رواية الملاك الحزين الفصل الثالث 3 - بقلم منة سامح

ملاك قامت بغضب: انتي أي اللي جابك هنا وعايزة أي؟ ميار بهدوء: ليكي حق تكلميني كده بس أنا آسفة. ملاك بسخرية: بجد حياتي بقت أجمل بكتير باعتذارك ده... وسكتت شوية وقالت بعيون حادة: برة، اخرجي برة. ميار: بس... ملاك بغضب: بررررة. ميار بصتلها بحزن وخرجت، فهي معاها حق تكلمها بطريقة دي. خرجت وأنا بصيت لأثرها بغضب وحزن وأنا بفتكر اللي عملته فيا زمان. "فلاش باك" ملاك: في أي يا كارما، جرالك إيه كده ليه براحة. كارما وهي مكملة مشي،

ووقفت فجأة في مكان: بصي كده. بصيت بصدمة: نادر... ميار... وبصيت لكارما بصدمة: ده بجد؟ مسكين! ايد بعض. كارما بصتلها وقالت بهدوء: ياريت تفوقي بقى يا ملاك، قولتلك إنه مش بيحبك، وإنتي تستاهلي واحد أحسن من كده بكتير. أما عن ميار، فتقريباً بتعمل كده عشان مامتها وماما، واللي حصل... ملاك بصتلها بدموع: أنا كنت بحبه أوي ومازلت يا كارما، وميار دي كانت أكتر من أختي. لا، أنا لازم أواجههم وأشوف هيعملوا إيه لما يشوفوني.

وجاية تمشي بس كارما شدتها بهدوء ومسحت دموعها: أوعي تضعفي، أوعي! زيارتها. وملاك راحت باتجاههم. ملاك بجمود: نادر. نادر بصّلها ببرود: أظن فهمتي كل حاجة، وإني مبحبكيش ولا عمري حبيتك أصلاً. ملاك كانت هتعيط بس اتمسكت وقالت بجمود مصطنع وبرود: ومين قالك إني حبيتك أصلاً، بلا قرف. وجاية تمشي. ميار بغيظ: يعني إيه؟ بصتلها بصة طويلة، دي كانت أكتر من أختي. واتكلمت ببرود:

يعني زي ماسمعتي، إني مبحبش المحروس اللي جمبك ده واشبعوا بعض، قرفتكم. وجاية أمشي بس بصتلها وقولت بقرف: للأسف، كنت بعتبرك أكتر من أختي. وسبتها وسبت وهما الاتنين واقفين بيشيطوا من الغيظ. "باك" ملاك بسخرية: قال آسفة قال. وقامت نامت. -ملاك: ماما. ريام: خليكي قوية يا ملاك، أوعي تضعفي لحد أبداً. ملاك بدموع: بحاول يا ماما، بحاول والله، خايفة، خايفة أوي. كارما تيجي لك، مش هقدر أعيش من غيرها. ريام:

ادعيلها يا حبيبتي. خلي بالك من نفسك يا ملاك ومن أخواتك، خلوا بالكم من بعض يا حبيبتي. _ملاك بابتسامة: صباح الخير يا تيتة. حميدة بحب: صباح النور. يلا اقعدي افطري. قعدت ملاك ومبصتش للقاعدين. نادية بغيظ: إيه اتعميتي ولا إيه؟ ملاك جزت على سنانها بغيظ وقالت بهمس: يا صبر أيوب. وبصتلها بابتسامة باردة: معلش، أصل عيني مبتشوفش الحشرات. نادية بغضب: إنتي بت... قاطعها دخول مازن: صباح الخير. رد الكل: صباح النور. مازن قعد جمب ملاك.

أكملت نادية لاستفزاز: شايفة الزوق والله، مش عارفة انتو كنتوا في بطن واحدة إزاي. ميار هدوء: ماما خلاص. ملاك بصت على السكينة اللي جنبها ومسكتها وقالت بتهديد وهي بتوجه السكينة ليها: والله لو مسكتيش يا ست انتي، لأقت*لك. أنا ميهمنيش، إنتي فاهمة؟ نادية بخوف: ماتقولي حاجة يا ماما. حميدة بحزن: خلاص يا ملاك، اقعدي. وإنتي يا نادية اهدي شوية وملكيش دعوة بيها. مازن بعد السكينة عن ملاك: اهدي يا ملاك، مش كده يا حبيبتي.

ملاك قامت بعصبية: يوووه، هو أي اللي أهدي أهدي، شايفين بشد في شعري مثلاً؟ ماهي اللي عصبتني وانتو شاهدين. وبصت على ميار ونادية بعيون حادة: وإنتو ملكوش دعوة بيا تاني مفهوم؟ لحسن والله هتشوفوا مني وش تاني. ياريت تقولي لهم يا تيتة. نادية كانت لسة هتتكلم بغضب بس ملاك خدت شنطتها وخرجت قبل ما تسمع ردها، وده عصبها أكتر. نادية لحميدة: دي تربية دي. حميدة بغضب: إنتي تسكتي خالص. وبصت لمازن:

وإنت روح ورا أختك، خلي بالك منها يا مازن يابني. مازن بص لنادية بضيق وخرج. أكملت حميدة بغضب: إنتي عايزة إيه بقى؟ أي اللي رجعك بعد كل ده؟ نادية بحزن مصطنع: الله يسامحك يا ماما، إنتي مش عايزة تشوفيني؟ حميدة: بس انتي هدفك مش كده، انتي هدفك حاجة تانية وأنا عارفاها، فما تلفيش وتدوري كتير. وخذي بناتك وارجعي مكان ما جيتي، مش كفاية اللي حصل زمان، عايزة إيه تاني؟ نادية بجمود:

بس أنا مش خارجة من هنا، لأن ده مش بيتك لوحدك، ده بيتنا كلنا وملكيش حق تقولي لي حاجة. حميدة بغضب: هسيبك، ماشي يا نادية، اقعدي. أما أشوف آخرتها معاكي إيه. وأكملت بتحذير: بس حسك عينك تيجي جمب ملاك أو مازن، إنتي فاهمة؟ وأنا هعدي اللي حصل النهاردة، بس بعد كده مش هسكت لك. نادية: ده بدل ما تقفي معايا أنا. حميدة: أنا قولت اللي عندي. وسبتها ودخلت أوضتها. ميار بهدوء: ماما تعالي نمشي وبلاش مشاكل. نادية: نمشي إيه؟

إنتي هبلة يابت ولا إيه؟ مفيش الكلام ده، هنعيش هنا، أما نشوف آخرتها. ميار بصتلها بقلة حيلة وطلعت أوضتها. _وصلت ملاك المعرض ودخلت على مكتبها على طول، عكس طبيعتها. حسام دخل عليها باستغراب: ملاك، مالك؟ ملاك بشرود: رجعت، رجعت تاني، رجعوا تاني. حسام بعدم فهم: مين دي؟ ملاك: خالتي وبناتها. حسام بصدمة: بعد اللي حصل؟ ملاك بدموع: اممم، شفتي؟ لا ورجعوا بباجاحتهم. كل أما أشوفهم، أفتكر كل حاجة، أنا تعبت أوي. حسام بحزن:

اهدي خلاص يا ملاك. قاطعها دخول مازن. مازن بحزن: خلاص يا ملاك، بقى هدي نفسك. ملاك أخدت نفس بهدوء: أنا جعانة. حسام ومازن قعدوا يضحكوا عليها. ملاك بغيظ: متضحكوش، اطلبولي أكل. حسام بضحك: يخربيتك، هموت. أومال إيه بقى أنا تعبت والزعل وكده. ملاك: ومال الزعل بجوع، منها لله اللي في البيت دي سدت نفسي. اطلبوا لي أكل. مازن بضحك: ماشي يا أختي. وفعلاً طلبوا أكل وكلوا مع بعض. ....... شهد: ملاك هانم، في حد عايز حضرتك. ملاك باستغراب:

مين يعني؟ مقلتيش اسمه طيب. شهد: لا، مش عايز يقول. ملاك: طب دخليه. خرجت شهد وقالتله يدخل. ملاك بغضب: إنت... ويتبع