رواية المسخ الفصل الرابع عشر 14 - بقلم شروق الجندي

شعرت بألم في رأسها، فحاولت الحركة لكنها كانت مقيدة. فتحت عينيها وجدت نفسها مقيدة في السرير وبدون قناع، ومعتز يقف أمامها بتشفى. معتز: أخيراً وقعتي بين إيديا. ده أنا هقطعك على الحي وهخليكي تموتي ألف مرة. فيروز (باستفزاز): آه، زي فوزية وهي بتترجاني أرحمها كده، صح؟ صفعها على وجهها بغضب، لكنها كتمت صراخها ولم تصدر صوتًا. فيروز: اعمل اللي تعمله. أنا أخدت حقي. قطعت اللي اغتصبني، ودبحت اللي قتل عيالي، وياما ظلمتني وحرقت قلبك عليهم وعذبتك شهر ونص. صحيح نفسي أقطع رأسك زيهم، بس معلش، مسيرك تموت زيهم. معتز: انتي مجنونة؟ أنا اللي ضربتك وعيالي ماتوا بسببى، وأمي ملهاش ذنب. فيروز: ارفع الهدوم وشوف بطني. شهق بشدة عندما رأى جسدها المشوه والمحترق. معتز: ده من إيه؟ فيروز: بعد إنت ما ضربتني وخرجت، أمك دخلت ربطت طرحة على بوقي وقالت: "مش واحدة زيك تخلف من ابني". وكبت على بطني مية نار. وده اللي موت ولادي التوأم. وكمان اعترفت إنها كانت بتحطلي حبوب منع الحمل عشان مخلفش. معتز (بغضب): لا لا، أنتي كدابة. أنا هقتلك. حينها دخلت ميرال غرفة آدم وهي مرتعشة. ميرال: آدم، ألحقني والنبي. آدم: مالك؟ في إيه؟ ميرال: فيروز غايبة ومش بترد. آدم: تلاقيها نايمة. إحنا الفجر. ميرال: أنقذها منه.