رواية الحب الحقيقي الفصل الثالث 3 - بقلم أمل زكي

حسام بصدمة بعد ما سمع صوت يعرفه كويس. إسراء بسخرية وبتتكلم في الفون: لا والله يا بيبي ده بقي شكله وحش وأعمى مش عارفة خدته على إيه، دي هتلاقيها مش حلوة عشان كدا لابسة القرف ده. سدرة مردتش عليها وكأنها هوا، وده ضايق البنت المقرفة دي. وكملت كلامها في الفون: يا بيبي دي شكلها خرسة كمان. وأكملت بسخرية: تلاقيهم لايقين على بعض عشان كدا وافقت بيه. حسام جه يرد، ردت سدرة بداله.

سدرة وهيه بتلف حواليها: آه ملزقة بقي وبويا وقرف ولا خجل ولا حياء، يا ترى لو حصل لها حادثة ولا حاجة وفقدت جمالها ده هتعمل إيه؟ لا ما أعتقدش إنها تفكر في ربنا. عالعموم يلا يا حبيبي عشان أنا عايزة ارتاح يا روحي، لإحسن الدبان كتر. وخدت حسام المبتسم على عقل زوجته، والأم هناء طلعت مبتسمة. بعد ما طلعوا، دخلت الأم هناء أوضتها بتعب بعد ما استأذنتهم. حسام بأمل: سدرة، في أمل أعمل العملية وتنجح؟

سدرة بمرح: بس كدا يا اسطا، هتبقي أجمل من الأول ومش هلاحق أضرب مين ولا مين. حسام ضحك بمرح وبعدها اتكلم بجدية: لا بجد، في أمل؟ سدرة بأمل: أملي في ربنا كبير، وبعد أسبوع هنروح نعملها. نسبة النجاح 89%، نسبة عالية وإن شاء الله ربنا يقدم الخير. أسبوع عدى هوا، وجه يوم العملية. حسام بخوف: لو ربنا ما رادش مش هتسيبيني صح؟ سدرة بدموع ومرح: أسيب مين يا اسطا بس؟ إن شاء الله خير. ودخل العملية. بعد 4 ساعات.

الدكتور بتعب خرج لهم: كمان ساعتين كدا هنفك الشاش نتأكد من نجاح العملية وإن شاء الله خير. انتظروا. ساعتين عدوا بصبر ودعاء. دخلوا والدكتور فك الشاش بالراحة. الدكتور: دول كام يا حسام؟ حسام بتشويش: خمسة. سدرة بفرح ودموع جريت حضنته. الدكتور خرج هوه والأم هناء وحبوا يديهم مساحة. سدرة بفرح: مبروك. حسام بحب: بحبك. بعد 5 سنين.

حسام وسدرة والأم هناء وبنت 3 سنين وولد سنتين قاعدين يتفرجوا على التي في، وحسام غير القناة للأخبار بعد ما الكرتون خلص والأم هناء قامت تاخد الأطفال. خبر عاجل: انتحار فتاة بعد حادثة بشعة لها ومكالمة من صديقها بعد حب 5 سنوات يخبرها بقبحها وكم أصبح يكرهها. حسام بحب حقيقي: بحبك. سدرة بخجل وتنظر لبطنها المنتفخة: وأنا كمان. حسام بوقاحة: ما تيجي أقولك كلمة سر. سدرة بصراخ وبتشد شعر حسام: آآآآآآآه الحقني.