رواية الصعيدي و العنيدة الفصل السابع 7 - بقلم حبيبة احمد عطيه

ياسين: مهند أنا اتجوزت. مهند بصدمة: نعم! إزاي ده يحصل؟ ياسين قص له ما حدث. مهند بغضب: أنت هتفتح على نفسك بحر دم يا ياسين، أنت مجنون! ياسين: أهو اللي حصل. مهند: كان لازم تكون شهم، ما كنت سبتها تشتغل وتديها قرشين وخلاص. ياسين: لا يا مهند، أنا مش عارف، أول ما شفتها وأنا مش عارف إيه اللي جرالي. مهند: يا دي النيلة، حبيتها يعني! ياسين بأسف: جايز. مهند: وهتعمل إيه في المصايب اللي جايه دي؟ ياسين: سيبها على ربنا.

مهند: ونعم بالله، بس أنا خايف عليك يا ياسين. ياسين: محدش هياخد غير نصيبه، خلينا نركز دلوقتي في الشغل. عند روح. روح: بقولك إيه، أنا خلاص جهزت الفلوس، خدتها من بابي، خلاص مش هتتجوزي ولا هتتباعي. قمر: احم، أنا اتجوزت. روح بصدمة: إزاي! إزاي أبوكي يعمل كدا، إزاي؟ قمر: اهدي يا روح، أنا اتجوزت حد تاني خالص. روح: أنا مش فاهمة حاجة. قمر: هفهمك. وقصت عليها ما حدث. روح: طيب الحمد لله يا حبيبتي، كنت خايفة عليكي أوي.

قمر: ربنا يديمك ليا يا رب يا روحي، هقفل أنا بقا عشان أروح أصلي. روح: ادعيلي معاكي يا قمر. قمر: حاضر، بس لازم تقربي من ربنا عشان الدعوة تستجاب. روح: حاضر يا حبيبتي. روح: ياربي، نسيت أسألها اسم العريس إيه، يلا هبقى أسألها تاني. ودخلت خدت شاور ولبست ونزلت. روح: صباح الخير يا بابي. محمد: صباح النور يا حبيبت بابي. روح: بابي، أنا عايزة أشتغل، أنت وعدتني بكده. محمد: حاضر، بس مش في شركتي.

روح: يعني يبقى عندنا شركة وأروح اشتغل برا؟ محمد: منا مش همشي السكرتيرة اللي بقالها معايا سنين وعارفة كل حاجة عن الشغل وأجيبك أنتِ يعني. روح: مليش دعوة، شوفلي شغل دلوقتي. محمد: أنا سمعت إن شركة مهند عايزين سكرتيرة، روحي اديهم السي دي بتاعك. روح: هجيبوا من المكتب... أهو جبت. محمد: روحي النهارده إن شاء الله هتلحقي. روح بابتسامة: إن شاء الله يا بابي. محمد: بالتوفيق يا حبيبتي. محمد: احم، روح. روح: نعم.

محمد: في الشغل مفهوش عناد. روح: هروح بعند، هنشوف موضوع العناد والشغل ده، وبعدين أنا مش عنيدة خالص. محمد بضحك: خالص. روح بغيظ: ماشي يا بابي. محمد: باي. في الشركة. ياسين: النهارده في بنات جاية عشان شغل السكرتيرة، شوف هتختار مين. مهند: أنا في الكتب، خليهم يدخلوا. ياسين: ماشي. بنت: أذيك حضرتك يا مهند بيه؟ مهند: الحمد لله، السي دي بتاعك لو سمحت. البنت: اتفضل. مهند: طيب، هنبقى نكلمك. البنت بقرف: طيب.

بنت تانية: السلام عليكم. مهند: وعليكم السلام، السي دي بتاعك لو سمحت. مهند: مش كامل ليه، آسف. البنت: منا مش مكملاه عشان جايه غصب عني، شكراً جدا ليك. ومشت. مهند بضحك: مجنونة دي ولا إيه! ياسين: شكلها كده. تالت بنت: هاي. انصدم ياسين ومهند. مهند باستغراب: روح. روح: ممكن أدخل؟ مهند: اتفضلي. مهند: في حاجة ولا إيه؟ روح: مش هتسأل على السي دي؟ مهند باستغراب: أنتِ عايزة تشتغلي؟

روح: أيوه، وكنت هشتغل في شركة بابي، بس هو قالي إن السكرتيرة بقالها معاه سنين وعارفة كل حاجة، وأنا مش هعرف. يرضيك يا ياسين بيه؟ ياسين بضحك: لا ميرضنيش. مهند كتم ضحكته. مهند بجدية: طيب هاتي السي دي بتاعك. مهند: يا خسارة، وراقك مظبوط. روح: وهو حضرتك مكنتش عايزني؟ مهند بخبث: لا عايزك طبعاً. روح بتوتر: احم، طيب عايزة أعرف هبدأ إزاي؟

مهند بضحك: مكتبك هيكون برا، هتكوني مسؤلة عن جميع مواعيد الاجتماعات بتاعتي، وهتكوني مسؤلة عن أوراق الصفقات، وهتحضري الحفلات أكيد، وبالنسبة لمواعيد الأكل هتكوني مسؤلة فيها بردو، وطبعاً المشروبات زي النسكافيه، الشاي، القهوة، وهكذا. بس كده. روح: مش عايز عيال بالمرة، ده ناقص شقة وأكون مراتك، أنت مش بتعرف تاكل لوحدك ولا تشرب لوحدك.

مهند: أنا قولت ده مش هتنفع معايا، أنا قولت لسانها وعنادها هيودوها في داهية، خلاص براحتك متشتغليش. ياسين بخبث: السكرتيرة اللي عند محمد بيه أكيد أشطر منك وبتعمل الحاجات دي، فكري كويس. روح: .............