رواية السر الفصل التاسع 9 - بقلم نو برينسيس

في الوقت ده أشرقت بتدخل الأوضة ولسه رايحة تخنق تالين بالمخدة. تالين بتفتح عينيها. تالين: انتي مين؟ أشرقت بتقف مصدومة: انتي مش فاكراني؟ تالين: هو انتي تعرفيني؟ بعدين انتي ماسكة مخدة في إيدك ليه؟ أشرقت: انتي مش فاكرة أي حاجة. تالين بدموع: اتجوزني غصب عني. أشرقت: هو مين؟ تالين: عمر فؤاد خطفني من ليلة جوازي من نادر اللي كان هيبقي جوزي. أشرقت بتعرف إن تالين مش فاكرة غير حياتها اللي بعد الحادثة.

أشرقت: واللي يطلعك من جحيم عمر؟ تالين: بجد انتي ممكن تساعديني؟ أشرقت: طبعاً طبعاً. تالين: اتفقنا. أشرقت بتطلع برة الأوضة وهي بتخرج من هنا وعمر وأحمد بيدخلوا من هنا. عمر وهو بيجري على تالين: انتي كويسة؟ لسه هياخدها في حضنه بيبعدها. تالين: انت عايز مني إيه تاني؟ اتجوزتني بالعافية وخلتني أشتغل عندك برضه بالعافية، انت عايز إيه مني! ابعد عني بقى. عمر بينادي الدكتور. الدكتور: للأسف تالين فقدت ذاكرة الماضي للأبد. عمر

بحزن وبيحاول يمسك أعصابه: مش مهم، المهم إن تالين بخير. هو ممكن تستعيد الذاكرة في يوم من الأيام؟ الدكتور: بس ده هيبقي غلط عليها جداً، ممكن ترجع الذاكرة ليها بس تتعرض لصدمة قوية جداً. ومخبّيش عليك، محدش اتعرض للصدمة دي قبل كده إلا ودخل في غيبوبة وتعب. عمر: أنا مش عايز حاجة، أنا عايزها هي وبس. الدكتور بيسيب عمر وبيمشي. أحمد: عمر، اهدي. الوقت ده تالين محتاجانا. أنا خايف تروح لنادر. عمر: أنا موجود ومش هسمح له يقرب ليها.

في الوقت ده. أشرقت: هنروح لنادر. سامح: نادر تاني؟ مش نادر ده اللي باعنا بعد ما وصلنا للي هو فيه؟ انتي عايزانا نبيع عمر تاني؟ أديكي شفتي اللي مش مع عمر ديماً خسران. أشرقت: بس المرة دي مش هنخسر، صدقيني. سامح: اشمعنى؟ أشرقت: معايا الورقة الرابحة اللي هتطلعنا من أي مشكلة في ثواني. سامح: انتي قصدك إيه؟ أشرقت: هتعرف كل حاجة أول ما نوصل هناك. في شركة نادر. نادر: خير؟ إيه اللي جابكم عندي تاني؟

أشرقت: اهدي على نفسك شوية، مصلحتك معانا. نادر: انتوا! وبيروح ضاحك ولسه هيمشي. أشرقت: العرض اللي بعد أسبوع، تحب تالين هي اللي تبقي الوجه الأساسي لشركتك؟ نادر بيقف وبيرجع تاني: انتي بتقولي إيه؟ أشرقت: تالين، ادخلي. تالين بتدخل ونادر بيجري عليها وبيحضنها. نادر: حبيبتي، انتي كويسة؟ تالين: أنا آسفة، مقدرتش أمنعه. نادر: اهدي حبيبتي، المهم دلوقتي إنك معايا. أشرقت: مش قولتلك هطلعك من جحيم عمر، بس لسه فاضل حاجة صغيرة.

تالين: إيه؟ أشرقت: إحنا كلنا هنتقم من عمر. تالين: مش فاهمة إزاي. نادر: يوم الافتتاح للعرض العالمي لشركة عمر فؤاد، وفي نفس الوقت افتتاحي أنا كمان. تالين: وبعدين؟ نادر: انتي مش هتبقي في العرض عنده، انتي هتبقي عندي أنا والوجه الإعلاني. تالين: بس العقد اللي بيني وبينه! نادر: متقلقيش، بمجرد ما تكوني وجه إعلاني عندي، عمر هيخسر كل حاجة وهيرجع للسفر من تاني. تالين: للسفر من تاني؟ هو حصل ده قبل كده؟

نادر بيحكي لتالين كل حاجة عملها في عمر. على إن عمر هو اللي عمله كل ده فيه وبيكدبوا عليها. تالين: أنا معاك يا نادر، معاك وهندمر عمر أنا وانت. في فجر نفس اليوم. ندي بتتمشى على البحر بتبكي. وفجأة في إيد بتتحط عليها. ندي: انت؟ سامح: إيه؟ كنتي فاكراني الأعمى بتاعك؟ ندي: قصدك إيه؟ سامح: باين أوي إنك معجبة بيه. أنا بس نفسي أفهم، عجبك فيه إيه؟ إيه اللي نقصني عشان تسبيني وتفكري في واحد أعمى؟

سامح بيحاول يمسك إيد ندي وبيقرب منها. ندي: انت بتعمل إيه؟ سامح: ندي، صدقيني أنا بحبك، انتي لو طلبتي أي حاجة مني أنا مستعد أعملها. سامح بيقرب أكتر من ندي ولسه بيحاول يبوسها. ندي بتضربه بالقلم على وشه.