هي كمان ترجع. فهد: ابقى أرجع أنا وزنوبتي حبيبتي، وخليك إنت هنا وعقارب والتعبانين اللي معاك. محمد: اتكلم عن أمك وأبوك حلو، عيب. فهد: طيب أروح أشوف آدم ومروان بيعملوا إيه، لما أشوف آخرتها. محمد: تمام، روح.