رواية الملاك الحزين الفصل الأول 1 - بقلم منة سامح

دكتور ماما كويسة صح؟ دكتور بحزن: البقاء لله. ملاك بصدمة وصريح: دكتوووور انت بتقول إيه، ماما كويسة، دكتور متهزرش، ماما عايشة ومش هتسبني، دكتوور متهزرش، ماما كويسة صح؟ نزل رأسه بأسى وحزن. ملاك بدموع وكسرة: ده بجد.. اااه ماماااااااااا... قالتها بصرخة وجع وحزن.

"أعرفكوا بنفسي أنا ملاك، 22، عندي أخ وأخت توأمي. واللي حصل حادثة. كان اختي وأخويا وماما عملوا حادثة قبل سنتين، اختي وماما دخلوا في غيبوبة، وأخويا سافر. واللي حصل ده كان الدكتور بيقولي إنه ماما ماتت." بعد خمس شهور. حميدة بحزن وحنية: هتفضلي كده يابنتي، حابسة نفسك؟ صدقيني هي راحت للأحسن. خمس شهور وإنتي على الحال ده، بصي شكلك بقى باهت إزاي. ملاك بصتلها بدموع وكسرة: اااه ياتيتا، مش قادرة، مش قااادرة.

حميدة بدموع محبوسة خدتها في حضنها جامد وقالت بحنية: هي راحت للأحسن صدقيني. شوفي هي بنتي أهو، مش هقولك مزعلتش، لا دي حتة مني. بس أنا لما أزعل وأحبس نفسي هي هترجع مثلاً؟ مش في إيدينا حاجة ياحبيبتي غير إننا ندعيلها. ادعيلها يابنتي، ادعيلها. ملاك بصتلها بدموع ووجع: كارما هتفوق ولا هتسبني بردوا؟ حميدة بحنية وحزن: هتفوق وتبقى معاكي ياحبيبتي. هتفوق صدقيني، بس إنتي ادعيلها. ملاك بصتلها

ومسحت دموعها وحضنتها: أنا بحبك أوي أوي ياتيتا، بحبك أوي. حميدة: وأنا بحبك ياروحي. يلا بقي عشان تفطري. ملاك: تمام، هلبس وأجي. حميدة باستها بحب وحزن وخرجت. "وأنا قمت وقفت في المراية، قد إيه أنا بقيت باهتة، قد إيه بقى الكسرة والوجع اللي فيا بقى باين." لبست وخرجت لقيت تيتا قاعدة مستنياني، مليش غيرها دي. وكلت معاها. حميدة بهدوء: كلمتي أخوكي؟ ملاك بحزن ظاهر ودموع محبوسة: مش عارفة أوصله من ساعة اللي حصل.

حميدة اتنهدت بحزن على حالتها وسكتت. حميدة وهي بتغير الموضوع: إنتي لابسة ليه؟ هتخرجي؟ ملاك بهدوء: امم، هرجع شغلي وأخرج أشوف كارما. حميدة بحب: ربنا معاكي ياحبيبتي. ملاك قامت وباست رأسها وقالت بابتسامة: عايزة حاجة ياحبيبتي؟ حميدة بحب: عايزة سلامتك. متتأخريش. خرجت ملاك واتنهدت حميدة بحزن شديد على حالة ملاك. خرجت ملاك وركبت عربيتها واتجهت على معرضها. دخلت ملاك وهي بتحاول تظهر القوة وتخبي كسرتها بابتسامة: صباح الخير.

بصدمة: صباح النور. ده بجد ملاك هانم. ملاك بضحك على شكلهم: إيه يا جماعة شوفتوا عفريت؟ عاملين إيه؟ حسام بابتسامة: إحنا بخير ياملاك، إنتي إيه أخبارك؟ ملاك بابتسامة خفيفة: أنا تمام. الشغل إخباره إيه؟ حسام بغرور: طالما أنا موجود كل حاجة تحت السيطرة. ملاك: أووومال... وضحكوا. والله وحشتني ياحسام، وحشتوني كلكم. وعدى الوقت بين سلامات ملاك للموظفين.

"حسام هو صديق ملاك وأخواتها من الطفولة، وهي بتعتبره أخته وهو كذلك. أهله متوفيين وبيعتبر حميدة وملاك وأخواتها أهله." حسام بابتسامة: ها بقي ياستي إنتي كويسة؟ ملاك اتنهدت بحزن ووجع: تؤ، مش كويسة. بس أعمل إيه؟ الحياااه. حسام بحب: كل هيعدي صدقيني، وهترجعي أحسن من الأول. ملاك: ولا مرجعش. وأكملت: أنا جعانة. حسام بضحك: طفسة من يومك. هطلب أكل. تطلبي إيه؟

ملاك: عايزة بيتزا وكريب وشيبسي وبيبسي وماشيملوا وشيكولاتة واتنين ميكس و... حسام: إييييه حيلك حيلك، هو أنا قاعد على بنك؟ إيه كل ده؟ يخربيتك. ملاك: يابني دول ولا حاجة. مش كفاية بقالك مدة مدفعتش حاجة ليا. يبقى تدفعهم دلوقتي. وبعيون حادة: اطلب. حسام بضحك: تمام ياهبلة. طلب حسام الأكل. وكلوا تحت هزارهم مع بعض. ملاك هانم، في حد عايز يقابلك. ملاك باستغراب: مين يعني؟ أنا... ويتبع.