رواية الثلاثي المرح الفصل الثاني عشر 12 - بقلم مريم وحيد

بعدين كل واحد دخل الأوضة بتاعته، وإلياس خلع التيشيرت وفتح الدولاب عشان يغير، لقى إن كل الهدوم مقطعة. خرج من الأوضة لقى عدي وهادي في وشه. هادي: متقولش هدومك انت كمان مقطعة صح؟ إلياس: صح. عدي: مين بقي اللي عمل كده؟ هادي: يكونش فار؟ (ده أهبل ده، سيبك منه) إلياس: فار إيه يا عم، ده أكيد شلبي. عدي: تصدق ممكن، مش مرة قطع ليك القميص الأبيض. هادي: ممكن. عدي: بس كده، مش هنعرف ننزل نجيب أكل، دي كل الهدوم مقطعة.

إلياس: طب ما في هدوم في الشنط. عدي: لا، ما صاحبك الذكي قال لا، لازم تتغسل، راح حط كل الهدوم في الغسالة وشغلها. إلياس: انتوا صحاب تخليص ذنوب صح؟ هادي: يا عم، فيه أكل في التلاجة أساسًا؟ إلياس: آه، ومين منكم بيعرف يعمل أكل أساسًا؟ انتوا لما بتيجوا تقلوا بيض بتحرقوا. آخر مرة انت دخلت فيها المطبخ، روحنا المستشفى عملنا غسيل معدة. هادي: عندك حل تاني؟ عدي: طب خلصوا خناق عشان جعان. إلياس: طب اعمل سيرش عايز تاكل إيه؟

عملوا سيرش وخلاص اتفقوا هيعملوا أكل إيه. هادي: هنحط على البانيه ملح وفلفل أسود وشطة وبابريكا. إلياس: بس متكترش الشطة. البنات بدلوا الشطة والبابريكا والملح والسكر والملح. عدي: هي الست في الفيديو حطت أي قد إيه بابريكا؟ إلياس: حطت حبة حلوين كده، بس زود براحتك. هادي: طب هو البتاع ده بيشتغل إزاي؟ عدي: عمرك ما شغلت خلاط؟ دوس على الزرار. هادي: ماشي.

راح حط الطماطم عشان يعمل صلصة للمكرونة، بس محطش الغطا بتاع الخلاط وشغله، وعينك ما تشوف إلا النور. إلياس: اقفلوا، اقفلوا. عدي: اقفل البتاع ده يا متخلف. وعملوا البانيه والمكرونة بعد عذاب وقعدوا ياكلوا. عدي: يلا بسم الله. هادي: إيه القرف ده؟ (بقول على المكرونة عشان كانت مسكرة) عدي: بلا مكرونة، أنا متفائل بالبانيه. إلياس: ياريتك ما اتفائلت. عدي: ليه؟ إلياس ووشه كله أحمر: دوء.

عدي بعد ما داق: دي مش مسكرة، بس دي تودي قسم بواسير. وقعدوا يشربوا في ميه طول اليوم.