رواية القاسي العنيد الفصل الأول 1 - بقلم وحيدة كالقمر

في إحدى أكبر قاعات الأفراح، يجلس آسر الجارحي، وهو من أكبر رجال الأعمال يدير مجموعة شركات الجارحي بعد مرض والده، وتجلس بجانبه ابنة عمه سارة الجارحي ويبدو عليها السعادة. يمر الحفل سريعًا بين تهنئة المدعوين ورقص (سلو) إلى أن انتهى العرس وصعد العروسان إلى الجناح الخاص بهما. فتح آسر الباب وأشار لها بالدخول. آسر: ممكن نتكلم شوية. سارة بخجل واضح: أكيد.

آسر: بصي يا سارة بصراحة كده أنا ما كنتش عاوز أتجوز ولا كنت بأفكر في الزواج أصلاً. سارة بصدمة: إيه! آسر: هي دي الحقيقة، بابا أصر إني أتجوزك وبسبب حالته الصحية ما قدرتش أرفض، ولحد دلوقت أنا رافض فكرة الجواز. سارة بدموع: يعني أنت مش بتحبني؟ آسر بسخرية: ما فيش حاجة اسمها حب، وأنا ما باحبش حد. لم تتحمل سارة أكثر وركضت إلى غرفتها وظلت تبكي بحرقة وتتذكر أول مرة ترى آسر عندما أحضرها عمها لتعيش معهم بعد وفاة والديها في حادث.

فلاش باك: يدخل عز الدين الفيلا وهو يحمل فتاة جميلة لم تتجاوز الرابعة من العمر. مرفت: مين دي يا عز؟ عز الدين بدموع: دي سارة بنت أخويا أحمد. مرفت بفرحة: إيه ده، هما أحمد ونور رجعوا من السفر؟ (نور تبقى أم سارة وصحبة مرفت جداً) عز الدين بحزن ودموع: آه بس... مرفت بخوف: بس إيه؟ عز الدين بحسرة ودموع: عملوا حادثة وهما راجعين وتوفوا، ما قعد غير سارة.

مرفت بحزن وبكاء: إنا لله وإنا إليه راجعون، لا حول ولا قوة إلا بالله، وبحسرة... الله يرحمك يا نور كنتِ نعم الصديقة. وظلت تبكي بحرقة على صديقتها. عز الدين: كفاية يا مرفت، ادعيلها. إحنا دلوقت لازم نربي سارة زي ما كان نفسهم يربوها. مرفت وهي تمسح دموعها: معاك حق. ثم تنظر لسارة: تعالي يا حبيبتي، أنتِ من دلوقت بنتي اللي كان نفسي فيها.

عز الدين بشبح ابتسامة: أيوه كده لازم نكون أقوى. ثم أمسك بيد سارة وهو ينادي على آسر وياسين. أتى ياسين واقترب وهو ينظر لسارة. ياسين: مين دي؟ عز الدين: دي بنت عمك وهتعيش معانا هنا. ياسين بفرحة: بجد؟ ثم أمسك بيد سارة وهو يقول: ياسين: أنا ياسين. سارة: وأنا سالة. ضحك ياسين عليها. ياسين: أنا هاروح أنادي آسر ييجي يشوفك. وذهب بسرعة.