رواية الحب المميت الفصل السادس 6 - بقلم امينة إبراهيم

فات ٨ شهور معرفش عنه حاجة. ٨ شهور بموت فيهم من بعده. يا ريته سمعني. يلا الحمد لله. فوقت على صوت مرات عمي. = يلا ي بنتي، متابعة الدكتورة علشان نطمن على العيال. -حاضر ي ماما. وقمت البس. صحيح نسيت أقولكم إني حامل. عرفت ده بعد ما سابني بأسبوع. كانوا عاوزيني أنزلهم لأنهم خطر عليا. أصلي اكتشفت إن عندي ثقب في القلب، والولادة والحمل غلط عليا. بس إزاي عاوزيني أموت؟ حتة مني. إزاي أموت عيالنا؟

دي الحاجة الوحيدة اللي سابهالي. ده اللي هيفضل معايا بعد ما سابني وكسرني. مينفعش. حتى لو هموت وهما يعيشوا. على الأقل هسيب ليه حاجة تفكره بيا. لبست ولسه خارجة من الأوضة لقيته واقف قدامي بيحضن مامته. يا آآآه. شوفته قبل ما أموت. بقي أحلى بدقنه اللي كبرت. هو أساسًا حلو في كل حالاته. الدموع اتجمعت في عيوني وقولت لنفسي: فوقي. خلاص. ده طلقتك وسابك. حتى مهنش عليه يسمعك. = وحشاني أوي ي ماما. وفين بابا؟ وحشيني كلكم.

ببص لقيت عمو داخل. اتعصب. راح ناحيته وضربه بالقلم. وبعصبية: = إنت إيه اللي جابك هنا؟ ليك عين؟ -آسف والله. آسف ي بابا. عارفة غلطي. دي كانت لعبة عملها سيلين علشان أطلقها. = وطلقتها؟ استريحت بقي. يا آآآه. عرف إنها مظلومة بعد ده كله. والله كتر خيره. عيوني بتدور عليها. لقيتها واقفة زي الوردة الدبلانة. معقولة هتسامحني؟ بصيتها ليا بتقتلني. ثواني. إيه ده؟ هي حامل؟ معقول اتجوزت وكمان حامل منه؟ قربت منها.

= إنتي اتجوزتي وحامل كمان؟ -إنت مالك؟ حاجة متخصكش. = لا يخصيني ي هانم. -إنت إيه ي أخويا؟ ارحمني بقي. توجعني وتكسرني وترجع أسامحك؟ إيه؟ ارحمني. لقيتها فجأة صرخت وأغمي عليها. بابا وماما جريوا عليها. ومش بتفوق. شيلتها ورحنا المستشفى. وصلنا المستشفى والدكتورة دخلت تشوفها. قعدت متوتر. خايف عليها. = إيه اللي رجعك تاني؟ -آسف والله. آسف. ندمان. = بعد إيه؟

تصدق إن أنا معرفتش أربيك. مراتك، رغم إنها عارفة إن الحمل خطر عليها، فضلت محتفظة بيه. وإنت بسهولة طلقتها. -صدمة. هما ولادي؟ = أيوه ي أخويا. والله لو حصل فيها حاجة مش هرحمك. -متردد. ه... هو فيها إيه؟ = يقلب أمها. عندها ثقب في القلب. ربنا يسامحك ي ابني على اللي عملته فيها. "نعم؟ هما بيهزروا صح؟ هيا أكيد كويسة. ولا مقلب فيا علشان يعاقبوني." لقينا الدكتورة خارجة. جريت عليها. = هيا عاملة إيه؟

= ما أنا قلتلكم كذا مرة ي جماعة، ابعدوها عن أي توتر أو زعل. علشان الحمل خطر عليها لوحده. للأسف، هيا هتفضل هنا في المستشفى لحد ما تولد. وسابتنا ومشيت. دخلت أشوفها. لقيتها نايمة. وشها باهت. معقولة استحملت ده كله؟ أنا غبي. وأستاهل اللي يحصلي. وبعياط: = يارب احميها. مليش غيرها. لقيتها بتفوق. "فوقت لقيته جنبي. ماسك إيدي. إيه ده؟ معقولة أدهم بيعيط؟ وعلشان مين؟ علشاني؟ = أنا آسف ي حبيبتي. آسف. سامحني. وحياة عيالنا. آسف.

ضحكت بغلب. -أسامحك؟ أسامحك على إيه بالظبط؟ أسامحك على إنك طلقتني من غير ما تسمعني؟ ولا أسامحك على إني كنت محتاجاك جنبي وأنا تعبانة في الحمل؟ أسامحك على إهانتك ليا؟ أسامحك على إني كنت محتاجاك زي أي واحدة؟ ولا على كسرتي وإني مكنتش عارفة أفرح إني حامل؟ قولي على إيه بالظبط. نزل راسه. لقيته بيعيط. مقدرتش أستحمل. مسكت إيديه وقولتله:

-مسامحاك. أيوه هبلة وسامحته. علشان بحبه. لإن أول طفل ليا. ده ابني اللي مخلفتهوش. مينفعش مسامحوش. مينفعش الأم تزعل من ابنها مهما عمل. عدى أسبوعين. وهو جنبي. أكتر بيخاف عليا. طلعت عينه الصراحة. كان مستحمل عصبيتي وتعبى الجامد. قرب معاد الولادة. الصراحة، هو كان متوتر وخايف أكتر مني. = أدهم. -عيونه. = خايفة. -متخفيش ي قلبي. أنا جنبك دايما. بابتسامة. = ربنا يديمك ليا. -ويديمك ويحميكي ليا يا رب. = أدهم. عاوزة أقولك حاجة.

-مالك ي روحي؟ = أدهم. لو مخرجتش. خلي بالك من عيالنا. وقولهم إني بحبهم أوي. وربيهم كويس. وصاحبهم وحبهم. خليك معاهم دايما. ولو اتجوزت من بعدي. متحبهاش أكتر مني. عشان بغير عليك. إنت فاهم؟

حبها شوية صغيرين. وخليني في قلبك دايما. متنسنيش. وادعيلي. ولو نسيتني هاجي في الحلم أعضك. أنا بقولك أهو. متنسنيش. وخل بالك من عيالنا. واعرف إني حبيتك أوي. لو طلع ولد سميه أنس. ولو بنت سميها على اسمي. لو مخرجتش. وأوعى تنساني. وادعيلي دايما. وخليني في قلبك. رد بعياط. = هتخرجي. وهنربيهم سوا. بطلي هبل. إنتي قدها.

لقيت الدكتورة داخلة تقولي: اجهزي علشان أولد. مش مصدقة إني هولد خلاص. فرحانة إن أدهم جنبي. حتى لو جرحني. مش مهم. المهم إنه جنبي دلوقتي. "ادهم." دخلت أوضة العمليات. عدى ساعتين ومحدش خرج. أنا خايف. لأ أنا مرعوب. يا رب قومها بالسلامة. أنا مليش غيرها. يا رب. لقيت الممرضة خرجت. جريت. لقيتها بتقولي: = ألف مبروك. جابت بنت وولد. يتربوا في عزك. -مراتي عاملة إيه؟ هيا كويسة؟ = الولادة صعبة عليها. ادعيلها.

بعد شوية. لقيت الدكتورة خارجة. جريت بلهفة. -مراتي عاملة إيه ي دكتورة؟ بصتلي وقالت: = البقاء لله. شد حيلك. بعياط وعصبية. -إنتي عبيطة؟ بتقولي إيه؟ جريت على الأوضة. لقيتهم مغطين وشها. صرخت.

-إنتو أغبية. هيا عايشة. بس. بتحب تهزر معايا. بس. قومي بالله عليكي. متسبنيش لوحدي. آسف على كل حاجة. آسف على كل مرة زعلتك فيها. آسفة على كل مرة نمتي فيها بتعدي بسببي. قومي يلا علشان نربي عيالنا. آآآآآآآآآآه. متسبنيش لوحدي. محتاجاك جنبي. إنتي الملاك اللي نور حياتي. قومي بالله عليكي. مليش غيرك. "وقتها افتكرت كلمتها: هتندمي وتيجي تدوري عليا مش هتلاقيني ي أدهم. وهتندمي جامد أوي. وندمك مش هيفيد. يا ريتني سمعتها."

عاوزة أقول: محدش يسيب حد بيحبه. لإن أوقات ممكن نمشي. نيجي نرجعله منلقهوش. حافظ على اللي معاك مهما كان مين. مش قصدي كحب. لأ. صحابتك. بتحبيها. مامتك. باباك. أي حد. علشان منرجعش نندم. ومش هيفيد الندم بحاجة. وقتها. حافظ على اللي في إيدك. عشان مش بيتعوض. مش مجرد خناق أو سوء تفاهم. يخسرك شخص. هتندم طول عمرك إنك مش هتشوفه تاني. ودا كان هدفي من الرواية. أتمنى تكون عجبتكم. واتعلمتوا حاجة منها.