رواية النصيب الفصل الثلاثون 30 - بقلم وحيدة كالقمر

ملك بتعب: اه اه يا مراد مش قادره بطني بتوجعني. مراد بخوف شال ملك وراحوا ركبوا العربية. وصلوا عند الدكتورة اللي بتتابع عنده. الدكتورة أسراء بعد لما كشفت لها: مفيش حاجة تخوف. ملك بخوف: البيبي كويس؟ الدكتورة أسراء: البيبي كويس جدا. مراد: وملكة مفيش أي مشكلة من الحمل؟ الدكتورة أسراء: البيبي كويس وملكة كويسة، بس لازم تبعد عن التوتر وترتاح لمدة أسبوع، متتحركش كتير. مراد بارتياح: طبعًا لازم ترتاح.

طلعوا من عند الدكتورة ومراد ماسك ملك وبيمشيها براحة وفتح لها باب العربية وقعدت. مراد: ملك، انتي مرتاحة كده؟ ملك بابتسامة: مرتاحة... يلا. وصلوا البيت ومراد نزل بسرعة عشان يسند ملك. ملك: أنا كويسة وقادرة أمشي لوحدي. مراد: انتي الأسبوع ده هترتاحي فيه وهتسمعي كلامي ومش عاوز اعتراض. ملك بصت له وابتسمت ودخلوا البيت. الكل كان قاعد، وأول لما شافوا مراد ساند ملك قاموا. أم ملك بخوف: مالك يا بتي، فيكي إيه؟

ملك: مفيش يا ماما، أنا كويسة. مراد: تعبت شوية ورحنا عند الدكتورة وقالت إن لازم ترتاح. أم ملك: الحمد لله... اطلعي ارتاحي وأنا هبعتلك الأكل مع واحدة من البنات. ملك بابتسامة: حاضر يا ماما. طلعت فوق ومراد معاها. دخلوا الأوضة وملك كانت داخلة الحمام تغير. مراد: أجي أساعدك؟ ملك: مش لدرجادي... ودخلت. بعد عشر دقايق طلعت ملك من الحمام والباب خبط. فتح مراد وكانت سها جايبة الأكل. ملك بهزار: العروسة مرة واحدة هي اللي جايبة الأكل؟

سها بهزار: شفتي بيشغلوني قبل الفرح. ملك بابتسامة: معلشي يا حبيبتي تعبناكي معانا. سها بابتسامة: تعبك راحة... هنزل أشوفهم. مراد خد الأكل وحطه على الترابيزة. سها نزلت وملك قعدت ومراد كان بياكلها. بعد ربع ساعة. ملك: كفاية، أنا شبعت. مراد: انتي مأكلتيش كويس. ملك: شبعت واللهي. تحت في المندرة. الجد: يا ولدي ليه الاستعجال؟

إسلام: يا جدي ده مش استعجال، ده علشان الكل عنده مشاغل وإحنا كده معطلينهم، وأنا بقول خلي الفرح بعد أربع أيام. الجد: خلص يا ولدي، مش هقف في طريقك، اعمل اللي عاوزة وأنا معاك. قام إسلام وباس على إيد جده وقال: ربنا يخليك لينا يا جدي. تاني يوم كانوا بدأوا تجهيزات والكل مشغول، ومراد بيهتم بملكة. اليوم كان عبارة عن تجهيزات الفرح وخلص اليوم. البنات قرروا أن كل البنات يناموا في أوضة والشباب يناموا في أوضة.

مراد وهو واقف قدام باب الأوضة بتاعت البنات وبيكلمهم: الأوضة مش هتكفيكم. سما: هنفرش على الأرض وننام. مراد: وليه؟ ما كل واحد ينام في أوضة. سها: لا، ده طلبي، هننام البنات هنا والشباب هناك في التلت أيام دول. مراد: كمان تلت أيام؟ سما: أيوه. مراد: طيب، ملك هتنام فين؟ سما بهزار: هانيمه على الأرض. مراد بصدمة: إيه؟ لا، ملك تعالي ننام في أوضتنا. البنات ضحكوا على مراد.

ملك بابتسامة بتتكلم بهدوء: متخافش، هنام على السرير، روح أنت نام. مراد: لو تعبتي هتعملي إيه؟ ملك بابتسامة: البنات كلهم معايا، متخافش، يلا. مراد وهو ماشي: ملك أمانة عندكم. آدم وهو بيسحب مراد: وعبير أمانة عندكم. سما بضحك: متخافوش، الأمانة في أيادي أمينة. دخلوا البنات الأوضة. اتكلمت نور: بصوا هنا، فيه سريرين، واحد هيناموا عليه الحوامل. كملت سما: اللي هما ملك وعبير. اتكلمت نور: أيوه، وواحد هيناموا عليه سها وسوسن.

وأنا وسما هننام على الأرض. كملت سما: وهما يناموا على السرير ليه واحنا ننام على الأرض؟ نور: علشان سها العروسة، وعلشان سوسن بنت خالتي (نسيت أقولكم يا جماعة أن سوسن تبقى بنت خالة ملك وصديقته المقربة) سما: مليش دعوة، أنا عاوزة أنام على السرير. سها: تعالي يا أختي نامي على السرير، أنا هنام على الأرض. ملك: العروسة هتنيموه على الأرض؟ سها: عادي مش مشكلة، أنا بحب الأرض. نور: ماشي، كده تمام، الكل مرتاح. كلهم: تمام، تمام.

نور: يلا ناموا، بكرة ورانا حاجات كتير، تصبحوا على خير. كلهم: وإنتي من أهل الخير. عند الشباب. مراد: أنا مش هنام على الأرض. آدم: خلاص، مراد وسليم على سرير. إسلام: وأنا وآدم وأدهم على سرير. أدهم بضحك: السرير مش هيكفي. إسلام: خلاص، هنام في الأرض. وناموا. عند البنات سمعت ملك حد بيخبط على الشباك. وفجأة.