رواية الملاك الحزين الفصل السابع 7 - بقلم منة سامح

مازن بصدمة وعدم تصديق: متأكد ياحسام؟ حسام: أنا برضه اتصدمت، بس أنا سمعتها وهي بتتكلم مع اللي عمل كده وبتقول إنها كانت عا... وسكت بحزن. ملاك: كانت عايزاني أموت، مش كده؟ حسام هز رأسه بحزن: امم.. وهي حاولوا تاني؟ مازن بغضب شديد: يابن...... وأنا اللي عملتلها اعتبار، والله لأقتلها! ولسه هيقوم، مسكه حسام بهدوء.

حسام بهدوء: اهدى دلوقتي، هي مش لوحدها. وكمان إحنا مش معانا دليل ضدها، فلازم نخلي بالنا كويس ومنعرفهاش إننا عرفنا حاجة. وأنا هقول لسيف عشان يراقب تليفونها. مازن هدى شوية: طب هنسيبها كده؟ حسام بقلة حيلة: ماقدمناش غير الحل ده. سكت مازن وبص على ملاك اللي دموعها نازلة بصمت وباصة على رجلها بكسرة، واتنهد بحزن كبير. قطع سكوتهم حد خبط على الباب. مازن: ادخل. دخلت ميار بهدوء. وأول ملاك شفتها اتعصبت.

ملاك بعصبية: انتي إيه اللي جابك تاني؟ ها؟ عايزة مني إيه بقى؟ ميار بهدوء: أنا جاية أشوفك. ملاك: وأنا مش عايزة حد يشوفني. وللمرة المليون، ملكيش دعوة بيااا بقي. ميار بدموع محبوسة: ملاك، عشان خاطري سامحيني ونرجع زي الأول. أنا تعبت. بصتلها بحزن وكسرة، وعايزة آخدها في حضني بس مش قادرة. هي معملتش حاجة واحدة، دي عملت كتير ليا عشان تكسرني، وفعلاً كسرتني. بصتلها وبصيت للكوباية اللي جمبي، ووقعتها. مازن بخضة: ملاك! أكملت ملاك

وهي بتبص على ميار ببرود: تفتكري تقدري ترجعيها زي الأول؟ ميار... ملاك بعصبية: هااا؟ ردييييي! تقدري؟ لو قولتلها أنا آسفة، هل هترجع زي الأوللللل؟ مترددديييي. حسام: اهدى ياملاك. ملاك أكملت بدموع وكسرة: تعرفي إنها مش كوباية انكسرت، لا، دي أنا ت... وسكتت بقلة حيلة: عمري ما هرجع زي الأول مع حد آذاني، وإنتي كنتي أكتر حد آذاني ياميار. ميار دموعها نزلت بندم وخرجت بقلة حيلة وحزن. ملاك اتنهدت بحزن كبير وسكتت. حسام

بصلها بحزن وأكمل بمرح: طب إيه؟ الأكل على وصول اهو. مازن ضحك: إنت مسخرة ياحسام والله. ملاك بصتلهم بحزن وضحكت عشان متتحسسهمش إنها زعلانة: طب إيه؟ أنااا جعاااانة. مازن ضحك هو وحسام. حسام بضحك: هتلاقيه على وصول ياختي، متقلقيش. آهوه بيتصل، أنا هنزل أجيبه وأجي. ونزل وسابهم. مازن: ملاك، جربي تدي فرصة تانية لميار. ملاك بصتله: مازن، خلاص أقفل على الموضوع. مازن سكت بقلة حيلة. وحسام جاب الأكل، وقعدوا ياكلوا تحت هزارهم. ***

نادية: مالك قاعدة كده لي؟ ميار بصتلها بحزن: مفيش. نادية بشك: لا في، في حد عملك حاجة؟ إنكِـ... ميار بصتلها بكسرة وحزن ووقفت قدامها: إنتي! إنتي اللي عملتيلي حاجة! نادية: أنا عملت إيه؟ ميار بحزن: مش إنتي اللي حرضتيني على ملاك وإخواتها، وقولتيلي إني لازم أدمرها؟ وحكتيلي قصة مش صححح؟ هااا؟ وإنتي اللي دخلتيني في مشاكلك مع خالتي. أنا كان مالي ومال الكلام ده. أنا وملاك كنا أكتر من أخوات، تعرفي كده؟

وأكملت بسخرية: بس هتعرفي منين، صح؟ وإنتي أصلاً كنتي همك تنتقمي من إخواتك بس، هااا؟ ولا بردوا إنتي سبب في موت أخوكي مروان، مش كده؟ ردييييي! نادية ضربتها بالقلم بغضب. ميار... ويتبع