رواية المشاكسة و النقيب الفصل السابع عشر 17 - بقلم الكاتبة الصغيرة

في بلكونه الساعه 3 بليل، عدي واقف يبص لقمر بحزن. "يا رب خايف على زعل عمتي، ونفس الوقت أنا بحب سيلا وخايف تكون مبتحبنيش. يا رب ساعدني." بيروح المطبخ يعمل حاجة يشربها، وبيلاقي الدنيا ضلمة. بيمشي براحة عشان ما يزعجش حد، وفجأة بيخبط في حد ويقعوا الاتنين. يبص يلقيها سيلا. بيفضل باصص على عيونها وسارح، وبيلاقي فيهم حزن وغموض مش عارف يفسرهم. فجأة حد قيد النور. يلاقوا مرام مقيدة النور، واقفة إيديها في وسطها ورافعا حاجبها.

مرام: اممم، أفهم إيه اللي بيحصل هنا بقى؟ في بيتي؟ في مطبخ؟ سيلا تقوم بحرج وبتجري على أوضة. عدي: بت انتي أوڤر. مرام بسخرية: أنا برضه يا عدي بيه؟ عدي: أيوه انتي. وبيزقها ويدخل أوضة لمنع إحراجهم. مرام بضحك: شكلهم يهلكوا من الضحك. كنت جاية هنا ليه؟ أه صح، أشرب. بترجع الأوضة تاني وتنام. تاني يوم الصبح. خديجة: سيلا، مرام، اصحوا يا بنات. يا بت انتي وهي. مرام: يوه يا ماما، سبيني شوية.

خديجة: قومي يا بت يا كسولة عشان نجهز المفاجأة لأسينات. وبتسبها وتطلع تصحي بقية البيت. مرام: ينهار! عيد ميلاد أسينات نسيت. بت يا سيلا قومي بسرعة. بنلاقي سيلا بتحلم. سيلا بنعاس: اممم، بس خليك يا عدي شوية. مرام: عدي مين يا بنت الهبلة؟ قومي! سيلا: عااااا! إيه يا مرام؟ حد يصحى كده؟ مرام باستفزاز: أه أنا. سيلا: في إيه ياختي؟ مرام: عيد ميلاد اختك، يلا. سيلا: كل سنة وهي طيبة. وتشد لحاف وتنام تاني. مرام بترفع لحاف.

مرام: يا شيخة بقولك عيد ميلاد اختك. أسينات: ألف مبروك. سبيني أنام بقى. مرام: مش هتقومي يعني؟ أسينات: شوية كده. مرام: طيب. تقف مرام على سرير تبدأ تغنيلها وتشرشح ليها بديها على كلام أغنية: "متجيش تبكي الدموع وعذابك بضلوع، وتقول ارحمني منهم، دول ناس مبيرحموش. بيبيعوا وميشتروش، ويا ريتني بعد عنهم. أمشي ورا كدبهم من تاني، ورحلهم، بس يا ترى تلاقي الطيبة في قلوبهم." سيلا: عاااااا! دراما أوڤر. أديني أزفت قمت. هنعمل إيه؟

مرام بابتسامة وتقرصها من خدودها: شطورة يا سولي، يلا نفطر ونبدأ نساعد أدم. سيلا: تمام، يلا ياختي. بيطلعوا بيلقوا الكل جاهز على السفرة ومستنينهم. مرام: صباحو يا بشرررر. سيلا: صباح الخير. سيف الدين: صباح الورد يا قمرات. ها جاهزين؟ مرام: ومتحمسة، خصوصاً هيبقى في نفس الوقت خطوبة. وبتروح غمزة لآدم. أدم: احم احم، اتلمي ابت. مرام بضحك: ربنا يتمم على خير يا قلب أخوك. أدم بحب: تسلم يا حبيبي، عقبالك إن شاء الله.

سيلا بتحس بنغزة في قلبها. عدي بضحك: إن شاء الله. مرام: بقولكو إيه، أنجزوا. لسه ورانا فستان وحاجات كتير وقاعة. عدي: برضه لو خلصنا لازم نستنى. مرام برفعة حاجب: ليه بقى إن شاء الله؟ عدي: عشان مراد مستنينا، لأنه هو اللي مسؤول عن كل حاجة. مرام: نعممممممم! يخويا لي بقا؟ وفجأة بتلاقي بيرد عليها. مراد: إيه؟ في عندك مانع ولا حاجة؟ مرام بنظرة عصبية: أه عندي. نستناك ليه؟ بتاع إيه أصلاً؟

مراد: بتاع إني أنا اللي مسؤول عن كل حاجة يا شبر ونص. مرام: اسمي مراااااام مش شبر ونص يا أبو طويل. مراد: وأنا اسمي مرااااد مش أبو طويل. مرام بعوجة بؤها: طظ. مراد: بتقولي حاجة؟ سيلا: بسسسسسسس! إيه أطفال؟ مرام: هو اللي بدأ. مراد: لا، انتي كدابة على فكرة. انتي اللي بدأتي. مرام بغضب: بتقول أنا كدابة؟ مراد بعند: أيوه بقولك انتي.

كل اللي قعد أوووه، جابوا لنفسهم. مراد بيلاقي فجأة اللي هجم عليه، عايز يجيبه من شعره لولا أخواتها. عدي بضحك: خلاص يا مرام، حقك عليا. مرام بغضب: وسععععع! أنا كدابة يا أبو طويلة، يا ليفة من غير صابون. مراد: أنا ليفة يا حتة صفيحة. سيف الدين: بسسسسسسسس! انتوا الاتنين احترموا وجودنا. مرام بنظرة غضب لمراد: آسفة يا بابا. سيف الدين: تمام، يلا روحوا شوفوا هتعملوا إيه. بيمشوا كلهم، بيفضل سيف الدين وخديجة.

بيدأ سيف يدور على خديجة، وبيلاقيها في مطبخ. يقوم حضنها من وراها كده، ويقولها: سيف الدين: حبيبة قلبي، بتعملي إيه؟ خديجة بخضة منه: اخس عليك يا سيف، وسع. العيال ياخويا. وبعدين انت بتعيش مراهقة متأخرة ولا إيه؟ هههههه. سيف بيلفها لي وبيخلي وشهم مقابل لبعض. سيف الدين: مهما أكبر، حبك بيخليني لسه طفل صغير في شوارع قلبك، تايه ومش لاقي مكان غير قلبك ده، ومش عارف يخرج منه.

خديجة بحب: تعرف يا سيفو، كنت وأنا صغيرة بفتكر إننا لما نكبر الدلع اللي كنت بشوفه منك ده هينتهي، بس لسه بدلعني أكتر. أنا بحبك أوي. وبتحضنه. سيف الدين بيبادلها الحضن: ياااااا يا ديجا. بقالي كتير مسمعتش "سيفو" دي منك. وحشتني. أو منك "بحبك". دي ديما يحج يحج. أنا قولك "ديجا" انتي تقولي "يا حج". خديجة بضحك عليه وبتطلع من حضنه: هههههه، معلش بقى. بعلي من شأنك. سيف بيشدها لحضنه وببص في عينيها.

سيف الدين: انتي متأكدة من كلام ده؟ خديجة بهيام في عينه العسلي المخضر: هااا؟ سيف الدين بيضحك على شكلها وهي بتغضب منه. خديجة: وسع بقا كده، بدل ما أغز*زك دلوقتي. سيف الدين: أهون عليكي؟ خديجة بعبث: اااه، تهون. امشي بقا. يقوم سيف الدين يشيلها فجأة. خديجة: عاااا! نزلني يامجنون! بقولك كبر. سيف الدين: هنشوف مين كبر. وبغمزلها وبيخدها الأوضة. نروح للشباب، بنلاقي أسينات ومرام ورا، وأدم ومراد قدام، وبيرقصوا على مهرجانات.

مرام: بقولك إيه؟ عايزة أعيش بطل رقص. وركز في سواقتك. قال إيه ظابط. شكلك ظابط بنطلون. مراد: أنا عايز أموت. والناس دي عايزة... مش عايزة تموتي بقا؟ انزلي وحصلينا. ماشيين؟ مرام: لا والله. انت ياض شارب حاجة؟ مراد باستفزاز أكتر: اااه، شارب قهوة سادة. مرام: مش باين. انت شكلك شارب رخامة على الصبح. مراد باستفزاز: مجربتوش؟ وعلى راي المثل: اسأل مجرب ولا تسأل طبيب. انتي شربتي؟ قولي لنا بقى طعم مشروب الرخامة ده إيه؟

مرام بعصبية: بصصصص! قدامك! أدم بضحك على أخته: أدم: معلش يا بلية، بس مقولتيش طعم الرخامة ده إيه؟ مراد بضحك مع أدم: كفك. وبيحكوا. وسيلا بتضحك ورا، ومرام قاعدة من كتر حمرة وشها من الغضب هتنفرقع. مراد: روّقي كده يا شابة. أومال... مرام بتكتفي بنظرة وبتسكت. وبنوصل المكان اللي اتحدد، وفجأة بيلاقوا.