رواية الثلاثي المرح الفصل الرابع 4 - بقلم مريم وحيد

إلياس: في إيه؟ البنات: في فار في الشقة. الشباب: نعم؟ هو كل الصوت ده عشان فار؟ عدي: ده فار يعني مش هيبلعكم. خديجة: ما يخصكش. وبعدين عااااا اهو اهو. وطلعت تجري و وقفت على الكنبة وليال وحبيبة وراها. الشباب: عدي: حد يحدف عليه حاجة عشان يبطل صويت. هادي: هات شلبي يخرجه. عدي: لا شلبي لا. وفجأة سمع نوءنوء. بص وراه لقي شلبي خرج. عدي دخل جري وقف جمب البنات على الكنبة. الكل: عدي: ابعد يا عم القط بتاعك ده عني. إلياس: ليه؟

ده حتى شلبي بيحبك. خديجة: ده قط يعني مش هيبلعك. عدي: يا عم اخلص، خلي يخرج الفار عشان نخلص. شلبي: نوء. (خرج الفار وكل واحد دخل شقته) خديجة: تفتكروا كان لازم نشكرهم؟ ليال: لأ عادي. حبيبة: ما افتكرش. خديجة: بس شكلهم قمر أوي. حبيبة: الصراحة اه. ليال: بس اللي خاف من القط ده فصلني. خديجة: ما هو ده اللي وقع على السلم الصبح. حبيبة: أهبل أوي. خديجة: بس كيوت. حبيبة: واللهِ أنتِ اللي كيوت. ليال: طب نامو كفاية رغي. (بعد شوية)

ليال: اوففف بيبو ديجا انتو نمتو. (لا رد) ليال: هما نامو وأنا قاعدة. خرجت قعدت في البلكونة و لقت هادي قاعد في البلكونة بردو بس كان قاعد بيقرأ كتاب. ليال: احم. شكراً. هادي: العفو. هو انتِ اسمك إيه؟ ليال: ليال. وانت؟ هادي: هادي. ليال: هو انت كنت بتقرا إيه؟ هادي: حكايات فرغلي المستكاوي. ليال: هو المفروض كتاب رعب بس هو ضحك. هادي: انتِ قرأتي الكتاب ده؟ ليال: خمس مرات وكل مرة بفطس ضحك.

هادي: لأ بس أنا بقى معاديكي، أنا قرأته سبع مرات. ليال: يعني بتحب القراءة؟ هادي: جداً. وانتِ؟ ليال: بعشقه مش بس بحبها. هادي: إيه أكتر كاتب بتحبي؟ ليال: عمرو عبد الحميد وحسن الجندي وحنان لاشين. وانت؟ هادي: وأنا بردو بحبهم. (وفضلوا يتكلموا لحد الفجر ما أذن) ليال: ينهار أبيض! إحنا فضلنا نتكلم لحد الفجر. طب تصبحي بقى على خير. هادي: تصبحي على خير.