رواية القدر الفصل الرابع عشر 14 - بقلم ياسمين عاطف

معاك انس وانا طالب ايد بنتك نورهان. نورهان من الصدمه نطت من على الكنبه والفشار وقع ووقفت مصدومه. مش عارفه حصل ازاي ده، بس هي مبسوطة. محمود: ازيك يا ابني، طبعًا الرأي رأي العروسة، هشوف رأيها وأرد عليك. انس: تمام يا عمي. بعدين قفلوا المكالمة. محمود: ها، إيه رأيك يا ست البنات يا عروستنا؟ نورهان بكسوف: اللي تشوفه يا بابي. محمود: لا، مش اللي تشوفه، اللي إنتي عايزاه. نورهان: هو انس حد طيب وخلوق.

محمود: أفهم من كده إنك موافقة؟ نورهان اتكسفت وضحكت وبصت في الأرض. محمود: السكوت علامة الرضا صح؟ نورهان مرضيتش. محمود كلم انس في وقتها. انس: خير يا عمي؟ محمود: كل شيء قسمة ونصيب يا حبيبي. وهنا كانت صدمة نورهان. ومن غير ما تحس دمعت. انس بصدمة قاتلة باينة في صوته: ليه يا عمي، هو أنا زعلت نورهان في حاجة؟ محمود: لا، بس القسمة والنصيب أقوى من كل حاجة يا ابني.

انس: طب يا عمي، هاجي أنا وأمي وخالي بدل والدي الله يرحمه ونصلح، ولو في نصيب. محمود: كلام خلص يا انس. وقفل في وشه. وده كله ونورهان بتعيط. محمود: ما إنتي عايزاه أهو، عاملالنا عادي ومش مفرق. ليه أنا عملت كده؟ عشان أشوف رأيك ورأيوا، بس بصراحة الواد من صوته شاري جدًا. نورهان ضحكت: روح صلح العك ده طيب.

محمود اتصل بأنس تاني وقالوا إنه كان بيهزر، واتفقوا على معاد ييجي فيه هو وأمه وخاله. وفعلاً جم واتفقوا على كل حاجة. والفرح يوم الجمعة. وفعلاً جه يوم الجمعة. نورهان كانت أجمل عروسة بفستانها الأبيض الجميل وميكب خفيف. استلمها انس من الكوافير. انس بحب: إيه الجمال ده، قمر. نورهان اتكسفت جدًا جدًا وقالت: شكرًا. انس: لا، نبطل الكسوف ده، أنا نص ساعة وهكون جوزك.

المأذون كلمته الشهيرة: بارك الله لكما وبارك عليكما وجمع بينكما في خير. وتشتعل الزغاريط في أنحاء القاعة. وبعدين انس ونورهان راحوا شقتهم. وهي هي الشقة اللي كانت نورهان ساكنة فيها قبل ما ترجع لباباها. وكانت أسعد أيام مابين انس ونورهان. حبو بعض أكتر من الأول وعاشوا أسعد حياة في الدنيا. بعد 7 سنين: بابا، بابا فين؟ مانا... انس: ماما تحت عند تيتا مروة، يا عمرو عايز إيه؟ عمرو: أصل فارس عمال يعيط وعايز ماما.

انس: طيب، هي طالعة دلوقتي أهي. (فارس وعمرو دول ولاد انس ونورهان، عمرو الكبير عنده 6 وفارس الصغير عنده 3 سنين)