رواية النصيب الفصل التاسع 9 - بقلم وحيدة كالقمر

الجد: الوصية مكتوب فيها أن مراد هيتجوز ملك. الكل بصدمة: إيه؟ الجد: زي ما سمعتوا. مراد: بس يا جدي... الجد بمقاطعة: أنا قولت كلمتي، واللي محدش هياخد أي حاجة من الورث. مراد: يا جدي... مراد كان هيتكلم بس أبوه بص له فـ سكت. الجد: أنا هقول لكل اللي في البيت يجهزوا علشان الفرح بعد أسبوع. مراد بصدمة: أسبوع؟ الجد: يلا روحوا شوفوا هتعملوا إيه. الكل طلع من المندرة. منصور أبو مراد: مراد تعال معايا. دخل مراد وأبوه الأوضة.

مراد: بابا، أنت ليه خليتني أسكت؟ منصور: لازم تسكت وتوافق على أي حاجة يقولها جدك. مراد: أنا مش مجبر إني أعمل اللي أنت عاوزه. منصور: أنت مجبر علشان الورث. مراد: أنا مش محتاج الورث، الحمد لله معايا. منصور: أنت مش محتاجه، أنا محتاجه. مراد: خلاص، شوف لك حل. منصور: أنا عندي حل. مراد: بابا حبيبي، قول، خليني أخلص من المشكلة دي. منصور: بص، أنت هتتجوز ملك، وبعد لما ناخد الورث ابقى طلقها. مراد: إيه ده؟ بتقول إيه؟ مش هينفع.

منصور: ليه؟ مراد: علشان دي مش أخلاقي، واللي هتجوزها دي تكون بنت عمي، مش واحد من الشارع. منصور: طيب، اتجوزها، وممكن تحبها في يوم من الأيام، وكده مش هتطلقها وناخد الورث. مراد: طيب، لو محبتهاش هعمل إيه؟ منصور: ولا حاجة، لازم تسمع كلام جدك، علشان جدك محدش بيرفض له طلب. عند ملك في الأوضة. ملك قاعدة بتفتكر كلام جدها. ملك: إيه يا جدو، اللي حضرتك بتقوله ده؟ الجد: اسمعي يا ملك، لازم توافقي علشان ننقذ مراد من البنت دي.

ملك: في حلول كتير، اشمعنى اخترت إننا نتجوز؟ الجد: ده الحل الأحسن فيهم. ملك: إزاي؟ الجد: هفهمك. ملك رجعت من تفكيرها. ملك: ياربي، أعمل إيه؟ نور: مالك؟ ملك: أنتِ مش شايفة اللي بيحصل؟ الفرح بعد أسبوع. نور: حلو، هيكون عندنا فرح. ملك بصت لنور بعصبية: نورررر! نور: ماشي، بس خليكي عارفة إنه كل ده نصيب، وإن كل طير ياخد اللي يشبهه. ملك بابتسامة: طيب. تمر الأيام بسرعة، وييجي يوم كتب الكتاب. ملك: لا، لا، لا، مش هنزل.

سها: ملك، المأذون مستنيكي. نور: يلا يا ملك، ربنا يهديكي. ملك: لا، غيرت رأيي، مش هتجوز. أنا إيدي بتترعش من التوتر. نور: اهدي، ده طبيعي، يلا. ملك: لا، مش هقدر. سها: هنقول إيه لجدي؟ ملك افتكرت الكلام اللي جدها قاله لها، ونزلت. وتم كتب الكتاب، ونسمع جملة الشيخ الشهيرة: "بارك الله لكم وبارك عليكم وجمع بينكم في خير". والبيت اتملى زغريت وتهاني. وبعدين كل واحد راح على أوضته. وكل عادة، ملك بتجوع بليل وبتنزل تاكل.

ملك ومراد اتقابلوا عند المطبخ. ملك: أنا كنت رايحة أعمل سندوتش، أعملك معايا؟ مراد: ماشي. عملت ملك السندوتشات وقعدوا يأكلوا، وكانت ملك بتاكل بسرعة. مراد: أنتِ جعانة للدرجة دي؟ ملك: لا. مراد: بتاكلي بسرعة ليه؟ ملك: علشان أطلع قبل ما حد يشوفنا. مراد: إحنا مش بنعمل حاجة غلط، إحنا بناكل. ملك: مينفعش ناكل مع بعض أصلاً. مراد: أصلاً إحنا كتبنا الكتاب النهاردة، لو نسيتي. ملك: مش ناسيه، بس... تليفون مراد رن.