رواية الثلاثي المرح الفصل الأول 1 - بقلم مريم وحيد

أخيرًا السنة خلصت. دي كانت سنة ما يعلم بها إلا ربنا. معاكي حق. طب هناكل إيه؟ هو في غير الكريب يلمنا. لا، عايزين نغير. ناكل شورما. لا، قصدي نعمل حاجة قبل ما ناكل. إيدي على كتفك يا أختي. بصوا، إيه رأيكوا نأجر عجل؟ واحدة منكم بتعرف تسوق عجل أساسًا. لا. طب، على بركة الله. يلا بينا. طب، عقبال ما يجيبوا العجل، نتعرف عليهم. "ليال" و "خديجة" و "حبيبة" تلاتة صحاب في كلية فنون جميلة.

"ليال": 20 سنة، محجبة، بشرتها قمحي وعينيها سود وشعرها أسود. "خديجة": 20 سنة، محجبة برضه، بشرتها خمري (أغمق من القمحي بشوية) ، عينيها عسلي، شعرها بني. "حبيبة": 20 سنة، محجبة برضه، بشرتها بيضاء، عينيها ملونة، شعرها أسود. التلاتة صحاب من زمان وجيران، ساكنين في نفس الشارع. نرجع نشوف عملوا إيه. حبيبة: الله يخربيت أفكارك يا ديجا. خديجة: إيه أنا ومالي يا لمبي. حبيبة: فكرتك ولا فكرة أمي. عااااااخ. خديجة: 😂😂😂

حبيبة: قاعدة بتضحكي بدل ما تقومي. خديجة: طب، إيدك. عااااا. حبيبة: (شدت خديجة ووقعتها جنبها) ليال: 😂😂😂 عايزين تتصوروا. الاثنين: طب تعالي بقا. (وشدوها وقعت جنبهم) ليال: الله يخربيتكم، ضهري. خديجة: في إيه يا ليلو؟ ما أنا واقعة زيك. ليال: طب قومي يا أختي عشان الوقت، فاضل في نص ساعة. حبيبة: طب يلا. قاموا وكملوا لف بالعجل ورجعوا. حبيبة: ليلو، ديجا. ليال وخديجة: إيه.

حبيبة: ماما بعتتلي إن هي وبابا هيسافروا بكرة إسكندرية أسبوع، والبيت هيبقى فاضي. تيجوا تباتوا معايا. الاثنين في نفس الوقت: طبعًا. حبيبة: أشطا. وكل واحدة روحت ونامت. الساعة 12 بليل. ليال فتحت الجروب اللي بيتكلموا فيه، لقت خديجة وحبيبة بيتخانقوا مين اللي هيعمل الأكل ومين اللي هيروق لما يباتوا مع بعض. ليال: اخرجو نقف نتكلم في البلكونة عشان نبقى شايفين بعض، بس ونبي بلاش خناقة المشابك. حبيبة: أشطا. خديجة: خلصانة.

خرجوا وقعدوا في البلكونة. أصل خديجة ساكنة في الشقة اللي جنب ليال في البلكونة، جنب البلكونة، وحبيبة في العمارة اللي قدامهم. ليال: إيه ده؟ هو الشقة اللي جنبك يابيبو سكنت إمتى؟ حبيبة: النهاردة الصبح. خديجة: ومين اللي سكن؟ حبيبة: ده إلياس جارنا القديم اللي كنا بنلعب معاه زمان. رجع من إيطاليا، واتنين صحابه كانوا مسافرين معاه ورجعوا النهارده. وأمي قالتلي إن من الصبح أم عبير وأم رشا وأم أماني عاملين يبعتوا أطباق أكل ليهم.

خديجة: عشان بناتهم أكيد. ليال: هي محتاجة تفكير، بس إنتي عرفتي كل ده إزاي يابيبو وإنتي جيتي نمتي؟ حبيبة: أمي ساعة الغدا فضلت تحكيلي وكلت دماغي. خديجة: طنط دي فظيعة، بتعرف تجيب المعلومة من تحت الأرض. ليال: معاكي حق. حبيبة: طب سلام يابنات، أنا هروح أنام عشان بكرة أبقى فايقة. تصبحوا على خير. خديجة وليال: تصبحي على خير. (قفلوا الواتس وناموا) (الصبح ليال وخديجة قالوا لأهلهم إنهم هيباتوا عند حبيبة ووافقوا وراحوا عند حبيبة)

ليال: بيبو، ديجا. يلا ننزل نجيب الأكل. خديجة وحبيبة: يلا. (قاموا وجهزوا ونزلوا وجابوا الحاجة، وأول ما طلعوا لقوا عبير بتخبط على باب شقة الشباب) وفي شاب فتح. الشاب: في إيه؟ عبير بسهوكة: ماما كانت عايزة الأطباق. الشاب: تمام. (ودخل جاب الأطباق) عبير بنفس السهوكة: شكرًا. ليال: هرجع. يخربيت التلزيق. عبير سمعتها: وانتي مالك بقي يا شبه أنثى. ليال: على الأقل أحسن منك يا أنثى القرد. عبير: يرضيك يا أستاذ تهزقني كده.

الشاب: أنا مليش دعوة، اتفضلي الأطباق. (وقفل الباب ودخل) ليال: تصدق الواد جدع. عبير بصت لها بغيظ وطلعت. خديجة: مينفعش تلمي لسانك ده شوية. حبيبة: 😂😂😂 تموت لو سكتت. ليال: اتنيلوا، ادخلوا.