رواية المغرور و السمينة الفصل الثاني 2 - بقلم دنيا

قومي قومي فضحتيني يا شيخة. قامت سلمى بمساعدة أسر، اللي كان بيحرجها بكل كلمة بيقولها ليها. خارج الكافيه. أسر: عجبك كده؟ فضحتيني قدام الكل. طالما عامية ومش بتشوفي، إيه اللي خرجك؟ انتي لي زيك مفروض تحبس نفسها في البيت لحد ما تموت. تخرجي ليه أصلاً؟ انتي مش شايفة نفسك عاملة إزاي؟ ده انتي اتحديتي الفيل، يا شيخة جتك القرف. وسبها ومشي. قعدت على الأرض وانهارت من العياط. الدرجة دي بيكرهها وبيتقرف منها؟

طب ليه هي عمرها ما أذته في حاجة؟ طول عمرها بتحبه وتحترمه. ليه هو دايماً بيتعمد إنه يأذيها بالشكل ده؟ لقيت اللي بيحط إيده على كتفها وبينادي باسمها. سلمى. بصت عليه لقتوا عمر، صاحب أسر. عمر: سلمى؟ انتي بتعملي إيه هنا؟ وأسر فين؟ طب بتعيطي ليه دلوقتي؟ انتي اتخانقتي مع أسر ولا إيه؟ تعالي تعالي نخش جوه وافهمني بتعيطي ليه. سلمى: لأ، أنا عايزة أروح.

عمر: خلاص، قومي أروحك. وبالمناسبة تقوليلي الحمار أسر عمل إيه عشان يخلي القمر بتاعنا يعيط كده. (صوت) يووه، هي ناقصاك انت كمان؟ مهو أكيد الدلوعة بتاعته راحت تشتكيله مني. أوف، لو يا عمي. يا أسر يا ابني، انت فين؟ أنا في العربية، رايح اهو. في حاجة؟ آه، ممكن تيجي؟ أنا عايزك ضروري. تمام. مسافة السكة. نعم يا عمي؟ اقعد يا أسر يا ابني، عايزك. اتفضل.

طبعاً انت عارف يا أسر يا ابني إني معنديش غير بنتي سلمى، وإنها ماليهاش حد غيري أنا. وأنا اهو زي ما انت شايف عايش على الجهاز، وربنا يعلم هعيش قد إيه. ولو حصلي أي حاجة، سلمى مش هيكون ليها غيرك انت وأمك. خلوا بالكم منها. بصراحة كده يا ابني، أنا عايزك تتجوز بنتي سلمى. أسر…..