رواية الحب الدائم رغم البعد الفصل التاسع 9 - بقلم جاسمين محمد

ادم: دي أمل وجاسمين الطلاب اللي جت من مصر. محمد: آه. ومد يده يسلم عليهم، وجه عند جاسمين وفضل ماسك إيدها شوية. جاسمين: ممكن تسيب إيدي؟ محمد: أهااا، آسف يا بنتي. شرفتونا. جاسمين: شكراً. محمد: إنتي اسمك جاسمين محمد صح؟ واللي طالعة الأولى؟ جاسمين: آه. محمد: ربنا يوفقك يا رب. ادم: بابا، هم عايزين يمشوا وبكرة يجوا يبدأوا بقى، لأنهم مكنوش مستعدين يبدأوا النهاردة. محمد: تمام، ماشي. جاسمين: شكراً. يلا يا أمل بعد إذنكم.

محمد: اتفضلوا. ادم: أنا هروح معاهم. محمد: تمام، روح. بعد ما مشوا. فهد: عمي، عمي، عمي. محمد: ها؟ فهد: في إيه؟ محمد: البنت دي ذكرتني بيها. فهد: بمين؟ محمد: حياة. فهد: كيف ده؟ محمد: معرفش، بس مش عارف في إيه شدني ليها وفكرني بحياة. فهد: طيب، العمل إيه دلوقتي؟ محمد: معرفش. سيبها، بس خلي عينك عليها. فهد: تمام. أنا رايح مشوار دلوقتي، ونتقابل بالليل. محمد: تمام. فهد طلع ركب العربية وطول الطريق بيفكر في طلاق عمو وجاسمين.

فهد: ممكن تطلع هي. بس لو هي مغيرة اسمها ومعرفتناش كيف، أكيد الشعور اللي بيجيلنا ده تأثير إنها وحشتنا وعاملين نفكر فيها. بس. وراح ماسك التليفون ورن. فهد: ألو؟ كنتي رانّة ليه كذا مرة عليا؟ _وحشتيني أوي يا فهد. الليلة امبارح كانت حلوة خالص، أنا مستحيل أنساها. فهد: الليلة إيه يابت انتي؟ انتي تنسي امبارح كله. انتي سامعة؟ وإياك أشوفك قدامي ولا أسمع حاجة عن امبارح. _ليه بس بتقول كده؟

أنا مزعلتكش في حاجة. واللي طلبته كنت بديهولك من غير ما أفتح بوقي. فهد: متعمليش عليا الشريفة وتختاري تنسي امبارح. ولو تنسي روحك. _روحي لع. خلاص حاضر، هنسى امبارح. فهد: أيوه كده. شاطرة يا مزة. سلام. _سلام. جاسمين: أمل، أنا جعانة. أمل: هههه، إنتي طول عمرك جعانة. تعالي نطلب أكل وتعالي احكيلي، فيكي إيه متغير شوية من ساعة ما جينا. جاسمين: ها، مافيش حاجة. أمل: على أمولة، استني بس. ورفعت سماعة التليفون.

أمل: ممكن تجيبولنا العشاء؟ وراقحت قفلت السماعة. أمل: احكي بقى. جاسمين: مش عارفة. كل ما أشوف حد منهم بحس بحاجة ناحيتهم. أمل: حد مين وإيه؟ جاسمين: آدم وفهد وأستاذ محمد. أمل: بتحسي بإيه؟ جاسمين: بحس إني أعرفهم، بس كيف معرفش. أمل: يالهوي! بقا بتحسي إنك تعرفي دول؟ إنتي تعرفيهم منين دول؟ دول بصّيلي على النبي أغنيا جدا. جاسمين: خمسة وخميسة. يخربيتك. وأنا غلطانة إني حكيت. أمل: لأ خلاص، خلاص. كملي.

جاسمين: أول ما شفت آدم في المطار حسيت بحاجة كأني عارفاه. وأول ما شفت فهد برضه كده، وكأني عايزة أحضنه. عشان كده كل ما أشوفه كده بحاول أتمالك أعصابي وأعمل أي حاجة، فبشتمه. وأستاذ محمد شعور غريب جدا برضه. مش عارفة يا أمل في إيه، هتجنن. أمل: وأنا كمان معرفش. غريبة. لما تشوفيهم التلاتة وتحسي ناحيتهم شعور مختلف. جاسمين: أمل، أنا هطلع أتمشى على البحر. مش عايزة أقعد. أمل: والأكل؟ جاسمين: مش ليا نفس. أتمشى شوية وابقا أجي.

أمل: تمام يا حبيبتي. جاسمين نزلت تتمشى، ولقت ست عجوزة قاعدة. الست: ازيك يا بنتي. جاسمين: الحمدلله بخير. إنتي تعرفيني؟ الست: لأ. احكيلي مالك. جاسمين: ماليش، أنا كويسة. الست: لأ، إنتي مش كويسة ومشتتة. وفي كلام كتير عمال يدور في عقلك. جاسمين: وإنتي إيه عرفك؟ الست: يا بنتي، أنا بعرف كل حاجة. قوليلي فيكي إيه.

جاسمين: مش عارفة مالي. شفت مديري وعياله، حسيت بشعور غريب ناحيتهم. كأني أعرفهم من زمان، بس أنا معرفهمش. وأول مرة أشوفهم. الست: فكري براحة بس، وإنتي هتعرفي كل حاجة. لسه الأوان مجاش عشان تعرفي الحقيقة. اصبري إنتي بس. جاسمين: حقيقة إيه؟ الست: الحقيقة اللي ربنا عارفها. روحي نامي يا بنتي وبطلي تفكير. جاسمين: عرفيني الحقيقة طيب. الست: لسه الأوان مجاش. روحي يا بنتي نامي. جاسمين: حاضر.

وسابتها ومشت وهي متشتتة أكتر من اللي الست قالتهولها. في الأوضة. أمل: كنت لسه هروح أشوفك. جاسمين: ... أمل: جاسمين، مالك؟ جاسمين: ها، ماليش. عايزة أنام. وراقحت على سريرها ورقدت وفضلت تفكر في كلام الست. فهد ماشي على البحر. الست: عاش من شافك. إيه فكرك بالبحر النهاردة؟ فهد: أخبارك إيه؟ الست: الحمدلله، في نعيم ربنا. إيه جابك؟ فهد: إنتي بتعرفي لما فهد بيجي هنا بيكون ليه؟ الست: عشان متشتت وبيفكر في حياة. فهد: فعلاً.

الست: بتفكر في إيه؟ فهد: مش عارف. بس في بنت جديدة جت تشتغل عندنا. وكل ما أقرب منها أحس بحاجة ناحيتها. خايف أكون بحبها. وأنا مستحيل أحب حد غير حياة. الست: متخافش يابني، إنت مش هتحب غير حياة. اطمن. فهد: وإنتي إيه عرفك؟ والإحساس ده إيه؟ الست: هتعرف كل حاجة مع الأيام. فهد: هعرف إيه؟ الست: اللي شاكك فيه ومشتتك. فهد: فهميني قصدك إيه. الست: الأيام هتفهمك. وسابته ومشت.