رواية الكوبرا و الصقر الفصل الخامس 5 - بقلم شيماء

بجمود: يلا هنتحرك دلوقت. نور: حاضرة. أحمد: كلنا هنروح على هناك ولا في جزء منا هيفضل هنا؟ هي بغموض: لا، كلنا هنروح على هناك. جاسر: بس كده ممكن نلفت النظر لينا أكتر. يوسف: بالظبط كده. هي بجمود: يا ريت الكلام اللي أقوله يتنفذ من غير أي مناقشة، مفهوم؟ الكل: مفهوم. هي: جهزوا نفسكم يلا. وفعلًا بدأ الكل يجهز نفسه. ناهد: مالك يا حسين؟ حسين: البنت مش ناوية تجيبها لبرة، أنا مش عايز أخسرها.

ناهد بابتسامة: ما تخافش، دي بنت زي القطط بسبع أرواح. حسين: كل مرة ربنا بيسترها. ناهد بطيبة: والمرة دي كمان ربنا هيسترها إن شاء الله. حسين: يا رب يا ناهد، انتي عارفة إني خايف على البنت دي أكتر من نفسي. ناهد: أيوه، شايف فيها فريدة. حسين: وكمان أبوها وهو بيموت وصاني عليها، قالي بناتي أمانة في رقبتك. ناهد: وانت مش قصرت معاهم في حاجة، بالعكس انت حبتهم زي بناتك. حسين: خايف يا ناهد أكون مش قد الأمانة وبنته في المستشفى.

ناهد: يعني هوا انت اللي دخلتها المستشفى؟ ما اللي حصل، خليها دخلت المستشفى. حسين: اللي حصل كان صعب أوي يا ناهد على بنات في سنهم ده، ولسه لحد دلوقتي مش عارفين يخرجوا منه، لا هي ولا أخته. ناهد: ادعيلهم، دول بنات قوية، دول بنات سيد اللواء قاسم. حسين: كان نفسي يكون قاسم لسه عايش، كان في مهمات كتيرة عايزين نعملها مع بعض. ناهد: يلا، ماحدش بيعيش أكتر من عمره.

حسين بحزن: مات بسبب آخر مهمة يا ناهد، عشان كده بنته عايزة تكمل طريقه. ناهد: فعلًا، اللي خلف ما ماتش. اسر: ها، عاملة إيه النهارده؟ هي بصتله براحة، كم تحب اهتمام هذا الرجل بيها واصراره أنها تترك هذه الحال. اسر بابتسامة: إيه رأيك ننزل الجنينة؟ هي بصتله وابتسمت. اسر بفرحة: انتي عملتي رد فعل بجد، يعني في تحسن وفي تقدم. ونور على أخته. اسر: الو. نور: الو، أيوا يا دكتور. اختي فيها حاجة؟

اسر: لا، أبدًا. حبيت بس أطمنك إنها بدأت تتحسن. نور: بجد، يعني خلاص هتخرج من المستشفى؟ اسر بضيق: لا، لسه. هي بس بدأت تعمل رد فعل. نور: لسه؟ طيب أجي. هاجي أشوفها النهارده. اسر: ياريت، ده ممكن يرفع من معنوياتها. نور: آسفة، ما كنتش عارفة أجي أشوفها طول الفترة دي. اسر: تمام، المهم إن جاية. : المهمة هتبدأ فين؟ : في الجيش، المكان الوحيد اللي ماحدش هيشك فيه. : أصلًا ماحدش هيتوقع إننا هننفذ في الصين.

: ههههه، أغبياء. فاكرين إني هنفذ في مصر. : انت ماحدش يتوقعك. : ههه، مش بلعب مع الحكومة، لازم ماحدش يتوقعني. هي بحب: عاملة إيه. بصتله بصه لوم وهتاب أنها مش بتشوفه الفترة دي. هي: حبيبتي والله، غصب عني. كنت بجيب حقك وحقي وحق بابا وماما. سامحيني، قصرت معاكي. بصتله بإمان أنها موجودة رغم أنها أختها الصغيرة. هي بحب: تعالي ياقلبي. وأخدتها في حضنها. هي مسكت فيها جامد كأنها هتهرب منها. هي اتكلمت بصعوبة: وحشتني يا حور.

حور بصدمة: انتي اتكلمتي. اسر فرح جدًا أنها اتكلمت. حور: حبيبتي، انتي اتكلمتي. هي: وحشتني أوي، وحشني صوتك. هي: تعالي يا حور، نسيب البلد ونسافر نعيش في أي حتة بعيد عن الشر ده كله. حور بحقد: لا، لازم أجيب حقك وحقي وحق أهلنا. هي: بس انتي مش هتقدري عليه. حور: مش هقدر على مين؟ أنا أقدر عليهم كلهم.