رواية القاصرات الفصل الرابع عشر 14 - بقلم آيات عبد عبد الرحمن

ليل طلبت من الدكتور ينادي رواد عشان تقوله على وصيتها. "دي أمانة في رقابته لحد يوم الدين، عشان لو لا قدر الله حصل لي حاجة، تبقي متطمنة وأنا بقابل ربي." رواد دخل وعيونه متجمعين فيهم الدموع. قعد جنبها ومسك إيديها وباسها، ورفع إيده وحطها على رأسها وقال: "كنتي عايزة إيه يا ليل؟ الدكتور قال إنك رافضة تدخلي العمليات." اتكلمت ليل وهي مش قادرة تتكلم، بس حاولت تضغط على نفسها شوية:

"وصيتي يا رواد، إن لو حصلي حاجة، هتقسم أملاكي نصين. نص ليك، ونص هتوزعه زي ما هقولك." "ماتقوليش كده يا ليل." "اسمعني يا رواد، مفيش وقت." رواد بدموع: "كملي." "هتبني مسجد في الصعيد في قرية *****، ومستشفى، وتكتب عليهم صدقة جارية على روح حسين محمد الصعيدي." "انتي بتقولي إيه؟ ده عذابك كتير أوي في حياتك."

"هو أبو بناتي، الله يسامحهم ويسامحه ويغفر لي. وهتتبرع بجزء لدار أيتام *****، وهتجهز 3 عرائس زي ما كنت بعمل كل شهر. وماتخليش بنت فيهم تمشي في جنازتي، واذكرني دايماً في دعائك عشان ماليش حد يدعي لي غيرك." وهنا رواد انهار وماقدرش يتحمل. "أرجوكي كفاية عشان خاطري. بقي ياليل." "خايفة عليا؟ "وأنا ليا مين غيرك عشان أخاف عليه؟ انتي كل حياتي. خلاص مش هتعملي العملية، أنا عايزك كدا وراضي، مش مستعد أخسرك مرة تانية."

ضغطت ليل على إيده وقالت بمرح عشان تطمنه: "هو في حد بيحب واحدة قد أمه؟ أنا ياليل، وأنا ومش عارف ليه. أنا عمري ما حبيت ولا هحب غيرك. حبيتك من غير سبب، وصدقيني هقدر أكمل سنين عمري كلها معاكي. وانتي كدا مش محتاجك تمشي، هكون أنا رجليكي اللي بتتحركي بيها، ومش هخليكي تحسي بتعبك. بس خليكي معايا، أرجوكي." "ادعي لي يا رواد." "أنا دايماً دعائي ليكي يا قلب رواد." نادى على الدكتور وقول له إني مستعدة وجاهزة للعملية. "بره."

"عشان خاطري يا رواد." "حاضر يا ليل." دخلت ليل العمليات. وبعد كام ساعة، بيخرج الدكتور وتعابير وشه مش مفهومة. بيبص لرواد وبيحط إيده على كتفه وبيقول: "انت راضي بقضاء ربنا وقدره صح؟ رواد هز رأسه بنعم، لأنه حرفياً فقد النطق من القلق والخوف على ليل. الدكتور نزل عيونه في الأرض ورجع رفعهم وقال.