رواية المشاكسة و النقيب الفصل الثامن والعشرون 28 - بقلم الكاتبة الصغيرة

فهد: إن شاء الله خير يا جماعة، وادعولها. كلها كام ساعة وهنعرف. ولسه هيكمل كلام بيسمع صريخ الممرضة وبيسمع خبط. بيجري على الأوضة وبيلاقي... فهد: في إيه! لسه هيكمل يلاقي سيلا بتصرخ وواقعة على الأرض. سعاد: الحق يادكتور، مريضة زي ما انت شايف. شالت الأجهزة ونزلت صريخ كده. فهد: اخرجيييي برررره. سعاد: بس يادكتور. فهد: قلتلك كلمة، اخرجي بره. سعاد: حاضر. يبدأ فهد يقرب من سيلا. فهد بهدوء: سيلا، انتي سمعاني؟

بتكون سيلا على وضعها من صراخ وبكاء. فهد: اهدي يا سيلا، أنا جنبك، كلنا جنبك. سيلا: طيب، انتي شيفاني؟ شايفه إيه؟ ردي عليا. سيلا: أنا أنا مش شايفة حاجة، ولا قادرة أحرك رجلي. قيد النور، أنا مش شايفة حاجة. وقتها بيصدم فهد. فهد: أنا قدامك يا سيلا. سيلا: بتبدأ تحسس بيديها وبتقول: أنا انعميت، صح؟ أنا مش شايفة. وبتخش في حالة هستيرية من صراخ تاني.

بيبدأ فهد يقرب منها وبيديها سرنجة مهدئ، وبيشلها يحطها على سرير ويوصل أجهزة تاني. وبيطلع وبيلاقي اللي قاعدين مستنينه. فهد: أنا آسف على اللي هقوله، بس الآنسة سيلا فعلاً شكوكنا طلعت صح، وفقدت بصرها مع الإعاقة اللي حصلت ليها، سبب لها هستيريا من الصراخ والبكاء. ودتها حقنة منوم. عدي بيقف من صدمة في جنبه. وبنلاقي مرام سابهم وجريت على جنينة تحت تبكي، وبينزل مراد وراها. أسينات بتقعد من صدمة مكانها إن أختها خلاص مستقبلها ضاع.

وبتقعد هبة مكانها بصدمة. هبة: بنتي انعمت يا محمد، بنتي مبقتش تشوف يا محمد. محمد ببكاء: يا رب، خلاص يا هبة، أهم حاجة بنتي عايشة. هبة: فقدت أعز ماليها، لييييه كده؟ دي مبأذيش حد. وفي لحظة الكل مشغول، بيسمعوا صوت كف قوي. بيبصوا ناحية الصوت، بيلاقوا سيف ضرب عدي. سيف: أنت سبب، أنت سبب في اللي سيلا فيه. امشيييي، متتورنيش وشك، امشيييي. خديجة بتجري على جوزها: اهدى يا سيف، خلاص. امشي يا عدي من هنا دلوقتي، امشيييي.

بيمشي عدي ودموع في عينه. آدم: بيقف جنب أسينات. طيب يا فهد، مفيش حل؟ فهد: لا طبعاً، في حل ونجاحه كبير، ولكن لازم تكون نفسيتها عدلة وبحالة الآنسة فيها مش هينفع للحل ده نهائي. أسد: أنا هتكفل بعلاج النفسية ليها، وإن شاء الله في خلال شهور هتتعالج. محمد: طيب، وبعدين؟

فهد: بعدين، في الوقت اللي هتكون بتتعالج نفسياً، هتكون بتتعالج برضه جسدياً. يعني هنشوف دكتور علاج طبيعي يبدأ يتعامل معاها عشان تبدأ تمشي. أول ما تبدأ تمشي ده هيساعد أسد على تحسين نفسيتها. سيف: كل ده في قد إيه كده؟ هياخد كتير؟ فهد: والله يا عمي مقدرش أحدد، لأن ده هيكون بإرادة سيلا. سنة، سنة ونص على حسب. أسينات ببكاء: كده احنا عالجنا نفسية ورجلها وعنيها ملهاش أمل ترجع تشوف؟ فهد: لا طبعاً. أسينات بخضة: ااااي! مفيش؟

فهد: خليني طيب أكمل كلامي. لا طبعاً، في أمل كبير إنها هتسافر أمريكا. هناك دكاترة أعرفهم كتير. وقتها هتتعرض على دكتور زميلي اسمه أندرو، ده دكتور شاطر جداً مختص لعمليات زي كده. هعرضها عليه، وقتها هيحدد أمتى، ولكن بعد تحسن جزء كبير من نفسيتها، لأن الجزء اللي باقي هيتحسن بعد العملية. سيف: إحنا موافقين ومستعدين ندفع كل فلوسنا، بس ترجع تشوف.

فهد: إن شاء الله. كل فترة محتاجة بس الراحة التامة. ميحصلش دوشة حواليها، محدش يضايقها، وحافظوا على إن نفسيتها تكون تمام، وابعدوها عن أي حاجة تضايقها. هبة: عنيا، عايزة أشوفها، عايزة آخدها في حضني. وقبل ما تكمل كلمة، بتقع من طولها. بيجروا عليها كله. أسينات: ماما، ماما. فهد: وسعوا بعد إذنكم. سعاااااد، يا سعاااااد. سعاد: نعم يا دكتور. فهد: تعالي معايا شوفي المدام. سعاد: حاضر.

بيخدوها الأوضة وبيفحصوها، بيكون عندها هبوط من قلة أكل وزعل. بيبدأ فهد يفوقها. فهد: ينفع كده؟ يعني. هبة: إيه حصل؟ فهد: حضرتكِ اغمى عليكي بسبب قلة أكل. لازم تأكلي عشان سيلا تلقيكي وتلاقي دعمك. كده سيلا هتتعب أكتر. هبة ببكاء: أنا عايزة بنتي، وحشتني، عايزة آخدها في حضني. فهد: هتطلع انهاردة أوضة عادية، وإن شاء الله هتكون معاكي في البيت، بس بعد أسبوع. محمد: بجد يا دكتور؟ فهد: أيوة يا عمي، والله متقلقوش، ارتاحوا.

عند مرام ومراد. بتكون مرام قاعدة بتعيط ومراد قاعد سيبها تطلع اللي جواها. مرام: هي سيلا هتكون كويسة يا مراد، صح؟ مراد: متقلقيش، أيوه هتكون كويسة. بس انتي لازم تكوني قوية عن كده عشان أهلك وعشان سيلا. مرام: سيلا وحشتني أوي يا مراد. مراد حب يفرفشها ويخفف شوية عنها. مراد: بس حلو، طلعنا بنعيط أهو. أمّال فين أنا الأسد ومعرفش إيه، وسبع رجالة في بعض؟ طلعتي خيخة. مرام: بتمسك إيده تعضه.

مراد: ااااااه يا بنت العضاضة، انتي كنتي بريئة من شوية. ارجعي عيطي تاني. مرام: أحسن. عشان أنا بطل. مراد: طاايب. لسه هيكلم، لقي فون بيرن. ثواني وجيلك. مراد: الو. ... : إحنا عرفنا معلومات عن البنت يافندم. مراد: حلو أوي، وبعدين. ... : تقرير هيكون على مكتبك يافندم كمان ساعة. مراد: أنا هعمل حاجة وجاي، مش هتأخر. ... : تمام يافندم، في رعاية الله. مراد: في حاجة ولا إيه؟

مراد: مكالمة شغل بس. تعالي أطلعك وأطمن عليهم وأستأذنهم وأجي بليل. مرام: طيب. بيطلع مراد ومرام وبيطمنوا على حالة سيلا وبيعرفوا اللي حصل. مراد: إن شاء الله هكون معاكم على التليفون. سيف: تعالي يا مراد، عايزك. مراد: نعم يا عمي. سيف: عايزك تحاول تعرف مين اللي خد فلوس بتاعت عدي. مراد: حاااضر يا عمي، بس عندي شغل كده وهفضى لحوار ده. سيف: تمام يا حبيبي، ربنا معاكم. مراد: يلا، عايزين حاجة؟ سلام.

بينزل مراد ويركب عربية وبيكون بيكلم في التليفون مع حد. مراد: يعني إيه؟ يعني... ... : والله يافندم زي ما بقولك. مراد: أنا في سكة أهو، اقفل بقا كده. وبيقفل مراد مع المجهول. هنعرفه حلقة جاية. وفجأة بيفرمل العربية وبيلاقي.