رواية المظلومة والقاسي المتعجرف الفصل الثاني والعشرون 22 - بقلم اسراء الاتربي

دخلت تغريد بعد ما ميرا خرجت وقفتلت الباب. إلياس طلع كان لابس بنطلون وعاري الصدر. بصلها واتفاجأ وقربت عليه. "انتي بتعملي إيه هنا وفين ميرا؟ تغريد قربت منه وحطت إيديها على صدره. إلياس بعدها بغضب. "انت بتاعي أنا يا إلياس، أنا وإنت المفروض إننا كنا لبعض، ميرا أخدتك مني." إلياس بغضب: "إنتي اتجننتي يا تغريد، إنتي أختي." تغريد بغل: "أنا مش أختك يا إلياس، إنت فاهم."

تغريد فضلت تصرخ وتقطع في هدومها وتقرب من إلياس. كل اللي تحت سمع الصوت وطلعوا. فضله يرزعوا على الباب. إلياس بغضب وهو بيبعدها: "إنتي بتعملي إيه يا مجنونة إنتي." تغريد جذبته لسرير، وقع فوقها وهي فضلت تصرخ. الباب اتكسر وكله دخل واتفاجأ بالمنظر. تغريد زقت إلياس وقامت ببكاء مزيف. "شايف ياعمي، إلياس حاول يعتدي عليا." والد إلياس بغضب: "صحيح الكلام ده يا إلياس؟

إلياس بغضب: "دي بتكذب، أنا معملتش حاجة، هي اللي دخلت أوضتي وفضلت تقرب مني." تغريد ببكاء: "إنت حاولت تعتدي عليا، بتكذب ليه." فريال والدتها تدخلت. "والدك كان هيضيع بنتي يابويا." والد إلياس بحزم: "أنا مش عايز أسمع حاجة يا فريال، بنتك محصلهاش حاجة، أنا واثق في إلياس مستحيل يعمل كده." فريال بغضب: "تقصد إن بنتي بتتبلى عليه يابويا." والد إلياس: "خدي بنتك والكل ينزل، أنا عايز أتكلم مع إلياس على انفراد."

ميرا كانت واقفة مصدومة من كل اللي بيحصل، حاسة إن الدنيا بتلف بيها ووقعت على الأرض فقدت الوعي. إلياس جري عليها وشالها حطها على السرير، فضل يفوق فيها لحد ما فاقت. زقته بعيد عنه. "إبعد عني وطلقني." إلياس: "ميرا أنا معملتش حاجة والله." ميرا: "مش عايزة أسمعك، خليه يطلع بره ياعمي." والد إلياس: "ميرا يابنتي اهدي، أنا واثق في إلياس إنه معملش كده." ميرا بغضب: "امال إيه اللي إحنا شوفناه ده."

إلياس: "والله يا ميرا ما عملت حاجة، أنا طلعت لاقيتها في الأوضة." والد إلياس: "البس وانزل يا إلياس." عند عمة ميرا وبنتها، كانوا في أوضتهم وبيتكلموا. فريال بغضب: "مش مصدقك يا غبية، ليه منفذتيش زي ما قولت." تغريد بخوف: "أنا مكنتش عايزة أعمل كده، إنتي اللي أجبرتيني." صفعتها فريال على وشها. فريال بغضب: "اسكتي يابنت، عايزة تفضلي قاعدة في وشي، إلياس لازم يبقى ليكي."

عند نور، كانت بتجهز في أوضتها علشان تقابل العريس. خلصت وطلعت اتفاجأت باللي قاعد قصادها. "إياد! إنت بتعمل إيه هنا؟ "اقعدي ياحبيبتي." "اقعد إيه! أنا مش فاهمة حاجة." "إياد هو العريس يا نور." "ممكن أتكلم مع نور شوية يا مراد." مراد قام: "تمام، هسيبكم تتكلموا مع بعض." إياد بجدية: "تعالي اقعدي يا نور." نور قعدت بعيد عنه بغضب. "اديني قعدت، ممكن تفهمني إنت هنا بتعمل إيه." إياد بابتسامة: "جاي أتجوزك، إيه اللي مش مفهوم."

نور قامت: "وأنا مش موافقة." إياد: "نور اقعدي... أنا هتجوزك علشان بحبك، مش هخسرك تاني." نور بغضب: "إيه! يعني هتجبرني." إياد بثقة: "لو اضطريت هعمل كده." نور بعناد: "وأنا مش موافقة، وريني هتعمل إيه." إياد: "حاضر، هوريكي يا نور علشان تكوني معايا، هعمل إيه." عند إلياس وميرا، نزل إلياس واتكلم والده. "إلياس هيتجوز تغريد." إلياس بص له وقال.