رواية النصيب الفصل الثاني 2 - بقلم وحيدة كالقمر

في البيت، الكل كان مشغول والستات كانوا في المطبخ بيجهزوا الأكل. الجد: انتي يا بت جهزتوا ولا لسه؟ سما: أيوه يا جدي، خلاص خلصنا أهو. الجد: قوليلهم يخلصوا عشان قربوا يوصلوا، خلص. سما: حاضر يا جدي. سما راحت المطبخ. سما: جدي بيقولكم يلا بسرعة، قربوا يوصلوا. فتحي: خلاص يا بتي، خمس دقايق ونخلص. سما: ماشي، أنا رايحة أشوف البنات فين. سما طلعت فوق عند أختها ودخلت الأوضة، ولقيتها قدام المرايا، جت من جنبه وهي سرحانة. سما: بخ!

سها: الله يخربيتك، زوعتيني. سما: مش بتعملي معاهم تحت لي؟ أنا وعبير مدعوقين تحت، ولا انتي قاعدة هانم هنا؟ سها: انتي مالك؟ وبعدين ملك ونور مش هنا. سما: ملك قربت تيجي من الكلية، وعلى فكرة هما قربوا يجوا. سها: ماشي، روحي انتي وأنا هاجي وراكي. سما: لما أشوف. نزلت سما وراحت تشوف عبير، لقيته بتظبط السفرة. سما: بيرو، خلصتي ولا لسه؟ عبير: أيوه، خلاص خلصت. جات نور من الكلية.

نعرفكم على نور، عندها 21 سنة، في كلية تمريض سنة تالتة، منتقبة ومتدينة جداً. نور: السلام عليكم ورحمة الله وبركاته. الجد والجده: وعليكم السلام ورحمة الله وبركاته. الجده: إيه يا بتي جيتي بدري النهاردة؟ نور: خلصنا بدري النهاردة، أنا هطلع أغير هدومي. الجده: ماشي يا بتي. سما سمعت صوت عربية وطلعت ترمح، وبصت لقيتهم وصلوا. سما: جدي جدي، وصلوا. طلع الجد وأولاده علشان يستقبلوهم. الجد: يا أهلاً وسهلاً يا ولدي.

منصور: أهلاً بيك يا أبوي. وحضنوا بعض. الجد: إزيك يا جهاد يا بتي؟ جهاد: الحمد لله يا عمي، حضرتك عامل إيه؟ الجد: بخير الحمد لله يا بتي. وسلم على الشباب، وسلموا على عمامهم ودخلوا سلموا على الباقي وقعدوا. الجد: تعال يا مراد يا ولدي، أعرفك أنت وسليم على عمامكم ومراتاتهم وولاد عمكم. مراد: حاضر يا جدي. قعدوا مراد وسليم جنب جدهم.

الجد: عمكم الكبير مسافر، ودي مراته زينب وعيالهم، أدهم مسافر، ونور، هي مش بتسلم، وملك وياسين ويوسف. مراد: أمم. الجد: ده عمكم التاني خالد، ودي مراته فتحي، وعياله سها وسما وآدم. سليم: أمم. الجد: ده عمكم التالت مصطفى، ودي مراته إسراء، وعياله عبير وإسلام، وأبوكم، وبعديه عماتكم، هم متجوزين ومسافرين. جهزوا السفرة وخلصوا. الجد: يلا يا ولدي، الأكل جاهز. مراد: دقيقة يا جدي، هعمل مكالمة شغل وجاي. الجد: ماشي يا ولدي.

مراد طلع بره علشان يتكلم. زينب: نور، رني على أختك شوفي اتأخرت ليه. نور: حاضر يا ماما. مراد كان واقف بيتكلم. ملك تليفونه رن، كانت بتطلع التليفون وهي ماشية، راحت خبطت في واحد. ملك: إنت مش شايف قدامك ولا إيه؟ بص قدامك يا جدع انت. -: إنتي اللي خبطيني وكمان بتتكلمي؟ ملك: أنا معنديش وقت أضيعه معاك، ولا كنت هتعرف هعمل فيك إيه. وسابته وجريت. -: مجنونة دي ولا إيه؟ ملك: السلام عليكم.

الجد: وعليكم السلام ورحمة الله وبركاته، اتأخرتي ليه؟ ملك: المواصلات صعبة أوي. الجد: تعالي اتعرفي على عمك ومراته. ملك سلمت على عمه ومراته وعلى سليم. مراد دخل. الجد: تعال يا مراد، سلم على ملك. ملك بصت واتصدمت.