رواية الثلاثي المرح الفصل التاسع 9 - بقلم مريم وحيد

عدي: أي مالك يبني ومتبهدل كده ليه؟ إلياس: مالك عامل زي الفار المبلول كده ليه؟ عدي: يعم مالك في إيه؟ إيه ده اللي على هدومك؟ هادي: اتهدوا بقى استنوا آخد نفسي وأحكي. بعد ما أخد نفسه حكى لهم كل اللي حصل. عدي: هههههههه! إلياس: هههههههه! عاملة زي الساحرة الشريرة، مش للدرجة دي يعني. هادي: مش للدرجة دي، دي أنيل. عدي: بس يا عم، مين بيتصل؟ هادي: مين؟ عدي: خديجة.

هادي: بص يا زفت، أوعى تقول لها على حاجة عشان هتقول لليال. قول لها إن العروسة قمر وأنا رفضتها، وكده يعني، وعظّم فيا. عدي رد على الفون. عدي: ألو. خديجة: ألو، عامل إيه؟ عدي: الحمد لله، وأنتِ؟ خديجة: الحمد لله. هو هادي عمل إيه مع العروسة الملبوسة؟ عدي: ولا حاجة، هو كان رافض أصلًا، بس راح عشان أبوه. بس العروسة طلعت مزة. خديجة: واللهِ؟ إزاي يعني؟ عدي: يعني كانت زي القمر. خديجة: ما دام زي القمر، صاحبك رفضها ليه؟

ولا كنت تروح تتقدم لها أنت؟ عدي: لا، ما هي مش ذوقه. وبعدين أنا مالي، وأساسًا صاحبي لما يجي ينقي عروسة مش هتبقى أي واحدة. خديجة: ليه يعني؟ فاكر نفسه مين؟ بص، سلام. عدي: سلام. وقفل. إلياس: هههههههه! يا أخي، هو يقول الساحرة الشريرة وأنت تقول زي القمرة. هادي: بصوا، هنرجع بكرة يجيبوا لي عروسة تانية. عدي: آه، وتبقى المرة دي بتتحول لضفدع؟ هادي: اخرس واتخمد. في الوقت ده، عند البنات كانوا قاعدين عند حبيبة.

خديجة: بيقول زي القمر. ليال: أمال رفضها ليه؟ خديجة: بيقول مش ذوقه. ليال: وقال إيه تاني؟ خديجة: عمال يطبّل لصاحبه إنه مش هيتجوز أي واحدة، وكده. ليال: ليه يعني؟ فاكر نفسه مين؟ خديجة: يا بنتي، هما الأولاد كده، يقعدوا يعظّموا في بعض وهم أصلًا كحيانين. ليال: معاكي حق. حبيبة: طب إيه رأيك نتسلّى عليهم شوية؟ ليال: إزاي؟ حبيبة: مش هما كانوا ادوني مفتاح الشقة عشان آخد بالي من شلبي عشان سابوه؟ خديجة: آه.

حبيبة: إيه رأيكم ندخل نعمل شوية تظبيط في الشقة؟ ليال: يلا بينا. ودخلوا الشقة. ليال: ها، هنعمل إيه؟ حبيبة: معرفش. ليال: طب أنتِ؟ خديجة: ولا أعرف. ليال: جايبة معايا شوية بهايم. حبيبة: استني، جات لي فكرة. ليال: إيه؟ حبيبة: *****