تحميل رواية النوم المسموم بقلم مصطفى جابر pdf

رواية النوم المسموم الفصل الاول 1

ألو ... أنا حطيت لمراتي المنوم اهو يحبيبتي وهيا خلاص راحت في سابع نومه تعالي أنا مستنيكي بسرعه يالله متتأخريش

سمية بدلع: لا مش هاجي خليك معاها مش انت اتجوزتها عليا اشبع بيها.

احمد بتوتر: يا حبيبتي انتي عارفة ضغوط جدي مكنش ينفع اكسر كلامه وغير كده محدش يعرف اننا متجوزين.

سمية ببرود: واحد امتي هيفضل جوازنا في السر كده ؟ ولا انت بتستعر مني ولا اي حكايتك يا احمد ؟ اصحي لنفسك كده وفوق وافتكر انك انت اللي جريت ورايا عشان تتجوزني وانا اللي اتنازلت ووافقت و قعدت تتحجج ب اصل جدي مش هيوافق اصل جدي مش عاوزني اتجوز دلوقتي.

احمد بخبث: يا حبيبتي حقك عليا انا هعوضك وقريب اووي هعلن عن جوازي انا وانتي بس والله زي منتي عارفه أنا متجوزها عشان ورثها مش اكتر .. بقي عندها فلوس كتييير اووي هنعيش بيها ملوك أنا وانتي صدقيني.

سمية بدلع: خلاص ماشي بس عندي شرط

احمد بحب: دا انتي تؤمري يا حبيبتي اللي انتي عاوزاه كله هيتنفذ بس متزعليش كدا.

سمية بدلع: هتفتح لي البيوتي سنتر اللي نفسي فيه وتكتبه بأسمي و عاوزة عربية موديل السنة دي دا غير الشقة بتاعتنا اللي هتكتبهالي قولت اي.

احمد بصدمة: نعمممم ؟ اييي يا سميع كل ده ؟ مش عايزه ديڤيدي بالمره ؟

سمية بدلع: دي شروطي يا حبيبي ومعنديش كلام تاني ولا انت مستخسر الحجات دي فيا بقا؟

احمد بهدؤء: لا يا حبيبتي مش مستخسر حاجه وعشان اثبت لك حسن نيتي انا موافق علي كل طلباتك وكل اللي نفسك فيه هيتعمل

سمية بدلع: ماشي وتحمد ربنا انه مش هتكلم واني مستحمله ان في واحده غيري بتنام جنبك

احمد بحنان: خلاص يا روحي متحبكهاش بقا واديني نيمتها اهو وكل ليلة أنا وانتي هنكون مع بعض.

سمية بدلع : خلاص يحبيبي أنا جايه اهو

بعد شويه

بتوصل سميه ويتدخل اوضة حور بتلاقيها في سابع نومه بصت ليها سمية بغل و ضربتها بالكف وهي نايمة .

سمية بحقد: نامي الهي تنامي متصحي ... انتي خدتي جوزي بفلوسك بس انا مش هخليكي تتهني ب يوم حلو في حياتك يا ضرتي.

خرجت ببرود....

تاني يوم...

حور صحيت ملقتش أحمد...

حور باستغراب: مال خدي وجعني اوي كدا اكيد نمت كتير عليه..

بتبص حولينها: واكيد احمد دلوقتي راح شغله ربنا يعينه وانا اقوم اصلي واروح جامعتي لحسن الدكتور يعلقني.

قامت بسرعه صلت ونزلت علي جامعتها.....

في المحاضره... خبطت علي باب القاعة.

الدكتور ببرود: متاخرة ربع ساعة وانا محدش بيدخل ورايا.

حور بتوتر: اسفه يا دكتور المواصلات كانت زحمة والشكه واقفه

الدكتور بسخرية: وانا مالي بمبرراتك دي اطلعي برا.

حور بغيظ: هطلع برا يعني هتطلعني من الجنة يعني وابصم لك بالعشرة ما حد بيفهم منك حرف وجايين هنا عشان اعمال السنة.

الدكتور بعصبية: انتي قليلة الادب وهاتي الكارنيه بتاعك انا هوريكي وتحصليني بعد المحاضرة علي مكتب العميدة .

حور ببرود طلعت الكارنيه وحدفته علي المكتب: اهو اشبع بيه وهبقي احصل لك علي الاقل اكون شربت القهوة بتاعتي بمزاج لاحسن انا صدعت و الجو هنا كتمة اوي.

خرجت ببرود وهو اتغاظ منها.....

بعد شويه في مكتب العميدة...

الدكتور سامي بغضب: البنت دي قلة ادبها عليا وسط الطلاب و بترد ببجاحه جامعه اهلها هيا.

حور بغضب: حوش انت الاحترام اللي بيخر منك دلوقتي وبعدين انا مقلتش ادبي محدش فعلا بيفهم منك حاجه.

سامي بغضب: مش عاوز اسمع حسك دا والا هرفدك.

حور ببرود: ليه بأي حق ترفدني اصلا فاكر نفسك مين.

العميدة مقاطعة: بسسس كفاية عيب اوي اللي بيحصل هنا المفروض تحترموا وجودي حضرتك غلط يا دكتور سامي و انتي يا انسه حور غلطانه عيب عليكم ردكم وتصرفكم كدا اومال لو مكنتوش اخوات كنتو هتعملو اي

حور بغضب: دا مش اخويا دا ابن مرات ابويا .. امه اتجوزت ابويا وهيا كانت مخلفة يعني لا انا اخته ولا هو اخويا.

سامي ببرود: وانا ميشرفنيش انه واحدة زيك تكون اختي اصلا.

العميدة بهدؤء: ممكن كفايه ومشاكلكم العائلية دي تحلوها بعيد عن هنا لانه هنا حرم جامعي محترم.

حور بصت لسامي بغيظ..

سامي ببرود: أنا عايزها تعتذر لي قدام الطلاب اللي بجحت فيا قدامهم.

حور بسخرية: حلوة اوي احلام العصر دي بس خد بالك بتخليك تصحي عضمك كله مكسر.

سامي ببرود: تمام براحتك يا حور بس متزعليش من رد فعلي ودا كارنيهك سلام.

خرج ببرود...

العميدة بهدؤء: حور اعتبري دا انذار ليكي متغلطيش تاني مع دكتورك وتحترميه.

حور بعصبية: يعني انا مش محترمة انا....

العميدة مقاطعه بهدؤء: حوررر الكلام خلص انتي لولا انك الاولة علي الجامعه سنتين كان زمانك مرفودة بسبب ردودك دي وعدم احترامك للكبير...

حور بصت ليه بحزن وخرجت..

قابلت صاحبتها...

حور بزعل: بقي انا يطردني واتهزق بسببه والله لوريه.

سميه بخبث: متزعليش نفسك يا حور يا حبيبتي سيبك منه انتي عارفه هو مش بيكره قدك واما بيصدق يلاقي اي فرصة عشان خاطر يضايقك بيها.

حور بحزن: عندك حق والله انتي اللي تستاهلي تكوني اختي.

سمية بابتسامة: يا روحي انا بحبك اوي يلا بقا عشان ناكل لانه هموت من الجوع.

حور بابتسامة: يلا اهو اعوض الطاقة اللي طلعتها علي المفعوص دا.

مشيوا راحوا الكافتيريا.... بتيجي بنت تانيه...

حبيبة بجوع: الله عليكم انتو طلبتوا اكل انا هموت من الجوع من الصبح.

حور بضحك: اي يا جدعان كلكم كدا واقعين من الجوع.

سمية بقرف ل حبيبه: معرفش هيا اللي علي طول جعانه انا الحمدلله انا اول مرة اجوع الدور والباقي علي الجعانين علي طول.

حبيبه باستغراب وطيبة: انتي بتتريقي ولا بتتنمري ولا قصدك اي بالظبط وضحي كلامك

حور بهدؤء: خلاص يا جدعان كلوا وبطلوا تبقوا ناقر ونقير كده شويه.

سمية ببرود: انا رايحه التويلت اظبط شعري عن اذنكم.

راحت الحمام و حور ابتسمت ل حبيبة: هيا متقصدش تزعلك انتي عارفه انه سميه دبش من يومها.

حبيبه بطيبة : لا عادي انا متعودة اي دا ايه اللي في وشك دا.

حور بابتسامة: عادي كنت نايمة علي خدي كتير ف وجعني.

حبيبه باستغراب : بس دا مش نومه دا حد ضربك وباين اوي.

حور باستغراب : لا مظنش

حبيبه بهدؤء: طب انتي مش شايفه انها غريبة نومك كدا كل يوم اكيد في حاجه غريبة.

حور باستغراب: حاجة اي وبعدين انا بشرب العصير بتاع احمد وانام مش بحس بأي حاجه

حبيبه: وده مش بيفتح نظرك لحاجه طيب ؟ أقولك ما تجربي كدا متشربيهوش النهارده وشوفي هيحصل اي يمكن جسمك ميوجعكيش زي كل يوم.

حور بابتسامة: احمد بيصمم اشربه ومش برضا اكسفه والله.

حبيبة بهدؤء: طيب براحتك بس انا قلبي مش مطمن علي العموم حاسه بحاجه بتحصل

حور سرحت شويه في نفسها: هو ممكن يكون في حاجه غلط فعلا بس اي هيا مش عارفه اتمنى تفكيري ده يكون غلط واني اكون ظالمة احمد ... انا النهارده مش هشرب العصير وهعمل نفسي نايمة واشوف اي اللي بيحصل.

عند سمية...

سمية بغيظ: يا احمد انا مش طايقة ابص في وشها نفسي اجيبها من شعرها كدا.

احمد بملل: مش كل شويه بقا يا سمية سبيني اشوف شغلي وملكيش دعوة ب مراتي.

قفل في وشها وهي اتصدمت..

سمية بصدمة: مراته ومليش دعوة بقا كدا والله ماشي انا هولع لك في مراتك دي يا احمد تمام اوي.

خرجت لاقت حور في وشها..

سمية بتوتر: ح حور انتي هنا من امتى.

حور باستغراب: لسه جاية دلوقتي حالا في اي ومال وشك اتخطف لي كدا.

سمية بارتياح: ها ولا حاجه حاسه بشوية دوخه بس يلا نمشي

حور بهدؤء: يلا...

بليل...

احمد بابتسامة: اي يا حور مالك سرحانه لي كدا.

حور بابتسامة: مفيش يا حبيبي انا بس بفكر في امتحانات الترم علي الابواب.

احمد بهدؤء: متشغليش نفسك انا هقوم اعملك العصير اللي بتحبيه وهتروقي علي طول.

حور بابتسامة' ماشي يا حبيبي.

قام يعمل ليها العصير....

عند سمية...

كانت بتتكلم في التليفون...

سمية بخبث: ازيك يا نور عامل اي ولا اقولك دكتور نور.

نور بمكر: لا انتي تقولي نور عادي .. بقولك يا سمية هيا صحبتك حور دي دماغها مش ناوية تلين ولا اي

سمية بحقد: هتلين انا بنفسي هبعتهالك المكتب بكرا وانت حر بقا اعمل فيها اللي نفسك فيه

انور بفرحه: بجد يعني هيا هتجيلي المكتب اخيرا احلفي يا سمية.

سمية في نفسها: هم مالهم هيموتوا عليها اوي كدا ليه دا انا احلى منها الف مرة..

نور باستغراب: روحتي فين.

سمية ببرود: مروحتش ومتقلقش ثق فيا هبعتهالك يالله سلام.

قفلت معاه وهيا مش طايقه نفسها..

احمد كان بعت ليها رسالة هحط لها المنوم اهو جهزي نفسك.

سمية بغيظ: طب والله مانا رايحه عشان تتعلم الادب يا احمد وغور بقا...

قفلت تليفونها خالص ونامت ببرود....

عند احمد...

دخل بالعصير: يلا عصيرك اهو يا حبيبتي الف هنا عليكي.

حور بتوتر: هات انا عطشانه والازازة خلصت هقوم اشرب واملاها بالمرة.

احمد بهدؤء: هروح انا اعبي لك الازازة ارتاحي انتي يا حبيبتي.

خرج وهي اول ما خرج فتحت الشباك وكبت العصير وقفلته وجريت علي السرير...

عملت نفسها نايمه و احمد دقايق ودخل لاقاها نامت...

احمد ببرود: كويس انك اتخمدتي انا زهقت لحد امتي هفضل امثل دور الزوج اللي بيحب مراته ومخلص ليها امتي اخلص بقا.

راح قعد جنبها بقرف: لولا وجودك كان زمان مراتي حبيبة قلبي معايا دلوقتي كله من جدك الله يرحمه جوزني ليكي عشان احافظ عليكي بس تمام انا هتصرف اتخمدي عشان اعرف اجيبها.

حور بصدمة:

     

“اللهم استرنا فوق الأرض وتحت الأرض ويوم العرض عليك ”الأماكنُ لا تساوي شيئًا،إن خلتْ ممّن نحبُّ،والحنينُ…هو ذاكَ الشعورُ الدافئُ بالشوقِ،لشخصٍ ما،لمكانٍ ما،لشعورٍ عابرٍ،لحُلمٍ مضى،لأشياءَ تلاشتْ، واندثرتْ،لكنّ عطرَهاما زالَ يملأُ ذاكرتَنا ومكانَنا…نتمنّى أن تعودَ إلينا،وأن نعودَ إليها،في محاولةٍ بائسةٍلإحياء لحظاتٍ جميلة،لزمانٍ رائعٍأدارَ ظهرَهُ لنا،ورحلَ كالحُلمِ الهادئ…فإنْ كانَ النسيانُقافلةً تمضي،فالحنينُ…قاطعُ طريق.❈-❈-❈اتَّسعت حدقتا إسحاق كأنَّهما على وشكِ الانفجار، وارتجَّ جسدهِ مع اندفاعِ فريقِ الأمن إلى الغرفةِ كعاصفةٍ هوجاء، توقَّفت عينيهِ عن الرؤية سوى جسدِ إلياس الداني، تقدَّم بخطوةٍ أثقلُ من أن تحملها قدماه، وقلبهِ يدقُّ كطبولِ القيامة، ولم تتزحزح عينيهِ عن الجسدِ المسجَّى وسطَ بركةٍ من الدماء، هامدًا لا حراكَ فيه، وكأنَّ الحياةَ قد لفظته.

اقتربَ أكثر، وانحنى يرفعُ رأسهِ المرتخي بين يديهِ المرتجفتين، ثمَّ تمتمَ بصوتٍ مخنوقٍ كأنَّ حنجرتهِ تختنقُ بكلِّ حرف:– إلياس…سامعني؟ إلياس؟! رد عليَّ…كرَّر النداء، ليفتحَ إلياس عينيهِ بإرهاقٍ يُقاومُ الموت، همسَ بنبرةٍ ضعيفة، ولكنَّها لم تصل اليه، حاول رفعَ كفَّيهِ المرتجفتين، يشيرُ إلى جسدِ أخيه الذي سقطَ مطروحًا كدُميةٍ محطَّمة، وعليها آثارُ عذابٍ لا تُحتمل..– أرسلان…همس بها، وكأنَّ اسمهِ آخر ما تبقّى له من الدنيا، ليغمضَ عينيه، وغاص في ظلامٍ عميقوصل همسهِ إلى إسحاق، لتخترق أذنيهِ اسمَ فلذةِ كبده، كالسيفِ يخترق السكون، تجمَّد واستدارَ برعب، ورفع رأسهِ ببطء، حتى سقطت عينيهِ على دماءٍ متناثرة، وفراشٍ ملطَّخٍ بالدماء، ناهيك عن صوتِ إنذارٍ يملأُ الفراغَ بأزيزِ الجنون، لحظة اثنين ثلاثة ليفيقَ من بشاعةِ المشهد ويهبَّ فزعًا..يصرخُ بجنون..بصوتٍ خرج من أعماقِ روحه، صوتٌ تمزَّقَ فيه القلب قبل الحنجرة:– دكتوووور!!قالها بصرخة زلزلت المكان، ارتجَّت لها الجدران، لو استمعت اليه الطيورُ لتفزع في السماء، وترتعد الأرواحُ النائمة..ثوانٍ فقط…واقتحم الأطباءُ الغرفةَ كجيشٍ جاء من القيامة، يحملونَ بين أيديهم ما بين الحياةِ والموت، ما بين الرجاءِ والقدر..مع دخولِ مصطفى مفزوعًا يتجوَّلُ بعينيهِ في الغرفةِ التي أصبحت ساحةً لمعركةٍ دامية..خطا بخطواتٍ ثقيلة..واقترابِ الجميع من الغرفة بعد حدوثِ هرجٍ ومرجٍ مع أصوات الطلقاتِ النارية بالداخلِ والخارج، اباختلاط انذار الأجهزةاقترب مصطفى ببطء، كأنَّ خطواتهِ تقودهُ إلى جهنم، لا إلى جسدِ أبنه، توسَّعت عيناهُ بفزع، لا تُصدِّقُ ما ترى، وهو ممددًا، لا يتحرَّك، كأنَّ الحياةَ قد انسحبت من جسدهِ وتركتهُ بارداً، خاليًا من النبض.ارتجفت ركبتيهِ وسقطَ على الأرضِ كمن خارت قواه، بل كمن سقط قلبهِ قبل جسده، وانحنى فوق إلياس، لا بجسده، بل بروحٍ تحترق، وهمس باسمهِ وتمنَّى بتلك الهمسة أن تكون قادرة على إعادته:إيلي…إلياس…، ابني …

قالها بنبرةٍ مبحوحة، يشعرُ بشروخِ نبرته، وكأنَّ حلقهِ تمزَّق من الداخل.. وفي لحظةٍ كالإعصارِ دخل إسلام كمن انسلخَ عن عقله، يركضُ إلى أخيه، ولكن منعهُ المسعفون، إلَّا أنَّه دفعهم و سقط، يزحفُ حتى وصل اليه، بصراخهِ كالطفلِ وهو يجذب جسدَ أخيهِ إلى حضنه:لااااا!! مستحيل! مستحيل! إلياس افتح عيونك، إلياس إنتَ قولت لي إيه..قالها بصرخاتٍ كالذي فقد عقلهِ تمامًا، هجم عليه الأطباء مع المسعفون، يحاولونَ منعهِ الوصولَ إلى جسدِ إلياس، لكن إسلام التصقَ به كأنَّهم سيخطفونهُ للأبد..تأزَّم الوضعُ في حالة ضياعٍ وانهيارٍ بالكاملِ لمصطفى الحاضرِ الغائب، وكأنَّه ليس موجودًا بالمكان، ولكن إذا رأى أحدًا حالته، سيقسمُ أنَّه يعاني من خروجِ الروح من الجسد، عيونهِ التي تبدَّلت وارتعاشةِ جسدهِ بالكامل، حتى سقط يرتجفُ يتمنَّى من الله أن يصيبهُ بالعمى من ذلك المشهدِ الباكي ..سحبَ المسعفونَ إلياس بصعوبة من بين يديهِ متَّجهينَ به إلى الفراش، مع صرخاتِ إسلام، ولكن أوقفهُ الطبيب محذِّرًا إياه:-خرَّجوه برة..أنا مقدَّر حالتكم بس لا..عايزين نشوف شغلنا، لازم نعرف إذا في نبض، لسة عايش ولَّا مات..اقتربَ إسلام يريد أن يطبقَ على عنقهِ وهو يصرخ:– لأاااااااااا!! هوَّ عايش، سامعني! إلياس سامعني!!ومع تلك الكلمات، دوى صوتُ طبيب اخر:لسه عايش الحمدُ لله لازم ننقله عمليات بسرعة..وقعت الكلمات على قلبِ مصطفى كالسهمِ المسموم، تحجَّرت عينيه، وانطفأت روحه، وهزَّ رأسهِ مرارًا، هامسًا لنفسه:عايز ابني، ابني لازم يعيش يادكتور، سامعني، لازم ابني يعيش..-إن شاء الله سيادةِ اللوا.نظر إلى إسلام وهو يبكي كطفلٍ فُجع.. كأنَّهُ فقدهُ للأبد، وارتفاع شهقاتهِ كانت شروخًا في قلبِ مصطفى الذي فقد الحركة والشعور ، أغمضَ عينيهِ يهربُ من صوت ابنه، وبكائه، نظر إلى ارتعاشةِ يديهِ الملطَّخة بدماءِ ابنه، ثمَّ صاحَ فجأة بصوتٍ أفزعه:-باااااس، مش عايز أسمع صوتك، إنتَ إيه يالا، طفل، أخوك لسة عايش..هدأت نبرتهِ واختتقَ صوتهِ وهو يتمتم:

-أيوة لسة عايش، إلياس لسة عايش، مش عايز نفس، ابني عايش سمعتني، امسح دموعك إيَّاك أشوفك بتعيط، أومال سبت إيه لغادة وفر..ارتجفت شفتيهِ وتوقَّف لسانهِ عن تكملةِ اسمها، يستندُ على الجدارِ متوقِّفا:-لله الأمرُ من قبل ومن بعد..ربِّي لا أسألك ردَّ القضاء ولكن أسألك اللطف فيه..اقتربَ ينظر لوالدهِ بأسى، وألقى نفسهِ بأحضانهِ يبكي:-هيقوم يابابا، أنا عارف أنُّه هيقوم..استدار يتَّكئُ على الجدارِ يجرُّ خطواتهِ بصعوبة، إلى أن وقعت عينيهِ على المسعفينَ يركضونَ بجسدِ أرسلان، يحملونه وكأنَّهم يحاولون أن أن يسرقوا من فمهِ الموت، همس اسمهِ بصراخِ قلبه حينما وجد الأطباءَ يحاولونَ إنعاشَ قلبهِ الذي توقَّف، أطبقَ على جفنيه:-كتير على قلبك يافريدة، إذا إحنا وكدا، اللهمَّ إنِّي أشكو إليكَ ضعفي وقلَّة حيلتي ” قالها وسحب جسدهِ بصعوبة، كمن يُساقُ إلى غرفةِ إعدامه، فكيف سيواجهُ زوجتهِ بعدَ الذي حدث..دقائقَ معدودة حتى انقلبت المشفى إلى جحيمِ صفَّارات، وصُراخ، أقدام تركض، ضباط يقتحمونَ المكانَ بعد تسرُّبِ الخبر.أصبحت المشفى سكنة عسكرية، وجوهٌ جامدة، وعيونٌ تفتِّشُ على يدِ الغدر التي فعلت ذلك، وأسئلة لا صوتَ لها: “من فعل هذا؟”، “كيف؟”، “لماذا؟”.أمَّا الحقيقة، فكانت تصرخُ في أذهانِ الجميع:“من لا يملك قلبًا، لا ينتمي لدينٍ ولا وطن.”بمنزلِ يزن..جلسَ على جهازهِ يُنهي بعض أعماله، استمع إلى رنينِ هاتفه، حملهُ مبتسمًا بعدما وجد اسمها ينيرُ فوق شاشته، فتحدَّث:-أوعي تقولي وحشتك، أنا لسة سايبك من ساعتين تقريبًا…نهضت ميرال من جوارِ طفلها وتحرَّكت إلى الشرفة، رفعت أناملها تعيدُ خصلاتها التي تطايرت بسبب الهواء وأجابته:-أكيد وحشتني، بس أنا ماتصلتش علشان كدا..تراجعَ بجسدهِ يستمعُ إليها باهتمام بعدما أحسَّ بنبرةِ صوتها الحزين، حمحمَ قائلًا:-سامعك حبيبتي محتاجة حاجة، هوَّ إلياس رجع ولَّا لسة؟..

جذبت المقعدَ وجلست عليهِ تتجوَّلُ بعينيها في الحديقةِ قائلة:-لا..لسة بس احتمال يبات الليلة هناك، عمُّو مصطفى بقاله فترة طويلة أوي مرجعشِ بيته، قالِّي لازم يقنعه، حتى قالي هلعب على وتر ابنها ولازم أكون جنبها..فبكدا عمُّو مصطفى هيوافق ويرجع يرتاح شوية، المهم مش دا اللي عايزة أقولَّك عليه..-أنا سامعك خير فيه حاجة؟..أخرجت تنهيدة شقَّت صدرها، لتقول:-رؤى يايزن، رؤى لازم نقعد نتكلِّم معاها، بقت صعبة أوي ومبتسمعشِ منِّي أيِّ كلمة، وخايفة إلياس يعرف تغيُّرها يقلب عليها، خلِّي بالك هوَّ سامحها المرَّة اللي فاتت علشان أنا اتحايلت عليه، بس أفعالها تجاوزت كلِّ الحدود، تخيَّل بقت تسهر وترجع بعد الساعة اتناشر، لسة راجعة من شوية، وحمدت ربِّنا إنِّ إلياس مش هنا.أجابها معترضًا على حديثها:-أنا طلبت أخدها عندي وإنتي اللي رفضتي ياميرال..قاطعتهُ ممتعضة:-كنت محتاجة أقرَّب منها، قولت يمكن لمَّا نقرَّب من بعض أعرف أشيل الحقد اللي جوايا منها، بس دلوقتي بقت تتمادى، أنا مش هتحمِّل تماديها دا.-هيَّ عملت إيه ياميرال مخليكي مضايقة منها كدا؟..حاولت تغيير الموضوع وسحبهِ إلى حديثٍ آخر فأردفت متسائلة:-بكرة تيجي نتكلِّم معاها مع بعض، ونشوف هيَّ ناوية على إيه، وكمان لازم تقولِّي إيه اللي حصل بينك وبين رحيل، مجتشِ فرصة تحكي لي بسبب اللي حصل لأرسلان وماما فريدة..نظر بشاشةِ هاتفهِ بعدما استمع إلى انتظارِ مكالمة فأجابها سريعًا:-تمام بكرة هجيلك ونتكلِّم معاها، معايا تليفون مهم هكلِّمك تاني..-أوكيه..قالتها وأغلقت الهاتف تنظرُ للخارجِ بشرود، بينما أجاب يزن سريعًا على هاتفه:-فيه إيه، عرفت أخبار عن رحيل؟..-لا ياباشا، المستشفى اللي فيها أرسلان الجارحي مقلوبة، كلِّمني حد من فريقِ الأمن وقال أرسلان الجارحي حدِّ حاول يقتله، رحت علشان أتأكد للأسف الوضع هنا صعب أوي..

هبَّ من مكانهِ يصرخ به:-إنت بتنقَّطني ماتقول إيه اللي حصل عندك، أنا كنت هناك من ساعتين.-للأسف ياباشمهندس، فيه حد هجم على أوضة أرسلان الجارحي وإلياس باشا اتصاب وحالته خطيرة جدًا، عرفت أنُّه بالعمليات…لم ينتظر تكملةَ حديثه، حمل هاتفهِ وتحرَّك للخارجِ مع مهاتفةِ كريم، بخروجِ إيمان التي خرجت على صوتهِ العالي:-أبيه يزن فيه حاجة؟..نظرَ إلى هاتفهِ الذي أعطاهُ انشغال كريم بمكالمة، ثمَّ أشارَ على يدها:-اقفلي مع كريم عايزه ضروري، قالها واتَّجه إلى دراجتهِ البخارية ومازال يحاولُ مهاتفةَ كريم:-أيوة قابلني في المستشفى اللي فيها أرسلان الجارحي، فيه حد حاول يموِّته..❈-❈-❈عند ميرال..نهضت من مكانها ودلفت إلى غرفةِ طفلها، راقبت نومهِ للحظات ثمَّ انحنت تقبِّله، تمرِّرُ أناملها على خصلاتهِ مرَّةً وعلى وجنتيهِ مرَّة، ظلَّت تحدجهُ لفترةٍ وثغرها مبتسمًا ترى فيه صورةَ زوجها المصغَّرة، رفع ذراعيهِ يتثاءب، فشقَّت ابتسامتها على طفولتهِ البريئة..أشارت إلى مربيَّته:-خلِّيكي جنبه لحدِّ ما يروح في النوم، ولو جاع أكَّليه فواكه، بلاش أكل تقيل علشان ينام براحته، ومتنسيش اللبن، أنا حضَّرته له وجبته جاهزة..-حاضر يامدام..تحرَّكت للخارج ونظراتها مازالت متعلِّقة عليهِ إلى أن خرجت وأغلقت البابَ خلفها، قابلتها رؤى تحملُ قهوتها، توقَّفت أمامها متسائلة:-فين الشغالة؟..معقول مفيش حد يعملي فنجان قهوة!..خطت من جوارها قائلة:-هوَّ جريمة تعملي لنفسك قهوة، أنا مشيتها، والدتها تعبانة، ومش محتاجاها، أنا طول الوقت برَّة من شغلي للمستشفى، وكمان إلياس، ولمَّا بيرجع مابحبِّش حد يعملُّه حاجة..توقَّفت واستدارت إليها تحدجها واستطردت:-من وقت مااتجوزنا وهو مبقاش ياكل غير من إيدي..قطبت جبينها تشيرُ إليها:-معقولة ياميرال بتوقفي في المطبخ، علشان تعملي أكل!!..رفعت ميرال حاحبها مستغربةً ردَّها فأجابتها:

-أنا اللي مستغربة كلامك، يعني المفروض عشتي فترة كبيرة في الملجأ، المفروض الموضوع يكون عادي لمَّا أقوله، مش تكبر زي مابتتكلِّمي، اقتربت خطوةً منها وتابعت حديثها:-وعلى العموم أنا بكون سعيدة جدًا، وأنا شايفة جوزي مش عجبه أكل غير أكلي..-والله، ومن إمتى دا، مش شايفة إنِّ إلياس متحكِّم زيادة عن اللزوم؟..أفلتت ضحكةً صغيرة تهزُّ رأسها ساخرةً من حديثها:-متحكِّم، ياشيخة مش شايفة الكلمة كبيرة أوي عليكي، مابلاش إنتي يارؤى، إحنا لسة متكلِّمين في الموضوع دا من كام يوم..خطت خطوةً أخرى إلى أن توقَّفت أمامها ولم يفصلها سوى أنفاسهما وتابعت حديثها:-رؤى لآخر مرَّة هحذَّرك تدخلي بيني وبين جوزي، وعلى فكرة إنتي من بكرة هتنقلي عند يزن، هوَّ عايزك عنده، شايف إنِّك الأولى تقعدي عند أخوكي مش جوز أختك..-واللهِ ياميرال، بتطرديني من بيت إلياس..وياترى بتطرديني خوف ولَّا..قاطعتها ميرال ترفعُ أناملها بتحذير وارتفعت نبرتها حتى احمرَّ وجهها من الغضب:– ولا كلمة، وبلاش أحلامك الهبلة الغير منطقية، وبعدين دا مش بيت إلياس دا بيتي أنا، اللي متعرفهوش كتبه باسمي من أوَّل مانقلنا هنا، حتى لو بيته ماهو جوزي وليَّا الحق أقعَّد اللي يريَّحني؛ واللي ميريحنيش زي حضرتك أقولُّه مع السلامة..-أفهم من كدا إيه ياميرال؟..استدارت للمغادرة ونطقت:-أخوكي أولى بيكي، على الأقل لو قعدتي قدَّامه بقميص نوم اسمه أخوكي..توقَّفت وأدارت رأسها ترمقها باحتقارٍ وتمتمت بنبرةٍ مشمئزة:-بدل ماأقعد في بيت راجل غريب وأظبَّط مواعيده وأخرج له بحجج فارغة، عيب عليكي احترمي حتى الدم اللي بينا، وافتكري إنِّ دا جوز أختك..بس لحدِّ كدا وكفاية، إلياس مبقاش عايزك في البيت..-كدَّابة..قالتها سريعًا واقتربت منها وهتفت بنبرةٍ خرجت غاضبة اخترقت صدرَ ميرال حينما قالت:-إنتي اللي ألَّفتي كدا، خايفة..ماهو هتفضلي خايفة منِّي، ماأنا البنت اللي كانت هتخطف جوزك، اقتربت أكثر وبخَّت حديثها كالسمِّ القاتل:-إيه نسيتي لو إنِّك مانتحرتي كنت زماني مراته وإنتي برَّة حياته، وقتها كان فين الحبِّ اللي بتقولي وتنفخي نفسك بيه، أنا متأكِّدة هوَّ اضطر يكمِّل معاكي بعد تحذير الدكتور له، ماهو ياحرام حاولتي بدل المرة تلاتة تتخلَّصي من حياتك، كان لازم يجاريكي لحدِّ مايطمِّن، بس مكنشِ يعرف أنُّه هيتورَّط بابنك..فوقي وبصي لنفسك؛ لولا الدكتور مكنشِ كمِّل معاكي وإنتي متأكِّدة وكلِّنا عارفين أنُّه انجبر يرجع لك..

لطمة قوية على وجهها ثمَّ أشارت إليها بالخروج:-اطلعي برَّة بيتي حالًا، مش عايزة أشوفك..لوت شفتيها:-إيه عرِّيت حقيقتك قدَّام نفسك دا لو كنتي مش عرفاها أصلًا..بلاش تنفخي نفسك ياميرال إنتي مش أقلِّ مني، إحنا بنات راجح ياحبيبتي، راجح اللي شردهم، تخيلي واحد هيحب واحدة ابوها قتل ابوه، واغتص. ب امه، دا لو محاولش ينتقم منك وحاول اللي يعمل اللي ابوكي عمله مع أمه يعمله معاكي، ايه مش إلياس حاول يعملهاسحبتها ميرال بقوَّةٍ تدفعها خارج المنزلِ ثمَّ أشارت إلى الأمنِ الخاصِّ بالفيلا:-خد البنتِ دي ودِّيها عند يزن، ممنوع تدخل بيتي تاني، التفتَت لها قائلة:-متستهليش الشفقة يابنتِ راجح..قالتها وأغلقت البابَ خلفها بقوةٍ جعلت جسدَ رؤى ينتفض، سحبها الرجلُ إلى السيارة في محاولةٍ منها لإبعاده، ولكن كان الأقوى في السيطرةِ عليها، بينما جلست ميرال خلف الباب تبكي بشهقاتٍ تضعُ كفَّيها على فمها تمنعُ شهقاتها وحديثُ رؤى يخترقُ آذانها:-إحنا بنات راجح..ظلَّت الكلمات كصوتِ رعدٍ تتذلَّلُ له الآذان..نهضت من مكانها سريعًا، وصعدت غرفتها، وقامت بتبديلِ ثيابها مع إزالةِ عبراتها التي أغرقت وجهها، حملت حقيبتها تضعُ هاتفها بها، هبطت للأسفل متَّجهةً سريعًا إلى سيارتها، تحرَّكت بخطواتٍ مبعثرةٍ، ولم تشعرُ بأنَّ حارسها الشخصي قد اقترب، ظنًّا أنَّها علمت ماحدثَ لزوجها بسبب حالتها التي كانت بها..ألف سلامة على الباشا ياهانم، إن شاء الله يقوم بالسلامة.لم تستمع إلى حديثهِ جيدًا، فنبضُ قلبها كان كبركانٍ يثورُ بداخلها، يشوِّشُ كلَّ شيءٍ من حولها..فتحت باب السيارة بجسدٍ مرتعش، فتقدَّم هو ووقفَ أمامها مشيرًا إلى المقعدِ الخلفي قائلاً:-أنا هوصَّل حضرتك للمستشفى، مينفعشِ تسوقي وإنتي في الحالة دي..تمتمَ بها لتشعرَ بها كطعنةٍ في صدرها، فأشارت له بالابتعاد، وقد عجزَ لسانها عن النطقِ للحظات، تحاول لملمةَ شتاتها، ثمَّ همست بصوتٍ خافتٍ بالكادِ وصل أذنه:-أنا…عايزة أسوق..تعالَ ورايا..قالتها وصعدت إلى السيارة دون أن تضيفَ كلمةٍ واحدة..مرَّت الدقائقُ وهي جالسةً في مقعد القيادة، لا تتحرَّك..

فقط دموعها تنسابُ على وجنتيها، وكأنَّها نارٌ تحرقها من الداخل..رفعت الهاتفَ بيدٍ مرتجفة، أرادت أن تحادثه..أن تسمعَ صوتهِ فقط، تشتاقُ لاحتضانه، لصوتهِ الحنونِ يربتُ على قلبها الهش، لا تريدهُ أن يبتعدَ الآن، لا تريدُ من هذا العالم سوى شيءٍ واحد…هو فقط …مرَّ الرنينُ عليها كدهرٍ وهو لم يجب عليها، تحرَّكت بالسيارة بعدما فقدت الأمل في الوصولِ إليه، تمنَّت لو أنَّ لديها أجنحة لتطيرَ اليه، تلقي نفسها بأحضانه.بعد فترةٍ وصلت إلى المشفى، ولكن توقَّفت تلتفتُ حولها بذهول من كمِّ الأمن الذي يحاصرُ المشفى، ازداد نبضها ظنًّا أنَّ أرسلان أصابهُ مكروه، خطت بعض الخطواتِ للداخل، ولكن أوقفها الأمن يهتفُ بنبرةٍ غاضبة:-ممنوع الدخول ياأستاذة، قسم الطوارئ بالجهة التانية.قطبت جبينها باعتراض وأتت للتحدُّث ولكن قاطعها رجلُ الأمن الخاص بها:-ابعد يابني دي مدام إلياس باشا السيوفي ..دقَّق بملامحها للحظات ثمَّ رفع نظرهِ للرجلِ قائلا:“معنديش أوامر أدخَّل أيِّ مخلوق!”صرخ به الأمني بصرامة، واقترب ليعترضَ طريقها بجسده، لكنَّها لم تتحرَّك، بل نظرت إليه بنظرةٍ ممزوجةٍ بالدهشة، فتحت فاهها للرد ولكن قاطعها صوتُ رجلِ الأمنِ الحادِّ الغاضب:“مين رئيسك؟ دي مدام إلياس السيوفي، من حقَّها تدخل.”أخرج بطاقتهِ ببطء،ثمَّ أكمل:“وأنا رئيس طقمِ الأمن الخاص بالباشا، ولَّا علشان متصاب هتتحكِّموا فينا؟!”تدخَّل الآخر، يعترضُ بنبرةٍ لا تخلو من الاتهام:“طيب، بدل حضرتك رجل أمن وعارف خطورة الوضع، مش من حق أيِّ حد يدخل قبل ما نتأكِّد إنِّ المستشفى خالية من الخطر، ولَّا ناوي تضحِّي بيها زي جوزها؟”تجمَّد الزمن حولها للحظة…

“زي جوزها؟”الكلمة ضربت داخلها كطلقةٍ باردة.. نظرت لهم بحدَّة، تتساءلُ بعينيها قبل لسانها:“هوَّ إيه اللي بيحصل؟ إزاي تمنعني أدخل، إنتَ متعرفش أنا مين؟”التفتت نحو رجلها الخاص، الذي شحُبَ كأنَّ روحهِ انسحبت وهتفت:“اتِّصل بإلياس، خليه ينزل يشوف ليه مش عايزني أدخل!”نظر إليها بعينيهِ التي تريدُ أن تخبرها بشيءٍ لا يُقال، ثمَّ التقت نظراتهِ بعينِ رجلِ الأمن، الذي تنحَّى جانبًا وأشارَ لها بالدخول..دون كلمة..تحرَّك الرجلُ معها بصمت، عيناهُ تراقبُ الأجواء..المستشفى انقلبت في دقائق لثكنةٍ عسكرية…ظلَّا يتحركانِ إلى أن أوقفهم المسؤولُ صارخًا:“مين سمح لكم تدخلوا؟ اتفضلوا برَّه بدل ما نعمل مشكلة!”اقتربَ رجلها منه، همس بنبرةٍ محذِّرة وهو يُخرجُ بطاقتهِ مرَّةً أخرى:“مدام إلياس…هي متعرفشِ اللي حصل، أرجوك خلِّيها تطلع.”تحوَّلت نظراتُ المسؤولِ نحو ميرال، التي كانت تتابعهم دون فهم، يدها على هاتفها، تحاولُ الاتصالَ بإلياس… ولكن لا رد..ضغطت أكثر، قلبها يضربُ صدرها كطبولِ الحرب.اقتربت، ثمَّ صرخت بنبرةٍ مخنوقة:“أنا ميرال السيوفي، وماما محجوزة فوق، لازم أطلع لها!! بحاول أوصل لجوزي ومش عارفة هوَّ فين، إحنا مش مجرمين!”أشارت على نفسها، وعيناها تدمع:“أكيد شكلي مش شكلِ مجرمة؟!”تبادلَ الرجالُ نظراتٍ سريعة، ثمَّ أشار أحدهم لرجلِ الأمن:“معاهم ياابني لحدِّ فوق.”

تحرَّكت بجانبه، بخطواتٍ سريعة، تتساءل:“هوَّ فيه إيه؟ أرسلان وماما كويسين؟”التزم الرجلُ الصمت، وصمتهِ كان أفظع من أيِّ جواب، جعل قلبها يصرخُ من الخوف..تحرَّكت حتى وصلت إلى الطابقِ المنشود، خرجت من المصعد تخطو في أوَّلِ الردهة، ولكن توقَّفت حينما وقعت عيناها على مشهدٍ شعرت بخنقِ أنفاسها:يزن يحتضنُ إسلام، ويحاول السيطرةَ عليه، وجهُ إسلام محمَّر، وعيناهُ دامعتانخطت نحوهم بخطواتٍ ثقيلة رغم استعجالها، وكلَّ سيناريو مرعب يعصفُ برأسها…هل أصابَ والدتها مكروه؟ هل أرسلان بخير؟وقفت أمامهم، ووزَّعت نظراتِ القلق والرجاء عليهما ثمَّ تساءلت بصوتٍ مرتجف:“ماما…ماما حصلَّها حاجة؟”تجمَّد جسدُ يزن، وجحظت عيناه…نسيَ تمامًا أنَّها لم تعرف بعد..نسيَ أنَّ صدمتها ستصبحُ أكبر ماتتحمَّله..❈-❈-❈ميرال ردَّدها مقتربًا منها، جيتي إزاي؟..تذكَّرت رؤى، فأردفت بصوتٍ مختنقٍ بالكادِ خرج من بين شفتيها، لكنَّه اخترقَ أعماقَ يزن كالسهم، حينما أردفت:-لسة واصلة، عايزة إلياس، كلَّمته كتير ومبيردش، تنهَّدت بحزنٍ وتابعت:-أنا روَّحت رؤى بيتك..ولكنَّها توقَّفت بعدما أدركت وجوده:-إنتَ هنا بتعمل إيه؟..إحنا كنَّا بنكلِّم بعض من نصِّ ساعة تقريبًا، ومقولتش إنَّك جاي، ثمَّ وقعت عيناها على إسلام الذي تراجعَ يزيلُ دموعه، محاولًا السيطرة على بكائهِ أمامها:

-إسلام ماله؟!..اقتربت منهُ وأمسكت ذراعه:-ماما فريدة كويسة، أوعى يكون حصل لها حاجة، إسلام، ماما فريدة كويسة؟..هزَّ رأسهِ دون حديث، يبتعدُ بنظراتهِ عن مرمى عينيها، شهقت تتطلَّعُ إليه:-ياربي أرسلان، أيوة هو، علشان كدا إلياس مابيردش، حسِّيت إنِّ فيه حاجة في المستشفى..دول منعونا من الدخول، بس معرفشِ أحمد قالُّهم إيه..سحبتهُ من ذراعه:-إسلام..فين إلياس تلاقيه دلوقتي هيتجنِّن على أخوه، أنا عارفة ومتأكدة مهما يحاول يداري، دقَّقت بملامحهِ بعدما كثُرت دموعهِ بغزارةٍ على وجنتيه..-هوَّ إنتَ مابتردش عليَّا ليه؟..انتقلت ببصرها إلى يزن الذي يطالعها بألمٍ يشقُّ صدرهِ ثمَّ قالت:-هوَّ حالته خطيرة أوي كدا يايزن، إيه اللي حصل، هوَّ مش كان كويس؟..أنتوا مابتردوش عليَّا ليه؟..خطت قائلة:-أنا لازم ألاقي جوزي دلوقتي، لازم أكون جنبه، قالتها وتحركت بعض الخطواتتجمَّد يزن مكانه، للحظة شعر بأنَّ قلبهِ سيخرجُ من صدرهِ من حديثها:-استني ياميرال..مش هتلاقيه.ضاقت عينيها بتعجُّبٍ وهي تراقبُ ملامحَ إسلام الباكية، ووجههِ الشاحب، نظراتهِ الشاردة بكافَّةِ الاتجاهات، فسألتهُ بقلقٍ خانق:– في إيه ياإسلام، معقول كنت بتحبِّ أرسلان أوي كدا؟ولكن توقَّفت عن الحديثِ عندما وصلت الممرضة، وبكلماتٍ قليلة، ألقت قنبلتها:– أنتو قرايب الظابط اللي انضرب، فين والده أو أيِّ حد قريب من الدرجة الأولى؟..ابتلعَ إسلام ريقهِ بصعوبة، وأجابها بنبرةٍ تصرخُ بالألم:-أنا أخوه، وبابا جاي أهو، هوَّ فيه إيه؟..-هوَّ المريض كان بكلية واحدة؟..شهقت ميرال، والتفتت تنظرُ للممرضة وكأنَّها تتحدَّثُ بلغةٍ أخرى، تطلَّعت إليها بعينينِ مذهولتينِ تجاهدُ لفهمِ ماقيل، بينما إسلام، لم يستطع أن يتنفَّس، وكأنَّ شيئًا ثقيلًا ضربَ صدرهِ حتى أخرج شهقةً كشهقةِ إخراجِ الروح، ليضعَ يدهِ فوق فمه، محاولًا منعَ صرخةٍ حارقةٍ من الانفجار،

ليرتجفَ جسده، ممَّا جعل قدميهِ لم تساعدهُ على الوقوف..فتراجعَ يصطدمُ بالجدارِ بقوةٍ بعدما علمَ بما حدث..بينما ميرال التي التفتت ببطء تتساءل:-هوَّ مين اللي بتتكلِّمي عنُّه؟!..ردت الممرضة سريعًا-الظابط اللي انضرب من شوية، للأسف محتاجين حدِّ من أقاربه.. الدكتور عايزه ضروري..قالتها بوصولِ مصطفى الذي يتحرَّكُ بتثاقلٍ كأنَّ عمرهِ زاد الضعف متسائلًا بنبرةٍ مكسورةٍ متقطِّعة:-فيه إيه يابنتي؟..-حضرتك لازم تنزل الاستعلامات..-ليه ؟!-مش حضرتك والد حضرةِ الظابط إلياس السيوفي، قالتها بعدما نظرت بدفترها، ثمَّ أكملت:-الحالة محتاجة حضرتك ضروري يافندم.استدارت ميرال بجسدها كلِّه، على كلماتِ الممرضة الذي يتردَّدُ كصفعةٍ قاتلة، وكأنَّها نطقت حكمًا بالإعدام حينما قالت:– للأسف…الكلية التانية متضرِّرة جدًا، وهنضطَّر نستأصلها…توقَّفت، ثمَّ ختمت حديثها المُدمي:– أتمنَّى تلاقوا متبرع في أقرب وقت، الدكتور هيفهم حضرتك اكتر منيصدمة بل صاعقة ضربتهم حتى شعروا باهتزازِ جسدهم الذي كان يصرخ لهم بكمِّ الوجع:-إنتي قصدك مين؟!تساءلت بها ميرال بجهل..اقترب يزن يحاوطُ جسدها، يضمُّها وأردف:

-هيكون كويس إن شاءالله حبيبتي..-هوَّ مين؟! قالتها بتيه تنظرُ إلى مصطفى الذي شعرَ وكأنَّ الأرضَ تُسحبُ من تحت قدميه..وميرال التي كانت على وشكِ الانهيار، طالعتهم بوجه شاحبًا كأنَّ الدم فارق ملامحها..أمَّا إسلام، فقد انهارَ تمامًا، وخرج صوتهِ مكسورًا، نحيب في هيئة كلمات:-يعني ممكن يموت …قالها اسلام بتقطعأيها الجريء لا تخلق اعذارا لظلمك ولا تلقى الملامه على الاخرين لا تغمض عينك وانظر إلى كل مايدور من حولك لأنك تدرى بأن بلاؤك من صنع يديك اصنعت شئ لم ترى له ظلاً اغرست بذرة ولم تحصدها كل ما صنعت من روحك وجسدك وسيأتي اليوم ترى فيه البلاء كطفلجلال الدين الروميتحرك مصطفى يجر ساقيه التي تلتصق بالأرض، متوجهًا نحو غرفة الطبيب، فتح الباب ودلف بنظرات مرتجفة إلى الطبيب، ناهيك عن قلبه الذي ينتفض بزعر داخل قفصه الصدري-خير يادكتور؟!تسائل بها بعيونًا ضائعة..تنهد الطبيب متأسفًا..ثم أشار إليه بالجلوس-اقعد ياسيادة اللواء، مش خير ..خرَّ مصطفى على المقعدِ حينما خانتهُ ساقيه بعد أن أثقلهما الوجع، وشحُبَ وجههِ وكأنَّ الحياة ذبُلت فيه، ارتفعت عينيهِ إلى الطبيبِ وتمتمَ بصوتٍ مبحوح:– للهِ الأمرُ من قبل ومن بعد…ربِّي، لا أسألك ردَّ القضاء، ولكن أسألك اللّطف فيه.تقدَّم يزن إليه مسرعًا، وقد اكتسى صوتهِ بنبرةٍ تُخفي الحزن:-عمُّو لازم تقوى،أمَّا ميرال بالخارج، فوقفت ساكنة تحدِّقُ بهم بذهول، بجبينٍ معقود، وكأنَّها لم تستوعب مايُقال، فتبعت خطواتهم بوجهٍ جامدٍ وعينينِ تائهتين، وكلماتُ الممرضة تصدحُ بأذنها..هزَّت رأسها بالرفض:

-لا..أكيد ماتقصدشِ إلياس..قالتها بنبضٍ يضربُ صدرها بقوةٍ كادت أن تخترقَ عظامها..دلفت إلى غرفةِ الطبيب..وجدت مصطفى يجلس كالميِّتِ الحي، بوجههِ الشاحب، وعيناهُ الزائغتانِ اللتان لا تُركِّزان، رفع عينيهِ إلى الطبيبِ وتمتم بنبرةٍ خرجت من بين شفتيهِ مثقلةً بوجعٍ لايُحتمل:-خير يادكتور، طمِّني..اعتدلَ الطبيب، وعدَّلَ نظارتهِ الطبية، وسحب نفسًا عميقًا كأنَّ صدرهِ قد ضاقَ بالكلمات، ورغم ذلك قال بصوتٍ هادئ:– سيادةِ اللواء…أنا مش هلفِّ وأدور عليك، حضرة الظابط كان بيعيش بكلية واحدة، ومع الأسف، نتيجة الاعتداء الوحشي اللي اتعرض له، تأذَّت الكلية التانية بأذى بالغ..وحصل نزيف داخلي شديد، علشان كدا لازم نستأصلها، قبل النزيف مايدمَّر أعضاء تانيةسقطت الكلماتُ كالصاعقة على الجميع، ممَّا جعل ميرال تتطلَّعُ إليهم بعينينِ متسعتين، وتراجعت خطوةً كأنَّها صُدمت بالكهرباء..شهقةٌ خرجت منها، ممزوجةٌ بالذعرِ والرفض:-هوَّ يقصد مين يايزن!! مين اللي عايش بكلية واحدة غير إلياس؟..هزَّت رأسها رافضةً ما تلفَّظ بهِ الطبيب:-لا، إلياس كويس، هوَّ عند أرسلان، أكيد يقصد حدِّ تاني..-حبيبتي ممكن تهدي، إنتي مش شايفة عمُّو مصطفى، ضيَّقت عينيها متسائلة بنبرةٍ متقطِّعة:-هوَّ..إل ياس..سحب بصره يهزُّ رأسهِ بالإيجاب..انحنت على ركبتيها فجأة، حتى اصطدمت بالأرضِ لتصدرَ صوتًا قويًا مع تراخي جسدها، فقد انهارت قواها، وأمسكت برأسها تهزُّهُ بعنف، كأنَّها تطردُ الكابوس:– لا..لا! مستحيل!..إلياس كلِّمني من شوية،، تعثَّرت كلماتها وسطَ دموعها، وعقلها يرفضُ التصديق..اقتربَ يزن منها، وحاولَ أن يرفعَ جسدها من فوقِ الارض:– ميرال، اهدي.لكنَّها صرخت، وراحت تضربهُ بكفَّيها، بقلبٍ انفجرَ من الألم:-بيقول إلياس يايزن، إلياس هوَّ اللي يقصده، قولِّي لا مش هوَّ..رفعت رأسها تنظرُ لأخيها بدموعها التي تتدفَّقُ كالشلالِ، تهتفُ بنبرةٍ مغموسةٍ بالألم تترجَّاه قائلة:-وحياة أغلى حاجة عندك، قولِّي مش هوَّ يايزن، هوَّ كلِّمني واللهِ، وقالِّي هيبات مع أرسلان هنا، علشان عمُّو إسحاق يرتاح، هزَّت رأسها ودموعها كالشلال حتى أخفت وجهها قائلةً بصوتٍ باكي:

-أه هو َّخاف إسحاق يتعب، قالِّي كفاية أرسلان، أنا مش حمل حدِّ تاني، لو كنت أعرف أنُّه جاي هنا علشان يحصل له كدا، كنت منعته..واللهِ كنت منعته حتى لو هيطلَّقني، قالتها وكأنَّ الحياة تنهارُ بين يديها، وقلبها يُسحبُ من صدرها قسرًا..ضمَّ رأسها لأحضانهِ ينظرُ إلى مصطفى الذي لايقلُّ ألمًا عنها ثمَّ قال:ميرال…إلياس كان ضحية لمحاولة اغتيال..طعنوه في جنبه كذا مرة، إحنا كنَّا شاكين قبل ماالدكتور يقول..سقطت الكلمات على قلبها كالسيف..تراجعت مذعورة، تزحفُ بجسدها الذي اهتزَّ كأوراقِ الشجرِ في مهبِّ الريح، وصرخةٌ خرجت من أعماقها:-لا…لا..أمسكَ بها يزن مرَّةً أخرى، وأردفَ بصوتٍ مرتجف:– حبيبتي إن شاءَ الله هيكون كويس، ادعيله، اهدي عايزين نشوف الدكتور عايز يقول إيه..مش هوَّ هيكون كويس يادكتور..قالها يزن يطالعُ الطبيب بعيونٍ مترجية..– أكيد دا كابوس، لا كابوس، دا كدا هيموت، معندوش كلية تانية، كدا هيموت..ظلَّت تتمتم بها مع انتفاضةِ جسدها، إلى أن انهارت بين ذراعي يزن، تتمسَّك بقميصهِ كطفلةٍ اقتُلعَت من حضنِ والديها وأُلقيت في قاعِ الجُبّ..نهضَ الطبيب بعد إحضارِ إبرةٍ مهدئة ليغرزها بوريدها ممَّا جعلَ يزن يحملها ويخرجُ بها إلى غرفة أخرى..عدَّةُ ساعاتٍ مرَّت والجميعُ في حالةِ ترقُّب، عيونهم متشبثة ببابِ غرفة العمليات، بوجوهٍ يكسوها الألم والحزن..وصلَ زين وأولادهِ بعد أن تسرَّب الخبر، فوجد مصطفى جالسًا على المقعد، بجسدٍ منهكٍ وكأنَّ الحياةَ انسحبت منه..اقتربَ منه زين يواسيه، ثمَّ جلس إلى جواره، وقال بنبرةٍ خافتة:– إن شاء الله يقوم بالسلامة…أنا لسه عارف من آدم لمَّا الخبر نزل على المواقع..أومأ له مصطفى بصمت، ولسانـهِ معقود، لا يقوى على الكلام.ربتَ زين على كتفهِ بلطف وقال:– استودعناه عند ربِّنا، وإن شاء الله يرجعلك بالسلامة…همسَ مصطفى بانكسار:

– اللهمَّ لا اعتراض…فجأة، دوت صفاراتُ الإنذار من داخلِ غرفة العمليات..هبَّ الجميعُ مذعورين، وخرجت الممرضة مسرعةً دون أن تنطقَ بكلمة، فيما تدافعت الأسئلة من أفواههم، والقلق ينهشُ قلوبهم..بمنزلِ راجح..قبل عدَّةِ ساعاتٍ استمعَ إلى رنينِ هاتفه:-تمام ياباشا، الولاد خلَّصوا المهمة، بس اتنين ماتوا، والتالت اتمسك..-يعني قتلوا الظابط؟..تساءلَ بها بتقطُّعٍ وقلبهِ الذي يصفعهُ على ما فعله..أجابهُ الآخر:-الاتنين ياباشا، آخر المعلومات أخوه الكبير كان هناك، هقفل معاك علشان أخبر الباشا الكبير، علشان إفراج العفو..هوى راجح على مقعدهِ عندما اختلَّ توازنه، يدورُ بأنظارهِ بالغرفةِ بأكملها، ولم يشعر بتلك الدمعة التي تحرَّرت من مقلتيه..-آاااااه..صارخة يطيحُ بكلِّ مايُوضعُ على مكتبهِ وصرخَ بصوتٍ مرتفع:-ليييييه، ليه عملت كدا، آاااه، ردَّدها عدَّة مراتٍ إلى أن توقَّف يدمِّرُ كلَّ ما يقابلهُ حتى أُنهكَ جسده، وهوى على الأرضيةِ يبكي بصرخاتٍ مرَّة، ويضربُ رأسهِ بالجدارِ مرةً أخرى:-ليه..مبسوط دلوقتي، بدل ماتنضَّف نفسك بتغرق أكتر وأكتر، المرَّة دي إيدك ملوَّثة بدمِ أخوك وعياله ياراجح، حاولت تبعد ومادوَّرشِ عليهم علشان ماتوصلشِ لكدا، وفي الآخر حصل اللي كنت خايف منُّه، إنتَ قذر ياراجح قذر، قذر علشان سمعت كلام واحدة نجسة زي رانيا لحدِّ ماعرفت..آااه يارانيا لو لسة عايشة كنت زماني دفنتك حية، هوى برأسهِ على ركبتيهِ يبكي لأوَّلِ مرَّة..يضغطُ بقوةٍ على ركبتيه:-شوفت يابا ابنك اللي كنت بتتفاخر أنُّه ظابط، النهاردة قتل ولاد أخوه ووافق زمان على قتلِ أخوه، أنا بحمد ربنا إنَّك مت قبل ماتشوف ابنك وصل لإيه..تراجعَ بجسدهِ مستندًا على الجدارِ يحدِّثُ نفسهِ وابتسمَ ساخرًا:-كنت عايز تتوب، كنت بتحاول تكبر جنبهم علشان توقَّعهم وتاخد تار أخوك، أهم لعبوا عليك ياراجح وسبقوك وورَّطوك بدم ولاد أخوك، إيه كنت عامل عبيط ومفكَّر أنُّهم مش هيقدروا يموُّتوهم..هنا فاقَ من صدمتهِ ونهض من مكانهِ يدورُ بالغرفة:

-إزاي قتلوهم، هوَّ مش إلياس كان في المكتب؟. الواد قالِّي أنُّه في المكتب، أكيد في حاجة غلط..تمتمَ بها ورفع هاتفهِ وقامَ بالاتصالِ برؤى، لحظات وأجابت على الهاتف:-أيوة مين؟،،-رؤى، إلياس السيوفي عايش ولَّا مات؟..ابتعدت عن الجميع وتحدَّثت بنبرةٍ غاضبة:-إنتَ اللي عملت كدا، إنتَ اللي بعتّ ناس يموِّتوه؟..-بقولِّك مات ولَّا عايش؟..جاوبي وبس..-لسة عايش ياباشا، وإن شاءالله يقوم بالسلامة وينتقم من كلِّ اللي عمل فيه كدا…قالتها وأغلقت الهاتف، ليتراجعَ راجح بهدوء ولا يعلم لماذا ابتسم:-عايش، عايش..طب جمال اسمه إيه الواد التاني بنسى اسمه..تحرَّك إلى المقعدِ مع دلوفِ رجلهِ الأوَّل المسؤولِ عن عملياتهِ المشبوهة:-راجح باشا، العيال نفذوا المهمة، بس مفيش خبر يؤكِّد موتهم، بس عيونَّا في المستشفى.رسمَ ابتسامةٍ ونهضَ من مكانهِ قائلًا:-هيموتوا ياعوض، العيال اللي اتعيِّنوا للمهمَّة على أكمل وجه وعارفين بيعملوا إيه، المهم سيبك من الموضوع دا، وقولِّي إيه أخبار الدمنهوري مع هشام، لسة فيه خلافات بينهم زي مابيقول؟..-أكيد ياباشا، ومش بس كدا، دا طرده علشان جالك هنا وهدَّدك.شقَّت ثغرهِ ابتسامةٍ ساخرة، وتحرَّك نحو البار، يسحبُ كاسًا ويتناولُ ماحرَّم الله قائلًا:-يستاهل…ثمَّ التفتَ إليه وقال بنبرةٍ آمرة:-خلَّص الشغل، عايزين نحتفل بالعملية الأخيرة، قبل ماالباشا يقولِّنا هنصفِّي مين المرَّة الجاية..قالها وأشار إليهِ بالخروج..غادرَ الرجل، ليُلقي راجح الكوبَ من يدهِ ويسبُّهُ بعدما خرجَ متمتمًا بهسيسٍ مرعب:-واللهِ لأندِّمك ياخاين ياحقير، اصبر عليَّا أوصل للِّي عايزه..

عند رحيل..جلست بمقابلةِ يعقوب يتحدَّثون عن العملِ المشتركِ بينهما، قاطعهم دلوفُ كارمن:-صباح الخير، هعطَّلكم .توقَّف يرفعُ يديهِ ويجذبها لأحضانه:-زوجتي الجميلة، أنرتي الشركة كما أنرتي حياتي..راقبتهما رحيل بعيونٍ سعيدة، ثمَّ توقَّفت قائلة:-طيب نكمِّل بعدين..أوقفها بإشارةٍ من يديه:-انتظري رحيل..لم نكمل بعد، كارمن ستغادر، ابتسمت إليه زوجتهِ وبسطت كفَّيها بصندوقٍ قائلة:‏-Happy birthdayقهقهَ بصوتهِ الرجولي:-كنت أعلم أنَّكِ لن تنسين..جلست بجوارِ رحيل، بعدما ارتفعَ رنينُ هاتفه، فاعتذرَ مبتعدًا:-عفوًا..جلست بجوارها وتحدَّثت:-عاملة ايه، زعلانة منك علشان رفضتي دعوتي-اسفة كنت تعبانة، ومقدرتش أخرج-يعقوب قالي كدا، وقالي كمان انك حامل، ألف مبروووك-ميرسي ..تأففت تنظر إليه وهو يتحدث بعصبية بهاتفه، ثم اردفت– رغم انه نسي عيد ميلاده، فقولت أعدِّي بهدية، وكانت دي النتيجة، بيزعق في التليفونابتسمت رحيل بإعجابٍ لحياتهما ثمَّ تساءلت:-لسة محتفظة باللهجة المصرية..-طبعا علشان ولادي، مكنشِ ينفع مايعرفوش لغتهم، غير كمان حفَّظتهم بعض سور من القرآن.-ربِّنا يبارك لك فيهم، ولادكم كبار؟..

-مش أوي، عندنا بنت وولد.-ماشاء الله ربِّنا يحفظهم، مسميينهم إيه بقى؟..مش تطفُّل بس يمكن الاسم يعجني..-ربِّنا يكمِّلك على خير..إحنا معانا جواد اتناشر سنة، وغزل سبعة..قطبت رحيل جبينها مردِّدةً الاسمين:-جواد وغزل..وااااو حلوين أوي..طبعًا…قالتها كارمن بابتسامةٍ سعيدة واستطردت:-جواد دا اسم عمُّو جواد اللي رباني بعد بابا الله يرحمه، وغزل مراته، إن شاء الله لمَّا ننزل مصر يبقى أعملِّك دعوة وأعرَّفك عليهم..رفعت يديها وكأنَّها تذكَّرت شيئًا:-غزل دي دكتورة وعندها مستشفى..ارتشفت من قهوتها تهزُّ رأسها بابتسامةٍ سعيدة:-أيوة إنتي تعرفيها؟..أيوة صح دي مشهورة جدًا في مصر، ودايمًا بتعمل ندوات طبية عن مرض الكانسر، أكيد عرفتيها من شهرتها؟..هزَّت رأسها بالنفي وأجابتها:-لا ..الحقيقة بابا اتجحز عندهم شوية، فافتكرت، بس شكلك بتحبِّيها أوي بدليل إنِّك تسمِّي ولادك على أسمائهم..-طنط غزل وعمُّو جواد دول معنى يعني إيه حب، وعيلة وحنان، كل حاجة …على فكرة من وقت حكيتي لي وأنا بفكَّر ولازم نتكلِّم لو بتعتبريني صديقة، بس مش في وجود يعقوب..-أوكيه..-إن شاءالله، سعيدة اني اتعرفت عليكي..قاطعهم وصول يعقوب-رحيل سأخرج، عليك الاستكمال-فيه حاجة..تسائلت بها كارمن-نعم..هيا بنا سنخرج

بعد فترةٍ وصلت إلى منزلها تشعرُ بإرهاقٍ بجسدها، قابلتها والدتها:-حمدَ الله على السلامة ياحبيبتي.-الله يسلِّمك ياماما..تناولت الخادمة حقيبتها، ثم ألقت نفسها فوق الأريكة..-حاسة عايزة أنام، معرفشِ النهاردة راسي تقيلة أوي ياماما.ربتت والدتها على كتفها وأردفت:-علشان كدا بقولِّك اللي بتعمليه غلط ياحبيبتي، دي أعراض الحمل..– ماما..قالتها باعتراض حتى لا تتحدَّث والدتها مرَّةً أخرى..توقَّفت مبتعدةً عنها ثمَّ قالت:-إنتي كنتي تعرفي بموضوع فريدة السيوفي؟..رفعت عينيها بجهل وتساءلت:-مالها؟..أنا معرفهاش غير إنَّها مرات عم..صمتت ولم تقوَ على تكملةِ حديثها، جلست والدتها ترمقها واستطردت:-حتى اسمه مش قادرة تقوليه، طيب يارحيل الِّلي يوصَّلك إنِّك تكرهي شخص بالطريقة دي..يبقى أكيد عمل فيكي حاجات تانية غير اللي حكيتها، مش موضوع أنُّه اتجوِّزك علشان ياخد الشركة من راجح ..تنهَّدت بحرقة، وأحداثُ الماضي تضربُ عقلها لينتفضَ قلبها بنبضاتهِ ولا تعلم هنا، لما هذا النبض؟..هل غضبًا ام اشتياقًا؟.قاطعت شرودها والدتها:-يزن عمل فيكي إيه يارحيل غير موضوع أنُّه خبَّى عليكي أنُّه ابنِ راجح؟..-وحضرتك شايفة موضوع أنُّه يخبِّي عليَّا دي بسيطة؟..دقَّقت والدتها النظرَ بهروبها ثمَّ تساءلت:-رحيل إنتي حملتي من يزن إزاي وإنتي بتكرهيه كدا؟..أوعي يكون اغتص..هبَّت من مكانها منتفضةً رافضةً حديثَ والدتها..-إيه اللي حضرتك بتقوليه دا ياماما!! أنا تعبانة ومش قادرة أتكلِّم قالتها..ثم صعدت إلى غرفتها هاربةً من نظراتِ والدتها.

دلفت للداخل بعيون متحجرة، هوت على فراشها تبكي بصمت، رفعت كفيها تضعها فوق احشائها-ياترى اللي هعمله فيك دا صح ولا غلط، حاولت اسامح باباك بس مش قادرة، الخيانة صعبة اوي، بكرة لما تكبر احكي لك ..ابتسمت حينما تذكرت أنها سترزق بجنين، اعتدلت ونهضت متجهة للمرآة، تنظر بهيئتها، تحرك أناملها على احشائها، ثم اردفت-ياترى هتكون شبهي، ولا شبه باباك، المهم تعرف اني بحبك ومستحيل اتخلى عنك ..استمعت الى رنين هاتفها، فاتجهت والتقطته-إيلين ..عاملة ايه-أنا كويسة حبيبتي، بتصل بخالتو مابتردش، ممكن تديلها التليفون عايزاها ضروري-حبيبتي صوتك ماله، خالو كويس ..-أيوة الحمد لله، على فكرة ابن عمتو فريدة مضروب وحالته خطيرة-ابن عمتو فريدة مينسحبت ايلين نفسا واردفت:-إلياس السيوفي، ايه يزن مالقكيشهنا تذكرت حديث يزن، فتحركت إلى والدتها قائلة-مااهتمتش اصلا، كل اللي اعرفه انه له ابن عم، بس مين ماسألتش-طيب عايزة خالتو ضروري ..بسطت كفها لوالدتها-إيلين عايزة تكلمك ضروريتناولت الهاتف بلهفة بعد الحاحها-إيلين حبيبتي خير…استمعت إلى شهقاتها فأردفت بتساؤل-ماما خانت بابا ياخالتو مع ابن الدمنهوري …هبت من مكانها بعيونا جاحظة ثم تسائلت-مين قالك كدا…استمعت إلى شهقاتها واستطردت:

-ليه عمو جمال مات ياخالتو، ليه انا عرفت الحقيقة-مش صح ياحبيبتي، ايه اللي بتقوليه دا، امك مستحيل تعمل كداصاحت بغضب قائلة:-الراجل دا قتل عمو جمال لما منعها تهرب معاه مش كدا-لا مش كدا يابنت محمود، ومعرفش جمال مات ازاي، وبعدين جمال مركبه غرقت ايه اللي جاب امك في الموضوع…لأنها هي السبب ياخالتو، انا لقيت جواباتها، عمو جمال مات بسبب امي ..هو اتقتل المركب ماغرقتش-اخرصي يابت واياكي اسمعك تقولي كدا، سمعتينيبالمشفى عند إلياس..خرجَ الطبيبُ أخيرًا، والإرهاق خيرُ دليل على صعوبةِ الوقتِ الذي مكثهُ بالداخل..توقَّف مصطفى أمامه:-خير يادكتور..-الحمدُ لله النزيف وقف، واستأصلنا الكلية، بس للأسف المريض دخل في غيبوبة..شهقة أخرجتها ميرال وكأنَّ روحها صعدت إلى بارئها لتتقدَّمَ بخطواتٍ متعثِّرة:-عايزة أشوفه، مش أشوفه بس عايزة سرير جنبه.-مينفعشِ يامدام..نطقَ بها الطبيب سريعًا..التفتت إلى مصطفى وعيناها كمجرى لشلالٍ قائلة:-قولُّه ياعمُّو، قوله خلِّيني جنبه، مش هقدر أتنفس وبينا باب..جذبَ رأسها لأحضانهِ ينظرُ للطبيب:-خلِّيها معاه يادكتور، بس عايز أعرف إيه اللي المفروض يتعمل دلوقتي هوَّ من غير كلى؟..-هنعمل غسيل كلوي كلِّ فترة، نحمد ربنا تأذِّي الكلية ماأثَّرشِ على أعضاء تانية، بس ياريت نشوف متبرِّع بسرعة، الكلية دي كانت مزروعة، مش كدا ..اومأ مصطفى بعد تذكره بتبرع فريدة له

-ايوة، من هو طفل، جاله فشل كلوي، بسبب دواء غلط، وعملنا زرع كلى،-لازم نشوف متبرع في اسرع وقت، وإن شاء الله الغيبوبة ماطوِّلش..-لمَّا أكون جنبه هيصحى، لو سمحت.. قالتها ميرال برجاءصمتَ الطبيبُ للحظاتٍ ثمَّ هزَّ رأسهِ قائلًا:-تمام..هخلِّي الممرضة تدخلك كلِّ تلات ساعات عنده شوية، بس مينفعشِ تكوني ملازمة معاه، دا علشانه مش علشان أمنعك..مُعافى إن شاءَ الله..تمتمَ بها الطبيبُ وتحرَّك..لتشهقَ ببكاءٍ مرتفعٍ بأحضانِ مصطفى:-أنا خايفة أوي عليه، قلبي مش عايز يطمِّني، طفِّي ناري ياعمُّو وقولِّي هيقوم بالسلامة، طمِّني عليه لو سمحت ياعمُّوو..سحبها يزن من أحضانِ مصطفى بعدما وجدَ حالته، اقتربَ زين يساعدُ مصطفى بالجلوس:-خير إن شاءَ الله، ربِّنا يحميه ويقوِّمه بالسلامة، بس دلوقتي فريدة إزاي هنقولَّها؟..-لا لا..فريدة مش لازم تعرف حاجة، دي ممكن تموت فيها.-خلاص اهدى، إن شاء الله تعدِّي على خير، أنا هنزل أشوف فاروق الجارحي، وأطَّمن على أرسلان، هوَّ خرج من العمليات من ساعتين، والحمدُ لله الدكاترة طمِّنونا، هنزل أبص عليه وأرجع لك..قالها زين وهو يرمقهُ بنظرةٍ متألمة..أومأ مصطفى دون حديث..مما جعل زين ينسحبُ للمغادرة، بينما يزن حاوطَ جسدَ ميرال يجذبها إلى المقعد، أجلسها عليه، وحاوطَ وجهها:-حبيبتي ممكن تهدي، عايزك أقوى من كدا، مينفعشِ انهيارك دا، لازم تقوي علشان طنط فريدة، وكمان يوسف، ينفع إلياس يفوق وتبقي كدا..وضعت كفَّها على صدرها تنظرُ لأخيها بعيونها التي تحوَّلت إلى بركةٍ من الدماء:-دا بيوجعني أوي يايزن، ومش هيبطَّل وجع طول ماهو جوا، أنا ماليش حياة من غيره، قولِّي إزاي أعيش وأتماسك وحياتي مش ملكي، حياتي جوَّا، جوا بين الحيا والموت..احتضنَ كفَّيها يربت عليهما بحنانٍ أخوي:-اختبار حبيبتي، ولازم تكوني قدُّه، أنا مكنتش أعرف إن إلياس بكلية واحدة، بس تقبَّلت قدر ربنا، مش يمكن فيه حاجة في علم الغيب إحنا منعرفهاش..

-آاااه..ياقلبيبمكتبِ وكيل النيابة:-جلس راكان مع أحدِ الضباط الذي تمَّ تعيينهِ بالقضية:-إحنا بنحقَّق مع الولد اللي اتمسك، بس ماطلعناش بحاجة، هنحوِّله لحضرتك..أومأ له ثمَّ نظرَ إلى أوراقِ القضية:-ابعتهولي، وممنوع عنُّه الزيارات نهائي، والأفضل يكون انفرادي، وحاجة أخيرة مش عايز أيِّ حد يقرَّب منُّه، حتى لو كان عسكري، عيونك ماتفرقوش..نهض الضابط قائلًا:-تمام، دا اللي عملته بالفعل، بس حضرتك متنساش إنِّ أمنِ الدولة طلبته، وإحنا مش هنقدر نرفض.-القضية ماتخصهمش، دا واحد مضروب في مستشفى خاصة، يعني مالوش علاقة بالسياسة..-بس يافندم الظابط يخصُّهم..سحب راكان سيجارتهِ يشعلها ثمَّ رفع رأسهِ إليه وأردفَ بمغذى:-دا لو مفيش معايا أدلة إنِّ القضية قضية شخصية، محدش يقدر ياخده،طالعهُ باعتراضٍ متمتمًا:-بس النية قتل أخوه، الِّلي محدش كان يعرف أنُّه أخوه أصلًا ولا بيشتغل إيه..مطَّ راكان شفتيهِ معترضًا على حديثه:-اعمل اللي قولت لك عليه وبس– تمام..قالها وتحرَّك للخارج..بينما رفع راكان هاتفهِ وهاتفَ أحدهم:-إنتَ يابني هتفضل عندك كتير؟..أجابهُ الآخر ضاحكًا بعدما ابتعدَ عن الجميع:-أوعى تكون متَّصل بيا علشان وحشتك؟..

-لا يافاشل، علشان محتاجك هنا، توحشني ليه هوَّ إنتَ مراتي.،قهقه جاسر قائلًا:-وأنا لو واحدة ستِّ هرفضك..أفلتَ راكان ضحكةً حتى دمعت عيناه؛ ونهض من مكانهِ متَّجهًا إلى النافذةِ واستأنفَ حديثه:-مغرور يابنِ الألفي.-طبعًا وأمور كمان والبنات بتقع في حبُّي..-أيوة عارف ومتأكِّد من كدا، هتقولِّي، احترم شيبتك ياأخويا، ولادك بقوا طولك..قاطعهم صوتُ جنى:-جاسر بتكلِّم مين؟..-راكان حبيبتي، شوية وجاي..هزَّت رأسها وتحرَّكت تنادي على أولادها..أردفَ راكان بجدية:-إلياس السيوفي حاولوا يقتلوه، هوَّ وأرسلان الجارحي..-أيوة شوفت الأخبار، وعرفت إنَّك مسكت القضية، فيه حاجة ولَّا إيه؟..-أه، القضية دي مش متركِّبة طبيعي، مش معقول عمُّه هيحاول يقتلهم في مستشفى وفيهم واحد في غيبوبة..-بالعكسِ ياراكان، المستشفى أسهلُّه، وخاصةً إنَّها مش عسكري.-لا ياجاسر، أنا متأكد مش هوَّ، فيه حاجة مش مفهومة، يعني أخوه يختفي تلات شهور، وفجأة يظهر حد طلع عليه وضربه ويدخل غيبوبة، وبعد كدا يحاولوا يقتلوه، فيه حاجة ناقصة..-أممم…مش إلياس كان جابلك فيديوهات توريط عمُّه في أعمال مشبوهة..يمكن عرفوا بكدا علشان كدا حاولوا يتخلَّصوا منهم، بدأوا بأخوه، وبعدين هوَّ..-لا دا إنتَ الإجازة ضربت عقلك، يابني هيروحوا يقتلوا إلياس وهوَّ عند أخوه، أنا بقول كانوا قاصدين أخوه، أنا دوَّرت وراهم منكرش، ابنِ الجارحي كان مسافر، بس مش بلد واحدة، دا عدِّة بلاد وتوقيت مختلف..-إنتَ تقصد إيه مش فاهم؟..

-شغل أرسلان ياجاسر، دا مربط الفرس، الواد جاي من برَّة مضروب، يعني مش مضروب في مصر..قطبَ جاسر جبينهِ متسائلًا:-إزاي هيجي مضروب من برَّة؟..إنتَ بتهزر، مش لازم يكون السفارة عندها علم-اقفل ياجاسر، جنى بتنادي عليك، دا لو بشرح لكنان ابنك العيل كان طلع بمعلومة، مش قولت ظابط فاشل..-هردهالك على فكرة، أعمل إيه القلب والعقل مشغولين دلوقتي..قهقهَ راكان يهزُّ رأسه:-بحقد عليك يابنِ الألفي..مرَّت الأيام والقلوبُ مشتعلةً كالجمر، بل ثقيلة كأنَّها جبالٌ تنهارُ على صدرها، والساعاتُ تُقطِّع قلبها رويدًا رويدًا، وكأنَّ الزمن توقّفَ عند أنينِ الأجهزة وأزيزِ أنفاسهِ الضعيفة..جلست بجوارهِ كما اعتادت، ولكن كلَّ يومٍ يمرُّ كان يأكلُ من روحها قطعة، ويُطفئُ من عينيها وهجَ الحياة.بسطت كفَّها الذي ارتجفَ من شدَّةُ حزنها ومرَّرتهُ على وجههِ الباهت، تبحثُ في ملامحهِ عن روحهِ التي فقدتها تلك الأجهزة اللعينة، ظلَّت تمرِّرها حتى توقَّفت على شفتيهِ التي شحُبَ لونها، تاهت ابتسامته، رغمَ أنَّها قليلة ولكنَّها كانت تبعثُ الطمأنينة في قلبها، أمسكت بمحرمةٍ ورقية، بللَّتها دموعها قبل أن تلمسَ بها جبينهِ البارد..وبدأت تمسحُ وجههِ، كأنَّها تحاولُ إعادةَ الدفءِ إليه بلمستها المرتعشة، وهمست بصوتٍ اختنقَ بالعبرات:دقنك طولت شوية، ينفع أحلقها، بس عارف شكلك قمر فيها..انحنت تضعُ جبينها فوق جبينه..هنا عجزت دموعها بالاختباء، فانفجرت كالبرك:-إلياس..أنا وحيدة، ماليش غيرك، أوعى توجعني كدا حبيبي، أنا ماليش أهل غيرك، مش عايزة لا يزن ولا رؤى، عايزاك إنت، أوعى تعملها معايا، لأن مفيش حنان في الدنيا غير حضنك، أنا دلوقتي فهمت كلمتك لمَّا قولت لي يمكن اللي مش لقتيه عندي تلاقيه عند يزن..لا حبيبي أنا لقيت معاك كلِّ حاجة، أوعى تخلِّ بوعدك، هزعل منك، هتسيب مراتك وابنك في الدنيا يتعذِّبوا من غيرك؟.ارتجفَ صوتها وهي تتذكَّر كلماتهِ القديمة..وضعت رأسها فوق صدرهِ وحاوطت جسدهِ بذراعيها، تحاولُ سحبه من غيبوبتهِ بعنفِ الحب، وصراخ قلبها..شهقة عالية خرجت منها لتشعرَ بتمزُّقِ أحشاءها، كأنَّ القلبَ ينهارُ من الداخل، ثمَّ تابعت بصوتٍ تائه:

– أنا بموت…واللهِ بموت، مش قادرة أتنفس…رجَّعلي روحي ياإلياس… رجَّعلي عمري، مراتك بتموت من غيرك، مش إنتَ قولت لي إنَّك بتحبِّني، طيب اثبت لي ياإلياس..اثبت لحبيبتك إنَّك بتحبِّني..قاطعها دخولُ مصطفى، يتحرَّكُ بجسدٍ كالظل، ذابت ملامحهِ من الحزن، من يراهُ لا يصدِّقُ أنَّ الذي يرقدُ على فراشهِ ليس من دمه، اقتربَ منها، وبسطَ كفِّه على رأسها بحنانٍ أبوي موجوع:– قومي حبيبتي، ارتاحي شوية، شوفي ابنك بيسأل عليكي.هزَّت رأسها، بعينينِ غارقتين:– أرتاح إزاي وهو بيتألِّم كدا؟ أرتاح إزاي وقلبي بيتقطَّع؟ أنا مستعدة أتنازل عن حياتي كلَّها عشان يرجع يفتح عيونه بس، قولُّه ياعمُّو، قولُّه يفتح عيونه وأنا أعملُّه اللي عايزه، قولُّه ميرال مش هتقدر تعيش من غيرك.تنهَّد مصطفى، كأنَّهُ يسحبُ من روحه آخر ما تبقَّى من أمل:– إن شاء الله هيقوم، وترجعي تتخانقي معاه، وتيجي تشتكي لي منُّه زي زمان…ابتسمت بمرارةٍ وهي تتهاوى في حضنهِ مع ارتفاعِ شهقاتها:– مش هشتكي تاني…واللهِ ماهزعَّله، بس يقوم، هتنازل عن كلِّ حاجة، كلِّ حاجة مستعدة أتنازل عليها حتى روحي وحياتي كلَّها، بس مايسبنيش، الفراق وحش وأنا ضعيفة مش قدُّه، ميرال ماينفعشِ تعيش من غير إلياس..واللهِ ماتعرف تعيش من غيره..انهارَ مصطفى مع دموعهِ التي خانته، تسقطُ بصمت، وهو يهمس:– مش إنتي بس ياحبيبتي اللي متعرفيش تعيشي من غيره، كلِّنا… وربِّنا مش هيضرِّنا فيه..لازم نفضل متمسِّكين، قولي يارب…أومأت برأسها، أمسكت دموعها بصعوبة، تمسحُها بقوة، وحاولت أن تتماسك:-حاضر…عندك حق، لازم أتماسك علشان هوَّ يقوم..ربتَ على ظهرها بحنان بعدما ضمَّ رأسها لأحضانه:-برافو عليكي حبيبتى، أهو كدا أقول إنِّي عرفت أربِّي، يالَّه امسحي دموعك وروحي زوري والدتك، بتسأل عليكي مش عايزين نحسِّسها بحاجة، ماصدَّقنا إنَّها اقتنعت بسفر إلياس في شغل..حاضر هعدِّي على ماما بس بعد شوية، لازم أسند نفسي علشان ماضعفش قدَّامها..قاطعهما دلوفُ الطبيب، اقترب، ثمَّ فحصَ إلياس بهدوءٍ يثيرُ الرعب، ثمَّ نظر إلى مصطفى بنبرةٍ مختصرة:

– لقيتوا متبرع؟.الغسيل على حالته تقيل، دلوقتي هوَّ في غيبوبة ومش حاسس، بس لمَّا يفوق هيكون صعب عليه..ارتجفَ قلبُ ميرال، ثم نظرت إليه بتلهُّف:-هيَّ الغيبوبة من الكلى يا دكتور؟– لا، من النزيف اللي حصل…إن شاء الله يفوق قريب، بس لازم نلاقي متبرِّع بشكل نهائي، الغسيل مرهق لحالته جدًا، احنا بنعمله يوم ويوم، يعني بحالته دي هيكون صعب ..قاطعه مصطفى:-كلِّنا عملنا التحليل ولسة بانتظار النتيجة، إن شاءالله حد مننا يتطابق..تركتهما وخرجت من الغرفة بعينيها المتعلقتينِ بجسده، حتى أغلقت الباب..وجدت غادة أمامها، ضمَّتها دون كلمة:-إيه الدكتور مقالشِ فيه جديد، ما تقوليش مفيش جديد؟…أجابت بنبرةٍ مبحوحة:– مفيش، فيه رحمة ربِّنا ياغادة…وقعت عينيها على يزن يحملُ صغيرها..لم تحتمل، ركضت إليه، ثمَّ تلقَّفتهُ بلهفةٍ تحتضنهُ كأنَّها تغرسُ وجهها في حضنهِ الصغير، لتستنشق رائحة الغائب منه:– حبيبي…وحشتني…ضربها بكفِّه الصغير، وقال:– با…با…كأنَّها سُمِّرت، شهقت، ثمَّ جثت على الأرضِ تحتضنهُ تبكي:– يا روح بابا…يااارب ما تحرمنا منُّه…اقتربَ يزن، يأخذ طفلها ثم ضمَّها:– ينفع كدا يا ميرال؟! طب سبتي لماما فريدة إيه؟ محتاجة تقوي شوية، لازم تروحي لها، بتسأل عليكي كلِّ شوية، جوزك لسه عايش، بلاش ضعفك دا.،-آااه..قلبي مولَّع نار يايزن، بحاول بس كلِّ اللي بيحصل أقوى منِّي..

حاوطَ جسدها بحنانِ ذراعيهِ يشيرُ إلى غادة-خدي يوسف ياغادة، ثم التفت اليها -حبيبتي إن شاءالله يفوق، عايزك تقوي، إنتي مرات إلياس السيوفي، لازم تقوي عن كدا، الإعلام كلُّه برَّة..هتخرجي إزاي بشكلك دا، دي مش مرات إلياس، اعرفي إنِّ جوزك يستاهل الدنيا كلَّها تعرف أنُّه اتغدر بيه من ناس لا دين ولا قيم..رفعت عينيها التي انطفأت وتمتمت:-زي أبونا يايزن، مش بعيد أنُّه هوَّ اللي عمل كدا…تسمَّر جسدهِ للحظات:-لا..ماأظنش، وهوّّ يقتله ليه؟.لو عايز كان قتله من زمان..أشارت إلى غادة وأردفت:-خدي يوسف وروحي ياغادة، خلِّي بالك منُّه..ثمَّ التفتت إلى يزن:– عايزة أشوف أرسلان، ودِّيني عنده…– لأ، ممنوع الزيارات، أنا حتى مشوفتوش، الِّلي عنده إسحاق بس…هزَّت رأسها، بعينينِ تشتعلان بإصرار:– اتِّصل بيه، لازم أشوفه…ده مش أيِّ حد، ده ابنِ عمِّنا، وأخو جوزي… محدِّش يقدر يمنعني، قالتها ثمَّ انطلقت إلى الأسفل، وقلبها يسبقُ خطواتها، متَّجهةً للطابقِ الذي يُحتجز فيه أرسلان، وكأنَّ خلف ذلك الباب، جزء من الأجوبة، لما صار ذلك لزوجها؟مرَّت عدَّة أيامٍ أخرى، لم تخلو من شيئٍ سوى معرفةِ فريدة بما صار لابنها، تقبَّلت الخبر بنفسٍ راضية-بتخبي عليا يا مصطفى، يعني تلاتين سنة وانا صابرة على بعده، مش هتحمل الخبر دا-فريدة عيطي، مش عايزك كدا، طلعي اللي جواكي-مش هتتحمله يامصطفى، انا مش زعلانة، ربنا رحيم، بعد اللي حصل ماليش اختل برحمة ربنا يا مصطفى، متأكدة من عظمة الخالق، اللي يحرمني منهم تلاتين سنة ويرجعوا لحضني تاني وهم بالشكل دا، يبقى لترتيبه حكم ومواعظ يامصطفى، ولادي الاتنين بين ايد اللي احسن مني ومنك، لو ربنا رايد اذيتهم مكنش وقعهم مع ناس كدا تلاتين سنة، دا ربنا رحمهم، ارجع لسورة الكهف يامصطفى وشوف رحمة ربنا في آياته من سفينة غرقت علشان ملك ظالم، وجدار حمى ملك يتامي، اقتربت تنظر بمقلتيه

وطفل وحيد والديه قُتل علشان هيكون سبب لنزع الايمان في قلوبهم، يبقى انا أكون ايه علشان اعترض على حكمه، بعد مااتربوا كدا، وبقوا وسط ناس الكل بيضرب بيهم المثل، بكرة اتفاخر بيهم ويقولوا ولاد فريدة اهمقالتها بنبرة مبحوحة، تشكر بسكين ينخر جوفها، ثم رفعت عيناها التي يختزن بها حزن العالم قائلة:-قوم ياابو يوسف، وديني عند ابني، يمكن يحس بامه اللي محستش بيه تلاتين سنة وهي بتربيه، تلاتين سنة بيكبر قدامي ومعرفتش أنه ابني، يبقى ماليش اعترض واقول ليه يارب، لا المفروض اقول .. الحمد لله أن ربنا رضاني بعد سنين عذاب بحضنهم وكلمة ماما، كفاية عليا مكنش طماعة، واعترض على حكمه، أمانة ربنا يامصطفى وهديته، وأنا عندي يقين بيه أنه هيردهم، بس لازم ادفع تمن حب وكرم ربنا ليا ..قوم ياابو يوسف قوم، وارمي حمولك على الخالقذهبت إليه وبدأت الزيارة عدَّةَ مرَّاتٍ بمساعدةِ مصطفى، ولكن افزعهم واعجزهم التحاليل بما يناسبه،كانت تغطُّ بجوارهِ تضعُ رأسها على الوسادة بجواره، وجسدها منسابًا على المقعد، فتحَ عيناهُ لعدَّةِ مرَّاتٍ يهمسُ اسمَ أخيه بخفوت، تململت ظنًّا أنُّه حلمًا ولكن حركة أناملهِ التي تضعها على وجهها جعلها تقفزُ من نومها تتأكَّدُ بما تشعرُ به..-أرسلان ياميرال..ابتسمت تقبِّلُ جبينه:-كويس حبيب ميرال إنتَ حاسس بإيه؟..ضغطت على زرِّ المساعدة، حتى وصلت الممرضة:-فاق..وصلَ الطبيبُ يتفحَّصه، ولكن بنظراتٍ غير راضية أشارَ إلى مصطفى:-محتاجين متبرِّع ياسيادةِ اللواء..-بندوَّر، ونزِّلنا إعلان في كلِّ مكان، التحاليل كلَّها سلبية للأسف..بعد فترة دلف الطبيب وجدها تحتضن كفه، وعيونا دبت بها الحياة مرة اخرى، اقترب منها بدخول مصطفى ويزن، فأردف الطبيب-مدام ميرال عملت التحاليل بتاعتها، والحمد لله النتيجة ايجابية؟..-بلاش ميرال لو سمحت..وصلت إليهم ميرال بعدما استمعت إلى حديثهم الجانبي:-إيه يادكتور فيه حاجة، إلياس كويس؟..-مدام ميرال تحاليلك الوحيدة المتَّفقة مع المريض، دون تفكيرٍ أجابته:

-أنا جاهزة، حضَّر العمليات..قالتها واتَّجهت إلى إلياس الذي يحاولُ أن يظلَّ بوعيه، توقفت تنظر إليه بحب، تهمس لنفسها:-مستحيل اسمع كلامهم، اقتربت منه قائلة:-إلياس حاسس بإيه..أغمضَ عينيه، استندت على جبينهِ تهمسُ له:-حبيبي سامعني؟..-تعبان، شوفي الدكتور..قالها بتقطع، مع دخول فريدة-عامل ايه ياحبيبي-الحمد لله..قالها واغمض عيناه متألمًا، انزلقت عبرة رغمًا عنها، اقتربت تلثم جبينه-فداك عمري كله ياحبيبي..فتح عيناه إليها يهمس بخفوت-ماما عايز اشوف ارسلانمسحت على وجهه مع انسياب دموعها-ارسلان كويس، انت شد حيلك، إن شاءالله بكرة تعمل العملية وتشوفه-عملية ايه…تراجعت تنهر نفسها، ثم استدارت لتخرج سريعا قائلة-حبيبتي خلي بالك من جوزك..اتجه بنظره إلى ميرال وحاول الحديث، ولكن انهك جسده، ولم يقو، دلفت الممرضة، فحصت اعضائه ثم رفعت نظرها إلى ميرال-الورقة دي فيها كل حاجة علشان تجهزي للعملية بكرة إن شاءالله، ربنا يقومكم بالسلامة، ياريت تتبعي كل اللي فيها-اومأت لها وعيناها على إلياس الذي يتطلع إليها بعيونا متسائلة، اقتربت منه بعدما لاحظت آلامه التي تجلت بملامحه-تعرف انا اتأكدت انك اغلى من روحي، عارف انا مش عايزة غير حاجة واحدة بس، تعرف ايه هي..كان يتابعها بصمت، رفعت كفيه تقبلهما ثم نطقت-ترجع تستقوى عليا وتطلع كل غلك فيك، وترجع تقول ماشي يابنت مدام فريدة ..انحنت تطبع قبلة بجوار خاصته:-مستعدة أضحي بعمري كله، ولا اشوفك كدا، انا بحبك اوي، وتأكد أنك احسن حاجة حصلت لي في الدنيا دي، زي ماانا متأكدة أن ربنا بيحبني اوي اوي علشان اتجوزتك-مير. ال ..مخبية عليا ايه..قالها بثقل لسانه ..طبعت قبلة سريعة، تنظر لعيناه القريبة بعشق ثم غمزت له

-دمك تقيل يابن عمي، ولازم حبيتك تخففه ..ارتفعت أنفاسه من شدة الامه، مما جعلها تستدعي الطبيب الذي فحصه، قائلا-جرعة بسيطة قبل العملية، إن شاءالله كله هيكون تمام، وبعدين المفروض تتحمل ياحضرة الظابط، حد يبقى عنده ست بتحبه كدا ويفضل نايم على السرير-ايه الألم دا يادكتور، فيه ايه-إلياس بكرة هنعملك زرع كلى، مدام ميرال هي المتبرعسقطت الكلمات فوقه كصقيع ترتجف له الأبدان-لا ..لا ..كررها محاولا النهوض، مع ارتفاع صرخاته المتألمة، صوت اذيذ الأجهزة-إلياس لو سمحت مينفعش، حالتك خطرة جدا، لازم العملية، وضعك مش هيتحمل الغسيل كتير-مراتي لا..رمقها بنظرة حزينة قائلاً:-اياكي تعمليها، سمعاني ..تمتم بها مع شحوب وجهها حاول الطبيب إنعاش قلبه بعض شحوب وجهه، اقتربت منه تمسد فوق خصلاته:-ارتاح دلوقتي، إلياس متعملش كدااغمض عيناه بين النوم واليقظة هامسًا-هطلقك لو عملتيها..انزلقت دموعها وآلامه الصارخة التي شقت قلبها لنصفين، ليخرجها الطبيب بعدما اغلق عينيه كأنه لم يعد لديه قوة للحياة، ورفع جهاز الصدمات في محاولة أخرى لإنعاش قلبه .. دقائق مرت عصبية تفصل الحياة بالموت، إلى أن استمع الى النبض مرة اخرى، ليتنهد الطبيب بارتياح اخيرًاذاتَ ليلة بعدما عجز الجميعُ عن إفاقةِ أرسلان، بعدما استخدمَ معه الأطباءُ كلَّ الطرقِ العلاجية، حتى فُقدَ الأمل إلَّا أنَّ القدرة الإلهية كان لها تدبيرًا آخر..اخترقت الإضاءةُ عيناهُ بقسوة، كمن انتُزعَ من قبرهِ ليواجهَ شمسًا ساطعةً فوق الرؤوس..أطبقَ جفنيهِ سريعًا، متأوِّهًا بصوتٍ خافت، ارتسمت أعينُ إسحاق بابتسامةٍ ليكرَّر ندائهِ مرَّةً أخرى:-أرسلان!.قالها

بصوتٍ مرتجف، ليخترقَ أذنهِ ويقومَ بفتحِ عينيه بعد علمهِ لصاحبِ الصوت..ظلَّ إسحاق للحظات ، قريبًا، مترقبًا، يكاد يلهثُ تحت وطأةِ الانتظار..ليتأكَّد أنَّه ليس سراب، إلى أن همسَ بصوتٍ بالكادِ خرج من بين شفتيهِ المتشقَّقتين:إلياس…؟هنا فقدَ إسحاق السيطرة ليسقطَ على ركبتيهِ بجوارِ السرير حينما لم يستطع مقاومةَ الطوفانِ الجارفِ الذي اجتاحه، فانحنى يسجدُ على الأرض، والدموعُ تسقط بصمتٍ كسره.. شهقاتٌ متقطِّعة، خافتة، لاعترافهِ بالحمد، بالرهبة، بالخوف، وبالنجاةِ التي جاءت بعد ظلامٍ طويل…حينما فقدَ الأمل، نهضَ مرةً أخرى على صوتِ أرسلان المشبعِ بالألم :إلياس…فين؟!نهضَ إسحاق مسرعًا، مسحَ دموعهِ بظهرِ كفِّه، قبل أن يميلَ نحوه، ويطبعُ قبلةً طويلةً على جبينه، يحاولُ أن يطبعَ الطمأنينةَ في قلبهِ المضطرب..حبيبي، حاسس بإيه؟حاول أرسلان بلعَ ريقه، لكنَّه كان كمن يحاولُ ابتلاع َصخرة، عيناهُ تائهتانِ بين الوعي والذاكرة، بين الحاضرِ والماضي الذي لا يزالُ يصرخ داخله.ثمَّ، بصوتِ بالكادِ خرج من بين شفتينِ مرتجفتين، همس:عمُّو… إلياس…؟تجمَّد إسحاق للحظة وشعر بجسدهِ يبرد، كأنَّ أنفاسه احتُجزت قسرًا في صدره..كيف يخبره؟ كيف يواجهُ تلك العيونِ القلقة بالحقيقة التي قد تقتلهُ قبل أن يتقبَّلها؟رسمَ ابتسامةٍ مع لمسِ خصلاتهِ المبعثرة بحنان، ثمَّ أردفَ بنبرةٍ جعلها متَّزنة:إلياس كويس، حبيبي…لكن عجزت الشفاهُ عن النطق، ولم تعد لديها القدرة على الكلام..رفع أرسلان عينيهِ إليه لتقابلَ عيناه التي تحملُ الوجع الذي تسللَّ بين حروفهِ رغم ابتسامته، بدأ قلبه يخفقُ بجنون..وارتجفَ جسده، وتثاقلت أنفاسه، وخرج صوتهِ متحشرجًا، ممزَّقًا بين الرجاءِ والرعب:إلياس فين يا عمُّو؟!..أوعى يكون… قتلوه..!

  

روايه عشق و عمر

 الفصل الثالث بقلم فريدة الحلواني 

عاشق خفي ...لا يقوي علي الإفصاح عن عشقه الذي دفنه داخله منذ الصغر ...و لكن ما بداخله فاق كل قدراته علي الاحتمال

قرر اليوم ان يذهب لها و يعترف بما يكنه لها داخل قلبه العاشق ....برغم ارهاقه بعد إجراء عمليه صعبه استمرت لعشر ساعات الا انه لم يهتم و لن يتراجع عن قراره

غادر المشفي سريعا ...قاد سيارته بقلب ينبض بجنون...يتمني ان يكون داخلها بعض المشاعر ...او لا ....لا يهم الاهم ان توافق عليه و بعدها سيعمل جاهدا علي حفر اسمه داخل قلبها

وصل امام الجامعه و ظل منتظرا خروجها علي احر من الجمر ...يعلم عنها كل شيء حتي مواعيد محاضراتها...

يحفظه اكثر من اسمه ...و لما لا و هو من حين لآخر يأتي الي هنا خلسه كي يراها من بعيد و يملي عينه بحبيته

ينظر اليها بحريه لعدم قدرته علي فعل ذلك حينما يجتمع معها وسط العائله ...و يظن أن كل ما بداخله سرا لا يعلمه احد ...و لكنه غفل عن ان العاشق عيونه تفضحه دون حديث

كاد ان يبتسم حينما راي طيفها يظهر من باب الجامعه...الا ان الابتسامه قتلت في مهدها حينما وجد شاباً يمسك يدها و هي تنظر له بحب و كأن العالم خلي من حولها و لا يوجد غيره

نعم فهم سريعا تلك النظرات ...حتي حينما سحبت كفها منه بخجل و رفض لتلك الفعله ...الا ان الامر بدي واضح وضوح الشمس بالنسبه له

لم يستطع تحمل هذا المشهد ...نار الغيره نهشت قلبه...و بدون تفكير وجد حاله يترجل من السياره و يتجه إليها بوجه متجهم

وقف قبالتهم فجأه...نظرت له ريم برعب و قالت : أحمد...

نظر للشاب بغل و قال : مين ده

تلجلجت ريم و لم تقوي علي الرد

فقال الشاب بتبجح : انت الي مين ...دي خطبتي

جحظت عيناه بغضب ناهيك عن السكين المسموم الذي غرز داخل قلبه

تمالك حاله و قال : و الله خاطبها ...نظر لتلك المرتعبه و قال : انتي اتخطبتي من وري اهلك يا ريم

دمعت عيناها بل بكت من شده خوفها بينما الشاب قال بوقاحه: انت مين و عمال تحقق معاها كده ليه

احمد : انا ابن خالتها ...و محدش في العيله يعرف حاجه عن ال....خطوبه

ارتبك الشاب بعد ما علم هويته و قال : انا ايهم البلتاجي ...زميل ريم في الجامعه و كنت ناوي اتقدملها فعلا بعد ما اخلص السنه دي ...حبيت اوضح لك عشان متفهمش غلط

نظر له ببرود ثم قال للباكيه بينهما : اتفضلي قدامي ...انا هوصلك

ايهم : يا استاذ افهم بس

احمد بغضب مكتوم : انا دكتور مش استاذ يا ...ايهم ...و مفيش حاجه افهمها غير الي عايز واحده بجد بيدخل البيت من بابه ...انما شغل الصحوبيه و احنا لبعض بتاع الكليات ده ...و لا اخلاقنا و لا اتربينا عليه ...يلااااا

هكذا صرخ بها كي تذهب معه ...بل قام بامساك كفها بعنف حتي يعبر بها الطريق و داخله يغلي كالمرجل ....غيره و وجع و جرح غائر لا يقوي علي تحمل ألمه

جلست جانبه برعب و هي تبكي بجنون ...صرخ بها بكل ما يحمله من الم: اااخرسي بقي اخرسي ...بتعيطي علي ايه هااااا..طبعا خايفه اقول لأهلك صح

ردت عليه بصعوبه من بين شهقاتها : انت مش هتقولهم صح

احمد بجنون : كنت عارف ان هو ده الي فارق معاكي …مش فارق معاكي اسم عيلتك و سمعتهم ...ثقتهم فيكي الي مكنتيش قدها ...كل ده مجاش في بالك صح

ردت عليه بصدق من بين دموعها الغزيره : اقسم بالله ابدا ...انا عمري ما خرجت معاه و لا حتي كلمته في الفون ...بعد محاولات كتير منه معملتش اكتر من ان كلمته جوه الجامعه ...و قولتله انا مقدرش اعمل علاقه معاه في السر لو بيحبني يتقدملي

ابتسم بقهر و قال : و ايه الي مانعه...لسه بيكون نفسه ...مش ده ابن محمود البلتاجي منافس عيلتك

ريم : ايوه هو ...بس عشان عاد سنه رابعه كذا مره باباه مكنش هيوافق يخطبله غير لما ينجح السنه دي ....قالي انه هيذاكر الشهرين الي فاضلين عالامتحانات عشان يخلص و يتقدملي ...اقسم لك ان ده كل الي حصل

سالها بصوت مذبوح لم تشعر به من شده رعبها : بتحبيه ....و ليه ده بالذات

ردت عليه بخجل : مرتحاله ...و حتت انه ساب كل البنات الي كان يعرفها عشاني دي الي شجعتني اوافق عليه

صمت حل علي المكان لبضع دقائق ...حاول فيهم كبح دموعه التي احرقت مقلتيه ...يريد الصراخ حتي يبح صوته ...لا يتحمل الألم الذي يشعر به داخله

و لكن في الاخير ...هو رجل ....سيكتم كل هذا داخله و لن يشعر احد به

اقترب من بيتها فقال بتعقل : محدش هيعرف بالي حصل ...بس عايزك توعديني انك مش هتكلميه تاني حتي جوه الجامعه...هو خلاص عرف انك ....عايزاه يبقي يشد حيله و ينجح عشان يتقدملك تمام ...هتقدري و لا

ردت عليه سريعا: اوعدك و حيات بابا عندي ما هكلمه ابدا غير عشان بس اقوله الكلام ده و بعد كده و لا كأني اعرفه لحد ما يتقدملي ...وعد

اوقف السياره قبل الفيلا بقليل ثم نظر لها بعيون تصرخ حزن و الم ...تنهد بهم و قال : و انا مصدق وعدك يا ريم ...عمرك ما كدبتي...انا مصدقك

نظرت له بذهول لما تراه داخل عينه و اخيرا لاحظت نبرته الموجوعه...خفق قلبها بشده الما عليه لا تعلم لما ...و لا تعلم أيضا لما هو هكذا ...و لكن فالاخير ارجعت كل هذا لغضبه من ذلك الموقف الذي رآها عليه

تحرك قليلا حتي تهبط امام الباب و هو يقول : قوليلهم اني قابلتك صدفه قدام الجامعه و عربيتك كانت مافيهاش بنزين ...عشان كده وصلتك ...سلام

قاد سيارته بجنون ارعبها بعدما تركته ....لا يري امامه من الدموع التي غشيت عيناه ....و بمجرد ان وصل الي مكان خالي ....اوقف السياره و صرخ بقهر من بين دموعه المنهمره : اااااااااه

و اااه من قهر الرجال ...خاصا اذا كان لا يستطع إظهار ألمه و لا التعبير عنه باي شكل من الأشكال

حينما دلفت الي الداخل حاولت الابتسام امام النساء و لكن أمها سألتها بشك : ريم ...انتي معيطه

ردت عليها بتلجلج : ااا...اصل دعاء صحبتي كانت تعبانه و زعلت عليها

شكت عشق بها و قررت أن تنقذها من تلك الاسئله التي ستنهال عليها من الجميع

وقفت سريعا و هي تقول بمزاح : ما تسيبو البت تاخد نفسها ايه يا جدعان ...تعالي يا ريمو عايزاكي في حاجه مهمه ....سحبتها و اتجهت نحو الاعلي سريعا دون ان تعطي لهن مجالا للرد عليها

نظرت حبيبه بشك و قالت : البنات بيدارو علي بعض ربنا يستر

جلست معها و قامت بقص كل ما حدث و هي تبكي بانهيار ...و عشق تستمع لها بذهول و غضب و الكثير من الاشفاق علي ذلك العاشق الذي تعلم ما يكنه داخله لتلك الغبيه

و بعد ان انتهت صرخت بها : انتي اتجننتي يا ريم ...انا كام مره حذرتك من الزفت ده ...يا نهار اسود عليا و علي سنيني ...بردو مافيش فايده فيكي

ردت عليها بانهيار : و الله ما بكلمه يا عشق و انتي شوفتي بنفسك لما فضل يتصل بعتله رساله و قولتله مش هرد و مش هكلم حد من وري اهلي

عشق بغيظ : امال ايه الي خلاكي تقفي معاه انهارده

ريم : صمم يكلمني عشان يقولي انه فاتح باباه في موضوعنا

عشق : انا مش عارفه حبيتي فيه ايه الصايع بتاع البنات ده

قبل ان ترد عليها وجدت هاتفها يرن بإلحاح...رات اسمه فقالت بخوف : ايهم بيتصل ...اكيد قلقان عليا

لوت عشق فمها بغيظ و قبل ان تتفوه بحرف تفاجأت بريم ترد عليه قائله : الو

ايهم بلهفه: مالك يا حببتي بتبكي ليه حد عملك حاجه

ريم : لا ...احمد وعدني انه مش هقول لحد بس بشرط اننا منتكلمش لحد ما تتقدملي

رد عليها بغل : و هو ماله انتي هتسمعي كلامه

ريم : انت عارف اصلا من الاول ان ده مبدئي و انت الي اجبرتني اقف اتكلم معاك انهارده ...من فضلك متتصلش بيا تاني و لا تحاول تكلمني لحد ما اهلي يعرفو غير كده اسفه ...سلام ...أغلقت الهاتف دون ان تنتظر سماع رده .

عشق : جدعه برافو عليكي ....اما نشوف سي روميو هيعمل ايه عشانك يا ست جوليت ....اكملت بداخلها : و انت الله يكون في عونك يا احمد و يصبر قلبك علي وجعه

نظرت لها باشفاق و قالت مازحه : تعالي اضحكك عالي حصل امبارح

نظرت لها بعدم اهتمام فاكملت : عمر كان عندي و انتي عارفه طبعا سفالته بعد مانتي هربتي يا كلبه البحر ...اخد راحته عالاخر و هو مطمن ان اتش سهران بره

و في عز ما هو علي اخره لقينا الباب بيخبط

نظرت لها بذهول و قالت : هااااا و بعدين طلع ابوكي

ضحكت عشق بصخب حينما تذكرت هيئته و قالت : لا حبيبه

ريم بغباء : أمك

عشق بغيظ : بطلي غباء هي أمي و لا ابويا بيخبطو اصلا عالباب...بيبو ابراهيم ياما

ريم : و بعدين دخلت ....شافتكم

فلاش بااااك

نظرت له برعب و هي متشبثه به بعدما سمعت طرق فوق الباب

اما هو فجن جنونه و أقسم حتي ان كان ابيها لن يتركها وهو في تلك الحاله التي وصل إليها

همست له بخوف : الباب يا عمر ...قوم بسرعه

ضغط علي جسدها و قال بهياج : لو العيله كلها بره مش هسيبك انسي ...انا علي اخري انتي اتهبلتي يا بت ...اعقب قوله بالتهامها و هي تحاول ابعاده و هي تقول بتوسل و خوف : عشان خاطري ...انا مش قافله بالمفتاح...نسيت

ارتفع من فوقها و قال بهمس غاضب : قولي مين

ابتلعت لعابها و قالت بصوت مهزوز و هي تحاول تمثيل النوم : مين

انا حبيبه يا عشق انتي نمتي

سباب بزيء خرج من فمه مما جعلها تضع يدها سريعا فوقه كي تكتم صوته و الذي وصل للتي بالخارج بسهوله فقالت برعب و خجل من الموقف : اااا...خلاص خلاص انا كنت عايزاكي تشرحيلي حاجه بس شكلك نايمه

ابعد يدها و قال بهمجيه : غوووري يا حبيبه و انتي فاشله اصلا

هرولت حبيبه و هي تقول برعب: انا غورت خلاص خلاص و ربنا يابا

نظرت له بغضب و قالت : لو مفضحتناش يجرالك حاجه ما البت كانت هتمشي لوحدها ...منك لله

نظر لها بعيون ملتهبه و قال : بعشق ...يا عشق عمر و وجع قلبه ...و فقط مال علي جسدها العاري يرسم فوقه حروفا من نور عشقاً ملأ قلبه و أضاءة

و هي سرعان ما لبثت أن تنهال عليه بقبلات و من بينها تنطق بما تكنه له من عشق اذاب قلبها ...و قد نسي الاثنان ما حدث منذ قليل

بااااااك

بس يا ستي فضل معايا لحد الفجر صليناه جماعه و راح علي اوضته

ضحكت ريم بصخب بعد سماع ما حدث ثم قالت : اخويا ده مشوفتش في بجاحته اقسم بالله ...لا و تقي اوي بيصلي بيكي الفجر بعد الي عمله

عشق بجديه : مانا مراته يا زفته. هو احنا بنعمل حاجه حرام و بعدين عمر عمره ما ساب فرض و لو لقاني كسلت و لا جمعت فرضين بيطين عشتي

داخل مقر شركة الجندي ...كان يجلس معهم و يدير اجتماع هام ...وجد هاتف عمر يصدح بنغمه عشقه ...نظر له بغيظ و قال سريعا : اياك ترد احنا عندنا شغل مهم

نظر له عمر بتوسل و قال : مينفعش يا هاشم افرض فيها حاجه ...هشوفها بسرعه و ارجع

رد عليه بغيره : و لو فيها حاجه هتكلمك انت ليه ...ملهاش اب تكلمه

صرخ بهم ابراهيم : باااااس ...ابوس ايديكم انا تعبت من المناقره دي ...روح يابني شوف مراتك عايزه ايه ...و انت يا هاشم اتهد بقي و ارضي بالأمر الواقع ...هو مفيش حد خلف بنات غيرك و لا ايه

مؤمن بغلب : و أنا الي بتشتم و اتبهدل من وراهم هما الاتنين

هاشم : ااااه محدش عنده عشق ذي عشقي في حاجه ...حد عنده اعتراض

في ظل ذلك كله كان عمر قد خرج من الغرفه و قام بالرد علي عشقه التي حينما سمعت صوته قالت بعتاب: مش بترد ليه علي طول

رد عليها بنزق: عشان ابوكي كان معايا و طلع عين امي لحد ما سابني ارد عليكي

ضحكت بدلال ثم قالت : يا لهوووي دلوقت هيزعل مني

عمر بغيره : ده الي هامك و انا اولع صح

ردت عليه بنبره تقطر عشقا : انت ...انت حبيب عمري الغالي الي اموت لو الهوا عدي من جنبك ...دانت عمري يا عمر

رقص قلبه فرحا بعد سماع تلك الكلمات التي دائما تلقيها عليه ...تطفيء بها نار غيرته المشتعله دائما

تنهد بحب ثم قال : ماشي يا عشق عمر ...عايزه ايه يا حبيبي محتاجه حاجه

عشق : لا يا قلب حبيبك بس وحشتني قولت اسمع صوتك ...يلا روح شوف شغلك و لما تخلص كلمني

هل يترك العالم و يذهب إليها الان كي يخبرها كم اشتاق لها ...اصبر عمر سيأتي الليل سريعا و وقتها أفرغ نار شوقك فوق جسدها الذي وشم باسمك

رد عليها بحنو : و انتي كمان وحشتيني يا عشقي هموت و اجيلك دلوقت بس...كاد أن يكمل الا انها انتفض حينما تلقي لكمه قويه فوق ظهره

التف بجسده ثم نظر لهاشم قال و قال : انا لو قطعت الخلف هيبقي بسببك يا هااااشم

رد الآخر بغيظ : الهي تتقطع رقبتك عشان هاشم يرتاح ...اخلص عندنا شغل ...سحب منه الهاتف عنوه و قال بغيظ بعد سماع ضحكات ابنته الغاليه : و انتي يا بنت الكلب اياكي تتصلي بيه تاني روحي شوفيلك كلمتين ينفعوكي ...و فقط اغلق الهاتف سريعا ثم نظر للواقف يغلي امامه ببرود و عاد من حيث اتي و ما زال محتفظا بالهاتف معه

جلست حزينه داخل غرفتها ...لا تعلم ما الذي يجب عليها فعله ...مازالت صغيره و لكنها تحبه ...تجهل طريقه التعامل معه لذلك تتصرف بطفوليه تغضبه منها كثيرا من الأحيان

و لكن ما لا تعلمه ان حبيبها حكيم يتمتع بعقل راجح ....رغم غضبه منها الا انه يراعي صغر سنها و عدم خبرتها

سمعت طرقته المعتاده فانتفضت من مكانها ...و قبل ان تصل الي الباب و هي تقول بلهفه : حكم

فتح هو و اتجه اليها دون ان يغلق الباب خلفه

وقف قبالتها و قال ببرود ظاهري : بتعملي ايه ...بردو عالفيس و مش بتذاكري

ردت عليه بحزن من بين دموعها : و الله ابدا ...انا بذاكر و مدخلتش الفيس من وقت ما قولتلي و الله

رق قلبه لبكائها فقال بحنو : طب متعيطيش خلاص ...تنهد بهم ثم سحبها من يدها كي تجلس جانبه فوق الاريكه

نظر لها بحب ثم قال بتعقل : أفهمي يا حببتي إللي بتعمليه ده غلط ...انك تسيبي مذاكرتك و تفضلي فاتحه الفيس طول الوقت ده غلط

ردت عليه بخجل: مانا بشوف انت فاتح و لا لا

ابتسم بغيظ ثم قال : يعني كده بتراقبيني مثلا و لو فاتح هتعرفي بكلم مين طبعا لا ...زفر بحنق ثم اكمل بغل : هي عشق الي بوظت دماغك منها لله

ردت عليه بمدافعه : لا حرام عليك ...دي بتعملني

حكم بجنون : بتعلمك ايه يا بت و اصلا مفيش مقارنه بينكم ...هي بجحه و اتجوزت واحد ملقاش الي يربيه...انما انتي يا حببتي غلبانه و انا واحد بتقي ربنا فيكي رغم انك صغيره بس عيني مش شايفه غيرك و لا هتشوف

نظرت له بعيون تخرج قلوبا و قالت : بجد يا حكم

ابتسم بعشق و قال : جد الجد يا قلب حكم ...يلا قومي اغسلي وشك و ذاكري و انا هروح الشركه و لما ارجع هراجع معاكي الي عملتيه

جلس هذا الفاجر مع رفاق السوء يشربون الخمور و معهم بعض الفتيات

نظر له احدهم و قال بخبث : البت كرفتلك يا ايهم باشا ...مش دي الي راهنت عليها انك هتجيبها تحتك

نظر له بغضب و قال : لم نفسك يا روح امك و اعرف انت بتكلم مين ...انا ايهم البلتاجي الي لما بيعوز حاجه بيعملها

ردت عليه احدي الفتيات التي تكن الغيره داخلها تجاه ريم : الصراحه عنده حق ...دانت بقالك شهرين مش عارف تخرج معاها بره الجامعه

ايهم بغل : كلها اسبوع و يكون احلي فيلم ليها منشور فالجامعه كلها و هتشوفو

ماذا سيحدث يا تري

سنري

بين ثنايا الظلام الكامن في قلوبنا، تختبئ أسرار تسكن الروح وتحـ*ـرقها بـNـيران الخذلان. كم هو ثقيل عبء الذكريات التي تأبى الرحيل، تُذكرنا بأن الخذلان ليس سـkـينًا يُغرس في القلب فقط، بل هي طعـ*ـنة غا*ئرة في أرواحنا.في سبيل صهيب بقلمي✍️_______لبنى درازفـ اوضة سبيلطلعت نرمين بخطوات متوترة، متظاهرة بالخوف من عمران لكنها كانت عارفة من جواها انها  رايحة لهدفها المفضل وهو استفزاز سبيل وغيظها زى عوايدها، وصلت عند باب الاوضة مدت إيدها وفتحته مرة واحدة وكأنها بتعلن عن وجودها الغير مرغوب فيه، دخلت من غير استئذان، وعينيها بتلمع بنظرة كلها شماتة فـ سبيل، وقفت تبص لها وهي قاعدة فـ نص السرير حاضنة نفسها بكل قوتها كأنها بتحاول تخبي روحها وتداري ضعفها جواها، لكن ملامح وشها مش باينة من كتر دموعها اللي نازلة من عينيها شلالات بسبب وجع قلبهانرمين بابتسامة خبيثة أترسمت ع وشها أخدت نفس صغير، وبدأت ترمي كلامها المسموم ع ودان سبيل: يا قلبي يابنتى، يا عيني عليكي سابك فـ ليلة فرحك ومشي، ولما رجع، راجع بعد غياب شهر بمراته وابنهصرخت سبيل فجأة بصوت هز جدران الأوضة، كله غضب ووجع: أمشي اطلعيييي برااااااا، مش عايزة اشووووف وشك هناااااا.نرمين قربت منها بخطوات بطيئة، ببرود قاصدة كل كلمة بتقولها: مش هطلع يا سبيل، وهافضل اتفرج عليكي وانتي بتـmـوتي كدا، وانتي شايفة حبيب القلب فـ حضن واحدة تانية ومش بس كدا، ده متجوزها من سنتين ونص ومخلف منها ياسين عنده سنة ونص، وجدك عارف والعيلة كلها عارفة.وبضحكة مليانة شماتة، كأنها بتغـ*ـرز خنـ*ـجر فـ قلب سبيل: انتي بس اللي مغفلة وبتاخدي ع قفاكي يا بنت جوزي.  فجأة سبيل قامت من مكانها بسرعة ما توقعتهاش نرمين، من شدة الغضب اللى اشتـ*ـعل جواها وكأنه Nـار واصل لهيـ*ـبها للسما وماحدش عارف يطفيها، فـ اقل من ثانية كانت جابتها من شعرها وبكل قوتها خبطتها فـ الحيطة بعـNـف، وشدتها وقعتها فـ الأرض، ومن غير ما تسيب فرصة لنرمين تستوعب اللى حصل، كانت قعدت عليها وفضلت تضـ*ـرب فيها بجنون وكل ضر*بة كانت مصحوبة بصرخة مليانة وجع وقهر: أنتي عايزة مني اييييه سيبينى فـ حااالى بقى أرحميني منك ومن جووووزك منكم لله دمرتوووني وبوظتوا حياتي ربنا ياخدكم، ربنا ينتقم منكمنرمين كانت بتحاول تفلت لكن سبيل ما كانتش مديالها الفرصة، الألم والغضب اللى جواها أقوى من كل حاجة حواليها.صريخ نرمين كان مالي الأوضة لكن ما كانش فيه حد سامعها، او مهتم بيها اصلا، كانت بتتلوى تحت إيد سبيل اللى ما كانتش شايفة قدامها من كتر الغضب الأعمى، ووجع قلبها المليان بقهر سنين عمرها اللى ضاعت، وضغط ألم ما حدش يقدر يحسه غيرها.سبيل كانت بتضـ*ـرب نرمين بكل الطرق، شد شعر، عض، ضـ*ـرب فـ أى مكان، كأنها كانت  بتنتقم من كل لحظة انـkـسار عاشتها بسبب ابوها ومراته، اللى ضيعوا عمرها وحب حياتها اللى خسرته بسببهم، ولما حسّت انها تعبت وأن جسمها ما بقاش قادر يتحمل أكتر من كدا، قامت من ع نرمين وهى بتنهج وبتحاول تاخد نفسها.نرمين وقفت ع رجلها، رغم الألم اللى كان مخلّي جسمها كله بيوجعها، بصت لها بغيظ وبابتسامة خبيثة وبتريقة: mـوتي بحسرتك يا سبيل، صهيب هيرجع يقعد تاني بمراته وابنه فـ القصر، فـ اوضته اللى أتجوز فيها، اوضته، ها، عارفاها؟! الاوضة اللى فـ وشك دى، يعني هتشوفى وتسمعي حبيب قلبك كل يوم وهو مع مراته، هتشوفي بعينك بيعاملها ازاى، ملللللكة، مش واحدة مفروضة عليه عشان يداروا فضيـ*ـحتها، هههههههههههسبيل غضبها عمى عينها أكتر، ومن غير تفكير مدت إيدها بسرعة ع الاباجورة اللى جنبها ع الكمود ومسكتها حدفتها ع نرمين بكل قوتها: غووووري من وشي مش عايزة اشوف وشك.نرمين خرجت جرى من الأوضة خافت من سبيل تمسكها تاني، وهى بتجري خبطت فـ فاطمة وبخضة: ماما!!!.فاطمة بغضب: أنتي ايييه؟! مافيش فايدة فيكي خالص؟! ايه اللى دخلك اوضة سبيل؟!نرمين دموعها المصطنعة بدأت تنزل بسرعة واتكلمت بضعف: دخلت أطمن عليها يا ماما بقالها كتير حابسة نفسها، كفرت يعني؟! قامت شتمتني وبهدلتني زى ما حضرتك شايفة كدا.فاطمة برفعة حاجب ونبرة كلها شك: نرمييين، دخلتي تطمني عليها ولا دخلتي تشمتي فيها وتعرفيها برجوع صهيب مع سها؟!.نرمين ردت بمسكنة وعينيها كلها دموع مزيفة: أبدا يا ماما والنبي ما حصل، أه يا ظلومتي ياني.فاطمة قربت منها وبنبرة صوت واطية لكنها كلها حزم: لو قربتي من سبيل تاني ماتلوميش غير نفسك فاهمة؟ عمران حذرك قبل كدا ومستنيلك الغلطة اللى هيرميكى بيها فـ الشارع، وانا بحذرك لو قربتي منها هخلص عليكي بإيدي وارمي جتتك لـ كـ*ـلاب السكك، وكفيلة أني أعملها ومش هاخد فيكي دقيقة حبس، فاهمة ولا لأ؟ غوري شوفى رايحة فين، يلاااااااا.نرمين بلعت ريقها بصعوبة، ما قدرتش ترد ع فاطمة وفضّلت انها تجري بسرعة من قدامها تروح جناحهافاطمة بصت وراها واتنهدت بضيق، وراحت ناحية اوضة سبيل خبطت وبتفتح الباب لاقيته مقفول بالمفتاح من جوة، وبنبرة صوت هادية: أفتحي يا حبيبتى، افتحي لـ تيتة حبيبتك يا بيلا، هتسيبيني واقفة ع الباب كتير كداسبيل قفلت الباب بالمفتاح بعد خروج نرمين وقعدت وراه وبانهيار لـ جدتها: مش هفتح لـ حد، مش عايزة حد سيبوني فـ حااااااالي بقاااااااااا.فاطمة بدموع: ولا حتى انا، تيتة فاطمة حبيبتك، افتحيلي يا بنتي ماتوجيعش قلبي عليكي، افتحي يا حبيبتي عشان خاطريسبيل ساكتة ومابتردش ع جدتها ومش قادرة تاخد نفسها من كتر عياطها، سمعت صوت.صهيب هو ومراته برة الاوضة بيتكلم مع جدته، كان طالع وشافها واقفة ساندة ع باب اوضة سبيل ودموعها نازلة مغرقة وشها، وسألها بقلق: مالك يا جدتي بتعيطي ليه؟ فيكي ايه يا حبيبتى طمنينى عنك واقفة كدا ليه؟سها بقلق: خير يا تيتة، انتي تعبانة؟! ولـ صهيب اسندها يا بيبو دخلها اوضتنا ترتاح شوية. فاطمة بصت له بحزن وهزت راسها بيأس ومشيت من غير ما تتكلم راحت الجناح بتاعها وهى بتفكر فـ اللى حصل، ومش عارفة تعمل ايه فـ المصيبة دي._______________________فـ اوضة صهيبدخل صهيب اوضته هو ومراته وابنه وباين ع وشه الحزن بسبب كل اللى بيحصل حواليه، قعد ع الكرسي وحط راسه بين إيديه وبيفكر فـ اللى بعتله الرسالة وهدفه ايه من وراهاسها نيمت ياسين فـ سريره وقربت من صهيب بحب وقعدت قصاده: مالك يا حبيبي فيك ايه؟ صهيب بتنهيد وابتسامة صافية: مافيش حاجة يا حبيبتي، انا كويس ما تقلقيشسها بقلق: لو ما قلقتش ع جوزي حبيبى ابو ابني هقلق ع مين يعنى يا بيبو!! جدك قالك حاجة فـ المكتب ع رجوعنا معاك هنا؟صهيب: لا ياحبيبي، جدي متعصب بس بسبب اني اخدت أجازة كبيرة من غير ما اقوله، مش أكتر.سها بعدم فهم: بصراحة بقى انا حاسة بحاجة غريبة من ساعة ما رجعنا يا صهيب، خضة عيلتك اول ما دخلنا مش قادرة افهمها، وغضب جدو عمران مش لاقية له تفسير، وبرضو ليه خلانا نمشي من القصر ونروح شقتنا الشهور اللى فاتت وليه دلوقتى رجعنا، انا بجد مابقيتش فاهمة حاجةصهيب بهمس سمعته سها: مش لما ابقى افهم انا الاول.سها: يعني ايه يا صهيب الكلام دهصهيب بابتسامة: ما تشغليش بالك يا حبيبتي كل حاجة هتبان فـ وقتها المهم اننا رجعنا تاني القصر، وبص ناحية ابنه شافه نايم: شوفتي ياسو نايم زى الملاك ازاى، حبيب بابا سريره وحشه وماصدق لاقاهسها بدلع: وانت وحشت مامته خالص يا بيبوصهيب ضحك بعلو صوته: ناوية ع ايه يا شقية؟سها بنفس دلعها: انا، مش ناوية ع حاجة ابدا.صهيب بغمزة: انا بقى ناوي، تعالي اقولك كلمة سر قبل ما ياسو يصحى.نسيبهم بقى يحكوا اسرارهم براحتهم ومالناش دعوة بيهم ونروح للمسكينة المقهورة سبيل_______________________ف اوضة سبيلبعد ما عرفت برجوع صهيب بعد غياب شهر على جوازه منها ومعاه سها مراته وابنه ياسين، وبعد كلام نرمين ليها وان العيلة كلها عارفة بجوازه من غيرها، فضلت سهرانة طول الليل تعيط وقبل النهار ما يشقشق خرجت من اوضتها وخرجت برة القصر، دخلت الاستراحة اللى فـ الجنينة من غير ما حد يعرف، قفلت ع نفسها وقت طويل وقعدت تفكر فـ حياتها مع صهيب بعيد عن ضغط جدها. طلع النهار واتجمعت العيلة كلها ع الفطار. دخل عمران بخطوات تقيلة وكأنه شايل همّ الدنيا فوق كتافه، قعد مكانه اللى دايما بيكون ع راس الترابيزة، وشاف ولاده وأحفاده كلهم قاعدين، دوّر بعينه ع سبيل، لكن برضو  مش موجودة زى كل يوم، قلبه وجعه عليها، وبنظرة كلها غضب وغيظ لـ صهيب اللى كان قاعد قدامه هو وسها، قال لـ سامية: أبعتي هدية تنادى سبيل يا سامية، وخليها تقول لها جدو تعبان ومحتاج ياخد علاجه ومش هيفطر من غيرك، ولو مانزلتيش هياخد الدوا من غير فطار، عشان عارف انها مش هتنزل غير بالطريقة دي.سامية بصت له بحزن وهى بتهز راسها بالموافقة: حاضر يا بابا، انا هطلع لها بنفسي وأنزلها معايا، ويارب توافق تنزل وماتتعبش قلبي زى كل يوم.قبل ما سامية تتحرك من مكانها، صهيب رفع راسه فجأة وسألها باستغراب: ليه يا ماما بتقولي كدا؟! هى مابتنزلش تفطر معاكم ولا ايه؟عمران أتنهد تنهيدة تقيلة كأنها أخر انفاسه، وبملامح كلها غضب بص لـ صهيب فـ عينيه: أصل فى واحد ندل غدر بيها وسابها ليلة فرحها وهرب وما فكرش هتواجه الناس أزاى بعد عملته دي... وبص لـ سامية بحزن: قومي يا بنتي اندهيلها.كلام عمران كان زي السـ*ـيف اللي شق قلب صهيب، عينيه اتحركت بسرعة، وبص للفراغ قدامه، نظراته كانت كلها مشاعر مختلطة، مشاعر من الصعب فهمها، مزيج من الذنب، الندم، والقلق، وخوف من اللى هيحصل بعد كدا.قامت سامية فعلا طلعت اوضة سبيل بخطوات تقيلة كلها قلق، خبطت ع الباب واستنت ثوانى لكن مافيش رد، خبطت مرة تانية وبرضو نفس النتيجة، مافيش حتى زعيقها من ورا الباب زى ما بتعمل كل مرة، قلبها بدأ يدق بسرعة وقلقها زاد، مدت إيدها وفتحت الباب دخلت الأوضة عشان تطمن عليها، ملاقيتهاش، راحت ناحية باب الحمام خبطت عليه وهى بتحاول تهدي نفسها يمكن تكون جوة، لكن الحمام كان هادي ومافيش اى صوت، فتحت الباب ع أمل انها تلاقيها وبرضو مش موجودة، خرجت من الاوضة ونزلت السلم جرى وهى بتنادى ع عادل بصوت عالي مليان خوف وتوتر وبدموع: عاااااادل، عاااااااادل. عادل خرج جري من اوضة السفرة على صوتها قرب منها باستغراب: مالك يا سامية فى ايه بتعيطى ليه؟سامية بنبرة صوت مهزوزة وبدموع مش بتقف: سبيل مش فـ اوضتها يا عادل.عادل وقف مكانه وبصدمة واضحة ع ملامحه: انتى بتقولي ايه؟ مش فـ اوضتها؟! هتكون راحت فين يعنى بدري كدا؟! طب شوفتيها تكون فـ الحمام؟سامية بقلق وتوتر: يا عادل بقول لك مش فـ الأوضة كلها، تفتكر يعنى ماشوفتهاش فـ الحمام؟! بابا لو عرف هيقلب الدنيا ع دماغ الكل، ده مستنيها ومش عايز يفطر من غيرها. عمران كان قاعد ع السفرة مستني سبيل، لكنه سمع صوت سامية وهي بتنادي، وشاف عادل قام من مكانه بسرعة، قلبه انقبض، وقام هو كمان مشى وراه، سمع الكلام اللي بيتقال بينهم، ملامحه اتغيرت تمامًا، وغضبه كان واضح جدا عليه، وقف قدامهم وزعق بعلو صوته، لدرجة إن صدى صوته رجّ القصر كله: ايييييييييييه اللى انا سمعته ده؟ يعني ايييييه سبيل مش فـ اوضتها!؟ تقدروا تفهموني؟!عادل حاول يهدّيه، لكن هو نفسه كان متوتر وقلقان: أهدى يا بابا، هى تلاقيها بس زهقت من القعدة فـ الاوضة ونزلت تتمشى فـ الجنينة شوية.سامية بسرعة وبخوف من غضب عمران: أيوا، أيوا هو كدا بالظبط يا بابا، زى ما بيقول عادل، انا هبعت حد من الشغالين يشوفها برة ويندهلها.عمران غضبه كان أكبر من أنه يهدى بسهولة، نده بصوت عالي ع احفاده اللى جريوا ع طول من اوضة السفرة لما سمعوه: صهييييب، شهااااااب، ناااااادر، تقلبوا الدنيا على سبيل جوة وبرة القصر، ماترجعوش من غيرها، فاااااهمييييين؟وبص لـ صهيب تحديدا بنظرة كلها غضب وبحزم: ماترجعش من غيييير سبيييل فاااااهم؟صهيب كان واضح جدا ع ملامحه القلق والتوتر ورد بصوت يادوب مسموع: حاضر يا جدي. خرج فعلا صهيب ومعاه شهاب ونادر وكمان عادل خرج معاهم عشان يدوروا ع سبيل برة القصر وكل الشغالين بيدوروا عليها جوة جنينة القصر، مش موجودة، بس الغريب ان ولا حد فيهم فكر يروح ناحية الاستراحة، لأنها دايما مقفولة ومش بتتفتح غير فـ المناسبات بس، أما جوه القصر، سامية وشاهندة ويمنى ماوقفوش، فضلوا يفتشوا في كل أوضة وكل زاوية، لكن برضو ماكانش فيه أثر لسبيل، كل دقيقة كانت بتعدي كأنها ساعة، والقلق كان بيزيد عند الكل، عمران كان واقف في نص القصر، ملامحه كانت بتعلن عن خوفه اللي مابيظهرش بسهولة، بس الموقف مختلف تمامًا عند نرمين وعلي، اللي كانوا قاعدين على السفرة يكملوا فطارهم عادى وكأن الموضوع مش فارق معاهم، وسها اللي لسه مش فاهمة حاجة، بتسأل نفسها: مين سبيل دي؟ وليه كل ده بسببها؟بعد ساعات طويلة من البحث، رجع عادل القصر ومعاه صهيب والشباب، كلهم ملامحهم منهكة وكلها إحباط، وقفوا قدام عمران، اللي كان وصل لقمة غضبه وقلقه مسيطر عليه تمامًا.عادل بص له بنظرة كلها توتر وبصوت مخنوق: دورنا عليها في كل مكان ممكن تكون فيه يا بابا، ملاقينهاش.عمران كان قاعد مستني رجوعهم بفارغ صبر، وبمجرد ما شافهم داخلين وقف بسرعة يسألهم وعينيه كلها خوف وقلق: سألت عليها في المطار، يا صهيب؟صهيب رد بسرعة وهو بيحاول يتحكم في توتره: أيوة يا جدي، سألت، ما خرجتش برة البلد خالص.عمران رجع قعد على كرسيه بصعوبة، حاسس وكأن روحه بتتسحب منه، إيده اتسندت على ترابيزة الأنتريه قدامه وهو بياخد نفسه بالعافية وبيحاول يتحكم في انهياره، كل العيلة كانوا قاعدين حواليه، وكل واحد فيهم مشاعره مختلفة عن التاني، سامية كانت قاعدة جنب عمران وفاطمة دموعها ماوقفتش وهي بتحاول تهدي نفسها عشان تقدر تهديهم و تطمنهم، شهاب ونادر قاعدين قصاد جدهم وعيونهم متعلقة عليه بخوف وقلق، شاهندة بتتلفت يمين وشمال وكأنها بتدور على إجابة مش لاقياها،أما نرمين فكانت قاعدة فـ مكانها، نظرتها باردة ومليانة شماتة واضحة، ومستمتعة جدا بالموقف ده، وعلي زي العادة، مافيش أي رد فعل على وشه، ولا كأن في حاجة بتحصل، سها كانت بتبص حواليها، ملامحها كلها استغراب وحيرة، همست لنفسها: هى إيه الحكاية؟ مين سبيل دي اللي كل ده بيحصل عشانها؟الدنيا كانت ساكتة، والجو مليان توتر قا*تل، وكأن الكل مستني حاجة تحصل تفك العقدة اللي وقعوا فيها، عمران رفع راسه، وبص للكل بنظرة مليانة وجع وحزن: إزاي حفيدتي تختفي كدا فجأة، وإحنا كلنا قاعدين هنا ومش قادرين نعمل حاجة؟ _______________عند سبيلفضلت فـ الاستراحة لأخر الليل تفكر فـ حالها لغاية ما أخدت قرارها وخرجت من مكانها راجعة القصر، واتفاجئت بالكل صاحيين وقاعدين فـ الليڤنج، اول ما شافها علي قام اول واحد من مكانه يزعق لها ولسة هيضـ*ـربها.صهيب قرب من علي بسرعة يمنعه ومسك إيده قبل ما يمدها ع سبيل، وبصوت مليان غضب وقوة: عمممميييي، مش هسمح لك تمد إيدك عليها طول ما انا عاااااااايش، ويارررييييت ماتكررهاش تانى، عشان المرة الجاية هيكون لي تصرف مش هيعجبك، ماااااشي؟اتعصب علي من كلام صهيب ورد عليه بغضب وصوت عالي: يعنى ايه يا استاذ انت؟ هتمنعني أربي بنتى ع عملتها دى واعرف كانت فين لغاية دلوقتى؟!صهيب رد بعصبية ونبرة تهد*يد واضحة وهو رافع صابعه فـ وش علي: قولتلك مالكش دعوة بيها، وده أخر تحذير يا عمي، إياك تقرب لها، سامعني؟! إياك؟علي ملامحه أتغيرت وعينيه بتطلع شر*ار من شدة غضبه: معنااااااه ايه الكلام ده يا ابن عادل؟ أنت بتهـ*ـددني؟صهيب بهدوء مرعب: أعتبره زى ما تعتبره، وخليني اعرف انك قربت منها....لف وشه ناحية نرمين وكمل كلامه: أنت او نرمين هانم، مفهوم؟ سبيل وقفت مكانها تبص لـ صهيب باستغراب، عيونها كانت مليانة دموع حاولت تسيطر عليها، بس ما اتكلمتش وجواها عاصفة من الأسئلة.. هو ازاى بيتحول كدا؟ ازاى جرحني وهانني وسابني ليلة فرحنا ورجع لمراته كأنه ما عملش حاجة؟ وازاى دلوقتي واقف بيدافع عني وبيحميني من أبويا؟شهاب قرب منها بقلق وغيظ:كنتي فين يا هانم لغاية دلوقتي وسايبانا دايخين عليكى!؟ سبيل بهدوء ظاهر عكس الدوامة اللى جواها: ماروحتش بعيد يا شهاب، ماتقلقش انا ماخرجتش برة القصر.نادر قرب منها بغيظ أكبر: ازاى يعنى ماخرجتيش برة القصر؟ هاا، ده أحنا قلبنا الدنيا عليكى برة وجوة.ردت سبيل ع أخوها بتنهيدة وجع: كنت فـ الاستراحة يا نادر.عمران شاف شكل سبيل، دبلانة وعيونها حزينة وورمة من كتر عياطها لدرجة ان الدموع سايبة علامة ع خدودها من كترها، فهم كل حاجة من غير ما يسأل، ما اتكلمش، قلبه وجعه عليها لأنه عارف انه السبب فـ كل ده ،قربت سبيل من جدها لما شافت حالته وقلقه عليها، رغم وجعها وزعلها منه لكن مش بتتحمل تشوفه تعبان وهمست بصوت مـkـسور: سامحني يا جدي غصب عني، ماقدرتش أتحمل أكتر من كدا.بتنهيدة وجع مسح عمران ع شعرها وبهمس مليان حنان: عمري ما عرفت أزعل ولا أشيل منك يا بنت قلبي، عشان تطلبي مني السماح، انا اللى عايزك تسامحينى، لأني السبب فـ كل اللى انتي فيه.ابتسمت سبيل ابتسامة حزينة: اللى حصل حصل خلاص يا جدو، بعد أذنك هطلع ارتاح شوية والصبح عايزة حضرتك فـ موضوع مهم.ابتسم لها عمران وهز راسه بالموافقة من غير ما يتكلم.لسة سبيل هتتحرك ناحية السلم، وقفها صهيب قبل ماتطلع أوضتها ونده بتوتر: سبيل.سبيل وقفت مكانها وهي مدياله ضهرها وبجمود: نعم.صهيب قرب منها ولف وقف قصادها واتكلم بهمس:قلقتيني عليكي يا بنت عمي.بمجرد ما سمعت سبيل كلمة بنت عمي، غمضت عينيها تدارى دموعها وتمنعها تنزل، أخدت نفس وخرجته بسرعة ومن بين اسنانها: أنت مالكش اى صفة بالنسبة لي عشان توقفني وتتكلم معايا، ولا من حقك اصلا تقلق عليا. صهيب بنبرة صوت كلها حزن: ليه يا سبيل؟ انتي بنت عمى، ومن حقي اقلق عليكى زى ما بقلق ع شاهندة بالظبط.سبيل دموعها خانتها ونزلت غصب عنها، حاولت تمنعها لكنها فشلت وبغضب: وانا مستغنية عنك يا صهيب وعن قلقك ده، وهقولها لك تانى، أنت مالكش اى صفة عندي ولا من حقك تقلق عليا، وبعد أذنك بقى عشان تعبانة وعايزة انام.لسة هتمشي من قصاده وقفها مرة تانية بغضب وزعق بعلو صوته: أستني عندك، لازم تفهمي قبل ماتتحركى من مكانك، إن انا الوحيد هنا اللى ليا كل الحقوق بصفتي اللى انتي عارفاها كويس، وأظن الكل عارفها، ومش معنى انى مقدر حالتك النفسية اللى بتمري بيها، يبقى تستعبطي وتسوقي فيها، فاهمة ولا لأ؟سبيل بغضب أكبر وعيونها بتلمع بالدموع: ليك حقوق بأمارة ايه يا باشمهندس؟. سكتت للحظة، بصت له ببرود واتكلمت ببطء قاصدة تستفزه وهى بتشاور بصابعها عليه:أنت، بالنسبة لي، أبن، عمي، وبس يا صهيب، فاهم؟! أبن عمي وبس، ومالكش أى حقوق عندى.كلامها أستفز صهيب جدا وعصبه، فجأة أتحول لوحش كاسر من شدة غضبه، وشدها من دراعها طالع بيها ع السلم قدام نظرات سها اللى مش عارفة ولا فاهمة اى حاجة وبغضب: أنا دلوقتي هوريكي أمارة يا سبيل عشان تعرفي ازاى تتكلمى معايا كويس، وتبطلي طريقتك المستفزة ديسبيل بتزعق معاه وهى بتحاول تفلت نفسها منه بعصبية:سيب دراعي يا صهيب، وبلاش أسلوبك الهمجي ده.صهيب بغضب اشد أنـfـجر زي البر*كان: هو انتي لسة شوفتي همجية!؟ أصبري ع رزقك يا بنت علي وانتي تشوفي الهمجي ده هيعمل فيكي ايه!.عادل بعصبية لـ صهيب وهو بيقرب منه عشان يفك سبيل من قبضة ايده: ايه الجنان اللى انت بتعمله ده؟ سيبها يا صهيب.صهيب بنبرة صوت كلها عناد: باباااااا!! لو سمحت، ماحدش يتدخل بيني وبينها.عادل بغضب اشد: قولتلك سيبها، أعقل وبطل جنان، الأمور ما تتحلش بالشكل ده.سامية اتكلمت بقلق: أهدى يا صهيب يا حبيبي مش كدا.لكن صهيب استمر ع عناده، وماسمعش كلام أبوه وأمه، وبيشد سبيل بقوة ناحية السلم: لو سمحتي يا أمي قولت ماحدش يتدخل بيني وبينها، الهانم عايزة أمارة ع حقوقى عليها، وانا هديها الأمارة اللى هى عايزاها، أعتقد كدا عداني العيب.سبيل صرخت فيه بغضب وهى بتقاومه: سيبني يا صهيب بقول لك، ألحقنى يا جدووو.صهيب رد بغضب أكبر وعيونه كلها إصرار: ماحدش هيلحقك يا سبيل ولا هينجدك مني.سبيل صرخت بصوت أعلى: بقووولك سيبني يا بني أدم، أنت اييييييه ما بتفهمش؟ خليه يسيبني يا جدووو.صهيب مش سامع ولا شايف قصاده من شدة الغضب اللى عاميه، شدها بقوة من دراعها طالع بيها السلم وماشي يجرجرها لغاية ما وصل جناحهم، فتح الباب بعصبية ودخل حدفها ع السرير، عيونه كلها غضب وبصوت مرعب: أوعي تفتكري ان جدك اللى بتستنجدى بيه ده هيمنعنى من اللى بفكر فيه، فاهمة يا سبيل؟ مش هيمنعني، بالعكس هو نِفسه اوى فـ اللى انا هعمله دلوقتى، واديكي شوفتي بنفسك كان قاعد ساكت وما حاولش حتى يوقفني بكلمة.سبيل شافته بيتكلم بالطريقة دي وبيقرب منها، وهى بترجع بضهرها لورا و بنبرة كلها قلق: إياك تقرب مني يا صهيب.صهيب كان زي الأسد الجريح، عيونه حمرا ومركزة ع سبيل، غضبه سيطر عليه لأقصى درجة، بقى يقرب منها أكتر من غير ولا كلمة.سبيل أخدت السـkـينة اللى فـ طبق الفاكهة وجهتها ع قلبها: لو قربت مني وحاولت تلمسني هموت نفسي يا صهيب.صهيب ما اتهزش ولا رمش له جفن، وبيقرب منها بخطوات تقيلة وكأن الأرض بتترج تحت رجليه، سكوته كان مرعب أكتر من أي كلام، ضيق بين عينيه، ونظراته ما سابتش وشها، كور قبضة إيده لدرجة إن عروقها بقت باينة، وكأن فيه Nـار بتجري فـ جسمه، شفايفه مقفولة جامد، وصدره بيطلع وينزل بنَفَس سريع، كأن جواه عاصفة بيحاول يسيطر عليها.سبيل بخوف من شكله المرعب وبصوت مبحوح: ما تقربش بقول لك،  صهيب لسة مكمل بخطواته الهادية اللي مخبية إعصار وراها، مد إيده وسحب السـkـينة من إيدها فـ لحظة وحدفها بعيد كأنها ما تسواش حاجة. قبل ما تستوعب سبيل اللي بيحصل، لقت نفسها متكتفة بإيديه الاتنين، قوتها الصغيرة ما كانتش كفاية قدام قبضته اللي مسيطرة عليها تمامًا، حاولت بكل طاقتها تفلت منه، صرخت، وقاومته، لكن مفيش فايدة، صهيب كان أقوى منها بكتير، بعد وقت طويل من صراعها وانـkـسارها، حصل اللي ما كانتش تتخيل أنه يحصل أبدًا، اللحظة دي كانت أقسى لحظة في حياتها، اللحظة اللي صهيب نفسه كان رافضها من أول يوم فـ جوازهم، قام بعدها وهو مستغرب نفسه، دخل الحمام وفتح المية على آخرها، واقف تحتها وكأنها ممكن تغسل ذنبه أو تمسح الخيانة اللي حس بيها تجاه مراته، كان كاره نفسه، شايف روحه أضعف وأحقر من أي وقت فات، خلص شاور وغير هدومه وخرج من الحمام، من غير يبص عليها، ما حاولش يقول حاجة، ولا حتى حاول يواجه ألمها، طلع من الجناح كله كأنه بيهرب من كل حاجة، وسابها لوحدها وسط ألم روحها اللي بيزيد كل مرة أكتر من اللي قبلها، لما حسّت سبيل بخروجه، انهارت تمامًا، وقامت وهي بتجر نفسها من التعب، خرجت من الجناح وراحت أوضتها، أول ما وصلت، رمت نفسها على السرير ودموعها نزلت زى الشلال، وكل اللي شافته قدام عينيها كانت صورة صهيب واللي عمله فيها، كانت بتحبه من قلبها، كان حلم حياتها، بس الحلم اتحول كابوس في لحظة."ظننتُ أن الحب ملاذٌ آمن، لكنه صار سـ*ـلا*حًا يغـ*ـتال القلب حين يُساء استخدامه.الحُلم الذي عشتُ لأجله تحوَّل إلى كابوسٍ ينهش روحي،فمن كان حضنه موطني، أصبح أعمق جراحي.لم يقـ*ـتلني الحب، بل قتـ*ـلني من أحببته."_______________________فـ جناح عمرانفـ نفس الوقت طلع عمران وفاطمة الجناح بتاعهم وهما متضايقين ع حال صهيب وسبيل.قعدت فاطمة ع الكنبة وبصت لعمران بحزن: أنا قولت لك يا عمران، اللى بتفكر فيه ده صعب، سبيل مش هتستحمل قهر ووجع قلب، ماسمعتش كلامى، عاجبك كدا اللى حصل؟! هانت عليك بنت قلبك تتقهر بالشكل ده؟ طب هان عليك صهيب تحطه فـ موقف زى ده؟.قرب منها عمران وقعد جنبها، أخد نفس وخرجه بهدوء وبتنهيدة حزن: أكيد مش عاجبني حالهم يا فاطمة، بس انا عارف ومتأكد ان سبيل وصهيب فـ الأخر مالهمش غير بعض.فاطمة: ولما انت عارف يا عمران انهم مالهمش غير بعض، وافقت ليه من الاول على جواز صهيب من سها؟ اتنهد عمران وقام وقف رايح اوضة اللبس وهو بيتكلم: يا فاطمة، حفيدك كان جاى يعرّفني بجوازه من البنت دى وهو واخد قراره، ولما شوفتها شوفت طمعها باين فـ عينيها، بس لو كنت رفضت جوازه منها، كان هيغضب ويمشي من القصر وكنت هخسره... سكت شوية ياخد نفسه وبتنهيد: انا جوزته سبيل عشان عارف انها بتحبه، عايزه يشوف بعينيه الفرق بينهم ويعرف بنفسه مين اللى بتحبه بجد وعندها استعداد تضحي براحتها عشانه ومين بتحبه عشان خاطر فلوسه ومركزه الاجتماعى.فاطمة قامت قربت من عمران وبتنهيدة وجع: وليه يا عمران سِبت سبيل تسافر؟ ماعملتش كدا من الاول ليه، وجوزتهم يا ابن عمى؟عمران: ماكانش ينفع وقتها يا فاطمة، لان أبنك كان ماشي ورا كلام الملعونة مراته واتهم بنته فـ شرفها، لو كنت جوزتهم كانت سبيل هتفتكر انى بعمل كدا عشان صدقت فيها اللى قاله أبوها عنها .فاطمة بقلة حيلة: وتفتكر يعني هى دلوقتى ما فكرتش فـ كدا؟ طول عمرك بتحسبها صح قبل ما تخطي اى خطوة يا عمران، الا المرة دي حسبتها غلط.خرج عمران من اوضة اللبس بعد ما غير هدومه رايح ناحية السرير: لا ياغالية صدقيني، انا حاسبها صح، وصح أوى كمان وهقولها لك تانى، بكرة أفكرك هتقولى عندك حق يا ابن عمى.خلص عمران كلامه وفرد جسمه ع سريره من كتر تعب اليوم والقلق ع سبيل، راح فى النوم وساب فاطمة رجعت قعدت مكانها و هى قلقانة من اللى جاى __________________فـ جناح عليطلعت نرمين الجناح بتاعها مع علي بعد ماشافت صهيب بيشد سبيل، وهى فرحانة اوى وشمتانة فيها وبغيظ: بنتك اتمرعت أوى يا علي، مش عارفة ليه انت سمعت كلام ابن أخوك وماضـ*ـربتهاش.علي بزهق وضيق: كنتي عايزاني أعمل ايه يعنى؟ أنتي ماشوفتيش شكله كان عامل ازاى .نرمين باندهاش: حقة يا علي، انا أول مرة أشوف صهيب كدا، ده كان عامل زى الطور الهايج، تفتكر هيعمل ايه فـ سبيل؟علي بلا مبالاة: يعمل اللى يعمله يا نرمين، اهى بقت مراته، يضـ*ـربها، يقـ*ـtـلها، ان شالله حتى يخليها خدامة ليه هو وسها، هو حر، وبطلي فضول بقى ونامي نرمين بفضول: أنام!! انام ازاى بس يا علي، هو انا هيجيلي نوم النهاردة قبل ما أعرف صهيب هيعمل فـ بنتك ايه؟علي بنفاذ صبر: نامي يا نرمين وبطلى فضولك اللى هيقـ*ـtـلك ده، الصباح رباح وكل حاجة هتبقى ع عينك يا تاجر.نرمين: لأ، نام أنت وماتشغلش بالك بيا، انا هخرج بالراحة كدا واعرف ايه اللى بيحصل وارجع بسرعة من غير ما حد ياخد باله قعد علي فـ سريره وفرد جسمه وهو بيتغطى عشان ينام: براحتك يا نرمين، اعملى اللى يعجبك بس لو بابا شافك زى المرة اللي فاتت انا ماليش دعوة، ماعرفكيش.نرمين بغيظ منه: بتبيعني يا علي، بقى انا عايزة أطمن ع سبيل وأشوف ان كان صهيب بيضـ*ـربها ولا بيعمل فيها إيه عشان أرجع أطمنك، تقوم تبيعني كدا.علي برفعة حاجب: بذمتك انتي عايزة تطمني ع بنتي، ولا هتـmـوتي وتعرفي ايه اللى بيحصل بينهم عشان تلاقى حاجة تشمتي بيها فـ سبيل؟ نرمين بدموع التماسيح: ظالمني، والنبي ظالمني يا علي، بقى انا برضو هشمت فـ بنتك!! دى حتى أخت ولادى، معقولة برضو لسانك طاوعك وقولتها، انا كدا زعلت منك وهخاصمك.علي بنفاذ صبر: بقولك ايه يا نرمين يا حبيبتى، شغل اللوع ده مش عليا، انا فاهمك كويس، عايزة تخرجي تتجسسي زى عوايدك، أخرجي، بس زى ما قولتلك لو حد حس بيكي انا ماليش دعوة، ماشي؟ ما هو انا مش بعد العمر ده كله هترمي فـ الشارع بسببك.نرمين بغيظ: بقى كدا يا علي!!علي: آه، هو كدا، وانتي حرة اعملي اللي يريحكسابته نرمين وخرجت تتسحب زى عادتها لغاية ما وصلت جناح صهيب وسبيل وقربت ودانها من الباب بتحاول تسمع اى حاجة، لكن مش سامعة اى صوت، عدلت راسها وقربت بعينيها تبص من خُرم الباب يمكن تشوف حاجة، برضو مش شايفة حاجة بسبب المفتاح اللى فـ الباب، فضلت واقفة هتجنن مش عارفة صهيب عمل ايه فـ سبيل وفجأة شافت حركة الأوكرة، استخبت بسرعة ورا عمود قريب من باب الجناح وبترمي عينيها شافت صهيب خارج متعصب ومش طبيعي، وقفت تكلم نفسها: يا تري يا ابن سامية عملت ايه فـ اللى ما تتسمى، ياكش تكون خلصت عليها وريحتني منها.وبعد شوية كمان وهى واقفة بتكلم نفسها شافت سبيل خارجة من الجناح هى كمان منهارة وماشية بالعافية بتجر رجلها وكأنها واخدة علقة mـوت، أستغربت من شكلها وحالتها، لسة هتقرب تدخل الجناح شافت خيال حد بيقرب ناحيتها جريت بسرعة ترجع الجناح بتاعها ومن غير ما تحس خبطت فـ ترابيزة الليڤنج اللى بين الاوض وقّعت الفازة من عليها.___________________فـ الليڤنج عادل وسامية فـ نفس الوقت قاعدين والحزن مالي قلوبهم ع ابنهم وع سبيل وقلقانين جدا ان صهيب يعمل فيها حاجة يأذيها ويأذى نفسه بيها.سامية بدموع الخوف: أنا خايفة يا عادل، أبنك لما بيتعصب مش بيشوف قدامه، وممكن يعمل حاجة فـ سبيل.عادل بيحاول يطمن مراته وبتنهيدة حزن: صهيب عاقل يا سامية، أكيد مش هيضيع نفسه ولا يضر بنت عمه.سامية بقلق: انت ماشوفتش شكله كان عامل ازاى؟ أبنك ماسمعناش يا عادل، شد سبيل وجرجرها من دراعها وطلع بيها جناحهم والغضب عاميه، انا قلبي مش مطمن.عادل قلق هو كمان من كلامها: أنتي هتقلقيني ليه يا سامية!!سامية: لازم تقلق يا عادل، عشان اللى جاى مش هيعدي بالساهل، سبيل لو جرالها حاجة بابا مش هيسكت، أنت عارف هو بيحبها قد ايه، ومهما كان بيحب صهيب، بس سبيل عنده حاجة تانية.عادل: أنتي بتتكلمي ع أساس انك مش بتحبيها انتي كمان.سامية بحزن: مين قال لك اني مش بحبها، سبيل دى بنتي اللى أتمنيتها من زمان تكون لـ صهيب، بس مش بالطريقة دي يا عادل، عمران الشهاوي أجبرهم ع الجواز، وأدى النتيجة الاتنين بيتعذبوا.عادل بتنهيد: أهدي يا سامية وسلميها لله، قومي نطلع ننام والصبح ربنا يحلها.وهى بتقوم تقف عشان تطلع الدور الأخير اللى فيه جناح صهيب: مين بس هيجيله نوم يا عادل، انا هطلع أطمن ع سبيل وصهيب الاول يمكن تكون الامور هديت بينهم، وابقى أحصلك. عادل هز راسه بالموافقة: ماشي، أطلعى اطمني عليهم وطمنيني. سامية فعلا طلعت راحت ناحية جناح صهيب بقلق وخوف، بتدعي ربنا، الفترة اللي جاية تعدي ع خير، وهى رايحة ناحية الجناح لمحت نرمين وهى بتجري قبل ما تشوفها، وقالت لنفسها: مش ناوية تجيبيها لبر يا نرمين، فضولك هيـmـوتك، عشان تعرفي ايه اللي بيحصل، ربنا يهديكي...وقربت من الباب شافته مفتوح، خبطت مرة واتنين وتلاتة مافيش رد، دخلت الجناح وهى قلقانة ومتوترة، شافت باب اوضة النوم مفتوح برضو، قربت منه بحذر وهى بترتعش من كتر التوتر والخوف اللى جواها، فجأة عينها وقعت ع السرير وشافت شكله، فهمت اللى حصل وخرجت جري ناحية اوضة صهيب وخبطت عليه واستنت تسمع الأذن بالدخول._____________________فـ اوضة صهيبرجع صهيب اوضته بعد ما ساب سبيل فـ الجناح وحدف نفسه ع سريره جنب سها اللى مستغربة كل حاجة حواليها، قربت منه تسأله بنرفزة: ممكن افهم فى إيه بالظبط يا صهيب؟ انا من وقت ما رجعت معاك وحاسة بحاجة غريبة مش فهماها.أتعدل صهيب فـ قعدته ع السرير ورجع بضهره لورا وسند راسه ع ضهر السرير وغمض عينيه وبتنهيدة وجع: بعدين يا سها هتفهمي كل حاجة، بس أرجوكي سيبيني دلوقتي انا مش قادر اتكلم.سها بعصبية: لأ، مش هسيبك يا صهيب قبل ما تفهّمني اللى بيحصل ده، بدل ما انا قاعدة كدا زى الاطرش فـ الزفة.صهيب لسة هيرد عليها سمع خبط ع الباب وسمع صوت سامية بتسأل من برة تشوفه موجود جوة ولا لأ، قام من مكانه فتح الباب وبهدوء: تعالي يا ماما اتفضلى.دخلت سامية الاوضة وهى متغاظة منه وبصت لـ سها: ممكن تسيبينا لوحدنا شوية يا سها؟قامت سها وعينها ع صهيب بغيظ: حاضر يا طنط .قبل ما تخرج سها من الاوضة وقفها صهيب: خليكي يا سها ما تخرجيش، ولـ سامية.. سها مراتي يا ماما وأكيد مش هخبي عليها حاجة، اتفضلى، تحت أمرك، عايزة تقولي ايه؟قربت منه سامية بغيظ ونرفزة لانها عرفت اللى هو عمله وكمان لانه منع سها تخرج من الاوضة وهتضطر تتكلم قصادها: تقدر تقول لي يا صهيب ايه اللي انت عملته فـ سبيل ده؟صهيب بتعب: عملت ايه يا ماما؟اتعصبت سامية اكتر من رد صهيب: أنت فاهم، انت عملت ايه ومافيش داعي للتفسير.اتنرفز صهيب واتكلم بعصبية:عادي يا أمي، هكون عملت ايه يعنى، انا بس عرّفتها ان ليا عليها حقوق، واللى عملته ده اول حقوقي عليها.سامية بزعيق وغضب: بالغصب يا صهيب!؟ تعرّفها بالغصب، بالطريقة دي!؟ حرام عليييييك، مش كفاية أبوها ومراته عليها، انت كمان تقهرها وتوجعها زيهم.صهيب بعصبية: بقول لك إيه يا ماما، انتى قولتيها بنفسك أهو، أبوها نفسه مش حنين عليها، عايزاني انا احن عليها؟!سامية بعصبية أكتر: هتفضل غبي كدا لحد أمتى، ومغمي عينك عن حاجات كتير؟ فوق يا صهيب قبل ما تخسر كل حاجة.صهيب واقف مكانه، ضربات قلبه سريعة لدرجة إنها باينة من حركة صدره اللي بيطلع وينزل بشكل واضح، كأن غضبه مش بس جواه، ده متملك كل حتة فيه، بص حواليه بنظرة مليانة تحدي ووجع، وطلع صوته عالي ومهزوز: هخسر إييييييه أكتر من نفسي يا أمي؟ هتحرموني من الميراث مثلا؟ طظ، مش عايزه! أنا من الأول ما كنتش عايز الجوازة دي، وهي كمان قالت إنها بتحب واحد تاني! بس جدي صمم، وضغط عليا وعليها، وأجبرنا نتجوز! وأديني اتجوزتها، عايزين إييييه تاااااني بقى؟!"كلامه خرج زي طـLـقات الـnـار، صريح ومباشر، لكن مليان ألم ووجع، صرخته الأخيرة كانت كأنها محاولة يائسة إنه يلاقي مخرج من الحكاية اللي اتحبس فيها.سامية هزت راسها بيأس وقبل ماتخرج من عنده: مش بقول لك غبي.سابته بالفعل وخرجت بعد كدا خبطت ع باب أوضة سبيل اللى قصاد اوضة صهيب ع طول.______________________فـ اوضة شاهندةفـ نفس الوقت شاهندة سهرانة بتكلم هاني خطيبها ع الواتس وهي زعلانة ع صهيب وسبيل، وسألها خطيبها هاني بسعادة: أخيرا أخوكي رجع، حددي لي بقى ميعاد مع عمي عادل عشان اقابله ونحدد ميعاد فرحناشاهندة بحزن: معلش يا هاني هنأجل الكلام فـ الموضوع ده لغاية ما أُمور صهيب وسبيل تستقر.هاني بغيظ: واحنا هنفضل نأجل فرحنا كدا كتير يعنى ولا ايه؟ وافرضي امورهم ما استقرتش، نفضل احنا متعلقين كدا؟شاهندة بعصبية: يعنى انت عايزني أعمل فرح وأخويا ومراته حياتهم بايظة يا هاني؟هاني: يا حبيبتى، إحنا ذنبنا ايه نأجل فرحتنا بسبب مشاكله هو ومراته، وبعدين اعتقد ان سها مابتشغلش بالك اوى يعنى، عشان تخافي ع زعلها!! وصهيب مش هيمانع اننا نعمل الفرح.شاهندة: حبيبى انا ماجيبتش سيرة سها انا بتكلم عن سبيل بنت عمي، انت ناسي ان هى وصهيب اتجوزوا؟هاني بتريقة: أه صحيح نسيت ان اخوكي اتجوزها وطفش من ليلة الفرح، تفتكري ليه يا شاهي اخوكي عمل كدا؟شاهندة بنرفزة: هااااني، من فضلك بلاش اسلوبك الساخر ده، بنت عمي مافيش حاجة تعيبها، بس اخويا بيحب سها زيادة عن اللزوم عشان كدا مشي، ولو سمحت ما تتكلمش تاني فـ الموضوع دههاني بهدوء: انتي مالك قفشتي كدا ليه يا حبيبتي؟! انا بتكلم معاكي عادي.شاهندة: لأ مش عادى يا هاني، وارجوك بقى ما تخلنيش اندم اني حكيتلك حاجة زى كدا، بعد أذنك هقفل المكالمة عشان تعبانة وعايزة انام.هاني: هتقفلي وانتى زعلانة مني كدا، تؤتؤتؤتي، مش هسمحلك يا حبي.شاهندة: بليز هاني، انا بجد تعبانة، وعايزة ارتاح تصبح ع خير.هاني: ايه اللي تاعب حبيبتى كدا ومخليها مش عايزة تسهر معايا الليلة دي.شاهندة: من اول اليوم واحنا بندور ع سبيل وكنا قلقانين عليها، واخيرا لاقينها من شوية كانت قاعدة فـ الاستراحة، تصبح ع خير بقى، سلام.وقفلت المكالمة مع خطيبها وهى لسة بتفكر فـ حال سبيل وصهيب وليه الامور وصلت بينهم لكدا؟! ليه اتجوزوا وليه اخوها مشي من ليلة الفرح؟! هل فعلا كلام نرمين طلع صح؟ وصهيب اكتشف ان سبيل بينها وبين شهاب حاجة؟! فضلت شاهندة تفكر لغاية ما غلبها النوم وهى مش قادرة تفهم حاجة من اللى بتحصل حواليها____________________فـ اوضة سبيل بعد ما رجعت سبيل اوضتها وحدفت نفسها ع سريرها وهى منهارة وحزينة ع الحال اللى وصلت له قررت انها تمشي، ترجع تاني فرنسا من غير ما تقول لـ حد ولا حتى جدها، اتصلت بالفعل بشركة الطيران وأكدت حجز العودة ع اول طيارة، لان كانت لسة المدة اللي هترجع فيها ما انتهتش، وكتبت جواب لـ عمران، وجهزت شنطتها وقبل ما تخرج من الاوضة سمعت خبط ع الباب وفجأة اتفتح وكانت سامية اللى اتصدمت لما شافتها محضرة الشنطة وهتمشي: واخدة شنطتك ورايحة فين يا سبيل؟سبيل بدموع: مابقاش ليا مكان هنا خلاص يا طنط.سامية قربت منها بذهول وصدمة واضحة ع ملامحها: طنط!! عمرك ما قولتيهالي يا سبيل!! طول عمرك بتقولي ماما، ايه اللي اتغير يا بنتي؟! سبيل وقفت مكانها، جسمها كله بيرتعش من الانهيار، ودموعها ما وقفتش لحظة وهي بتصرخ بصوت مليان وجع: إييييييييه اللي اتغير؟! آه، صحيح إيه اللي اتغير!! مافيش حاجة اتغيرت خالص! غير حاجة واحدة بس، حاجة صغيرة قد كدا.. وبصت حواليها بنظرة مـkـسورة، وانهارت أكتر، صوتها طلع متقطع ومليان ألم: هي إنك خدعتينيييييي، زي ما كلهم خدعوووني! كلكم كنتوا عارفين إنه متجوز ومخلف وخبيتوا علياااااا! ومش بس كدا! أجبرتوني أتجوزه بعد ما هّني وجرحني برفضه ليا... مسحت دموعها بسرعة كأنها بتحاول تستجمع قوتها، لكن صوتها كان بيعلى أكتر مع كل كلمة: بس هستنى منكم إيييييييه؟! إذا كان أبويا نفسه رماني ليكم عشان يشوف نفسه ويعيش حياته، يبقى طبيعي يحصل منكم كدا!كان كلامها زي السـkـاكين، بيقـtـع في سامية، لكنه كان بيقـtـع فيها هي أكتر، أنهيارها كان واضح فـ كل كلمة، فـ كل حركة، كأنها جبل ضخم، انهار بالكامل تحت تأثير زلزال مد*مر أو انـfـجار برkـان ما خلاش فيه حاجة سليمة.سامية بحزن: أهدي يا حبيبتي، واستني بلاش تسيبينا وتمشي يا بنتي ما توجعيش قلبي عليكيسبيل ضحكت بوجع، ضحكة كلها ألم، ودموعها نازلة زي الشلال ما بتقفش، صوتها المـkـسور كأنه صدى الحطام اللى جواها، رفعت عينيها اللى كلها انـkـسار، تبص لـ سامية بجمود: بنتك؟! تصدقي ضحكتيني!! عارفة لو كنت فعلاً بنتك، ما كنتيش قبلتي عليا اللي اتعمل فيا!.. خدت نفس مليان وجع وهي بتشاور عليها بأيدها المرتعشة: أنتي عارفة! لو كانت شاهندة هي اللي مكاني، كنتي عملتي المستحيل، كنتي حااااااااربتي الدنيااااا عشان ما تتجوزش بالطريقة دي، لكن أنا؟ أنا مش بنتك عشان تهدّي الدنيا عشاني، شوفتيني وأنا بتـ*ـدBـح قصاد عينك وما اتكلمتيش! كلكم شوفتوني بتعذب قصادكم، واستحليتوا عذابي... صوتها بدأ يعلى وهي بتصرخ: شوفتوه بيجرحني ويهيني، سكتوا ورضيتوووووا، قبلتوا عليا الإهاااااااااانة! ابنك kـسرني، وقضى ع اللي باقي مني باللي عمله النهاردة فيا! وانتوا السبب.. انتوا السبب وأنا مش مسمحاكم.مسحت دموعها بسرعة وقالت بنبرة قاطعة: بعد إذنك، لازم أمشي عشان ألحق الطيارة.سامية واقفة قصادها بتسمعها، ودموعها نازلة وقلبها واجعها عليها، لكن مش قادرة تتكلم لانها عارفة ان اللى حصلها صعب اى حد يتحمله، خرج منها الكلام بصعوبة ومن بين دموعها: راجعي نفسك يا بنتي وبلاش تسافري، وانا هجيبلك حقك منه، صدقيني، بس بلاش تمشي.سبيل وهى بتخرج من الاوضة: فات آوانه خلاص، انا ماشية ومش هرجع تاني، بعد أذنك...وخرجت من الاوضة بخطوات سريعة كأنها بتسابق الريح جسمها كله بيرتعش من الغضب والوجع، وكل دمعة نازلة من عينيها كانت شاهدة على الألم اللي اتحفر جواها.سامية خرجت وراها بوجع ودموع ندهت عليها عشان توقفها: طيب مش هتسلمي عليا؟! مش هتقولي هتوحشيني يا ماما.سبيل وقفت وغمضت عينها بوجع وضهرها لـ سامية اللى واقفة بتتكلم وتعيط من وراها، بتسمعها، وبعد ما خلصت كلامها سابتها ومشيّت بسرعة عشان ما تضعفش، راحت الجناح الخاص بعمران وفاطمة فتحت الباب ودخلت بهدوء حطت الجواب ع الكمود جنبه وباسته هو وجدتها وخرجت بسرعة ونزلت جري قبل ما حد تاني يحس بيها، خرجت من القصر ركبت تاكسي وراحت ع المطار خلصت إجراءاتها وركبت الطيارة وبعد مرور كام ساعة كانت وصلت مارسيليا وراحت عند خالها._____________________فـ جناح عادلرجعت سامية جناحها اول ما دخلت شافت عادل قاعد فـ الصالون مستنيها حدفت نفسها فـ حضنه وهي منهارة ومش قادرة تاخد نفسها من كتر عياطها.عادل حاول يخرجها من حضنه ويفهم مالها وبقلق: مالك يا سامية؟ حد من الولاد جراله حاجة؟ اتكلمي قولي في ايه ريحيني.سامية بانهيار جوة حضن عادل: انا عايزة بنتي يا عادل، عايزة سبيل، رجعهالي عشان خاطريعادل باستغراب وقلق: مالها سبيل؟! اوعي يكون صهيب عمل فيها حاجة؟ انطقي يا سامية، ما تتعبيش اعصابي أكتر من كدا.سامية بدموع: سبيل سافرت يا عادل ومش ناوية ترجع هنا تاني.عادل قام وقف متعصب وبعدم فهم: سافرت!! أمتى وازاى؟ وانتي عرفتي منين، شوفتيها يعنى ولا لاقيتي اوضتها فاضية وبتخمني، اتكلمي ساكتة لييييه؟سامية ابتدت تحكي من اول ما طلعت تطمن ع صهيب وسبيل لغاية ما خرجت من اوضة سبيل ورجعت الجناح.عادل قعد مكانه تاني وهو مصدوم من كل اللى سمعه منها وهز راسه بيأس من تصرفات ابنه وبتنهيدة قلق وتوتر: ربنا يستر، ويعدي الأيام الجاية ع خير.سامية بخوف وقلق: انا خايفة يا عادل، بابا مش هيسكت وهيهد الدنيا ع دماغ صهيب ودماغنا بسبب اللى عمله فـ سبيل.عادل: عارف يا سامية، ربنا يستر، تعالي ننام ساعتين، النهار قرب يطلع، خلينا نرتاح شوية قبل ما تقوم عاصفة عمران الشهاوي.سامية: ومين بس هيجيله نوم ولا يعرف يرتاح بعد اللى حصل ده يا عادل.عادل بقلق: عندك حق يا ساميةقعدت بالفعل سامية هى وعادل يفكروا فـ اللى حصل ويفكروا هيقولوا لـ عمران ايه وازاى يعرفوه الخبر، والف سيناريو وسيناريو جه فـ بالهم ومش عارفين يتوقعوا رد فعله لما يعرف، فضلوا ع الحال ده لغاية ما النهار طلع وسمعوا خبط هدية ع الباب عشان تبلغهم ان عمران صحي وعايزهم.في سبيل صهيب بقلمي✍️____لبنى درازشريف: فرررررريد ؟؟؟؟؟@:......؟؟؟؟؟؟

شمس_لا_تغيب {الفصل الخامس عشر }الجزء الأول بقلم سارة ▪▪صرخت شروق بجنون تمرر اصابعها بين خصلات شعرها المبعثر بفوضويه {الحقنى يا فهد بسرعه مش قادره راسى هتنفجر من الوجع }.....وقف بغرفة النوم يبتسم بخبث ثم خرج من الغرفه يرسم على ملامحه التأثر وهو يهتف بحنق مفتعل{هو ده اللى كنت عامل حسابه هتاخدى على الحبوب ديه ومش هتعرفى تبطليها ابدا }.....ركعت شروق إمامة يرتعش جسدها بقوه تهتف كالمجنونه{ وجع فى جسمى وفى راسى يا فهد هات الحبوب وبعدين اصرخ زى ما انت عايز بس الحقنى بسرعه أرجوك }....وضع فهد حبه بيضاء أمامها يقول بغضب  {اتفضلى بس اعملى حسابك ديه آخر واحده خلاص مفيش تانى }....وضعتها بفمها بسرعه تشد شعرها بشده حتى كادت أن تقتلعه من مكانه تدلك جسدها المتألم وبعد فتره قصيره بدأ مفعول الحبه فى التفاعل ليهدا جسدها من تلك الطعنات المؤلمة تغمغم بلاوعى وهى تضحك  {مش ممكن سحر غريب فى الأقراص ديه بتسحب الوجع كله من جسمى ومن دماغى }.....وقف فهد أمامها بتشفى يصب كأس من عصير البرتقال يقل بحنان مزيف  {اشربى ده يا قلبى وهتبقى كويسه ماتعرفيش انا قلبى بيوجعنى ازاى وانا بشوفك كده قدامى ياريتنى ماكنت اديتك منها فى الاول انا اذيتك }....مدت يديها اليه تقربه منها بشغف ثم قبلته بعشق فوق شفتيه  {حبيبى انت ذنبك ايه يظهر انى اتعودت عليها بسبب الصداع ووجع جسمى }....هز رأسه بمكر متأثر  {بس حبيبتى المشكله ان ده آخر قرص ومش عارف ممكن صاحبة يجيب منه تانى ولا لاء أصل الأقراص ديه مش موجوده فى مصر ديه بتيجى من أمريكا }.....زفرت أنفاسها بضيق  {طيب وبعدين يا فهد انا لو ما اخدتش ع الأقل كل يوم قرص ممكن اتجنن انا حالتى بتسوء كل يوم }.....هز رأسه بياس يمط شفتيه بقله حيلة {هحاول اشوف حد يجبلى بس الشريط غالى جدا يا شروق }.....اومأت رأسها موافقه  {مش مشكله حبيبى الفلوس بس المهم ارتاح وانا هبقى اروح دكتور اشوف حل }....انتفض من مكانه يصرخ دون وعى{لا طبعا دكتور ممكن يديلك أى حاجه تانيه تتعودى عليها اكتر انا هتصرف }......عانقته بقوه تداعب خصلات شعره برقه  {قد كده خايف عليا حياتى }.....ربت عل ظهرها برقه وهو يبتسم {انتى ماتعرفيش انا بخاف عليكى ازاى شروق انتى روحى }. ....تنهدت بشوق تغلق عينيها تشعر بإرتخاء جسدها بين يده تقول بخفوت { انت كل حياتى فهد }.........▪▪اتسعت عيون جلال ينظر إلى طارق بذهول لا يصدق انه أمامه التفت خلفه يتاكد من وجود هشام هو الآخر ولكن طارق هتف سريعا  {ماتقلقش يا حاج انا لوحدى محدش معايا }....اقترب سيف بحذر بعد أن لاحظ شحوب جلال يقول بقلق  {خير ياحاج فى حاجه }.....ابتسم جلال بحبور يهز رأسه نافيا ليقف بشموخ يشير إلى طارق  {دكتور سيف اقدملك ابنى طارق }....حاله من القلق سيطرت على سيف خوفا من وجود طارق وحدوث مشكله قد تؤثر بالتأكيد على الزفاف ولكن ابتسامة طارق الودوده بعثت الاطمئنان والراحة فى نفس كل من سيف و جلال الذى يعرف جيدا ابنه البار  وابتسامته الحنونه....مد طارق يده يصافح سيف بكل احترام وتقدير ليكمل جلال التعارف  {طارق اقدملك دكتور سيف الدين السلحدار والد دكتور يوسف جوز اختك }.....صاعقة من الذهول ضربت طارق يحاول أن يستوعب ماقاله والده ليقول بهمس {يوسف سيف الدين }....هز جلال رأسه بنعم.... {أهلا بيك يا استاذ طارق }قالها سيف بتوجس لطارق المتفاجئ بقوه....نظر طارق لوالده بتساؤل ليربت جلال على كتفه{ايوه يا طارق يوسف هو اللى انقذ اختك من اللى كانت فيه وساعدها وطلبها منى}.......▪ابتسم كريم بطرف شفتيه على يوسف المتوتر بعصبيه وهو يقف أمام المرآه ينظر للكدمه التى تزين اسفل ذقنه يغمغم بحنق { اعمل ايه فى الزفت ده من امبارح بحط فى تلج ومش عايزه تروح من وشى }....حاول كريم السيطره على ابتسامته حتى لا يزيد من غضب يوسف أكثر يقول بهدوء  {معلش يا عريس اهو عشان تبقى مميز عننا شويه }.....نظر يوسف ناحيه كريم بحنق يقذفه بالوساده  {وكمان بتهزر }....طرق باب غرفه يوسف ودخل جلال مبتسم  يقول بمرح  {اول مره اشوف العروسه تجهز قبل عريسها }....ضحك يوسف يهتف بسعاده  {خلاص يا عمى انا جهزت بس كنت بحاول إدارى المشكله اللى فى وشى اللى بسبب الأستاذ ده }...ليشير إلى كريم ....ربت جلال على ظهر كريم بموده  {عقبالك يابنى مانفرح بيك قريب إن شاء الله....وانت يا دكتور يلا المأذون مستنى }....وقف يوسف بكامل أناقته ووسامته فى بدله توكسيدو سوداء وقميص ابيض ناصع البياض وببيون اسود من الستان أمام جلال الذى عانقه بشده يضرب على ظهره برقه  {الف مبروك يابنى شمس امانه كبيره فى رقبتك انا عارف ومتاكد انك بتحبها وهتبقى معاك فى امان وسعاده }....بادله يوسف العناق يقول بسعاده واضحه فى نبرات صوته الأجش  {شمس حياتى يا عمى وجوه قلبى }.....تنهد جلال براحه يبتعد عن يوسف ثم قال بهدوء  {بس فى واحد عايز يباركلك ويتعرف عليك الأول ممكن يدخل }....ابتسم يوسف بحبور {طبعا يا عمى انت بتستاذنى خليه يتفضل }....ليخرج جلال لثوان خارج الغرفه ويعود وهو يتمسك بيد طارق المتوتر....نظرات من القلق والخوف سيطرت على يوسف وهو يبحلق فى طارق الواقف أمامه....اقترب طارق من يوسف المتسمر فى مكانه متفاجئ يمد يده بود  {الف مبروك يا دكتور عليك اختى }اغتصب يوسف ابتسامته يحاول أن يبدو طبيعى ليصافح طارق بتوتر يرد {الله يبارك فيك يابشمهندس }...شعر جلال بتوتر الأجواء بالغرفه ليردف بهدوء وهو يربت على ظهر طارق  { طارق جاى يقف مع أخته يوم فرحها يا دكتور ماتقلقش}...صمت يوسف قليلا ينظر لكريم ثم لجلال ليهز رأسه متفهما {انا كل اللى يهمنى شمس مش عايز أى حاجه توترها أو تضايقها فى يوم زى ده لكن بالنسبالى انا اقدر أحافظ على مراتى كويس }ابتسم طارق بخجل يتنهد {اطمن يا دكتور انا مستحيل أظلم اختى مره تانيه انا عارف كويس انى جيت على اختى وظلمتها }لتترقرق الدموع بعينيه ويحمر وجهه تاثرآ { وصدقنى مش عايز اظلمها مره تانيه }...ضمه جلال بقوه لصدره وهو يشعر بألم ابنه وندمه الشديد على ما فعله بحق أخته ليقول بحنان  { انت ماتعرفش طارق كويس يا يوسف بس مع الأيام هتعرف أن ابنى كان ماشى ورا وهم وأخيرا فاق منه ورجع طارق الطيب الحنون مره تانيه }....إنهى كريم هذا الحوار العاطفى بمرحه المعتاد  {تمام جدا لحد كده بس ايه ذنب العروسه معاكم اتأخرت عليها جدا }....تنفس يوسف بعمق يبتسم بوجه طارق المتوتر  { يلا بشمهندس عشان تبارك لشمس }...ارتسمت ملامح القلق والتوتر على وجه يوسف وجلال خوفا من ردة  فعل شمس فى مواجهة اخيها عند رؤيته كانت كل خطوه يخطوها طارق برفقة أبيه إلى جناح شمس طعنه قويه تغرس فى قلب يوسف قلقا عليها ولولا تمسك كريم إلا يذهب معهم لكان على رأسهم يضمها لصدره ويحميها من تلك المواجهة الصعبه...........▪▪وقف عدنان ببهو الفندق يمشى ذهابا وإيابا متشنج الملامح ينظر فى ساعته بقلق وهو يزفر انفاسه بضيق حتى هتف به مراد غاضبا  {ايه يا ابنى ماتهدا كده واتقل شويه رايح جاى خيلتنى }....نفخ عدنان بضيق يشيح بيده غير مباليا لمراد....لوى مراد شفتيه بإبتسامه عابثه يسأله  {هى مش قالتلك هتيجى يبقى خلاص أهدا }...تمتم عدنان بحنق  {كان لازم تروح تجيبها انت يا مراد افرض أنها ماجتش اعمل ايه انا انت صديق انت }..... نطق مراد بجديه مصطنعة  {اه وماله اروح اجيب زيزو وادخل بيها قدام لجين عشان تكمل هو انت عبيط يابنى انا أكدت عليها لو ماجتش هزعل منها وهاخد موقف منها وهى قالتلى جايه وحضرتك كلمتها وقالتلك هتيجى يبقى قلقان ليه سبنى اروح اشوف يوسف عامل ايه هو كمان بسبب أخو شمس اللى حضر  ده }....وفجأه دون أى مقدمات أطلق مراد صفارة يبتسم بمكر  { ده انت شكلك النهارده هتتجوز مع يوسف }....التفت عدنان سريعا ينظر خلفه ليقف متسمر وهو يرى زينب تقف أمامه بكامل انوثتها وجمالها الهادئ تتالق بفستان زهرى قصير مغلق الصدر دون أكمام يظهر مفاتنها  وشعرها الأسود اللامع  ينساب خلف ظهرها مموج مع القليل من الزينه التى تبرز جمالها الهادئ برقه تخطف العقول برغم من شحوب وجهها ...اقتربت بهدوء تحاول رسم ابتسامه مبهجه فوق شفتيها المكتنزه تهمس برقتها المعهودة {مبروك يا مراد عقبالك }.... غمز مراد لها بخفه وهو يبتسم {عقبالك انتى كمان يا زيزو ايه الجمال ده }.....احنت رأسها خجلا تنظر لعدنان المتسمر مكانه بطرف عينيها.....تنحنح مراد يضرب عدنان بخفه{زيزو عدنان معاكى طبعا على راحتكم انا لازم اشوف يوسف شوية وهرجع عشان عايز اعرفك على لجين}....تركهم مراد وغادر بعد أن همس لعدنان بغيظ {اتحرك يا ابنى انت ايه بقيت تمثال }...تنحنح عدنا يخرج صوتا هادئا { عقبالك مش بتقولو كده فى مصر }....هزت رأسها مرتبكه بنعم دون أن تتكلم لاحظ عدنان توترها ونظراتها الزائغه تحاول أن تخفى عينيها عنه بإرتباك واضح .....أشار عدنان بأناقة لزينب أن تتقدمه لدخول قاعه الزفاف................ ▪▪طرقات خفيفه على باب جناح العروس جعلت الفتيات من حولها تقفز فرحا....تنفست بعمق تشعر بدقات قلبها كطبول الحرب تقفز داخل صدرها وجنتيها القشديه تتوهج بالاحمرار القانى تمسكت بفستانها الأبيض المائل للون حبات السكر البراقه ترتجف لتقف مريم جانبها تضع بعض اللمسات الأخيرة ولجين تلتقط بعض الصور الفوتوغرافية...لتهرول نغم لباب الجناح تفتحه بضحكه مبهجه وهى تقول {اتفضل يا عر.....}شهقت نغم بصدمه تتراجع للخلف وهى ترمى بعينيها لاتصدق ماتراه لتهمس بتلعثم  {طاااااارق}....رمقها بطرف عينه بنظرات مبهمه غير معروفه يقبض على راحه يده بعصبيه ليتدخل جلال لفض حرب تلك النظرات يقول  {مالك يا نغم يابنتى مش عارفه جوزك ولا ايه يلا طارق ادخل لاختك يا ابنى }.....اتسعت عيناها بعدم تصديق وهى ترمق حبيبها قبل أن يكون زوجها يقف أمامها....مر طارق من جانب نغم المذهوله وجسدها أصبح كقطعه الثلج من هول المفاجأه ومن ماينتظرها بعد ذلك......تنحنح جلال قبل أن يخطو  إلى غرفه شمس...وقف مشدوهآ أمام جميلته كما يطلق عليها دائما ليناظرها بفرحه كبح شعوره القوى برغبه فى البكاء يقترب منها وهى تهتز برقه ليتحرك حولها فستانها المنفوش بعدة طبقات من التل المشغول بخيوط فضية لامعه احنى والدها رأسه يقبل قمه رأسها بعمق وهو يربت على وجنتها قائلا { حبيبة قلبى بقت عروسه زى القمر }...لفت ذراعيها حول خصره تغمغم بخجل {ربنا مايحرمنى منك ابدا يا بابا }مسح جلال دمعه كادت أن تفر من عينه يقول  {عندى لكى مفاجاه حلوه صدقينى هتسعدك جدا وهتفرحك }رفرفرت بأهدابها الطويلة تقول بفرحه {مفاجاه}ليهتف جلال بحب{طارق اخوكى} وقبل أن يكمل دخل طارق بخطوات هادئه يتطلع بوجه شمس الملائكى بلهفه لم يتوقع الجميع ومن ضمنهم جلال ردة فعل شمس وعم الذهول على الجميع وهى تهرول تحمل فستانها ترتمى بحضن طارق بشوق طال لعدة أشهر تتعلق برقبته كطفله صغيره حصلت على هديه....حملها طارق بين ذراعيه يدور بها بضحكه عاليه وهى تدفن وجهها بحنايا رقبته تقول بخفوت {طارق حبيبى اخويا }...وكانها طمست آثار الماضى من عقلها ويتذكر قلبها فقط حنيته ولهفته عليها فشمس دائما كنت فتاة طارق المدلله التى يخاف عليها ويدللها بشغف وحب اخوى.....انسابت دموع طارق فوق وجهه يغمغم بأسف  {شمس سامحينى انا اسف يا اختى اسف }.....حضنت وجهه الوسيم بين كفيها تتطلع عليه بشوق  {مسامحاك يا طارق وعمرى مازعلت منك انت اخويا الغالى }اقترب منهم جلال يضمهم لصدره ويقبل كل منهم وهو يبتهل إلى الله بالحمد والشكر كان مشهد مؤثر على كل من بالغرفه لتمسح نغم دموع فرحتها بهدايه زوجها إلى طريق الصواب اما مريم فخرجت تركض لتبشر يوسف بهذا اللقاء الحميمى بين شمس وطارق ليطمئن قلبه من الخوف والقلق المسيطر على روحه وعقله.......▪▪نهض سيف من مكانه يستقبل نهله التى دخلت قاعه الزفاف تبحث بعينيها عن لجين تباطئت خطواتها وهى تراه يقترب منها بإبتسامه انيقه يرسمها على شفتيه وهو  يرمقها بنظرات إعجاب تتدفق من مقلتيه الزرقاء وقف امامها يرحب بها  {أهلا يا نهله هانم شرفتينا}ابتسمت برقه تصافحه{الف مبروك يا دكتور}...لتسأله بخجل يظهر على ملامحها الناعمه  {لجين فين مش شايفاها }....مط شفتيه بإبتسامه مرحة  {مع العروسه فى جناحها ونازلين حالا }....هزت رأسها بنعم وهى تمنحه ابتسامه ناعمه تسحره بنعومتها جلست بجانبه على نفس الطاوله بعد أن ازاح المقعد بشياكه لها....تنحنحت نهله تقول بخفوت { مدام فريده فين عشان ابارك لها }....تجمد وجه سيف بملامح الأسى يردف بعبوس  {فريده هانم للأسف ماتعرفش أن النهارده فرح ابنها الكبير }...حملقت فيه نهله جاحظه مصعوقه مما قال...ليهز سيف رأسه بأسف{ الهانم بعيده كل البعد عن ولادها وماتعرفش حاجه عنهم نهائى}.....عضت على شفتها السفلى تحدق به تشعر بما يعانيه من قهر فى حديثه  {انا اسفه ياكتور }...هز كتفه بعدم اهتمام  {مفيش اسف يا نهله ديه الحقيقه ومش انتى اول حد يسأل عنها }....حدقت فيه بخجل فتاه صغيره تشعر بإرتباك...ليلاحظ سيف ارتباكها يعتذر  {انا اسف انى قولت نهله بدون ألقاب بس حقيقى يا نهله انا يمكن ماعرفكيش إلا من مده صغيره بس حاسس انى اعرفك من زمان وياريت كنت فعلا اعرفك من زمن كان اكيد فى حاجات كتير اتغيرت }حبست نهله انفاسها واطرقت ببصرها ارضا....ولكنه قال بسرعه قبل أن تقول شىء  {نهله انا محتاجلك جدا انا عارف ان راجل فى سنى ملوش الحق انه يقول الكلام ده بس صدقينى انا محتاج حد يكون جنبى يشاركني همى وتعبى ومفيش غيرك ممكن اقدر احكيله وارتاح معاه }.....تنهدت نهله ثم رفعت بصرها نحوه وابتسمت قائله  {انا جنبك يا دكتور فى أى وقت احنا أصدقاء والصديق لايمكن يتخلى عن صديقه وقت الشدة }.....تمتم سيف بهيام وقد رسمت كلماتها البسيطة الضحكة على وجهه العابس  {يبقى شيلى الألقاب ديه ونادينى سيف وبس طالما احنا أصدقاء }....هزت رأسها موافقه تهمس بإبتسامه دافئة تمنحه الثقه  { يبقى سيف بس من غير دكتور }.......تابع فى الجزء الثاني من الفصل.....................الفصل الخامس عشر  {الجزء الثاني }▪▪وقف بجانب والده وأخيه ينظر لها بلهفه وهى تخطو الدرج تنزل بهدوء تتابط ذراع والدها ووجهها مخفي خلف طرحه من التل زاد من جاذبيتها وجمالها ليزاد شوقه لمن سرقت قلبه من أول نظره بينهم فإشتعلت لهفته عليها يقترب من بداية الدرج.....ليسلمها والدها اليه قائلا بسعاده {شمس امانه فى رقبتك ليوم الدين }ليعانق حماه مبتسم  { شمس فى قلبى يا عمى }.....لم يستطع السيطره على دقات قلبه السريعه لتتألق عينيه بالفرحه ليرفع طرحتها التل من على وجهها يكتم انفاسه انبهارا بجمالها الاخاذ ينظر إلى ملامحها الرقيقه وهى تتالق بزينه خفيفه تبرز جمالها الهادئ قبل جبهتها بحب يهمس امام شفتيها المطليه بملع شفاه وردى  {مبروك شمسى }....اغمضت عينيها خجلا ترتجف بشده ليضمها لصدره وسط تصفيق و زغاريط المدعوين.....التف الجميع حول طاوله مستديرة مزينة بالورد ليجلس المأذون وعن يمينه الحاج جلال والدها وعلى يساره دكتور سيف والد يوسف ليطلب المأذون الهويات الشخصيه للشهود.....ليشهد على عقد القران كريم ودكتور عزيز صديق جلال وبعد تلاوه الآيات القرآنية وإتمام مراسم القران  هتف المأذون فى مكبر الصوت بجهر  {بارك الله لكما وبارك عليكما وجمع بينكما فى خير}....ليتعالى التصفيق والمباركات للعروسين وسط فرحه الجميع......قفز يوسف بفرحه يضمها متناسيا جميع من حوله وهو ينهال عليها تقبيلا وهو يحملها من خصرها بسعاده......ترقرقت الدموع بعينيها وهى ترى فرحه وسعاده الجميع من حولها....ركضت ملك بين أحضان يوسف ليحملها بين يده ويقبلها بنهم يقول بسعاده {فرحانه ملوكه عشان دادى }....هزت ملك رأسها تصفق بفرحه تقول {كده شموثه بقت مامى يوثف }....ترقرقت الدموع بعينه يداعب وجنتها الناعمه  {ايوه حبيبتى شموسه بقت مامى }.....ارتمت الصغيره بجسدها على شمس تنهال عليها بالقبلات وشمس تضمها لصدرها بحنان  { حبيبتى ملوكه انا مش هسيبك ابدا انتى حياتى }...▪▪لفت نغم ذراعيها حول خصر طارق تضع رأسها على صدره باغواء  {انا فرحانه جدا عشان شمس حبيبى شايف قد ايه يوسف بيحبها وهى كمان سعيده جدا }..ابتسم طارق بسعاده واضحه على ملامحه وزرقه عينيه تلمع بوميض خاطف { الحمد لله انى سمعتك والا مكنتش هحضر فرح اختى }....شهقت نغم تسأله  {ايوه صح انت عرفت ازاى }.....كتم ضحكته بصعوبه مصطنع الجدية  {نسيت جواز سفرى ورجعت اخده لقيتك اوقفه فى التراس بتتكلمى فى التليفون وسمعتك بتقولى اسفه يا شمس اخوكى لسه ماشى حالا وماكنتش اقدر اجى قبل ماطمن انه سافر }....هز رأسه بعدم اهتمام ليكمل  {بس يا مدام اتأكدت انك عارفه مكان شمس مشيت وراكى وعرفت كل حاجه }.....رفرفرت باهدابها تقول بخجل وهى تداعب شعر ذقنه باغراء  {اسفه حبيبى لو خبيت عنك بس كنت خايفه من }....عبست ملامحه يقول بضيق  {كنتى خايفه متى لا اعرف واسجن اختى أو ادخلها تانى مصحه }....هزت رأسها نافية تحاوط خصره  {ابدا ابدا والله حبيبى بس كنت خايفه هشام يعرف أنت قلبك طيب ومايعرفش الكره يا طارق بس للاسف هشام وشروق كانوا مسيطرين على تفكيرك }..سحبت نفسا عميقا ترمقه بطرف عينيها  {انت ناسى لما شهدت مع شمس هشام طلب منك تطلقنى }....لتكمل بصوت باكى والدموع تتجمع بمقلتيها  {كنت خايفه تعرف وتطلق.....}....وضع اصبعه فوق شفتيها يضمها لصدره بقوه  {اياك تنطقيها ابدا انتى حب عمرى يا نغم واخلاصك وحنيتك لاختى ولبابا عندى بالدنيا أنسى هشام وشروق وكل دول وتعالى نبارك لشمس ويوسف }.....شبت على أطراف اصابعها تقبل وجنته بشوق تهمس بجانب اذنه {بحبك يابن خالى }.........▪▪التفت الجميع حول شمس على ساحة الرقص يرقصون ويصفقون بسعاده ليرقص مراد وعدنان برفقه لجين ومنى وبعض أصدقاء مراد ويوسف على اغنيه شعبيه ليكتفى يوسف مشاهده شمسه وهى ترقص وتغنى بسعاده وضحكتها تملأ قلبه بالسعاده لتكن مفاجاه مريم لاخيها وزوجته اغنيه لمطربه محبوبه اختارتها مريم على ذوقها لتشارك شمس الرقص على تلك الاغنيه التى كانت بمثابة رساله واضحه لكريم الغاضب منها يرمقها بعبوس....{ودوني على بيت حبيبي نعيش مع بعض فيه....دا بقالنا مده طوبه طوبه م الحب بنبنيه....انا لابسه الطرحة ومش سايعانى الفرحه وانا وياه.....ارموا الورد علينا وباركولى بيه}......اتسعت عيناه بعدم تصديق ليضحك بخفه لها وهى ترقص وتغنى مع المطربة بانسجام وعينيها متالقه بحب.........{هسمع كلامه وتحت أمره فى اللى يقولى عليه وباى شكل هريحه لو حتى يطلب ايه وان جبت منه بنت يارب تبقى شبهه وإن كان ولد هدعيله يتربى بايديه}                                      يارا  {بيت حبيبي }لتبتسم له بخجل وهى تردد كلمات الاغنيه بسعاده...لتقترب مريم من يوسف الواقف مبتسم تجذبه بشده لينضم لشمس فى رقصتها وبعد إلحاح شديد انضم يوسف بخجل....يرقص معها على اغنيه هادئه ليضمها من خصرها اليه يركن ذقنه بجانب رأسها يهمس بشغف فى اذنها كلمات الاغنيه الرومانسيه للمطرب المفضل له........{ولا أي كلمه حب اتقالت في يوم مابين اتنين تسوى حلاوه كلمه منك قلتهالي....عيد قلت ايه كده تاني وتالت....أنا قلبي كله حنين....ولا يطفي ناره حبيبي غير لو عيدتهالى....عارف بتعمل فيا ايه كلمه حبيبي زي اللي اول مره بيحس بأماااااان}....ليضمها لصدره أكثر وهو يلفحها بانفاسه المشتعله يهمس امام شفتيها المنفرجه وعينيها الناعسه بصفاء {خليك معايا خليك معايا يا حبيبي مهما كان.....خليك معايا يا حلم عمري اللي في خيالي من زمان}.....عمرو دياب(خليك معايا)رفعت رأسها تنظر اليه بحب فيقابلها بنظرات شغوفه يقبل جبينها ويهمس برقه  {بحبك شمسى}....انضم طارق ونغم للرقص بجانبهم وصديق آخر ليوسف وزوجته أما مراد فحمل لجين من خصرها عنوه يرقص معها وهى تهتف بحنق  {مجنوووون نزلنى }.... ليغمز بشقاوه{لازم نتدرب كويس عشان فرحنا }لتستسلم لحضنه الدافئ تضع رأسها فوق صدره تتنفس عشقه ▪▪امال عدنان إلى زينب الشاحبه ونظرات الحزن تملأ عينيها الواسعه  {تحبى ترقصى زيزو }...هزت رأسها ب لا تقول بجفاف {لا مش عايزه }وهى تحاول السيطرة على دموعها ولكن خانتها تلك الدموع اللعينة لتنهمر فوق وجنتها وقلبها يئن وجعا.....عبس عدنان بريبه يسالها بهتمام  {مالك يا زيزو انتى فيكى حاجه متغيرة انا مش عارفها انتى مش زيزو أبدا اللى اعرفها المرحه الجميله فى ايه شاغل بالك ومخليكى حزينه بشكل ده}...تركته فى حيرته وقلقه لتخرج لحديقة الاوتيل لتترك العنان لدموعها وقهرها على تركها حب صادق وكبير وانجرفها خلف مشاعر مزيفه دمرتها ودمرت برائتها......شعرت بيده تمسد كتفها بهدوء من الخلف يهمس بجانب اذنها بصوت حزين  {كل ده عشانه يا زينب هو ميستهلش انسانه زيك ابدا}....سحب نفسا عميق ليقل بشغف{زيزو انتى غالية جدا ولازم اللى يفوز بيكى يكون عارف قيمتك كويس والا مش هيحافظ عليكى ابدا }...التفتت تنظر اليه بعينين مغروقتين بدموع الحسرة والندم على ضياع هذا الحب من بين يديها تقل بتعلثم {انت ازاى كده ازاى بتحس بيا بالشكل ده وانا،،،انا تجاهلت كل مشاعرك دى وارتبطت بانسان....}لتنهمر دموعها بغزارة على وجنتيها وكأنها اغلال من النيران تحرق قلبه وروحه وهو يراها متألمه امامه ...لم يشعر سوى بذراعيه وصدره يضمونها اليها بحنان وحب اكثر.....يلامس شعرها بنعومه يغمغم بصوته الحنون وهو يمرر اصابعه فوق وجنتها الناعمه {بلاش تبكي يا زيزو دموعك غاليه عندى جدا }......شعرت زيزو بالقهر من قلبها لانه تجاهل ذلك الحب ليتنشنج جسدها بين يده تبتعد عنه منتفضه....هتف بقلق يقف أمامها  {بالله عليكى زيزو مالك فيكى ايه متقلقنيش عليكى كده ارجوكى قلبى مش متحمل اشوفك منهاره وحزينه بشكل ده عشان واحد كلب ولا يسوى ليه بتعذبى نفسك وتعذبينى ليه يا زيزو }..... اقتربت منه تتشبث بثيابه وانهمرت دموعها ببكاء قائلة مرير تقل بشبه صرخات{دبحنى ياعدنان دمرنى انا مبقتش زيزو البريئة اللى انت بتحبها انا بيقت }.... ابتعدت عنه ببطئ ونظرت بألم اليه قائلة برعشه تهز جسدها {اغتصبنى عدنان اغتصبنى ضحك عليا واستغلينى اخدني لبيته بحجه وهناك دمرنى وقضى عليا وللاسف انا هدفع الثمن كله لوحدى يا عدنان وعارف زاد اكتر انا انا حامل حامل حامل يا عدنان عارف يعنى ايه حامل }.....واجهشت بالبكاء وهى تغطى وجهها بيديها تقع ركعة فوق العشب تئن بألم تتضرع بالدعاء بين شقاتها {يارب خدنى يارب }.....جمرات تحرق قلبه وروحه جمرات تشعل قلبه بألم كالجحيم الألم ينهش بلحمه روحه تنسحب من جسده كالهلاك  نظر اليها لا يصدق ما تفوهت به وبلحظة يفك عقده ربطه عنقه وهو يشعر بالاختناق.....لينحنى أمامها  يمسك بيديها وابعدهم عن وجهها ونظر بعينيها بتساؤل وكأنه يتوسلها ان تنفى ما قالته لكن ذلك الانكسار الذى رأه بعينيها اكد له كل شئ....أكد له بأنها قتلته قبل أن تقتل روحها...بأنها حكمت عليه بالموت البطى بتريق حبها المسموم الذى يجرى بدمه وشراين قلبه.....رفعت رأسها مسكوره القلب والكرامة{انا مبقتش زيزو عدنان انا خلاص تلوثت بالعار بقيت مليش ثمن مينفعش أقف ورقص واغنى جنب بنات اشراف حفظو على نفسهم وشرفهم وعفتهم}....لتصمت قليلا ترفع عينيها بعيناه الجامده بدموع متحجره داخل مقلتيه{ للراجل اللى يستاهل الحب والإخلاص }....تصلب جسده يشيح بوجه بعيدا ليقاطعها بجمود قائلا{بلغى والدك انى جاى بكرة علشان اتقدملك زينب }....نظرت اليه وهى لا تدرك ما قاله للتو هل ما تسمعه صحيح لتتمتم بصوت ضعيف  {عدنان انت بتقول ايه }.....احاط وجهها بيديه قائلا بصلابه أكثر  -{متخافيش زينب بس لازم المشكله دى تتحل وبأسرع وقت ومش لازم حد يعرف باللى قولتيه دلوقتى حتى مراد سمعانى حتى مراد}..وقفت تبتعد عنه وهى تهز رأسها بنفور{ لا لا ياعدنان مش هقدر انت مالكش ذنب تتحمل غلطة غيرك انا غلطة ولازم أتحملها لوحدى }....قاطعها بحزم وهو يضمها الى صدره بقوة وبداخله يشعر بالتمزق وكان روحه قد ماتت وقلبه تجمد يقل بوجع {لا يازينب ذنبى ولازم اصلحه....لازم أصلح غلطتى انى انا سبتك ومعرفتش احارب عشانك واخدك بالقوة انا كمان السبب يازينب كنت جبان وضعيف معرفتش أحافظ على حبى وقلبى إللي هما انتى يا زينب انتى}.....فى تلك اللحظة خرج مراد الى الحديقه الفندق ليبحث عنهما ليجد زيزو بين ذراعى عدنان ليتركهما سويا وهو يظن انه واخيرا اعترف عدنان بحبه لها...........▪▪قفز فارس بين أحضان والده يجلس فوق ساقه ليضمه هشام لصدره يقبله بحب { ابنى بقا شاب ووسيم }....ليغمز لرانيا الجالسه تنظر إلى تلك المشهد بحسرة وتتمنى فى نفسها لو كان فارس الآن  فى حضن أبيه الحقيقى{يظهر انى عجزت يا رونى }ليهتف مره اخرى يخرجها من شرودها  {رانيا سرحتى فى ايه حبييتى }....أحمرت رانيا وقالت بتوتر  { انا معاك اهو يا هشام فى ايه }...ابتسم بسخريه يهز راسه {ولا حاجه }...نظر فارس لهشام بتسال ثم قال بعبوس { بابا فين عمتو هى سفرت }....رد هشام ببساطه{حبييى عمتو مع عمو فهد فى بيتهم}....قوس فارس حاجبيه بغضب {انا مش بسال عن عمتو شروق انا بسال عن شمس }...انتفضت رانيا تصرخ على فارس بغل لينتفض الولد يتماسك بقميص والده  {ايه ده مش قولتلك أنسى شمس ديه عمتك بس اسمها شروق شروق فاهم }... تهجم وجه هشام ينظر لها بغضب يكز على أسنانه  {رانيا فى ايه براحه شويه هو مقلش حاجه غلط عشان كل النرفزه ديه }....ابتسم هشام يحضن وجه فارس بيديه  {حبيبى عمتك سفرت بعيد واحتمال كبير مترجعش دلوقتى }....تمتمت رانيا من بيت اسنانها بغيظ {يارب ماترجع ابدا}.....قبل هشام رأس ابنه يضمه لصدره بحنان  {يلا بابا روح نام عشان بكرا انا وانت هنقضى يوم مع بعض }.....أحاط فارس عنق هشام ينثر على وجهه القبلات  {انا بحبك جدا يا بابا }.....بعد أن غادر فارس وقف هشام يزفر بخشونه  {ايه يا رانيا ليه تصرخي فيه بشكل ده فارس صغير يا رانيا بلاش تملي رأسه بالحقد }....وضعت يدها بخصرها تلتفت اليه تقل بحنق  {يسلااااام انا إلى بملي رأسه بحقد وانت هه اسمع يا هشام كله من أبوك ده هو شغال قدام الولد شمس شمس تقدر تفهمنى هو فين طول النهار والليل ونغم هانم فوق يا هشام بيه فى حاجه بتتعمل من ورا ظهرنا}زفر هشام بعنف ثم وقف قائلا  {فى ايه مش فاهم ايه سبب حقدك على شمس بشكل ده اوعى تحاولى تقنعينى عشان امى انا وانتى عرفين كويس أنكم مكونتوش متفقين وبالنسبه للفلوس والميراث انا باخد حقى منها انتى بقا ايه سبب الكره الغريب ده اكيد فى حاجه انا مش عارفها}....تلبكت رانيا تشيح بيدها  {حاجه ايه بقا أن شاء الله طيب ما اختها مش بتحبها ولا انا بس اللى دايما فى الصوره }....مط هشام شفتيه باعتراض  {والله ماعارف حاجه انتى بقيتى غريبه جدا وبعدين مالك كل شويه بابا ونغم انتى عامله عليهم مراقبه }....ابتسمت بسخريه  {ولا مراقبه  لا حاجة انا بسال عن خروجهم الكتير }...ضرب هشام كفيه ببعضهم  {بابا دايما عند دكتور عزيز انتى عارفه انه صاحب بابا وبيحب يروح يقضى معاه الوقت ونغم معروف يعنى لما طارق بيسافر بتروح عند عمتى تقعد معاهم ايه الغريب بقا }.....اشاحت بوجهها بعيدا تقل بعدم اهتمام  {لو هتقضى اليوم بكرا مع فارس انا بقا عندى كام مشوار لازم اخلصهم}....التفت اليها يقل بحده وملامحه مكفره  {ايه حكايه الخروج الكتير اليومين دول }.....جلست بجانبه تضع رأسها فوق صدره بدلال تمرر اصابعها على صدره باغواء وهى تقبل زوايه فمه  { انت بتغير عليا ولا ايه }....التقط شفتيها يسحقهم بقبله شغوفه يسند جبهته فوق جبهتها  {طبعا بغير عليكى وبحبك واللى يفكر يبصلك بس اسحقه }.....ابتلعت ريقها بتوتر تعض على شفتيها {طيب يلا نقوم ننام الوقت اتاخر }....رمقها بنظره مبهمه ليشرد قليلا ثم سالها بقلق  {لو مت هتتجوزى بعدى}....شهقت بذعر من سؤاله الغريب خوفا أن يكون يشعر أو يشك بشيء }....لتهتف بذعر تدعى الاهتمام والخوف  {ايه الكلام ده يا هشام ليه بتقول كده حبيبى بعد الشر عنك ربنا يخليكى لينا }....وضع رأسه بين يده يسحب نفس عميقا يقل بحزن يخيم على صوته  {مفيش شر الموت بيجى أى وقت وانا خايف عليكى انتى وفارس لو جرالى حاجه وظهرت شمس مش عارف ممكن تعمل ايه وبابا يعمل ايه انتى عارفه هو ممكن يبعنا كلنا عشانها ماعدا شخص واحد }ليبتسم بخفه  {فارس بابا بيحبه جدا وبيخاف عليه وده مطمنى بس محديش يعرف لو شمس ظهرت هيحصل ايه }فرك وجه بقوه يقول بصوت مثقل  {انا أخدت قرار انا هتكتب كل حاجه املاكها بإسمك انتى وفارس وكده هبقى مرتاح }...عضت شفتيها بقوه تمنع نفسها من الضحك و السعاده التى انتابتها تردف بمكر يشع من عينيها  {ايه الكلام ده يا هشام متقلقنيش انت بخير}.....شحب وجه ليفتك الصداع مره اخرى برأسه يلوى شفتيه بعبث  { متخافيش  يارانيا انا بخير يلا ننام عشان حاسس بارهاق وعايز انام }...........▪▪خرجت مريم من القاعة تبحث عن كريم المختفى من وقت .وقفت بمنتصف بهو الاوتيل لتلمحه يجلس برفقه جلال فى زوايه الفندق منغمسان بالحديث وواضح انه حديث مهم بسبب تركيز كريم الشديد مع جلال حتى أنه لم ينتبه لوجودها وهى تقف أمامه.....قال كريم بصرامه  {اطمن يا عمى الموضوع ده لو حصل هيغير القضيه ويكون الحكم فى صالح شمس اكيد،،،سبنى أتصرف عشان مش عايز حد يعرف نهائى حتى يوسف الموضوع ده لازم يكون سر بينا }.....ربت جلال على كتفه بحزم يبتسم  {ربنا يباركلك يابنى ويحفظك انت ونعمه الصديق بجد}....ابتسم كريم بهدوء  يقل {حضرتك متعرفش يوسف عندى ايه وشمس بقت اخت ليا والأهم بقا انى اكتشفت أن حضرتك صديق بابا يبقى مش عايزنى اهتم }....غمغم جلال بالدعاء ليلمح بطرف عينيه مريم الواقفه على بعد خطوات منهم.....تنهد جلال يقف  {تمام يا بنى شوف الموضوع وانا معاك واى حاجه توصلها قولى }....وقف كريم مقابله  {أن شاء الله يا عمى ربنا هيسهل وهوصله على طول }....اقترب جلال يعانق كريم ليهمس بجانب اذنه  {عروستك وقفه هناك .هاا براحه يابنى خد الأمور براحه هى ملهاش ذنب فى اللى حصل }.....ليلتفت كريم ببط يرمقها بعبوس ليهز رأسه متفهما كلمات جلال {أن شاء الله يا عمى ربنا يسهل }جلست أمامه تهتف بغضب رقيق {ممكن أفهم مالك من ساعه ما بدا الفرح ومن قبلها مكلمتنيش ولا كلمة وكل ما تشوفنى بقرب تبعد عنى }....عقدت ذراعيها أمام صدرها تضيق عينيها المتالقه ببريق زمردى تقلب شفتيها كطفله  {ممكن أفهم مالك }....رفع حاجبه الأيمن بستنكار يلوى شفتيه  {يسلام مش عارفه مالى ولا بتستهبلى يا مريم }....فتحت فمها تشهق بحركة مثيره ارجفت قلبه وتصلب جسده بها ليتنحنح بخشونه  {اقفلى بقك ده ايه غلطت فى ايه }...زمجرته بدلال انثوى  {انا بستهبل يا حبيبى }....عقد حاجبيه بتسال  {حبيبك والله }....اقتربت منه تبتسم برقه ومقلتيها الزمرديه تتوهج ببريق خاطف تعدل ربطه عنقه وهى تهمس أمامه شفتيه باغراء  {اسفه حبيبى بس ديه ماما }....ابعدها عنه يتنفس بصعوبه يشعر بسخونه جسده وتصلبه من قربها الحميمى الذى افقده توزانه يقل بصعوبه  {تانى ماما تانى مش كفايه رفضتى حتى نقرأ الفاتحة وقولتي لا عشان ماما اسمعى يابت الناس انا مش بحب كده يا اه يا لا }....حولت امتصاص غضبه برقتها تهمس  {معلش يا كريم انت شايف اللى حصل كله وانا السبب فيه ماما بسببى سابت البيت و كم...}...صرخ فيها بغضب لتنتفض ترجع للخلف {وانا واللى امك قالته عليا والكلب الواطى ابن خالك كل ده وتقوليلى معلش اسمعى يا مريم قرارى وقوليلى وانا راضى بى أى قرار تاخديه }ليغادر مندفع من بهو الاوتيل وهى تركض  خلفه تهتف باسمه وقد بدأت دموعها تنساب على وجنتها بعد تأزم الموقف بهذا الشكل بينهم  {استنى يا  كريم أرجوك وبلاش تزعل خلينا نفكر بتفاهم}...زجرها بنظره غاضبه لم تتعودها منه {نتفاهم على ايه يا مريم على موقف مامتك منى ولا تهديدها المباشر ليا أنها ممكن تئذينى فى شغلى كله وانا شايفك سكته مفيش أى رد فعل منك }....قبض على كفها بشده يسالها  {لآخر مره يا مريم هسالك انتى عايزاني ولا لاء مامتك قدام الكل خيارتك ما بينى وما بينها }....مسحت دموعها ترتجف لتهمس متلبكه  {كريم انا عايزاك طبعا وبحبك بس ماما مريضة بالقلب وانا خايفه عليها تتعرض لاى ازمه بسببى عشان كده لازم افكر  اى خطوه مينفعش أعارض امي انا مش يوسف أو مراد انا بحب ماما وبخاف عليها  }....نفرت عروقه غضبا يصيح بصرخه امامها  { والدك موافق ومعانا ومراد اخوكى ويوسف طبعا من غير سؤال بس انتى اللي ضعيفه انتى اللى مش قادره تخرجى من سيطرت فريده هانم العزيزى انا اتهنت  بسببك واتهددت فى شغلى كله ده عشانك انتى وفى الاخر تقولى لازم افكر }.....شعرت بالحيرة فهى للان تقف فى موقف لا تحسد عليه تخاف على امها من ازمه صحيه تعرض حياتها للخطر وتخاف أن تفقد كريم للأبد....اغمضت عينيها تهمس {أرجوك يا كريم افهمنى وخليك مكانى انت شوفت اللى حصل قدامك ع الأقل بابا يرجع ماما البيت }....زم شفتيه لينطق بجديه وجمود  {عمرى ما هكون مكانك ابدا يامريم لأنك ضعيفه  وانا عمرى ماكنت ضعيف ابدا انتى اخترتى يبقى تتحملى نتيجه اختيارك وفى كل الأحوال مستنى قرارك وصدقينى مش هزعل منك او ألوم عليكى }....ليتركها ويدخل القاعة وتقف هى حائره بين قلبها وعقلها...........▪▪أوشك الفرح على الانتهاء وحان وقت تبديل الخواتم ليقف امامها يفوقها طولا عينيه مثبته عليها وحولهم تصدح موسيقى رومانسيه هادئه جعلتها تشعر باحساس لا يوصف بين القلق والسعادة وتلك النظرات الحنونه التى تراها بأعين من حولها كل منهم يتمنى لها السعاده والفرحه لترى اعين اخرى اصبحت وطن لها اعين تنظر اليها بعشق كبير دافئ وحب واحتواء حلمت بهما منذ نعومه اظافرها شئ خيالى كالفارس الاسطورى وحصانه الابيض وكان احلامها تتحقق انه حقا كالفارس...فارس وسيم رائع التقطها على حصانه واحتضنها الى صدره واحتواها بكل حب و حنان وامان رسم لها طريق السعاده توجها ملكه على عرش قلبه اسكنها داخل عيناه واغلق عليها شعرت معه ماهو الحب الحقيقى وماهى السعاده.....لكنها تشعر بالخوف من ان تتبدد سعادتها بلحظة ما خائفه ان تصطدم بواقع مرير ومكائد تنتظرها خائفه من شيء ما لا تعرف ما هو والا كانت اقتلعته من قلبها حتى تعيش حياتها الجديده بدون خوف....نعم فمازالت قضيتها والحكم فيها يشكل عائق مرير بحياتها ولكن وجود يوسف بجانبها كالحصن المنيع تشعر معه بأمان العالم وأنها دوما ستكون بخير وقريبا ستنتهي تلك الغمه وتنزاح ولكن خوفها الأكبر من شيء مخفي لا تعلمه يقبض قلبها ويؤلم فؤادها...خائفه ان تختفى تلك الابتسامه التى تنير قلبها قبل شفتيها وتعذبه قبل أن تعذب نفسها تنهدت تنفض رأسها من تلك الأفكار وتعيش تلك اللحظة بكل سعادتها لحظه تتوجها أمام الجميع زوجه له....اما يوسف فسعادته تغمر قلبه وتتلألأ بعينيه وفى ابتسامته المتالقه على شفتيه ارتجف جسده برعشه لذيذه حين تقترب منه فى خفقات قلبه القويه رغم انه يرى نظراتها الخائفه وذلك القلق الذى يعصف بين مقلتيها كالنيران التى تحرق قلبها لكنه اقسم ان يحميها وان يمحى دموعها وان يرسم السعادة دوما بعينيها.....بعد نقل الخواتم صفق الجميع وتعالت صيحات الفرح بالمباركات ليقترب منها بشده وقد تخللت يديه على خصرها وجذبها الى صدره اكثر هامسا بعذوبه اذابت قلبها و روحها............بحبك..... لتعبر لها عن فرحتها هى الاخرى ولكن بطريقتها وهى تتعلق بعنقه ودفن رأسها بين حناياها تعب روحها من عبقه الأنيق....ليرفع وجهها يداعب وجنتها بنعومه وشفتيه توشم شفتيها بقبله سريعه تطور لهيبه المشتعل من قربها........وقفت شمس ويوسف يستقبلون التهانى ويستعدو للمغادره لعش الزوجيه السعيد عانق جلال شمس يقبل جبهتها وسيف يعانق يوسف ويربت على ظهره وهو يقل بمرح  { ربنا معاك يا عريس  }...ليضحك يوسف  بسعاده { دعواتك يا دكتور }....لياتي طارق ويقبل شمس بحب يهتف ليوسف {مبروك يادكتور ربنا يسعدكم }.....شبت شمس على أطراف اصابعها تقبل طارق وهى سعيدة  {كانت احلى مفاجاه النهارده يا طارق ربنا ميحرمنى منك }.....ليفتح مراد باب السياره  {يلا بقا يا عريس عشان نوصلك }....ارتجفت شمس ويوسف يمسك يدها ويقول ببتسامه عريضه  {يلا حبيبتى }.....نظرت له بارتباك لتتسمر مكانها{ امال فين ملك }.....نظر يوسف حوله قائلا{لسه كانت فى أيدى حالا اكيد مع مريم }....هتفت شمس {لازم اشوفها قبل ما امشى }....لتاتى ملك متذمره مع كريم تهتف بحنق {يوثف انا العب }....انحنى يوسف أمامها يمسح فمها الصغير الملطخ بالشكولا وضمها لصدره يقبلها {مش قولتلك بلاش تجرى كتير بشكل ده شايفه وشك...اسمعى كلام دادى وانا هكلمك كل يوم اوك }...هزت رأسها تبتسم  {اوك امثى بقا يوثف عثان العب }....ضحك يوسف بخفه يضربها من الخلف....لتهتف شمس بشهقه قويه  {ملوكه مش قولتلى انك هتيجى معانا }....اندهش الجميع من شمس لتضحك نغم وهي تتكلم من بين اسنانها تهمس لها {تيجى معاكى فين ياشمس ازاى}....قال مراد بمزاح {تيجى معاكم ازاى بس ايه يا يوسف}....عبس يوسف ينظر لمراد ليكتم مراد وكريم ضحكاتهم وهنا يروا يوسف يشتعل من داخله....غمزت شمس لمريم بعينها تقل  {أصلها قالتلى أنها هتعيط عشان عايزاني وانا خايفه }...حرك يوسف رأسه بينهم ينظر بدهشه ثم مط شفتيه يقل  {حبيبتى بس ملك مش بتعيط ديه عايزه تلعب }...سالها يوسف بحنان {ملوكه انتى هتعيطى ولا انتى بنوته جميله}....نقلت الصغيره عينيها بينهم فى حيرة لتقل بعد تفكير طويل{لا هعيط عثان انا عايز ثموسه }....ضحكت شمس بستمتاع ترفع كتفها ليوسف....أما هو فقد جن جنونه وحاول أن يتماسك أمام الجميع ليمرر يده بشعره يترجى مريم بنظراته أن تنقذه من تلك المؤامره....اقتربت مريم من ملك تداعب وجنتها  {ملوكه مش قولتى هتيجى معايا عشان الصبح نروح الملاهي وندخل السينما }....رفعت ملك رأسها تنظر لشمس بحيره.....لتهز شمس رأسها بالا فتفهم عليها الصغيره وتتمسك بفستانها ترفع كتفها وتقل بحنق  {لاء انا عايز دادى وثموسه }...بعد محاولات فاشلة دامت أكثر من نصف ساعه استسلم يوسف للأمر الواقع وكانت ملك هى أول من تخطو داخل البيت وهى تمسك شنطة ورقيه كبيره ممتلئة بالحلويات التى اهداها الجميع اغرائا بها ولكن بدون فائدة....ليغلق يوسف باب الشقه يشتعل بحرقة وشمس وملك يتناولوا الشكولا بتلذذ أمامه..........إلى اللقاء مع الفصل السادس عشر......