رواية الملاك والشيطان والرومانسي الفصل الحادي والعشرون 21 - بقلم مريم حسن سليمان

ملاك بصدمة: يعني إيه؟ يعني أطيب واحدة يطلع منها كل ده؟ إزاي؟ هدي: فارس، بالله عليك ما تأذيها. فارس بصدمة: إزاي هي تعمل كده؟ ملاك: سلوى طيبة، مش هتعمل كده. فارس بعصبية: واللي سمعناه ده إيه؟ ده أنا هنتقم من كل واحد بقى بيتفق مع أبوها وأمها على عمها عشان يموت وياخدوا الأملاك. إيه تفكيرهم المريض ده؟ هدي بدموع: فارس، هقول حاجة كمان بس بالله عليك ما تعمل حاجة. فارس بغضب: لسه فيه إيه تاني؟ هدي: أنا... ماما يعني...

يعني كنت هساعدها عشان... عشان... فارس بعصبية وزعيق لدرجة إن اللي في البيت سمعوه: عشان إيه؟ انطقي! هدي بخوف منه: عشان أتجوزك وناخد الأملاك. بس والله والله ما كانت نيتي حاجة وحشة، ولا كان نيتي إني أقتل ولا أي حاجة. صدقني، بس والله بعدت عنها وعن مخططاتها. كان قليل لما بشوفها بتلعب في عقل بابا عشان ينضم لينا، بس هو كان بيرفض تماماً. مش عارفة إيه اللي حصل، بس والله بعدت عنها ومعملتش حاجة خالص.

فارس بص لها بنظرة حادة وسابها ومشي. هدي بعياط: ما تخليهوش يأذيهم يا ملاك. ملاك: أنا بإيدي إيه أعمله؟ انتي شايفاه متعصب إزاي؟ بس هو أكيد مش هيأذي عمه ومرات عمه وبنت عمه، دول من لحمه ودمه برضه. هدي: فارس لما بيكون عايز ينتقم من حد بيطلع كل الوحش اللي جواه فيه. يعني ممكن يعذبهم ويخليهم يتمنوا الموت. ملاك بحزن: ما تعيطيش يا هدي. شفتي هما عملوا إيه؟

وكمان إنتي متعرفيش كانوا هيعملوا إيه تاني. هما بصراحة يستاهلوا أي حاجة تحصل لهم. بصت لها هدي بدموع وجرت برا الأوضة. قابلتها سلوى. سلوى بطيبة مزيفة: هدي بتعيطي ليه؟ هدي: لا مش بعيط. هعيط ليه يعني؟ سلوى: يعني... مثلاً عشان عمي. هدي: هو ده يتعيط عليه؟ إن كان عليا، عاوزة أروح أقتله بنفسي والله. سلوى بتمثيل: عاوزة تقتلي عمك يا هدي؟ هدي: أيوه عادي. وبعدين إني وأمي كنا متفقين نخلص من كل اللي في الدار.

وبعدين كملت بخبث: سلوى، متعرفيش حد باللي بقوله ده؟ بالله عليكي. سلوى بخبث: ألا، سرك في بير. هدي: أختي الأصيلة. وكملت بخبث: تنضمي لينا يبت يا سلوى عشان نخلص منهم ونخليهم خدامين تحت رجلينا، وإلا بجد هتكوني إنتي كمان تحت رجلينا. سلوى بتلقائية: ألا، إنتي متعرفيش إن إني وأمك أبوكي اللي عملنا كده في عمك؟ هدي بخبث: مني عارفة. سلوى: يوه، إيه اللي أنا قولته ده. هدي: لا مداريش تاني، أمك بتحكي لي كل حاجة.

سلوى بغضب: بقي كده ياما؟ ماشي. هدي: لا، روّقي كده. ما تخافيش، إني مش بحكي لحد. سلوى بخبث: خلاص، انضمي لينا إنتي بقى، لأن إني معاهم من زمان. ونسيت أقولك، معانا حد كمان. هدي بخبث: محمد؟ الظابط: فارس بيه، إيه اللي في دماغك؟ ليه مش عاوزني أقبض عليهم واحنا معانا دليل حلو أهو. فارس بهدوء: معلش يا حضرة الظابط. لما بابا يفوق، يبقى هو يقرر. الظابط: بس ده القانون. لازم نقبض عليهم. فارس بغضب: إني قولت لأ. مستعجل ليه؟

الظابط: اللي تشوفه يا فارس بيه. فارس راح يطمن على أبوه. الدكتور: لسه ما فاقش والله يا فارس بيه. فارس: طب هو هيبقي كويس؟ صح؟ الدكتور: هو تمام والله، بس داخل في غيبوبة وهيفوق منها قريب. فارس: الحمد لله يا رب... ممكن طيب أدخل أشوفه؟ الدكتور لسه هيعترض، بص له فارس نظرة حادة. الدكتور بتوتر: اتفضل.

فارس: بابا، عارف إنك مش سامعني، أو يمكن سامعني. بس والله لنتقم منهم ومش هيصعبوا عليا. سلوى يا بابا، اللي انت مربيها، اللي معتبرها بنتك. متخيل عملت إيه؟ حاولت تقتلك... بس أنا مش هرحمهم. لحد ما تفوق، أنت هتقرر، بس إن شاء الله هما اللي هيطلبوا الموت. أنا هموتهم بالبطيء والله. ومسح دموعه ومشي. راح البيت لغرفة أمه. لقاها نايمة، بس الدموع على خدودها. فارس: ماما. كريمة مسحت دموعها: فارس، ممكن توديني لرضوان؟

فارس بحزن: حاضر. بس مش دلوقتي. أنا كنت عنده و... كريمة بسرعة: الدكتور قال لك إيه؟ فارس: قال هو كويس وهيفوق قريب. كريمة بدموع: الحمد لله يا رب. الحمد لله. دخلت ملاك وفي إيديها صنية أكل. ملاك: فارس، إنت هنا؟ فارس بحب: أيوه، جيت. ملاك: طب يلا عشان تاكل مع ماما. بقالكوا كتير ما أكلتوش. فارس: لا، أنا مش جعان. يلا يا ماما، كلي. كريمة: أنا مش جعانة يا ملاك يا حبيبتي. ملاك بزعل: الأكل مش عاجبك؟ ده أنا اللي طبخاه.

كريمة: ما تقوليش كده. والله الأكل ريحته جميلة، بس أنا مش جعانة. ملاك: لا بقى، منتوا هتاكلوا انتو الاتنين عشان ما أزعلش. والله. فارس: طيب، يلا اقعدي كلي معانا. ملاك لسه هتعترض. فارس: خلاص، مش هتكلم. ملاك بسرعة: مين قال لك إني مش هاكل؟ أنا هاكل أهو. يلا انتوا كمان. فارس: رايحة فين طيب؟ ملاك: هجيب عصير. وسابتهم وراحت. كريمة: طيبة أوي ملاك وبتحبك أوي. فارس بابتسامة: والله أنا بحبها أكتر يا ماما.

كريمة: ربنا يهديكوا ويخليكوا لبعض يا رب. فارس: يارب. ملاك داخلة وهيا ماسكة العصير، وهووب! أغمي عليها و...