رواية الحب ديما يغلب الشر الفصل الحادي والعشرون 21 - بقلم جاسمين محمد

زينب: ماشي يا روحي يا حبيبتي. ولسة هتمشي، حور راح اغمي عليها. زينب بخضة: حور! وجرت مسكت التلفون ورنت على أحمد. أحمد: أي يا زينب، في حاجة يا حبيبتي؟ زينب: أحمد الحقني، حور اغمي عليها. أحمد خد مفاتيح العربية وطلع جري على البيت بالعربية. في المستشفى. أحمد: ها يا دكتورة، حور مالها؟ اغمي عليها ليه؟ الدكتورة بابتسامة: اطمني، هو شي عادي إنها يغمى عليها. أحمد بص لزينب باستغراب. زينب: عادي إزاي يا دكتورة؟

الدكتورة: أي واحدة حامل لازم يغمى عليها، إيه مالكم؟ أحمد هو وزينب بصوا لبعض بصدمة، ورجع أحمد بص للدكتورة. أحمد بصدمة: انتي بتقولي إيه؟ حور حامل؟ الدكتورة: آه، وكمان البيبي كويس ومافيش خطر عليه. أووي بس لازم ترتاح. أحمد: قولي والله إنها حامل. الدكتورة بضحك على منظر أحمد: والله حامل. أحمد حضن زينب وبفرحة: أخيراً هكون أب. زينب بفرحة: وأنا هكون عمتو. أحمد: بس هي ليه ما فاقتش لحد دلوقتي؟

الدكتورة: أنا مديها حقنة، وخمس دقايق وبتفوق، بس في كذا حاجة لازم تعرفها. أحمد رجع قعد على الكرسي بخوف واستغراب: إيه هي الحاجات دي؟ الدكتورة: متخافش، بس إنت عارف إن دي معجزة من معجزات ربنا إنها تكون حامل والطفل يكون كويس ومافيش خطورة أووي. أحمد: آه فاهم. الدكتورة: يبقى هي مينفعش تتحرك كتير، والأحسن إنها تفضل راقدة وحركتها متكونش كتير أبداً لحد ما تولد. أحمد: بس كدا، حاضر.

الدكتورة: آه، بس اطمن بقى عشان وشك بقى لونه أحمر. أحمد: ههههه، معلش، ممكن ناخدها ونروح؟ الدكتورة: أكيد. أحمد شال حور ونزل، حطها في العربية وركب هو وزينب ومشوا. وهو سايق، حور بدأت تفتح عينها. حور بتعب: أنا فين؟ أحمد: متخافيش، إنتي معايا. حور باستغراب: أنا إيه جابني العربية؟ وكنا فين ورايحين فين؟ أحمد: وصلنا البيت، انزلي وندخل وهتعرفي كل حاجة. حور نزلت ولسه هتمشي، أحمد قرب منها وشالها في الشارع.

حور بسخرية: أحمد نزلني، الناس بتبص. أحمد: قولتلك قبل كدا مالكيش دعوة بالناس. وراح دخل بيها وطلع بيها على فوق. حور: نزلني بقى وفهمني في إيه. أحمد قرب من ودنها وحط إيده على بطنها وبصوت واطي: هنا في نونو صغنن. حور بصتله بدهشة ومش مستوعبة: إنت بتقول إيه؟ أحمد: بقول إن أنا هبقى بابا وإنتي هتكوني ماما. حور جت تتنطط من الفرحة، أحمد مسكها. أحمد: أهدي، مش ناقصين وحياة النبي.

حور حضنته وبفرحة: أخيراً يا أحمد، ربنا استجاب لدعوتنا. أحمد بحب: آه يا روحي، أخيراً. بصي بقى، الدكتورة قالت إنك متحركيش خالص لحد ما تولدي، والطفل كويس، متخافيش. حور بحب: حاضر. بعد سبع شهور في المستشفى. حور عمالة تصوت: انت السبب يا أحمدددد، منك لله، اااااااه. أحمد: وأنا كان ذنبي لوحدي؟ حور بصويت: مش انت اللي عايز عيال، اااااه. أحمد: يعني هو أنا عايز لوحدي؟ ماهو إنتي أكتر مني، بس أهدي بس ومتخافيش.

حور: بكرههههه يا أحمد، بكرههههه. ودخلت أوضة العمليات. أحمد واقف رايح جاي وعمال يدعي وخايف، هو وزينب وخالد قدام أوضة العمليات. خالد بمسخرة: يابني أنا ليه حاسس من الخوف اللي في وشك إن انت اللي هتولد مش اللي جوه. زينب: ههههههه، حصل والله يا خالد. أحمد: اتلموا انتوا الاتنين عشان مزعلكمش. وبيبص سمع صوت عيل صغير. أحمد بفرحة: خالد، سامع الصوت؟ ولدت، ولدت! وحضن خالد بحب.

وبيبص لقى الممرضة طالعة وشايلة طفل في إيدها، وادته لأحمد. الممرضة: ألف مبروك، المدام جابت بنت. أحمد شاله ومشاعره مليانة فرح وحب. شاله وباسه: حور عاملة إيه؟ الممرضة: بتولد الطفل التاني. أحمد بص لزينب وخالد بدهشة، وسمع صوت الطفل التاني، والممرضة طالعة شايلة. الممرضة: ألف ألف مبروك، المدام جابتلك ولد. زينب قربت شالت الولد من الممرضة، وبصت لأحمد، وأحمد باسها. خالد قرب منه وبفرحة: ألف مبروك يا خوي.

أحمد: الله يبارك فيك يا حبيبي. حور نقلوها من أوضة العمليات لأوضة تانية. أحمد دخل عليها وهو شايل البنوتة، وزينب قربت من حور وادتها الصبي. وأحمد قرب منها وبحب: ألف مبروك يا قلبي. حور: الله يبارك فيك يا روحي. زينب وخالد: احم احم. زينب: أه صح، هتسموهم إيه؟ أحمد: البنت هيكون اسمها مليكة. حور: والولد اسمه مالك. حور بصت لأحمد بحب: أحمد بحبككك أوي. أحمد: وأنا بعشقك ياحوريتي.

"ربنا دايماً بيعوضنا بس لما بنصبر ونتحمل، الصبر وعلى قد صبرنا بيدينا الفرج."