رواية الحب الدائم رغم البعد الفصل السابع 7 - بقلم جاسمين محمد

ادم: طيب يالا تعالي يا جاسمين انتي و أمل اركبوا في العربية معايا أنا و فهد. جاسمين: تمام. وراحت ركبت هي و أمل. في الطريق كلهم ساكتين. ادم: صح انتوا كنتوا اللي مسوين الكام السنة اللي فاتت لما الجامعة رشحتكم وسافرتكم هنا؟ أمل: جاسمين طالعة الأولى ومش ناقصة ولا درجة، أنا بقى ناقصة درجة. ادم: واو، جميل جداً، ربنا يوفقكم. أمل: يارب، شكراً.

جاسمين و فهد ساكتين ومش طايقين بعض خالص لحد ما وصلوا ونزلوا من العربية. هو مرضيّش ينزل وساب ادم و مروان، عرفوهم على غرفهم وسابهم ومشي بالعربية. وراح مكان مفهوش حد خالص. فهد: أنا إزاي أبص لها وأسرح فوق؟ يا فهد أنت مش هتحب غيرها. وفضل يخبط على العربية بتاعته. في الفندق، جاسمين و أمل في أوضة، وملك وشهد ومنه في أوضة. أمل: جاسمين نمتي؟ جاسمين: لا، لسه، في حاجة؟ أمل: شوفتي ادم مزز كيف يا بت؟

جاسمين: أمل، اتخمدي وبطلي هبل زي التانيين. أمل: هبل إيه؟ والله مزز، ولا فهد مزز أوي كمان، يالهوي على عيونه وعلى دقنه، ولا عضلاته، يالهوي! 🙈🙈🙈 جاسمين: أمللللل! اتخمدي. وراحت حاطة المخدة على راسها ونامت. الصبح. محمد: انتصار، يانتصار. انتصار: أيوه يا بيه. محمد: اطلعي صحي ادم وفهد عشان يمشوا معايا. انتصار: بس يا أستاذ فهد مكنش نايم النهارده هنا في الفلة. محمد: كيف ده؟ أمال بات فين؟ ولسه بيتكلم، فهد دخل من الباب.

انتصار: أهو جه أهو. منه: كنت فين يا أستاذ؟ فهد مردش عليها وسابها ومشي. محمد: فهد، كنت فين؟ فهد: ليه، في حاجة؟ محمد: أنت شارب صح؟ فهد: آه. محمد: برضو ناوي تسهر وترجع وش الصبح وتشرب، يافهد؟ فهد: عادي، وانتوا مالكم؟ محمد راح ضاربه بالقلم على وشه: هو إيه اللي مالكم؟ أنت مش فايق؟ أنت بتقول إيه ولا إيه يا فهد، فوق كدا. فهد: هطلع آخد دش. محمد: تاخد دش وتيجي ورايا على الشركة عشان التدريب هيبدأ النهارده.

فهد: خلي ادم و مروان يدربوهم النهارده، وأنا أبقى أبدأ معاهم من بكرة. محمد: اخلص واطلع خد دش وتعال ورايا. فهد: خليك روح، وهاجي وراك. محمد: تمام. انتصار. انتصار: نعم. محمد: اطلعي شوفي ادم وخليه يجي ورايا. انتصار: حاضر. ــــــــــــــــــــــــــــــــــــــــــــــــــ جاسمين: خلي يامل، أنا خلصت من بدري. أمل: خلاص أهو، بس أوعي، أوعي! أي الشياكة دي، قمر، يخربيتك! وغمزتلها. جاسمين: دي أقل حاجة عندي. 😂😂😂

أمل: لا والله، محسساني إني معرفش جاسمين، بس بجد قمر والله يا بنت. أي وهتخطفي الجو. جاسمين: الله يخربيت الجو بتاعك ده، أنا جاي للتعليم بس، انتوا جايين للجو. أم أنا نو، واخلصي عشان أكيد التانيين هيتأخروا. أمل: ماشي، يلا. جاسمين: ها، خلصتوا؟ شهد: آه، بس أظبط الطرحة وخلاص. جاسمين: ماشي، بس بسرعة، هنتاخر. شهد: حاضر، اهو. يالا. جاسمين: يالا. ــــــــــــــــــــــــــــــــــــــــــــــــــــ انتصار: أستاذ ادم.

ادم: أيوه يا دادة. انتصار: أستاذ محمد مشي قدامك على الشركة وبيقولك روح وراه ومتتأخرش عشان البنات اللي جاي تدرب. ادم: تمام، أنا خلصت لبس ورايح اهو. انتصار: تمام. وماشية خبطت في فهد. انتصار: أنا آسفة يا فهد يا ابني، بس مخدتش بالي. أنت لحقت أخدت دش ولبست؟ فهد: آه يا دادة. أروح أشوف ماما وأروح على الشركة. انتصار: آه، روح والنبي عشان هي سألت عليك بليل وأنا قولتلها إنك جيت تعبان ونمت، ومرضيتش أقولها إنك كنت سهران.

فهد: تمام، شكراً. أروح أشوفها وأمشي. انتصار: ماشي يا بني، روح. فهد خبط على الباب وفتحوا ودخل: ماما صاحية؟ _آه. فهد: صباح الورد يا ست الكل. زينب: 😒😒😒 فهد: بتبصيلي ليه كدا؟ عارف إنك زعلانة إني مجتش بليل، بس راحت عليا نومة. زينب: أنت مكنتش نايم، أنت كنت سهران بر، صح؟ فهد نزل عيونه في الأرض: آه، كنت سهران. نفسي أعرف أكدب عليكي، بس دايماً مش بعرف. آسف.

زينب: دايماً بتقول كدا وبتسهر. أنا آه قاعدها على الكرسي، بس ببقى عارفة كل حاجة وأنا قاعدها مكاني. فهد: ياواد يا جامد، أنت إزاي؟ زينب: مالكش فيه، واصلاً مش بكلمك، يلا امشي. فهد بتمثيل إنه زعلان: بقا كدا؟ عايزاني أمشي حتى من غير ما تديني البوسة بتاعت الصبح والدعوة الحلوة؟ زينب: مع إنك بتمثل، بس بتصعب عليا. عامل زيها، كانت بتمثل عليا ومكنتش بقدر أستحمل. 🥺🥺 فهد: متزعليش، إن شاء الله هنلاقيها، بس ادعي.

زينب بعياط: بدعي من زمان ومش راضي ترجعلي. فهد: إن شاء الله هترجع عشاني أنا وانتِ بس، استني وقولي يارب. زينب: يارب. فهد باس على راسها: يارب. أروح بقا الشركة، هتعوزي حاجة؟ زينب: عايزة سلامتك يا روحي. فهد: تسلميلي يا زنوبتي يا عسل. سلام. زينب: سلام. ـــــــــــــــــــــــــــــــــــــــــــــــــــــــــــ جاسمين: هي دي الشركة؟ حد يرن بقا على أي ادم أو أي حد عشان مش هنعرف ندخل. شهد بتريقة: رني على ادم يا امل.

أمل بقرف: حاضر يا شهودي. ومسكت التليفون ولسه هترد، لقت ادم نازل من العربية. جاسمين: بس ادم اهو. ادم: انتوا واقفين ليه كدا؟ جاسمين: فين صباح الخير ولا سلام عليكم يا أستاذ ادم؟ ادم: آسفين يا شيختنا. صباح الخير وسلام عليكم. في حاجة تاني تتقال أقولها؟ جاسمين: لأ، كدا فلة. ادم: الحمد لله. 😂😂 المهم، واقفين ليه كدا؟ أمل: مش معانا أي إثبات يخلينا ندخل. ادم: آه صح. طيب، يالا ندخل، وابقا أطلعلكم الإثبتات. جاسمين: تمام، يلا.

البنات الخمسة دخلوا مع ادم، وادم بدأ يعرفهم على المكتب اللي هيبقى ليهم المشترك، وبعدين أخذهم ونزلهم المعمل تحت. ادم: هو ده المعمل اللي شغلنا هيبقى فيه. ملك: يالهوووي! ده كبير جداً، وإيه الناس دي كلها؟ ادم: ههههه، دول ناس بتتدرب زيكم وجايين من كل الأماكن عشان الشركة عالمية. جاسمين: آه، حلو أوي. إحنا هنبدأ من النهارده، صح؟ ادم: آه، بس تعالي نطلع نروح عند أستاذ مروان الأول، وبعدين نشوف هتبدأ النهارده ولا لأ.

جاسمين: اشطا، يلا. وهم طالعين، جاسمين: ااااه! جاسمين: مش تفتح يا عمه؟