رواية المغرور و السمينة الفصل الرابع 4 - بقلم دنيا

نعم يا بابا. تعلي يا سلمي عاوزك عاوز اتكلم معاكي كلمتين يا بنتي. سلمي راحت قعدت جنبه. اتفضل يا بابا. عاوز أقولك كلمتين مهمين أوي يا بنتي. عاوز أقولك إنك جميلة أوي يا سلمي وإنك أجمل بنت في الدنيا. سلمي بنبرة ساخرة: حاضرك بس ليه شايف كده يا بابا. وأنتي كمان لازم تشوفي كده.. أنتي يا بنتي ليه مش مقدرة قيمة نفسك. أقدر إيه يا بابا أقدر إني سمينة ومحدش بيحبني بسبب شكلي ده.

قصدك ثمينة مش سمينة زي ما أنتي بتقولي وبعدين أنتي ليه حطيتي في دماغك إن محدش بيحبك. ليه حطيتي شكلك هو المفروض يتحب. لا يا سلمي مش الشكل هو مقياس الجمال ولا اللي يخلي الناس تحبك. اللي بيحكموا على الشكل دول ناس تافهة فاضية أوي من جوا. ناس ميعرفوش جوهر الإنسان الحقيقي وميعرفوش يعني إيه إيمان. عشان اللي يعرف يعني إيه إيمان يعرف إن الإنسان ملهوش في نفسه حاجة.

وإن كلنا من صنع الله إذا كان تخين ولا رفيع طويل ولا قصير أسمر ولا أبيض. كل ده هو ملهوش ذنب بيه. كل اللي يقدر يعمله إنه يحمد ربه على نعمه عليه ويحاول يغير نفسه للأحسن. مش شرط إنه لازم يغير الصفة دي لا بس يحبها ويحب نفسه ويثق فيها وسعتها. بس هيعرف يتقبل نفسه ويخلي الناس كلها تتقبله زي ما هو. يعني يا بنتي الإنسان طلما شايف نفسه إنه حلو ومش ناقصه حاجة الناس كلها هتشوفه كده. الإنسان مرآة نفسه.

يعني طلما الإنسان شايف نفسه حلو في عيونه الناس كلها هتشوفه بعيونه هو. فهمتي أقصد إيه يا بنتي. سلمي وهي بتقلع النظارة وتمسح دموعها: فهمت يا بابا فاهمة إن العيب فيا أنا قبل أي حد. فاهمة إن أنا مرآة نفسي وطلما أنا شايفة نفسي وحشة الكل هيشوفني كده. فهمت إني مينفعش أكره حاجة ربنا صنعها إلا يكون ده من عدم إيمان. وشكلي ده من صنع الله ولازم أحبه وأتقبله أنا قبل أي حد. مش هو ده اللي حضرتك عاوز توصلّهولي.

بصّلها وهو بيبتسم لها بظبط كده. تعالي في حضني بقى. سلمي حضنته. سلمي وهي في حضنه: أنا بحبك أوي يا بابا أنت أحسن أب في الدنيا وأنا أوعدك إني أحب نفسي ومش هقبل إن حد يهيني تاني بسبب شكلي وخليك فخور بيه. بابا بابا بابا إنت مش بترد ليه بابا. طلعت من حضنه تشوف ليه هو مش بيرد عليها ليه. البقاء لله وحده. ذلك الكلمة اللي قالها الدكتور لهم. إنا لله وإنا إليه راجعون. سلمي:

إنت بتقول إيه بابا بابا كويس بابا لسه كان بيتكلم معايا لا لا. بعد أسبوع. طبعا أنتم عارفين إن عماد بيه وصّاني إني نفتحش الوصية بتاعته غير بوجودكم أنتم التلاتة ولي هما. سلمي بنت عماد واسر ابن عمها ومدام ناهد والدة أسر. والوصية بتقول إن أمواله كلها هتتقسم ما بين سلمي بنت عماد واسر ابن عمها بتساوي بس بشرط إن أسر يتجوز سلمي وده عشان يأمن عليها وإن لم يحدث ذلك فالمرث كله هيروح للجمعيات الخيرية. أسر:

بنفعل ده على جثتي أتجوز الدوبة دي. وأنا مستحيل أدوس في المصيبة دي وبعدين أأمن على مين إن شاء الله هي دي محتاجة حد يأمن عليها دي تامن على بلد بحاله. أنا مستحيل أتجوز الدوبة دي ده على جثتي. ومين قالك إني أنا هيوافق أتجوز واحدة زيك. كانت دي كلمات سلمي. لي فات حمادة ولي جاي حمادة تاني خالص وشكل سلمي كده اتعلمت الدرس كويس وهتسمع كلام بابها.