رواية أمل عشق الزين الفصل التاسع 9 - بقلم أمل السيد

عمر وليليان كانوا مصدومين. مين الاسم؟ مش عارفين هيعملوا إيه. زين ماشي مع العسكري ورايحين للزنزانة. الأسد؟ بس لو تعرف يا زين الأسد يبقى مين؟ العسكري: خلي بالك من نفسك. الأسد ده خطير. زين: ما تخافش. أنا ياما شفت أخطر من الأسد. العسكري: بس برضه خلي بالك من نفسك. خد الفون. زين: انت إزاي جبته منه؟ العسكري: أخدته من على المكتب من غير ما يحس. نور بي لنفسك لأن الزنزانة ضلمة جوه.

زين: شكراً. ما كانش في داعي تخاطر بنفسك علشاني. العسكري: لا يا ابني، أنت تستاهل. أنا مش هنسى معروفك. زين: أنا مش فاهم حاجة. معروف إيه؟ العسكري: روح دلوقتي قبل الظابط ما يجي. وشوفنا واقفين كده. خلي بالك من الأسد اللي جوه ده. خطير. بقى له سنين موجود هنا. باقي خطير. خلي بالك من نفسك. زين: ماشي. ما تخافش. شكراً مرة تانية.

زين دخل الزنزانة. كانت ضلمة، بس كان حاسس بحركة جوه. كان لسه راح يشغل نور الفلاش، حاسس بيد على راسه والفون وقع منه. زين: آآآآآه راسي! الفون راح فين؟ شكل يوم مش معدي. الله يخرب بيتك يا عمر يا زفت. ... زين؟ انت؟ زين لقى الفون وشغل نور الفلاش. زين بصدمة: انت؟ في فيلا خالد الجارحي. خالد: إزاي زين اتقبض عليها؟ أسر: مش عارف، بس عمر بيقول إن عمو محسن هو اللي طلب الشرطة. بيتهموه بخطف وليد. خالد: محسن شكله اتجنن.

أسر: المهم دلوقتي، إحنا لازم نروح نخرجه. خالد: عندك حق. ماهر: أنتم رايحين فين؟ أسر: رايحين لزين. بيقولوا اتقبض عليه. ماهر: آه، أنا سمعت كده برضه. الخبر على النت وسوشيال ميديا. خالد: هو الخبر انتشر بسرعة قوي كده؟ دينا: هو اللي مكتوب على النت ده صحيح؟ أسر: هو إيه اللي مكتوب على النت؟ دينا: إن زين خطف وليد وهاجم على عمو محسن وضربه. ماهر: مش هنعرف حاجة غير لما نروح. دينا: أجى معاكم. أسر: هتروحي فين؟

انتي عارفة الساعة كام دلوقتي؟ الساعة 3 الفجر. روحي نامي. دينا: وإيه يعني؟ هاجي معاكم أطمن على زين. خالد: أخوكي قالك إيه؟ روحي نامي. دينا: بس يا بابا. هاجي أطمن على زي... خالد: (قطع كلامها) أنا قلت لك إيه؟ اطلعي فوق. دينا: حاضر يا بابا. تصبحوا على خير. ماهر: يلا نروحوا نشوف زين. خالد وأسر: يلا. عند عمر في قسم الشرطة. عمر: أنا قلت لك هتطلعوا دلوقتي. الظابط: وانت مين عشان أسمع كلامك؟ عمر: أنا أعرفك أنا مين دلوقتي.

الضابط: احترم نفسك بدل ما أرميك مع أخوك. دخل شخص الكل قدم له تعظيم سلام وهو المقدم علي إسماعيل. ضابط أول ما شافه قدم له تعظيم سلام. المقدم علي: تخرج زين فوراً. ضابط: بس يا فندم، كده بنكسر القانون. المقدم علي: إحنا اللي بنعمل القانون. ضابط: بس يا فندم. المقدم علي: مش عايز كلام كتير. وزين يخرج دلوقتي حالا. الضابط: تمام يا فندم. الضابط نادى على العسكري، أمر أن يجيب زين. وفعلاً زين خرج، وراحوا الكل على الفيلا. ليليان

(بدموع) : انت كويس يا زين؟ زين: آه، أنا تمام. أنا هاطلع أنام عشان تعبان. عن إذنكم. خالد: بس شكلك مش كويس يا زين. زين: أنا كويس يا عمي. خالد: لا يا زين، أنت متغير. زين: نتكلم بعدين. أنا تعبان وعايز أنام. ماهر: ماشي يا زين براحتك. إحنا هنمشي بقى. نطمن عليك بكرة. يلا يا بابا. يلا يا أسر. في غرفة زين. عمر: انت مالك يا زين؟ زين: ما فيش. هدخل آخد شاور لأني تعبان جداً.

عمر: ماشي يا زين. بس لما تخرج لازما تحكي لي عن الأسد. شكله إيه. زين: روح دلوقتي يا عمر. الصبح أبقى أحكي لك كل حاجة. عمر: ماشي. وعد ولا بتضحك علي؟ زين: هههه. انت صغير عشان أضحك عليك. عمر: بما إني صغير، أنا عايز أنام في حضنك النهارده. ليليان: وأنا كمان. زين: وانتِ كمان يا ماما. ليليان: عايزة أنام في حضنك يا حبيب قلبي. زين: خلاص ناموا. وأنا ها ادخل آخد شاور. تشرق يوم جديد على سماء الريف. في بيت أمل.

هي كانت بتتكلم في الفون. أمل: أكيد يا بنتي. هاجي. أنا وعدتك يا مريم. أنا جايه النهارده. مريم: أوكي. هستناكي. متتأخريش. أمل: ماشي. يلا باي. مريم: باي. أمل: أنا هلبس إيه دلوقتي؟ أوف. إيه هلبس التيشيرت الأبيض والبنطلون الأسمر. تمام كده. يلا هادخل آخد شاور عشان ما اتأخرش. في أوضة زين. زين كان نايم في النص ما بين عمر وما بين ليليان. الاثنين كانوا حضنه. زين (بصوت عالي) : يا عالم! ياهو! أنا اتخنقت! عمر (بفزع) : في إيه؟

عم الصبح! حد يصحى حد كده على الصبح! قطعتلي الخلاف يا شيخ! روح منك لله! زين: بقى كده بتدعي علي؟ اطلع بره يلا! عمر: ما أنا طالع. على أساس بتطردني من الجنة يا أخي. ليليان: بتتخانقوا ولا إيه؟ زين: ابنك بيدعي علي. ليليان: ما هو عنده حق يا ابني. في أحد يصحى بالطريقة دي؟ عمر: هههه. شفت! عندي حق أهو. ما جبتش حاجة من عندي. زين: يلا بره من غير ما ترد لي. ليليان: بتطردني يا زين؟ زين: عايز أغير هدومي. اطلعوا بره بقى.

ليليان: وإيه يعني؟ أغير؟ هو في أحد غريب؟ عمر: هههه. أغير؟ في حد غريب؟ زين: ما ينفعش. اطلعوا بره. ليليان: ما ينفعش ليه؟ ما أنا ياما غيرت لك وأنت صغير. زين: شكراً يا ماما إنك غيرتي لي وأنا صغير. اطلعوا بره بقى. عمر: أنا مستريح هنا. دكتور، كلي اقعد في حتة فيها طراوة. زين (بأعلى صوت) : برررررررره! ليليان: أنا نازلة. خلي الخدم يحضروا الفطار. عمر: استنيني يا ماما. أنا جايه معاكي. زين (بتفكير) : مين اللي خطف وليد؟

يمكن يكون مراد؟ لكن ويعملها. هاشوف. لازم الأسد يخرج من السجن. أدخل آخد شاور وأروح لمراد. على السفرة. عمر: أنا جعان جداً. ليليان: ما انت طول عمرك همك على بطنك. عمر: يعني ما آكلش يعني؟ أموت يعني؟ زين: لا، كل يا أخويا. ليليان: مش هتفطر يا زين؟ زين: لا مش جعان. عمر: انت رايح فين؟ زين: رايح عند مراد. عمر: خدني معك. شوف فرح. زين: مطروح حد حايشك. عمر: انت عارف إني أنا ما بحبش مراد. زين: ليه يا أخويا؟

وكان طالبك للجواز ولا حاجة؟ ليليان: هههههههه. يمكن. عمر: بطل تريقة يا زين. خدني معاك. زين: يلا يا أخويا. عمر وزين ماشيين جنب العربية ورايحين عند مراد. عمر: الواحد بيستنى يوم الجمعة عشان يتفسح فيه. زين: ما انت كل يوم في فسحة أهو. عمر: لا، الفسحة معاك انت غير شكل. زين: ماشي يا عم. شكراً. عمر: هو انت بتعمل إيه في الفون؟ زين: بارن على الزفت مراد مش راضي يرد. عمر (حاسب يا زين) : يا ترى إيه اللي حصل؟