رواية الملاك الحزين الفصل الحادي عشر 11 - بقلم منة سامح

مازن بجدية: الو حسام، تعال بسرعة. حسام بقلق: في إيه يابني؟ مازن: اخلص ياحسام، وقفل. *** ملاك فاقت، لاقت نفسها مربوطة. بصت جنبها لقت كارما فاقدة الوعي وبتنزف. ملاك بخوف وهي بتحاول تقربلها: كاارما، فوقي كااارما... بس مفيش فايدة. ملاك بدموع وخوف: يااارب. *** حسام بقلق: في إيه يابني، مالك قاعد كده ليه؟ مازن بحزن: ملاك وكارما اتخطفوا. حسام بصدمة: إييي، انت بتهزر صح؟ مازن حط وشه في الأرض ودموعه نزلت. حسام

بحزن وهو بيربط على كتفه: اهدي، هنلاقيهم وهيبقوا بخير. أهم حاجة دلوقتي نروح لسيف، هو ظابط وعارف هيعمل إيه، يلا. مازن بص له وقام معاه. بس وهو خارج، ميار وقفّته. ميار وهي بتبص حواليها بخوف: عايزة أقولك على حاجة مهمة. مازن بص لها وقال بجمود: مش وقته ياميار. ميار وهي بتشده بخوف ودخلته الأوضة. وحسام دخل وراهم. مازن بصدمة وعدم فهم: انتي عملتي إيه؟ ميار خدت نفس وقالت بهدوء: عارفة مين اللي خطفهم، ماما.

حسام بصدمة: كنت شاكك في كده... بس انتي إيه اللي عرفك؟ ميار: سمعتها وهي بتتكلم من قبل ماتسافروا، بس معرفتش أتكلم لأنها هددتني. ودلوقتي أنا سمعتك وانت بتقول لحسام إنهم اتخطفوا، ف أنا مقدرتش أسكت أكتر من كده. مازن بغضب: لو حصل لهم حاجة، أنا مش هرحم*ها. يلا يا حسام. ميار بهدوء: هاجي معاكم. مازن: تيجي معانا فين؟ اقعدي هنا. ميار وهي بتخرج معاهم: مش هقدر، أنا جاية. وفعلاً ركبوا العربية واتجهوا للقسم. *** نادية بشر: هما جوة.

_جوة ياهانم، بس في واحدة منهم فاقدة الوعي وبتنزف. نادية بشر: مش مهم، كده كده هما هيموتوا. بس أكيد مش بعد ما أسلم عليهم. _الفلوس الأول ياهانم. نادية بصت له بضيق وحدفت الفلوس في وشه ودخلت. نادية بشر: أهلاً أهلاً، منورين. ملاك بصدمة: انتي! نادية وهي بتقعد حاطة رجل على رجل: وهو حد عرفكم غيري؟ ملاك بدموع بصت على أختها وقالت بحزن: عايزة إيه؟ نادية: هعوز إيه منكم يعني، كل الحكاية إني همو*تكم. ملاك: إحنا عملنالك إييي، هااا؟

بتعملي فينا كده ليه؟ نادية بحقد: مش انتوا اللي عملتوا أمكم، بس انتوا بتدفعوا التمن. ملاك بعصبية: ماما معملتش حاجة. نادية بعصبية وحقد: لأ عملت، عملت كتير. خدت أكتر شخص أنا حبيتُه زمان، اللي كنت راحة أعترف له بحبي، بس في نفس اليوم خطب أمك انتي وسابني. أمك كانت بتشوفني مكسورة وفي عيني الوجع والكسرة، وكانت بتضحك عادي كأن مافيش حاجة. اترجيتها تسيبوا، بس عندت معايا واتجوزتو. عرفتي عملت إيه؟

ملاك: عشان كده كنتي بتأذيها زمان وبتاذينا معاها. نادية بشر: اممم، بس تعرفي مهدتش حتى بعد لما موتها. ملاك بصت لها بدموع وصدمة. أكملت نادية: متبصليش كده، أيوه مو*تها. أنا اللي مسئولة عن الحادثة اللي حصلت معاكوا، وأنا بردوا السبب في اللي حصلك. ملاك بدموع: لي كل ده؟ إحنا عملنا إيه؟ مشكلتك كانت مع ماما، إحنا مالنا؟

نادية بحقد: حظكوا إنكم ولادها بقي، لأ وولاد الراجل اللي حبيتُه. وبما إني مرتحتش بعد ماقتلت*ها، ف انتوا اللي هتدفعوا التمن. _محدش هيدفع التمن غيرك يانادية هانم. نادية قامت بصدمة وخوف: ا انتوا إزاي؟ مازن بحزن: بقي انتي، انتي يطلع منك كل ده؟ نادية بصت لهم بحقد وكره، ومسكت المسدس اللي جنبها ووجهته على ملاك بكره. نادية بشر: مابخسرش أنا، وضربت الطلقة بسرعة. ملاك بصدمة...