رواية الملاك الحزين الفصل الثالث عشر 13 - بقلم منة سامح

نادية بصدمة: بنتي ووقعت على الأرض. مازن جرى عليها بحزن. الدكتور بسرعة: بسرعة، ادخلها هنا. مازن فعلاً شالها ودخلها. الدكتور بحزن وأسى: لا إله إلا الله. البقاء لله يا ابني. مازن بص لها بحزن وخرج لملاك وحسام. ملاك بدموع: فيها إيه؟ مازن بهدوء وحزن: ماتت. ملاك بصتله وعياطها زاد بحزن. مازن خدها في حضنه يهديها: سامحي ميار يا ملاك، سامحيها. ملاك بدموع: مسامحاها، بس مش هقدر أنسى. يا رب ارحمهم.

وخرجت من حضنه بحزن: هنقول إيه لتيتا؟ حسام أخد نفس بحزن: لازم تعرف كل حاجة يا ملاك. ملاك بصت لهم وسكتت. *** بعد شهرين. ملاك قاعدة في أوضتها، بس خبط الباب. ملاك وهي باصة في الفون: ادخل. دخل كريم وقعد جنبها بسكات. ملاك بصت له بلا مبالاة وكملت تقليب في الفون. كريم بغيظ: إيه ده! شايفاني أنا؟ ملاك بصت له ببرود: نعم، عايز إيه؟ كريم بحب: مش ناوية تحني ولا إيه؟ ملاك رجعت بصت الفون تاني: لا. كريم شد الفون منها بغيظ.

ملاك بعصبية: أنت بتاخد الفون ليه؟ هاتوه. كريم باستفزاز: لا مش هديهولك. وأكمل بهدوء: غير لما تسمعيني الأول. ملاك بصت له وسكتت. كريم قعد بهدوء: أنا لما سبتك وسافرت زمان، لأني اكتشفت إن عندي كانسر يا ملاك. مسبتكيش بمزاجي. ملاك بصت له بصدمة.

أكمل كريم وهو بيتنهد بحزن: كنت خايف عليكي علشان لو حصلي حاجة متزعليش من بعدي وأموت وأنا مرتاح. وفعلاً سبتك بالطريقة دي علشان تكرهيني. كنت فاكر إني مش هرجع تاني. سافرت وبدأت إني آخد الجلسات. كانت حالتي بتتدهور أكتر، مش بتتحسن. وده اللي أكد لي إني نهايتي قربت. بس القدر كان له رأي تاني. وعملت أشعة لقيته خف، وهو ده اللي اداني الأمل. قعدت تلات سنين أعاني منه. وأول ما خفيت وخلاص قررت أرجع وأنا مطمن. وبدأت عيني تجمع فيها الدموع.

الكسرة: بابا وماما عملوا حادثة وماتوا. جالي صدمة وقعدت قافل على نفسي لوحدي لمدة سنة. كنت بعرف كل أخباركوا بس مكنش بإيدي حاجة أعملها. كنت تعبان أوي، كنت خايف أواجهك أو أواجه أي حاجة. اخترت إني أقعد أريح نفسي وأبني نفسي من تاني وبعدين أرجع. وفعلاً ده اللي حصل. ملاك بدموع: كل ده مريت فيه لوحدك. وسكتت شوية وقالت

بحزن ودموع وهي بتمسك إيده: قدرنا زي بعض. إحنا الاتنين عانينا من نفس الشخص وبنفس الطرق. أنا آسفة يا كريم لو جرحتك مني. كريم بابتسامة خفيفة: أنا اللي آسف. ملاك أنا بحبك أوي. ملاك سكتت بكسوف. حسام وهو بيسقف بتأثر: الله، فنانين بجد. براڤو. ملاك حدفته بالمخدة بغيظ: بارد. حسام وهو بيدخل بغرور: عارف. ملاك جزت على سنانها بغيظ وقالت: حسااااااام. حسام بخضة: بسم الله الرحمن الرحيم. يخربيت حنجرتك يا شيخة. ربنا يصبرك يا كريم.

كريم قعد يضحك جامد. ملاك بصت له بصة رعبته، فبيحاول يكتم ضحكته. كارما وهي داخلة: إيه ده؟ صوتك جايب آخر الشارع. حسام: قولي لها. ملاك بصت له: والله. حسام بتوتر: لا يا كارما، مش عندك حق. ده حتى صوتها رقيق أوي وصغير كده، ما يتسمعش. ملاك بغرور: ناس ما تجيش غير بالعين الحمرا. صحيح. كريم بغيرة: طب خلاص، كفاية هزار. حسام بضحك: أووه، بيغير بقى وهيقرّفنا. كريم بغيظ وهو بيحدفه بالمخدة: أنت مالك يا حشري أنت.

وأكمل بخبث: إلا قولي لي يا كوكو، في عريس متقدم لك؟ حسام بغضب: نعمممم؟ كريم بص له ببرود: واحد صاحبي محترم جدا يا كارما و... حسام بمقاطعة بغضب وغيره: كريممم، اخرس. وبص لكارما اللي واقفة كاتمة ضحكها: فرحانة ها؟ كارما بضحك: أومال مش هلبس فستان بقى، يبقى أكيد لازم أفرح. حسام بص لها: يعني انتي موافقة؟ كارما بصت له بضحك: موافقة على إيه يا ابني؟ الواد بيهزر قدامك، مش باين؟ حسام بضيق: مبحبش الهزار ده. كارما بخبث: ليه؟

حسام بانفعال وحب: عشان بتنيل بحبك. كارما ضحكت بحب: وأنا كمان. حسام بصدمة: كمان إيه؟ كارما: بتنيل بحبك. حسام بضحك: باردة. وأكمل بحب: وأنا بموت فيكي. ملاك بتأثير مصطنع: الله، براڤو على محن الكلاب اللي حصل ده. براڤو. حسام بغيظ: سكتها لحسن أجي أسكتها بنفسي. كريم بص له وضحك، وكارما ضحكت، وكلهم ضحكوا على شكله. *** بعد خمس سنين.

ملاك قاعدة قدام قبر بحزن: النهاردة الذكرى السنوية الأولى ليكي يا ست الكل. سبتيني انتي كمان يا تيتة. مديونة ليكي بكتير أوي. انتي اللي كنتي جنبي في كل أوقاتي الصعبة. انتي اللي كنتي واقفة جنبي دايماً. كنتي بتقويني كل ما أقع. وكتير أوي مهما اتكلمت عنك عمري ما هوفي حقك يا ست الكل. عمري. بقوا عندك أحفاد، معاذ وسيليا. تعرفي سيليا شبهك أوي، كل ما أبص عليها أفتكرك. الحمد لله. بحبك أوي يا تيتة، أوي. وكارما بقى عندها مكة ومليكة. ومازن بقى عنده مراد ونور.