رواية الكوبرا و الصقر الفصل الثامن والأربعون 48 - بقلم شيماء

محمد رجع لقى هايدي أخدت ابنها ومشيت. محمد بغضب: هي إزاي تمشي وتسبني؟ ومشي. *** جنى بدموع: آسر. آسر فاق من اللي هو فيه، لقى نفسه نايم وفي واحدة جنبه على السرير. آسر قام بسرعة لبس التيشيرت وهو مش فاهم حاجة. جنى بدموع: أنت بتخوني. آسر بسرعة: جنى صدقيني، أنا معرفش أنا جيت هنا إزاي. جنى بزعيق: كفاية كذب بقى، أنا شايفاك بعيني. وسابته ومشيت ومعاها ابنها. آسر بغضب: إزاي ده؟ وراح للبنت ومسك شعرها: انتي مين؟

انطقي مين اللي زقك عليا؟ البنت بدموع: صدقني معرفش، ماعرفش مين اللي جابني هنا. آسر بغضب: وحياة أمك إزاي يعني انتي متعرفيش وأنا معرفش؟ أمال مين اللي يعرف؟ البنت بعياط: صدقني ماعرفش، اعمل معروف أبوس إيدك، أنا أمي ست كبيرة ومش هتستحمل خبر زي ده. وقعت تعيط وتضرب على وشها. آسر استغرب جدًا إزاي ده حصل. *** مريم كانت قاعدة فتحت فونها بتلعب عليه، لقت رسالة اتبعتلها من رقم غريب. فتحتها لقت صور ليها هي ويوسف وهما مع بعض ومكتوب:

(ها إيه رأيك بقى في الصور دي؟ مريم الفون وقع منها ومش عارفة تعمل إيه. جريت على ابنها، أخدته ومشيت راحت لحور. *** حور: خالد مش ناوي تتجوز بقى؟ خالد بضحك: بس وحياة أمك أنا كده مرتاح. حور بضيق: خالد حبيبي، أنت مبقتش صغير، لازم تتجوز بقى وتفتح بيت. صقر وهو قاعد: ياستي ماتسبيه براحته، حد يربط نفسه بالجواز. خالد ضحك ولسه هيكلم. جنى دخلت وهي منهارة من العياط وشايلة ابنها. حور بخضة: جنى مالك؟ في إيه؟

جنى: سابت خالد واترمت في حضن حور وانهارت أكتر في العياط. الكل قلق عليها. خالد: جنى حبيبتي مالك؟ إيه اللي حصل؟ جنى بدأت تهدأ ولسه هتتكلم. دخلت مريم وهايدي وكل واحدة فيهم بتعيط. حور بفزع: مالكم؟ في إيه؟ ناهد بقلق: خير يابنات؟ إيه اللي حصل؟ البنات: مافيش حاجة. حور بغضب: مافيش حاجة إزاي؟ أمال بتعيطوا ليه؟ البنات بصّالها. حور بهدوء: طيب تعالوا نطلع فوق. ناهد بخوف: أنا جاية معاكم.

حور بهدوء: خليكي ياماما، أنا هفهم في إيه. وطلعت هي والبنات. صقر: تفتكروا في إيه؟ خالد مش عارف، وكل واحدة سابت ابنها. حسن بحب: حبايب جدو. وقعد هو وناهد يلعبوا الأطفال، وخالد وصقر بيكلموا مع بعض. أما فوق عند حور. كل واحدة فيهم حكت اللي حصل معاها. حور بصدمة: كل ده حصل؟ البنات: أيوا. حور بصدمة: بس انتي موضوعك أكبر يامريم، مين ممكن يدخل أوضة النوم ويصوركم بالمنظر ده؟ مريم بهستيريا: مش عارفة، تفتكري اللي عمل كده عاوز إيه؟

جنى بدموع: يعني أنا موضوعي تافه؟ حور: أنا ماقولتش كده، بس انتوا خيانة عادية، لكن دي صور ليها وهي في وضع مش لطيف، افهمي. *** چني بضحكة خبيثة: ولسه هيشوفوا مني حاجات كتير، هخليهم مش طايقين بعض. البنت: بس خلي بالك، حور ذكية أوي ولو عرفتك قولي على نفسك يا رحمن يا رحيم. چني: تؤ، مش هتعرف، كل حاجة متظبطة وعملت حسابها كويس. *** في السجن حصل دربكة كبيرة وخرج صابر واللي معاه. في الوقت ده وصلت حور.

حور بغرور: فاكرني قاعدة في بيتي مش عارفة إيه اللي بيحصل هنا؟ صابر بشر: خلينا نخرج، انتي مش قدنا. حور: تؤ. ورفعت سلاحها وضربتهم كلهم إلا طلعت. طلعت بخوف: ارحمني، أنا مش عاوز أموت. حور بسخرية: وانت مارحمتش الناس ليه؟ طلعت: والله قوليلي عايزة إيه، أي حاجة هعملها بس بلاش تقتليني. حور بصتله واتكلمت بهدوء: أنا مش هقتلك، أو على الأقل دلوقتي. وأمرت العساكر يحبسوه. حور رجعت البيت. صقر بغضب: كنتي فين؟ حور بغضب: انت مالك؟

صقر مسك إيديها جامد. صقر بعصبية: لما أقولك انتي كنتي فين تجاوبي، وإياكي تعالي صوتك عليا، انتي فاهمة؟ حور بوجع: طيب. صقر شد على إيديها أكتر: اسمها حاضر، سامعة؟ صقر بسرعة خدها في حضنه: حقك عليا، أنا آسف إني وجعتك. حور بدموع: عاوزة أنام. صقر شالها وطلع نام وخدها في حضنه. *** عند الشباب. أحمد: مالك يابني انت وهوا؟ آسر بص في الأرض وقال اللي حصل. أحمد بغضب: مين اللي ممكن يعمل كده؟

باقي الشباب: قالوا إنهم مش عارفين كل واحد مراته مشيت ليه. نور بضحك: يعني كلكم مرة واحدة. نور: آه صح، ياسمين وجاسر من لما سافروا محدش يعرف عنهم حاجة. أحمد: لأ، عارف، جاسر كل يوم بيكلمني يطمن علينا ويطمني عليه. الشباب: طيب هنعمل إيه دلوقتي؟ أحمد: ...... ***