رواية النصيب الفصل الرابع 4 - بقلم وحيدة كالقمر

البيت كله كان زغريت وطبل والكل كان بيجهز. البنات كلهم كانوا في أوضة واحدة بيجهزوا نفسهم، والعروسة جابت حد من جيرانهم بتشتغل في كوافير. ملك طلعت عند البنات علشان كانت تحت. ملك: أي يا بنات، عملتوا إيه؟ أوبا، أي الحلويات دي! نور: اتلمي يا ملك. سها: إنتي لسه ملابستيش؟ ملك: أنا هلبس بعد شوية. لو خلصتوا انزلوا علشان الصالة مليانة تحت وبيأكلوا، روحوا ساعدوهم. نور: طيب، يلا يا بنات، وإنتي البسي ومتتأخريش. ملك: حاضر.

بعد لما نزلوا: ملك: أي يا عروسة القمر ده! عبير: عقبالك يا ملك لما تكوني عروسة قمر زيك كده. ملك: لا يا روحي، أنا قمر من غير ما أبقى عروسة. عبير: ده ثقة بالنفس وغرور. ملك: الاتنين. 😂 عبير: 😂 عبير: بتكلم بجد، إنسي اللي حصل زمان وارجعي اثقي في الناس تاني. ملك بزعل: مش عارفة أثق في حد. اللي حصل خلاني خايفة أثق وتتكسر ثقتي تاني. عبير: جربي، مش كل الناس زي بعض. وبعدين فيه مثل بيقول صوابعك مش زي بعض.

ملك: سيبك من الموضوع ده، خليني أروح ألبس. عبير: اهربي زي كل مرة. ملك دخلت الأوضة ومسحت دموعها، وراحت لبست فستان وحطت مكياج خفيف والطرحة ونزلت. وبعد نص ساعة طلعت سما تجري. سما: يا بنات، يا بنات، العريس جاي! وقفت ملك وسما وسها قدام العروسة. كانوا بيطبلو ويغنوا. وراح العريس يجب العروسة من فوق. طلع لقيهم واقفين. استغرب. العريس: أي يا بنات، في إيه؟ سها: مفيش حاجة يا أخويا. سما: إنت عاوز حاجة؟ ملك: ولا بدور على حد.

آدم عارف هما عاوزين إيه. حط إيده في جيبه وعطى كل واحدة 100 جنيه. سما بصت لسها، وسها بصت لملك. ملك: هي دي اللي هتحركنا؟ زود! آدم: وخدوا كل واحدة فيكم 200 جنيه كمان. أهو. ملك ابتسمت للبنات وشورت تبعد. آدم: بسم الله ما شاء الله، قمر. عبير بصت بكسوف. ملك: احم احم، إحنا هنا. آدم: يلا يا حبيبتي، علشان دول هيخنقوني. ملك والبنات نزلوا قبليهم ووقفوا عند السلم. وأول لما شافوهم زغرتوا مع بعض.

العروسة قعدت مع النسوان، والعريس طلع عند الرجالة. عند النسوان، كانت سها بترقص وسحبت ملك ورقصوا. وخدوا العروسة ورقصوا. فضلت ترقص وتضحك لحد لما سما جات ووسوست في ودن ملك وطلعوا فوق هما الاتنين. ملك فتحت الشباك اللي بتشوف منه اللي في الصوان وقعدوا يتفرجوا على الرجالة وهما بيرقصوا. سما: رقصهم حلو أوي. ملك: دول بيقوموا مراد، ههه، مش هيعرف يرقص. سما: استني لما نشوف. مراد مسك العصاية ورقص على الصعيدي.

ملك كانت بتبص وهي مصدومة وكانت سرحانة. ملك في نفسها: شكله حلو أوي. سما ندهوا عليها، راحت نزلت وسابت ملك. مراد خلص رقص وقعد بيبص لفوق. لقي ملك في نفس الوقت اللي كانت بتبص عليه. هو بص، قفلت الشباك بسرعة وقلبه كان عمال يدق جامد. راحت نزلت وخلص الحناء وكل واحد راح ينام من التعب.