رواية القدر الفصل الرابع عشر 14 - بقلم ملك ياسر

صلوا على الحبيب المصطفى محمد صل الله عليه وسلم تسليما كثيرا 🌺 يوسف: هو انتي.... شمس بخجل: أتفضل أقعد لو عايز. يوسف بإبتسامة جذابه: شكرا لحضرتك و مد إيدو يسلم عليها يوسف و انتي. شمس بخجل و سلمت عليه: شمس. يوسف: طالبه هنا... شمس: لأ دكتور و حضرتك. يوسف بإستغراب: وانا كمان بس ماشوفتكيش قبل كده هنا. شمس: اه ما هو انا لسه متخرجه. و فضلو في صمت كل واحد بياكل و في حالو. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺 عند سلمى الفون رن بتاع الشغل.

سلمى: الو ي موده. موده: أستاذ آسر عايز حضرتك ي فندم. سلمى: تمام جايه اهو. سلمى بتخبط على الباب. آسر: أتفضل. سلمى: حضرتك كنت عايزني. آسر: أه أقعدي. سلمى قعدت و قالت: نعم. آسر: في ثفقه مهمه جداا لازم تكوني موجوده فيها الاسبوع الجاي إن شاء الله و انتي اللي هتتكلمي عنها بصفتك السكرتيره الخاصه بتاعتي و متخافيش هكون موجود. سلمى بتوتر: و... وانا هخاف من إيه ده شغلي ولازم اعمله بس أشمعنا انا اتكلم مش حضرتك.

آسر: علشان عايزك تتعودي على كده لأن لما اتجوز مش هكون فاضي اجي ثفقات و بسافر كتيررر. سلمى بغيظ و إبتسامه مستفزه: أه طبعا ي فندم و الثفقه دي بقا عباره عن إيه؟! آسر: هتحضري فكره ديكور لمستشفى للأطفال و هتكوني مسؤوله عن أي العاب فيها و الاماكن بتاعتها و الزجاج بتاعها يكون متين و عازل للصوت و الالوان بتاعها تناسب الاطفال. سلمى بصدمه حاولت ان تخفيها: تمام ي فندم بس مش شايف إن الوقت قصير.

آسر: أومال انا مختارك ليه مش انتي مصممه الديكور حلو بتاع الحفله و اختارناكي علشان كفئتك كملي للأخر و انتي و شطارتك. سلمى بغيظ: تما... تكمل كلماتها... مايا دخلت بمياعه: عامل إيه ي أسوره. سلمى بغيظ: عن أذنك ي بشمهندس و زقتها و كانت لسه هتقع مسكتها من دراعها جامد و قالت:هوبااا مش قد الكعب و المياعه ي حببتي ماتعمليهومش و بصت لها بقرف و طلعت. آسر ضحك من جواه بس مابينش كده. مايا بزعيق: أشكال زباله. سلمى

دخلتلها تاني لأنها سمعتها: تحبي أوريكي الاشكال الزباله دي هتعمل إيه ي حلوه. مايا كشت و خافت منها. سلمى بإستفزاز: ناس مابتجيش غير بالعين الحمره و رزعت الباب و مشت. كل ده و آسر هيموت من الضحك. مايا بزعيق: انت بتضحك ي آسر عاجبك كده. آسر بإستفزاز: عندها حق بصراحه مش قدهم ماتعمليهومش. مايا بغل: بقا كده ي آسر ماشي. آسر بزعيق و ضرب بإيدو على المكتب: ما عاش ولا كان اللي يهدد آسر الكيلاني.

مايا خافت و قالت: طب اهدا ي حبيبي انا كنت مضايقه بس منها. آسر: انجزي و قولي جايه ليه؟ مايا: كنت عايزه نخرج نتغدا مع بعض أنهارده. آسر بعدم اهتمام و باصص للاب: مش فاضي عندي شغل كتير. مايا بنحنحه: علشان خاطري ي آسر. آسر: وانتي مين انتي علشان يكون ليكي خاطر عندي. مايا بإستغراب: خطيبتك ولا انت ناسي. آسر ضحك بسخريه: انتي عارفه انا خطبتك ليه كويس اووي و انتي ذات نفسك وافقتي يومها فاكره لما قولتلك....... فلاش باااك

قبل الخطوبه بيومين. آسر: مايا عايزك في موضوع. مايا: طبعا اتفضل. آسر: انا هوافق على الخطوبه بس بشرط. مايا: أشرط زي ما انت عايز. آسر: مش لما تسمعي الشرط الاول. مايا: ايه هو. آسر: هتمثلي إنك خطيبتي علشان عايز اغيظ سلمى حبيبتي و لو مش موافقه ممكن نشوف واحده غيرك عادي. مايا بتفكير: طب ما أستغل انا الفرصه دي و اقرب منه و اولعها بينهم و اخدو ليا و اكون انا المستفاده. آسر: هااا قولتي إيه؟ مايا: موافقه. باااك

آسر: فاكره ولا مش فاكره الحبتين دول تعمليهم لما انا اكون عايزهم و في الوقت اللي احدده مش انتي ي قطه روحي اللعبي على غيري يلا علشان عندي شغل. سمعتهم موده من بره و راحت جرت على مكتبها. مايا طلعت و رزعت الباب وراها. موده: احسن تستاهلي وانا لازم اعرف سلمى طالما بيحبها كده و هي باين عليها بتحبوا لازم اقولها علشان تنقذ حب حياتها الواحده فينا مش بتلاقيه غير مره واحده في العمر ي تستغله ي يضيع منها. موده دخلت لسلمى.

موده: ممكن اتكلم معاكي في موضوع. سلمى بإبتسامة: طبعا اتفضلي. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺 ملاك خلصت الملفات بتاعه الشغل المطلوبه. ملاك بتخبط على الباب. علي: أتفضل. ملاك دخلت: خلصت الملفات المطلوبه ي فندم. علي بإستغراب: بالسرعه دي. ملاك: قول ماشاء الله بس. علي ضحك: مش قصدي بس كنتي على راحتك تخلصيها في أي وقت. ملاك بجديه: الشغل شغل ي بشمهندس مش جاين نستريح.

علي بغيظ: طيب طالما كده كان في 100 ملف كمان عايزين يخلصوا و قبل ما تمشي تكوني مخلصاهم. ملاك بغيظ: تمام و خدتهم و مشت ملاك دخلت مكتبها و قعدت بتبص في الساعه لقت مش فاضل غير ساعتين و تروح. ملاك بغيظ من نفسها: كان لازم يعني اتكلم و اقول الشغل شغل أتشك في لسان... ولسه هتكمل كلامها لقت.... علي بضحك: بعد الشر عليكي ي قلبي. ملاك بخجل و بعد كده قالت بحده: تك شكه في قلبك ي بعيد.

علي بتمثيل: و يهون عليكي برضو حبيبك يتشك في قلبو. ملاك بعصبيه: حبك برص و عشره خرص. علي: الحق عليا إني جاي أساعدك. ملاك بفرحه: بجد. علي بإبتسامة جذابه: أه بجد. ملاك سرحت في أبتسامته و هو لاحظ ده. علي: هااا هتفضلي سرحانه كده كتيرر حقك برضو ما هو واد حليوه و جاي يساعدك في الشغل لازم تسرحي كده 😂 ملاك بخجل: هااا لا طبعا يلا علشان نلحق نخلص علشان فاضل ساعه ونص ولازم اروح. علي بجديه: تمام يلا. بدئوا شغل و......

🌺🌺🌺🌺🌺🌺🌺🌺🌺🌺🌺🌺🌺🌺🌺🌺 موده: هو ده اللي انا سمعته و انتي لازم تنقذي ده كله ده حب حياتك ي سلمى نصيحه مني لازم ترجعيه ليكي. سلمى بإبتسامه ماكره: من عنيا ي ميمو حاضر هنفذ كلامك و مش هخلي العقربه مايا دي تتهنى يوم واااحد. موده بإبتسامة: جدعه يلا اسيبك انا هروح اكمل شغل. سلمى: تمام. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺 بعد مرور وقت ساعه. علي و ملاك خلصوا الملفات و كان فاضل اتنين. علي: كفايه عليكي كده انا هكمل دول. ملاك: لا والله ابدااا ما هيحصل.

علي بضحك: هو انا بعزم عليكي ي بنتي انا بقولك انا هكملهم. ملاك: ابدااا ما هيحصل انت واحد وانا واحد. علي بضحك اكتر: ي بنتي هما كبايتين عصير بقولك انا هكملهم. ملاك: وانا قولت كلمه خلاص انت واحد وانا واحد. قطع كلامهم فون ملاك رن. ملاك بتبص لقت مامتها. ملاك بتحذير : خد واحد و اعمله عقبال ما ارد على الفون. اخدت الفون و قامت ترد. ملاك: الو ي ماما في حاجه ولا ايه؟ ساميه: ملاك خلصي بسرعه و تعالي علشان بكره الخطوبه.

ملاك بصدمه: بالسرعه دي ي ماما. ساميه: هو عايز كده علشان هيسافر عنده شغل و يلا بسرعه علشان نلحق نشوف الفستان و الاكل و كده. ملاك: تمام ي ماما باي. ملاك قفلت و هي مخنوقه و مضايقه و راحت تكمل شغل. علي: انا خلصت لتنين تحبي نتغدا سوا و بعدين تروحي لسه نص ساعه. ملاك مكانتش سامعه حاجه من اللي قالها. علي بإستغراب: ملاك في حاجه ولا إيه. ملاك انتبهت لكلامه: لا مافيش حاجه خطوبتي بكره بس مش أكتر.

علي اتصدم: انتي بتقولي إيه ملاك انتي ليا انا و بس انتي فاهمه. ملاك ببرود: فات الاوان خلاص ي بشمهندس و خدت حاجتها و مشت و سابته. علي بقا يكسر كل حاجه في المكتب. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺 سلمى مكلتش حاجه من الصبح و عماله تشتغل و تعبت. سلمى: الو ي ملاك انا ماكلتش من الصبح و عايزه نروح نتغدا هسلم الملفات دي و انزل. ملاك: تمام انا نزلت اصلا اهو هجيب العربيه و اجي. آسر: ادخل.

سلمى بتعب و وشها أصفر: اتفضل ي بشمهندس انا خلصت الملفات حاجه تانيه. آسر بص لوشها لقاها تعبانه خالص و أصفر. آسر بقلق عليها: انتي كويسه؟ سلمى بسخريه: وانت من امتا بيهمك امري ماتقلقش ي بشمهندس انا كوي.... و لم تكمل كلماتها حتى وقعت مغشي عليها. آسر جرى عليها بسرعه و شالها حطها على الكنبه جنب المكتب من عليها و جاب الدكتوره اللي موجوده على طول في الشركه للطوارئ اللي زي كده و شال من عليها الطرحه علشان ماتخنقهاش آسر: سلمى

أصحكي ي سلمى الدكتوره: ضغطها واطي جداا و شكلها مافطرتش من الصبح و الشغل كان عليها كتير لازم تاكل كويس و ترتاح و تاخد الفيتامينات دي و ادتو الورقه و مشت. سلمى فاقت: أه انا فين؟ آسر: انتي معايا ي حببتي انتي كويسه قومي علشان تاكلي. سلمى بإستغراب: انت ازاى تقلعني الطرحه انت مش عارف إن ده حرااام. آسر ببرود: عارف بس مش حرام على جوزك. سلمى بصدمه: نعممم؟ سبحان الله و بحمده سبحان الله العظيم 🌷