رواية المشاكسة و النقيب الفصل السادس والعشرون 26 - بقلم الكاتبة الصغيرة

تبدأ الحفلة ويبدأ الضيوف بالحضور. تكون أسينات واقفة حزينة. "القمر واقف لوحده ليه وزعلان كدا؟ "اخس عليك يا ادم خضتني." "سلمت ياقلبي من خضة يارب. مرام" "بتجيب في سيرتي ليه دلوقتي بقا؟ جيت جنبك." "بسم الله الرحمن الرحيم. انتي بتيجي على سيرة." "اه يخوياااا. شوفت ربنا بعتني أشوفني وأنا بتتهزق." "هو حد يقدر؟ الحقي بابا بينادي عليكي، روحي شوفيه." "مااااااشي. هعديها بمزاجي يا كرونيا." "اااه يابنت الـ...

ويلاقي أسينات بتضحك عليهم. "طبعاً عجبك أوي انتي." "جداًااا." ويقرب منها ادم ويبوسها من خدها. ويقبلها كف خماسي من أسينات وتسبه وتمشي. (أصل بناتنا محترامات😂😂😂) "اااه يابنت المجانين." وبيروح يشوف أخوه خلص ولا لسه. عند فهد وأسد. "بقولك إيه، أدوك حلوة البدلة دي هتجيب بنات." "جامدة يسطا، انجز بقا عشان منتأخرش." "لا نتأخر إيه، عايز الحق أشقط." "ولااااااا. عارف لو عملت حاجة جنونية هتزعل مني." "عيب كده يسطا، تعرف عني كده؟

بجد الضربة اللي بتوجع بتيجي من أقرب ناس." "ماهو عشان أنا عارفك بحذرك. وبعدين إيه جو الأفلام ده." "خلصتوا يا ولاد؟ "اه الحمد لله." "ربنا يحرسكم من العين يا ولاد، متتأخروش عشان أبوكم ميزعق." "أنا مش عارف هو بيزعق ليه، هو إحنا بناتج." "ياتريتكم بنات كنت نفعتوني بدل ما انتو زي خبتها كده." "حبيبي حبيبي، يلا سلامو عليكو." وبيزقه تحت. "عجبك، لازم نتهزق، متكيفش إلا متنهزق." "اااه. كيفي ميحلاش غير كدها."

"دا انت مستفز. يلل غور بقا على أم حفلة ديه." ويمشوا. نروح لسيلا وهدي. "هدي، إيه رأيك في الفستان؟ "هياكلك حتة وربنا." وبتكون سيلا لابسة فستان وردي بيوصل لبعد الركبة بشوية منفوش وبتكون فرده شعرها وحاطة ميكب تدري بيه حزنها. "أنا خايفة أضعف." "أنا معاكي. مهم، إيه رأيك في... "مزة مش محتاجة كلام." وبتكون هدي لابسة فستان أحمر بيلمع صاق طويل وبفتحة من عند الرجل لركبة وبتكون لمة شعرها وحاطة ميكب روعة ورسمة عينيها العسلية.

وبينزلوا يركبوا العربية وبيروحوا الحفلة هما كمان. وعند سارة بيكون سالي وصلت عندها البيت. "عملتي إيه يا روحي؟ "نفذت الخطة وحطيت 20000 ألف في حسابها." "ههههه جدعة يروحي. (والله تستاهلي ياسارة ياحربوءة خيانة صحبتك) "حبيبي، متعلمة منك هههه." "خلصتوا يا ولاد؟ "خلاص يا طنط، باقي حاجات بسيطة خالص على ما عدي يجي." "بسرعة بس لأن ضيوف بدأت تيجي هنا." "خلاص يا ماما عرفنا. على ما عدي يجي هكون خلصت." وماشي وبتسبهم.

"مش عارفة إيه ده." "معلش ياحبيبتي." وبتبدأ تخلص تجهيز عند عدي. طق طق. "ادخللل." "ها خلصت؟ "أيوه." "جاهز نجيب سارة؟ "ااه يلا." "ليه حاسك مش فرحان يا عدي؟ "مفرحش ليه بس، عشان راجع شغل تاني والإجازة خلاص خلصت وكده مدايق." "تمام يا حبيب أخوك. يلا روح هاتها، معازيم جت." "تمام." وبينزل ادم هدفه يجيبها ويجي. عند محمد وهبة. "قمري جهز ولا لسه؟ "خلاص بخلص اهو ياحبيبي." "مستنيكي يقلبي." وبيطلع عقد يلبسهولها. "إيه ده؟

"ده نص فراشة وحرفي نص تاني هتشوفيه تحته." "جميلة أوي. ربنا يديمك ليا يارب." "ويديمك ليا ياحبيبي. يلا ننزل." "يلا هههه." وبينزلوا. وعند خديجة وسيف. بنلاقي سيف بيغمي عين خديجة. "سيف." "عيونه." "بتعمل إيه؟ "غمضي عينك وهتعرفي." "حاضر." بتغمض خديجة. بتلاقي حاجة تلتف على رقبتها. سيف بيبوس رقبتها وبيقولها افتحي عينك. بتلاقي خديجة سيف حضنها وملبسها سلسلة نص فراشة ونص تاني حرفه. "الله حلوة أوي. فين نص تاني؟ "هتلاقيه تحت."

"مش فاهمة." "مش مهم." "رخيم أوي ههه." "بس بحبك أوي." وبيبوسها. خديجة بتكسف وتدري في هدومه. بيرفع سيف وشها ليه. "بقول نلغي حفلة ونحتفل هنا." "هههههه." "سيييف بس." وبتضربه. بيضحك سيف على خجلها. "قلبه. يلا بقا ننزل قبل ما اتهور." "يلا يلا." بنلاقيهم كلهم جاهزين. عند فهد وأسد. "إيه يلا، إنت جايبنا المعادي ليه؟ بتاعت ناس غنية." "ما الخطوبة هنا يا با." "لا والله. أوعد هنشفط هنشقط هههه." "لم نفسك هااا وخلي اليوم يعدي."

وبيوصلوا في نفس الوقت. بتوصل في سيلا وهدي. بينزلوا مع بعض. "اوبااااا. صاروخ أرض جووو." بيبدا يبص فهد على مكان بيلاقي سيلا وصاحبتها. بيرقب فهد منهم. "هههه مش معقول. أحلى صدفة دي ولا إيه." "باين هههه." بتبص جنبها بتلاقي أسد. "أسد." "صح." "ونص كمان. أوعى تكون انتي؟ "آه أنا." "مش كنتي تعرفيني كنت خليته يخوني معاكي عادي. يا قمر." "سيلا بضحك: أظاهر إن دمك خفيف زي فهد." "أصلنا تؤام وكده." "بس انتوا مش شبه بعض."

"أنا شبه بابا." "وأنا شبه ماما." "ههههه. جالي فضول أعرفهم." "تنويرينا والله." "اتلللم وسيب أديها." "ههههه. إن شاء الله." "جاية لوحدك؟ مش قلتي معاكي صحبتك؟ "أيوه. بركن العربية أصلها هي كانت سايقة." وبتيجي هديه. "هااي." أسد أول ما بيبصلها عينه بتطلع قلوب. "هااي. وهاي." سيلا بتضحك على شكله. "أخوك بيبان شقي أوي يا فهد." "لا هو بس بيحب البنات أكتر من أهلها." "حصل ههه. مش أوي بس مش هتعرفونا بيكم." بيخبطه فهد في كتفها.

"إيه ياعم مش كل شوية تضربني. ماهو أنا مش هكلم وأنا معرفهمش. اركن في جنب بقا مين الأميرات." لسه هيكلموا بيلاقوا عدي خارج من الباب وبيبص عليهم وبيقرُب من سيلا. "ههه لحقتي تلاقي حد تاني تضحكي عليه." ويمشي. لسه فهد هيرد بتمسكه سيلا وتسكته. "مش مهم. مهم كنا بنقول إيه؟ آه عايز تعرفنا يا أسد صح؟ "احم. آه." "الأميرة سيلا هههه." "الأميرة هدي." "ملك الغابة وكده." "وكون ملك العالم عشان عيونك." بتبتكسف هدي.

"يا حلاوة تفاح على خدودك." بتاخد هدي سيلا ويجروا على جوا. "عجبك كده؟ "الله. هي بتتكسف. أنا مالي." "لا بريء ياض، خش يا خويا." بيدخلوا. بيقبلهم ادم. "ا ا ا ياعم كل ده." "معلش بقا." وبيلاقي أسد طالع من وراها. "عواا." "مفروض أخاف؟ تعال يا واطي." "حبيبي والله. غصب عني مجتش. معلش جتلك هنا اهو. بس أول مرة أعرف إنك من هنا." "واديك عرفت يخويا. تعالوا عرفكم على العيلة." بيمشوا وراه وبيروحوا عند الترابيزة بيلاقوا البنات قاعدين.

أول ما بتشوفه هدي بتتكسف. "بص ياعم دا أبويا سيف الدين." "اهلا ياعمي." "اهلا بيكم يا شباب." "ودي ست الحنانة. الحنانة هي." "اهلا يا طنط." "ده بقا الشق بتاعي النقيب مراد." "اهلا يا باشا." بيقوم مراد يسلم عليهم. "هههه باشا إيه زي ما قال ضوما الشق يعني صحبكم مراد." "ايوه بقااا. تشرفنا." "حبيبي الشرف ليا ههه." "خلااااص. ده بقا عمو محمد أخو بابا ودي خالتو هبه مراته تبقا اخت مامتي." "اهلا يا طنط. اهلا يا عمو."

"اهلا ياحبيبي." "ده بقا خطيبتي أسينات." "اهلا بيكم. نورتونا." أسينات بتبتسم. "اهلا بيكم." ادم لسه هيعرفهم. "متتعبش نفسك عرفينهم." لسه ادم هيكلم لقوا صوت من وراهم. "واد ادوما فين الجاتوو عاوزه حتة." ادم بيحط ايده على وشه. "ودي بقا أختي مرام." "انت ياض مش قايل لي أخواتك كلهم كبار؟ اختك منين؟ مرام بعصبية: "افندم؟ مش مالية عينك؟ مانا كبيرة." ادم بيدخل قبل ما ترتكب جريمة في فهد. "احمم. دي مرام التؤام بتاعي."

"لا متهزرش هههه." "مالك اشبح؟ هو قالك نكتها." "هو انتوا تؤام؟ آه بس زي حالاتك وزي ادم." "كده عرفتكم." قعدوا معاهم. بتقعد مرام جنب سيف وبيقع فهد وأسد جنب مراد. "انتوا بقا احكولنا عنكم." "احم. ولا حاجة يا عمي والله أصحاب ادم وكنا بنحضر مع بعض في الرياضة وكده. وأنا فهد 27 سنة طب جراحة بس." "أنا بقا أسد. أصل أبويا كان ناوي يفتح غابة بس مشروع فشل." لكل بيضحك على خفة دم أسد. "كمل كمل ههها."

"خلاص مش لاعب بس كده عشان زعقتلي." "لا متزعلش كمل." "لا خلاص، أصلحت هههه." "دمك زي العسل والله يا أسد." "هبقى أديكي كيلو قبل ما أمشي." "ميرسي. البنات كلها بتقولي كده. وبعدين كيلو إيه؟ دمي مش للبيع." "هههههه. متخافيش مش هاخد." "طمنتني." "لا اطمن يا خويا دي طيبة خالص مش زيك." لكل بيضحك عليه. "أظاهر المناقرة مش عند مرام وادم بس وعندكم. تجو كل يوم." "شفتتت! عشان دايما ظالمني."

"أه والله. ديما بيظلموا التؤام التاني كأن الأول ملاك." "حصل والله يا صحبي." "بقولك إيه، اصحبي عندي ليك شكوى ترقي." "إيه هيف؟ "شايف الواد ده تاجر مخدرات وأعضاء والكبير اللي مشغله اسمه جلال نصر قاعد في البيت بيكيف تحت تكيف." "هههههه. عدي عليا في شغل وبلغ." "مين ده يااااض اللي تاجر؟ وربنا أخرط وشك." "مش معقولة بجد. كأني شايفه مرام وادم ههههه." "بيسلط أسينات تجيب ادم ويعملوا دويتو." "هنتسلى."

"بسرعة. مرام حبيبتي روحي هاتلي ميه." "حاضر." بتروح تجيب ميه. "تعاله يا ادم قعد بقا شوية. ضيوف جت وخلاص. الباقي على العمال." "بس يابنتي." "يلاااااا." وبيروح ادم وبيلاقي مكان مرام بيقعد فيه. وبترجع مرام. محمد بينادي مصورتي وبيصلوا يصور أسد وفهد. وأول ما يلاقي مرام بتتخانق يصورهم هي وادم. "عنيا يابيه." مرام بتيجي وبتلاقي ادم قاعد. "قوم مكاني ياض." "مش قايم." "بقولك قوم." "والله ما أنا قايم."

"اقسم بالله يا لطخو لو ما قمت لكون مشرحك ليلا." "وريني." وبيكون وفهد وأسد بردو مساكين في بعض. ولكل بيضحك على الأربعة دول. "وديني يا جراح ندامة لو ملميت لسانك لكون مشرحك حتة حتة وبايعك." "سمعت يا مراد عشان تعرف إنه بياع أعضاء." "ااه سمعت سمعت هههههههههههه." وبنلاقي إن ادم وأسد شالوا تؤام بتاعتهم في نفس الوقت بنفس الحركة. "نزلنيييي يا أبو طويلة نزلنيييي." "نزلني يلاااا." وبيعوا هما الاتنين. لكل بيضحك.

"بعد ما كانو اتنين بقوا أربعة." وبينزلوا فيديو على شاشة العرض وكل بيشوفهم وبيفضلوا يضحكوا. "يفضحك أم جلاجل يا أبو الأسايد. مكنش يومك. هشقط إزاي دلوقتي." "اسكت. همك الشقط. منظري إيه قدام سيلا دلوقتي." "يا وجعة مربربة. أنا طلعت في تلفزيون. هييييق." "مش مهم." وفجأة بتدخل سارة وعدي ولكل بيبدأ يصقف ليهم وبيبدأوا يدخلوا وبيجيلهم التهاني من كل. وبيلبسوا شبكة لبعض وبيبدأوا يحتفلوا.

وبتبدأ سارة تطلب من عدي الفيزا بتاعته عشان فلوسها في البيت وعايزة تدي صحبتها فلوس تحاسب كوافيرة. بيطلع فيزا يدهالها. "تبص على رصيدك قبل ما أخده." "رصيدك 11960000." "نعم؟ رصيد كان 12000000." "نعم؟ رصيد قدامك أهو." بيبص عدي على فلوس بيلقيها ناقصة فعلا. ادم بيبص. "اهدوا على ما ضيوف تمشي." وبيقعد عدي محتار. "40000 راحوا فين؟ (حاسة بيك يضنايا. أسرق مني برد 4000🥲💔) وبتقعد سارة جنبه.

"مش قولتيلي إن سيلا هتعمل حاجة تبوظ فرح." عدي بعصبية: "هي سيلاااا مالها؟ فلوس متخده." "عموما هنتصل بالبنك ونشوف." وبيمشوا جميع. "في إيه يا عدي؟ "حد سرق من فلوسي 40000." "إزاي ده؟ حد أكيد عارف رقمك السري." "مش عارف. أنا هتصل وأشوف." وعينه على سيلا وبيلاقيها واقفة. "طيب شوف." "الو…." "معاك يافندم." "كنت عاوز أعرف بس حد جه خد منكم حوالي ب 40000 ألف….. أيوه يافندم. إنهاردة ساعة 1 الضهر." "الشخص ده قالك اسمه؟ "إيه؟

تمام. شكرًا." "عرفت مين؟ "بنتك. بنتك هي اللي خدت فلوس." "انت بتقول إيه؟ انت واعي للي بتقولهم." "زي مسمعت كده. الاستاذه خدت الفلوس عشان تفشكل خطوبة." "آخرررررص. انت بتقول إيه." وبيبدأ كل يهاجم عدي. وبنلاقي سيلا. "بسسسس. اسكتوا." بتروح قدامه. "أيوه. أنا خدت فلوس عشان أبظ الخطوبة. حلو. ده اللي عاوز تسمعه. قدام قلت كده يبقا فعلا أنا." و بتسبهم وبتطلع تجري على بره. "سيلاااا استني." وكلهم بيجروا وراها. "سيلا."

سيلا بتفضل تجري لحد ما تطلع وبتكون عربية جاية بسرعة وبتخبطها فجأة.