رواية القدر الفصل الثامن عشر 18 - بقلم ملك ياسر

صلوا على الحبيب المصطفى صل الله عليه وسلم تسليما كثيرا 🌺 نورين ببكاء: شوفته شوفت حسام ...

ي بابا بس المره دي غير اي مره كنت أنا اللي بشرحه بس كان كله متشوه و ملامحه مش باينه أنا جالي احساس اني مش لازم اشرح الجثه دي كنت خايفه جداا لدرجه ان فضولي خلاني اسأل حصلها ايه و اسم الجثه ايه مش متخيله أن ممكن يحصله كده كان نفسي انتقم منه بس كان عندك حق يا بابا قولتلي في الأكبر مني و منه و فعلاً جابلي حقي منه بس مش كنت متخيله أن ممكن يحصله كده.

محمود: خلاص اهدي ي حبيبتي خلاص ربنا جابلك حقك و زياده كمان مش ليه لزوم انك تتعبي نفسك و تخافي من حاجه بعد كده خلاص ي حبيبتي انتي بقيتي حره و مش هخاف عليكي تاني. آسر بهزار و غمزلها : بذات أن الدكتور معاها. بسمه بضحكه : مين ده يا نونو. نورين بخجل : دكتور زين رئيس شركه... و كمان ساعات بيشتغل دكتور عندنا في الجامعه و بيدربنا. محمود بإبتسامه : بس والله شاطر بيشتغل ده كله ماشاء الله عليه بجد.

بسمه : و شكله راجل و ابن ناس بجدد مش حسام. نورين بعصبيه : خلاص بقا ي ماما اقفلي على الموضوع ده. و قامت و سابتهم. آسر راح وراها و.... آسر بيخبط نورين بعياط : لو سمحت ي أبيه سيبني لوحدي. آسر : لا مش هسيبك و دخل و قعد جنبها و طلع من ايدو الشوكولاته اللي بتحبها. نورين اخدتها بفرحه و بدأت تاكلها. آسر بخبث : بصراحه كده عجبني دكتور زين ده و شكله فعلاً راجل و هيحميكي و شكلك كده بتحبيه. نورين و هي بتاكل و

مش واخده بالها بتقول ايه : اوووي ي أبي... و لم تكمل كلماتها و خدت بالها أنها بدأت تخرف. آسر بضحك و خبث اكتر: شكله هو كمان بيحبك. نورين بحماس : ايه ده بجدد! آسر بضحك : شكلك وقعتي ي نونووو. نورين ضربته بالمخده و قالت : اطلع بره ي أبيه أنا مش هتكلم معاك تاني علشان بتوقعني في الكلام. آسر بضحك : لا بجد شكل الصناره غمزت و غمزلها. نورين ضحكت و طلعته بره. و قعدت على السرير و سرحت في زين و جماله. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺

بعد مرور اسبوع و جه وقت أن سلمى و آسر يبقوا متجوزين بجد. نورا بصوت عالي : يلا ي سلمى قومي انهارده فرحك ي بارده. سلمى بزفير : سيبيني انام خمس دقائق أكمل الحلم ده و اقوم . نورا حدفت عليها الشبشب و قالت : قوومي ي بت آسر هيجي يصحيكي على كابوس لو مش لقاكي في الفندق اخلصي و قوومي. سلمى قامت بزفير و دخلت أخدت شاور. سلمى : الو ي ملاك هاتي شمس و تعالوا على العنوان ده.... و املتها العنوان.

سلمى قامت و لبست و نزلت هي و مامتها و اخواتها الفندق. 🌺🌺🌺🌺🌺🌺🌺🌺🌺🌺🌺🌺🌺🌺🌺🌺 عند آسر كان اخد شاور و نازل. بسمه عماله تزغرط و فرحانه أن اخيرا ابنها هيرجع لسلمى تاني. نورين : والله يا أبيه احسن حاجه عملتها انك سبت البت الملزقه اللي اسمها مايا دي و رجعت أسامة تاني انتوا أصلا لايقين على بعض ربنا يتمم لكم على خير ي حبيبي. آسر بغمزه : عقبالك ي نونو و نفرح ليكي بقااا و نخلص منك . نورين : قاعده على قلبكم.

محمود : اقعدي زي ما انتي عايزه ي حبيبه قلب بابا . بسمه بغيظ:جرا ايه ي راجل مش ماليه عينك أنا ولا ايه. محمود اخدها في حضنه : و ده معقول برضو ده انتي اللي ليا ي سوسو. آسر بغمزه لأبوه : اللعبب. محمود : امشي ياالا عروستك مستنياك. آسر : ايواا بقااا سلام أنا اطير و انتوا حصلوني و انتي ي نورين روحي لسلمى عشان تكوني جنبها. نورين : من عنياا.

كل حاجه كانت ماشيه كويس جدااا و الكل كان فرحان ماعدا سلمى بس في نفس الوقت فرحانه أنها هتوريه النجوم في عز الضهر. الكل خلص و سلمى كانت داخله القاعه مع اخوها يعتبر هو النائب عن بباها الله يرحمه. آسر مكانش مصدق نفسه و صحاب سلمى فرحانين لها اووي بس خايفين من اللي هتعمله . آسر راح ياخد سلمى من احمد.

احمد بتحزير : تشيلها جوه عنيك سلمى دي اختي و حبيبتي اللي ماقدرش استغنى عنها و أنا بديلك امانه اياك في يوم تزعلها أو الاقي دمعه نازله منها و اعرف ان وراها رجاله . آسر بإبتسامه : من عنيا اتنين اوعدك اني عمري ما هزعلها و دايما هخليها فرحانه و مبسوطه سلمى دي روحي و قلبي و تفكيره كله. احمد ابتسم و قال: دلوقت اقدر اقولك خد مراتك.

سلمى كانت مبسوطه اووي : إن في راجل دايما في ضهرها مهما حصل في ضهرها و هيحميها و في نفس الوقت فرحت من كلام آسر بس برضوا عايزه تعلمه الادب و تردله اللي عمله فيها لما كانت في الثانوي و هو في الجامعه. آسر اخدها و بدئوا يرقصوا. ملاك بتوتر : مش مطمنالك ي سلمى . شمس بحزن : وأنا كمان خايفه تكسر فرحتها بإيديها و تردله القلم بس هيكون قلمين واحد ليها و واحد ليه بس هي مش هتكون حاسه بالقلم اللي هتاخده غير لما تعرف قيمتوا.

ملاك : سلمى مش هترتاح غير لما تطفي النار اللي جواها. الفرح خلص و كان الكل مبسوط و علي كان كل شويه يبص لأدهم بغيظ و بيتوعدله على كل حاجه هو عملها معاه و أنه رقص مع ملاك كمان. بسمه و نورا الناس كانوا بيباركولهم. سلمى

أخدت الميكرفون و قالت : أنا عايزه اهدي الكلام ده لآسر اللي بقا جوزي فعلاً بس احب اقولك اني هردلك القلم قلمين و كانت بتقول الكلام ده و هي في نار جواها و عايزه تطفيها بأي طريقه و عايزه تعيط بس ماسكه نفسها و كملت

و احب اقولك فرحتك الصبح بس زعلتك بلبل زي ما عملت زمان فاكر ي بشمهندس لما سيبتني في نفس المكان ده و بنفس الفستان و كسرت فرحتي و طلقتني قدام الناس كلها و سيبتني و سافرت بس أنا دلوقت ضيعت منك مايا المختفيه بعد ما عرفت بإنك كنت بتلعب بيها و برضوا هسيبك في نفس المكان اللي سبتني فيه قبل ما تسافر و تعيش حياتك ورقت طلاقي توصلي في اقرب وقت ي بشمهندس ي محترم و سابت المايك و طلعت جرت برا. نورا

واقفه عماله تعيط و تقول : انا السبب ي بنتي في كل ده أنا السبب و آسر بقا واقف مصدوم و عمال يبص لنورا بلوم و يقول في نفسه انتي السبب انتي اللي غصبتيني على كده و الكل قام مشى و علي فضل جنب آسر. علي : لازم تقولها الحقيقه ي آسر مش هينفع كده هي خلاص طفت النار اللي كانت جواها جه وقتك دلوقت تصلح كل حاجه حصلت زمان .

آسر : خلاص ماعدش ينفع مش هتسمعني و كمان لو قولتلها علاقتها بمامتها هتدهور و هي مالهاش غيرها خليها تيجي من مامتها أحسن ماتيجي مني. الناس بدأت تمشي و سلمى واقفه بعيد عماله تعيط و ملاك و شمس بيواسوها. سلمى بعياط : علشان خاطري ي بنات خدوني بعيد عن هنا . شمس : تمام تعالوا اركبوا في العربيه أنا هاخدكم مكان كويس هترتاحي فيه اركبي ي ملاك يلا و ركبيها.

فعلا ركبوا و مشوا راحوا لشاليه تبع شمس بابها بياخدهم فيه راحوا قعدو هناك و ماحدش يعرف عنهم اي حاجه.

عدا شهور و سلمى كانت في نفس المكان مش بتروح في حته و شمس كانت تروح الجامعه و ترجع تاني لسلمى و ملاك كانت تروح الشغل بس مارضتش تقول لحد على مكان سلمى و كانوا هما التلاته يقعدوا مع بعض لكن نورا كانت في حاله انهار من اللي حصل و قررت انها تقول الحقيقه ل سلمى و تصالحها على آسر و آسر هو كمان كان هالك نفسه في الشغل و من الشغل البيت و مكانش بياكل كويس . نورا بعياط : الو ي ملاك ارجوكي قولي مكان بنتي فين عايزه اصلح كل حاجه

ملاك : تمام. و ادتها اللوكيشن. نورا راحت و سلمى فتحتلها بصدمه. نورا : هقولك على كل حاجه يابنتي بس اسمعيني. سلمى:...... سبحان الله وبحمده سبحان الله العظيم 🌺