رواية المتخفي الفصل العاشر 10 - بقلم ريم محمد

حاولت أوصل للبوابة اللي فاصلة بين العالمين، عالم البشر وعالمهم. كلهم بلا استثناء كدابين، حتى الجاسوس اللي فكرته بنت، طلع البرت! كمية صدمات اتعرضت ليها كافية إنها تخليني أبعد عشان أرتاح. وجاك عارفة إنه مبحبنيش، ومكنتش متوقعة حبه أساسًا. اتصدمت بس من حقيقته، مكنتش أعرف حقيقته بس كنت شاكة إنه مش بشري. *** مشيت كتير، حاولت أوصل لنقطة الفاصلة ما بين العالمين، بس للأسف معرفتش المكان.

حاولت أستخدم قوتي دي عشان أعرف المكان، يمكن قوتي كمان مش حقيقة. مفيش ولا واحد صادق فيهم. *** جربتها، طلعت حقيقة. دخلت العالم بتاعي تاني، حسيت بهدوء واستقرار بعيد عنهم كلهم. قررت أتخلى عن ثوب الشيف وأرجع لمهنتي الأساسية، تصميم الأزياء. كنت حاسة إني في حلم، رجعت عالمي! أخيرًا. عايزة أتعامل مع بشر بطبيعتي البشرية. قررت أقطع علاقتي بيهم نهائيًا. *** الأوضة بتتوهج بسرعة وبتنور ليه كدا؟

أنا كمان دخلت أشوف فيه إيه، لقيت التوهج بيزيد. في خلل حاصل يا جاك. عارف يا بابا، بس لسه معرفتش إيه هو. تكون ماري رجعت! جاك بلهفة: يا ريت ترجع. ماري، حبيتك بصدق بس البشر هما السبب. تحدث جاك بغضب أعمى: لو طايل هحرق الدنيا كلها، بكرههم. تحدث أرثر بفرحة: تقدر تاخد حقك يا جاك، قدامك الفرصة. ما دا اللي بخططله. للمرة الأخيرة هتواصل مع أليكس، إن فضل ضدي معتقدش هشوفه في طريقي أساسًا. دا ابني اللي بحبه. ***

يعني تشك إن ماري عايشة؟ محدش يعرف لحد الآن هي فين يا أليكس. ولا حتى عرفت من مملكتك يا البرت؟ مش كل حاجة بقدر أعرفها. لو ماري ظهرت هتكون مشكلة يا البرت. الغضب هيعمي جاك أكتر ما هو معمي. جاك، معدش شايف حد قدامه. جين. جين، فين يا البرت؟ لازم تمشي من القصر. اكيد همشي، محدش هيستحمل غضب جاك. بس جين متعرفش حقيقتك صح يا أليكس؟ لا متعرفش، بس شاكة. جين بشرية آه بس ذكية. هتواصل معاها أشوفها فين. يا ريت وتطمنا يا أليكس. أكيد.

ظل يرن على جين ولا أحد يجيب. أليكس يحادث نفسه: أنتِ فين يا جين؟ قلقتيني عليكي. ردي يا جين. *** أوه، صوفيا بنفسها جاية لعندي! اعقل يا إبراهام، الرفيقة اللي ظهرت مش في معادها وأنت عمال تخترق قوانين المملكة. تحدث بنظرات نارية: اخترق مخترقش، دا مش موضوعنا يا صوفيا، بس أنتِ عارفة كويس وأوي كمان مين الرفيقة، بس بتأجلي بمزاجك. كل حاجة ليها مواعيد يا إبراهام، بلاش استعجال.

حربكم مع البشر، أنا حربي معاكم أنتوا. ولعلمك البشر بيحبوني أوي، لدرجة البنات بيضحوا بنفسهم عشاني. عارفة كل مخططاتك وألاعيبك يا إبراهام، بلاش تتورط مع البشر، ما أنت ألقيت تعويذة عليهم، مش عايز يقولوا ليك سمعًا وطاعة! لا أنا مش زيك بتلاعب بالسحر، أنا ليا طرقي الخاصة. ابعد عن إلياس نهائي، المرة دي تحذير، المرة الجاية هنفذ. إلياس مش صغير يا تيتا صوفيا. احترم نفسك.

بقولك إيه، حلي عني، أنا لحد الآن مخدتش خطوة رسمية تجاهكم، بس لو أخدت هتزعلوا. فاكرة، ولا أفكرك. إيه؟ *** أنت متفرقش عني حاجة، رحت عملت نفس الشيء. لا بمزاجهم هما، مش بمزاجي، أنا مبجبرش حد على حاجة. كمان يومين في لقاء بينك وبين جاك، دي أول معركة ما بينكم. تشربي إيه؟ بس معرفش العواجيز بيشربوا إيه بالظبط. روحي اعملي حاجة دافية واتغطي ونامي، وبلاش لعب معايا، ماشي؟ في حاجات اتقفلت بكلمة مني هتتفتح تاني. ولا هتقتلوني؟

أنت عارف أقدر أعمل إيه فيك. اقترب منها وجز عنقها بشدة وقال: أنا مش صغير عشان تغفليني ولا تقدري تمحي ذاكرتي، فاهمة؟ وغصب عنك وعن أي حد في بشر في المملكة، بدليل لونا وجين. أسيبك يا بطة، كح كح. لتطلع روحك ولا حاجة. أنت إزاي تتجرأ وتعمل كدا؟ لا عملت، مش إزاي قدرت. اتقي غضبي عشان في لمح البصر همحيك يا جزارة. أنا عايزة مصلحتك يا إبراهام. لا أنتِ عايزة نفسك وبس. *** بكرة خطوبتنا يا لونا.

تحدثت بكل جدية: عايزة أسألك سؤال، أنت عمرك سجنت مقاومين؟ اكيد لو في معارضين مكانهم السجن، بس سؤالك غريب. ثواني، أنتِ بشرية!!! أيوا يا إلياس، أنا بشرية، ترضى بيا وأنا بشرية؟ حاول إلياس التحكم بنفسه وقال: إزاي دخلتِ هنا؟ بس أنا قوتي كبيرة، يعني مش هتحتاج تسيطر على نفسك يا إلياس. عرفتِ منين يا لونا؟ عيونك بتتحول يا إلياس وكلك على بعضك، أما العادي مش هيتحول. قويني يا لونا، أنا ضعيف.

احتضنته لونا وقالت بخبث: وأنا موجودة عشان كدا. كل حاجة تطلبيها في الخطوبة جاهزة، فستانك، جزمتك، كل حاجة زي ما طلبتِ يا لونا. *** جين. قمت مفزوعة من النوم، خفت حد يكون جه ورايا. عايزة أعيش بعيد عن الصراعات دي. أعيش في سلام. حاسة بأنانية إني مدافعتش عن أدريان وخذلته، بس تعبت. صحيت، جهزت فطار وأكلت. عشت يومي كبشرية طبيعية، بعيدًا عن تنكري وكل دا. مسكت الفون، بعد ما كسرت القديم عشان محدش يوصلي.

حتى مش حابة أرجع البيت وأقعد مع ماما، هتحس بخذلان لأنها عارفة إني رايحة أحرر أدريان ونجي سوا. قررت أبدأ من الصفر، وأشتغل كمبتدئة في عالم الأزياء. بس فجأة حسيت بفزع وصوت الناس، طلعت أشوف فيه إيه. لقيت إبراهام وإلياس موجودين في عالمنا. قررت مطلعش من البيت نهائي، عشان محدش يعرف بوجودي هنا. *** يعني إيه يا روز؟ جين مش هنا!! معرفش يا جاك بيه، راحت فين.

أسرع جاك من خطواته واتجه ناحية غرفتها، ليجدها أفرغت كل ما بخزانة الملابس، ولم تترك حتى أي رسائل. ليذهب مباشرة للجناح الغربي ويعرف اللغز. فين جين، يا صوفيا؟ اتواصلي معايا بمراية بسرعة. تحدث بغضب عارم: فين جين يا صوفيا؟ انطقي. جين عرفت الحقيقة إنك مصاص دماء، أليكس نص بشري ونص مصاص دماء. طبعًا اتصدمت في حبيب القلب، ومكانها فين؟ معرفش. إزاي متعرفيش يا صوفيا؟ أنا عايز أعرف مكانها حالا. لو مظهرتش دا بيقلل من قوتك، فاهمة!

حاضر يا جاك بيه. خرج من الغرفة، ليقول محادثًا نفسه: بشرية زي ما كنت عارف، ريحة دمك مميزة ولذيذة عندي، فضول أجربها. قرر جاك إظهار جانبه الخفي، وهو كمصاص دماء يفضل دماء البشر، خصيصًا جين. منعت نفسي عنك كتير يا جين، بس معدش في وقت، لازم قوتي تزيد. *** "فلاش باك" جاك، أنت أنت بتعمل إيه؟ في إيه يا ماري؟ أنت دلوقتي مصصت دم!!! اهدى يا ماري. اهدئ إيه؟

أنا عمري ما هقربلك، دمك محرم عليّ، يا ماري، أنتِ البشرية الوحيدة اللي حبها قلبي. أنا مش مصدقاكِ، أنا خايفة. ظلت تجري مسرعة، لكنه كرياح حاصرها وقال: أرجوكِ متخافيش مني، أنا هتوجعك، ملكة قلبي هتحكمي معايا المملكة، أنا مشربتش دم بشر، أخري حيوانات بس. أنا مش هقدر أعيش مع مصاص دماء. لو سبتيني هتحول لنسخة وحشة، أنتِ حولتيني يا ماري لشخص كويس بيحب وقلبه بينبض، مستحيل أذيكِ، أنا بخاف عليكي من الهوا. *** "باك"

من بعدك يا ماري، كرهت البشر وحللت لنفسي مص دمهم، بس لسه، أول تجربة هتكون مع جين. هلاقيكِ يا جين، ووقتها هتعرفي هعمل فيكِ إيه، ضحكتِ عليّ، هتدفعي التمن. *** جالي فضول أتتبع إلياس إبراهام وأعرف نواياهم. لاقيتهم دخلوا بيت، وكانوا بيتعاملوا طبيعي جدًا، عكس طبيعتهم، كأنهم بشر!! وكمان فصيلتي البشرية بتحبهم!! دا اللي صدمني أكتر، إزاي بيحبوا عدوهم؟ قربت من البيت ودخلت الجنينة، وكنت ورا الشباك بسمع كلامهم.

واللي سمعته صدمني بجد. طلعت بسرعة، ورجعت بيتي. لاقيت أليكس مستنيني!! ليه جي ورايا؟ أنا آسف يا جين، مقدرتش أقولك الحقيقة. أرجوكي ارجعي، واوعدك إننا هنرجع منتصرين. نصك منهم يا أليكس، أصدقك إزاي؟ اتحولت غصب عني، بس قررت أسيب جزء بشري. لما قولتلك إن قوتك أكبر من إلياس، مجربتش تعرفني يا أليكس؟ كان لازم أعمل كده عشان أحميكي من جاك. كان الأصح تحميني من نفسك الأول. عشان خاطري، بلاش تفضلي لوحدك. مش مهم، مبقتش فارقة.

أنا عارفاهم كويس أوي أوي يا جين، بلاش تفضلي لوحدك. لما تعرفي نفسك الأول، اطلع برا يا أليكس. أنا كنت بثق فيك ثقة عمياء واعتبرتك أقرب حد ليا، خذلتني وطعنتني يا أليكس. مش مهم تكلميني، اكرهيني كمان، بس عمري ما هتخلى عنك ولا هسيبك. هفضل أحميكي. خدي وقتك، ولما تحبي ترجعي عرفيني، وقتها أشيلك على رِمشي.

سابني ومشي وأنا في قمة غضبي. أنا بعتبر أليكس صديقي المقرب ووثقت فيه جداً وكنت معتمدة عليه. مفضلش غير لونا، حتى البرت ضحك عليا وطلع الجاسوس. افتكرت مذكرات جاك، قمت جبتها وفتحتها وأنا بشرب مشروبي المفضل. اتصدمت أساساً، يعني محدش يعرف إن جاك... يعرفوا بس إنه مصاص دماء. لاقيت ملحوظة مكتوبة وكان البرت اللي كاتبها وقال: أنا وأنت بس اللي نعرف حقيقة جاك. الكل عارف إنه مصاص دماء بس.

كل اللي في المملكة مصاصين دماء إلا أليكس نص بشري، ولونا أنتِ عارفة زيك بس قوتها أضعف. بعد كدا كان كلامه عن ماري، وقد إيه حبها، بس ماري بشرية. في لغز إزاي بيحبسوا المقاومين "البشر" وإزاي حبيبته بشرية وكمان معرفش هي عايشة ولا ميتة ولا وضعها إيه. ومحبش حد غيرها، حتى مذكراته معقدة زيه. عندي فضول أعرف ماري دي فين. ولا مصيرها كان إيه. لحد ما الساعة جت 12 وحسيت بحركة في البلكونة. أبص أشوف مين، ملقتش حد. اطمنت شوية.

بعدها الفون رن، كانت لونا. أنتِ فين يا جين؟ مش مهم فين. محتاجة نتقابل ونتكلم معاكي. أنا مكنتش أعرف، البرت اللي كان عارف وروز كمان. وروز! أنا خطوبتي بكرة، أتمنى تحضري. بالتوفيق، بس أنا مهحضرش، هرجع تاني للعالم ده لأ. كان نفسي تشاركيني أول إنجاز في القضاء عليهم. خدي بالك من نفسك كتير أوي يا جين. خدي حذرك أنتِ كمان من إلياس. في مكان مهجور، صدي صوت صراخ جاك. اتخبرت يا جين ولا رحتِ فين. لازم ألاقيكي.

في حد بيحميكي، بس مين دا؟ حد قوي، مش أليكس والبرت ملوش علاقة. حد بيشتتني عشان مش ألاقيكي، بس هلاقيكي. أنتِ فين يا جاك؟ يلا عشان تحضري حفلة الخطوبة. جي. ريحتك يا جين، أنتِ في مكان ما بس مش هنا. الخطوبة عدت على خير، وروز بتحاول تتواصل معايا بس محبتش أتواصل معاها. بس افتكرت إن جاك ذاكر بيت ماري في عالمنا. قررت أروحه، كان بعيد شوية. لاقيت فيه ناس، كنت هدخل أسأل عليها، لاقيت جاك قدامي! جريت بكل ما أوتيت من قوة. وكان

بشكله وهو مصاص دماء وقال: دلوقتي وأخيراً هقدر أحقق هدفي وأمص دمك يا جين. كنت شاكك من أول يوم إنك بشرية مميزة هتنفعيني.