رواية الملاك الحزين الفصل التاسع 9 - بقلم منة سامح

كارما بصدمة ودموع: مات... وبصت بصدمة لمازن: مات يامازن.. ملحقتش أنقذها. وبدأت تنهار وتصرخ بوجع: ماقدرتش أنقذها، مقدرتش. مازن بدموع وهو بيحضنها: هشش هش، ده قضاء ربنا ياحبيبتي، وهي ارتاحت، اهدي ياكارما. كارما وهي بتشد على حضنه بوجع: آه يامازن، آه، كانت قدامي، غير قادرة بدمها، آه، مقدرتش أنقذها يامازن، مقدرتش. ملاك بدموع وحزن: اهدي ياكارما، اهدي ياحبيبتي، هي في مكان أحسن، اهدي.

حسام كان بيبصلهم بدموع محبوسة وحزن كبير، بس مقدرش يمنع دموعه، فخرج برة الأوضة. *** بعد أسبوع. كارما قاعدة في أوضتها وباصة للسقف بحزن ودموع وبتفتكر يوم الحادثة. فلاش باك. كارما بصريخ: ماااازن، حااااسب... آه. كارما بوجع: مازن، ماما، اصحوا، ماااازن، ماما. ريـهام وهي بتقفل عينيها بوجع: مش قادرة ياكارما، الحقيني... وفقدت الوعي. كارما بصريخ وتعب: آه ماما، لا لا، فوووقي. الحقـونا، حد يلحقنا، مااازن. باك.

فاقت كارما من شرودها على خبط الباب. كارما وهي بتمسح دموعها: ادخل. دخلت ميار بابتسامة هدوء. كارما نفخت بضيق وقالت ببرود: خير ياميار. ميار بهدوء: جاية أقعد معاكي، ممكن. كارما بهدوء: مش عايزة أقعد مع حد ياميار. ميار بحزن: هو انتي كمان مدايقة مني. كارما بصتلها: هدايق منك لي، وانتي عملتي حاجة أدايق، لسمح الله. ميار بهدوء: أنا معملتلكيش إنتي. أكملت كارما بعيون حادة:

بس عملتي لأختي وتوأمي، كسرتيها. كانت بتعيط دايمًا قدامي بوجع بسببك، كانت لما بتضحك بتضحك بالعافية، مكنش بإيدي حاجة أعملها. ميار بحزن: بس أنا ندمت، ونفسي تسامحيني. كارما بحزن وهدوء: تسامحك على إيه هااا؟ إنتي عملتي حاجة واحدة، إنتي عملتي حاجات عشان تشوفيها مكسورة، مع إنها كانت بتعتبرك أكتر من أختها، كانت بتحبك أوي، مكنتش بتخبي حاجة عنك. بس تعرفي، إنتي نجحتي في ده، نجحتي إنك تكسريها، أحيكي بجد. وسكتت شوية:

صعب ياميار، صعب أوي تسامحك وترجع زي الأول معاكي، صعب جدًا. ميار بصتلها بحزن ودموع وخرجت. وكارما اتنهدت بتعب وحزن وسكتت. *** ميار كانت داخلة أوضتها بس سمعت حاجة وقفتها. نادية بغضب: وأنا قولت اللي عندي، تخلص عليها الأول، بعدين أديك فلوسك، فاهم. ............ نادية: ولاااا، إنت بتهددني؟ وبعدين اسكت، أختها فاقت، وده مش هينفع، لازم نخلص عليهم. ميار فتحت الباب بصدمة.