تحميل رواية امتلكني صعيدي بقلم رنا احمد pdf

رواية امتلكني صعيدي الفصل الاول 1كانت تغطي ذاتها بدموع ووجع بعدما خضعت واستسلمت له لتتحدث بدموع ووجع.

/ارتحت كده صح .

جبل بسخريه وهو بيلبس هدومه /جوي بصراحه مش طيقاك ي جبل مش عيزاك وبكلمه واحده بقيتي في حضني .

تقي بدموع وصراخ/اوعا تكون فاكر انك كسبت مسيري اكشف للكل حقيقتك ي جبل .

جبل بنظره خبيثه/وانا مستني ي عروسه .

من أمام الإدارة.

كانوا واقفين بسمة وعمر بغيظ وصدمة من يونس.

عمر بغيظ شديد: انت مجنون ياض انت ولا إيه؟ بطاقة مين يـ جربوع.

يونس بغيظ شديد: بطاقتك أنت يـ أخويا. اللي دي في حمايتي، كل حاجة حواليها لازم أعرف كل تفصيلة فيها. وشكلك كده مهم قوي عندي.

بسمة بغيظ: أنا مش عارفة انت طلعتلي من انهي مصيبة. بقولك إيه، خليك قاعد هنا لحد ما أخلص. حسك عينك تعمل أي مشكلة، هتبقى الجاني على نفسك، فاهم.

قعد يونس على الأرض، طلع القلم من ورا ودانه وسألها.

يونس: تمام، هتخلصي الساعة كام بالظبط؟ بتعملي إيه جوه وهتاكلي إيه لحد ما نطلع؟

بسمة بغيظ وجنون: طب ما أقولك هشرب كام بوق مياه بالمرة.

يونس ببرود: وماله؟ ما يردش أي معلومة هتفيد.

عمر بغيظ شديد: مين ده يـ بيبي؟ ده مش طبيعي.

يونس بغيظ شديد: بيبي ليه يـ أخويا؟ شيفني قاعد بحضر لها الرضعة؟ ما هي زي العجلة أهي.

بسمة بغيظ شديد: عجلة؟ لا بقى، اعمل حسابك ده آخر يوم ليك في الشغل عندنا.

يونس باستفزاز: اهرب كمان وكمان، هطلعلك في كل مكان.

داليا، صاحبة بسمة، بابتسامة: صباح الفل عليكم. مالكم كده مدخلتوش ليه؟

عمر بغيظ شديد: ابدأ بتقدم تقرير عننا ليونس باشا عشان يسمحلنا نخش. يونس باشا الحارس الشخصي لـ بسمة.

بسمة بغيظ وجنون: مصيبة ابتليت بيها والله.

داليا بإعجاب بيونس: إيه ده، صعيدي؟ بموت في الصعايدة، ما فيش واحد تاني والنبي.

يونس بمرح وخفة دم: فيه بني برباط أسود باستك.

لتتعالى ضحكاتهم الساخرة تحت نظرات بسمة وعمر باستغراب شديد.

بسمة بغيظ: يلا يـ داليا، كفاية تأخير. احنا داخلين، خليك هنا لحد ما أخلص.

يونس وهو يجلس على الأرض ليخرج كيس أسود يحتوي على السبرتاية لعمل الشاي وجميع المحتويات.

بسمة بغيظ وجنون: انت فاكر نفسك فارش في الغيط؟ إيه ده؟

يونس ببرود: الله، هقعد ده كله من غير ما أشرب كوباية شاي؟ ده دماغي تتضرب.

عمر بزهق: يلا يـ بسمة، هنتاخر. سيبك من البنادم ده، ده منتهي الصلاحية.

يونس بمرح واستفزاز: لا يـ أخويا، لسه صلاحيتي 3 شهور من تاريخ الإنتاج.

بسمة بغيظ وجنون: يـ ررررب.

*******************.

في شركة الصياد.

في مكتب أمجد.

كان قاعد أمجد بحزن شديد. معقول زوجته مستعدة أنها تتضحي كده؟ أنه يكون مع غيرها لمجرد وجود طفل؟ طب وهو مالهوش أي قيمة؟ مجرد أداة يجبلها طفل وبس؟ يا الله من ذلك العشق المذل. دخل عليه أحمد، صحبه وأخوه هند.

أحمد باستغراب: مالك يـ أمجد؟ فيك إيه؟ هند برضه؟

أمجد بحزن شديد: أختك خلاص بتقطع كل اللي بينا بالبطيء يـ أحمد.

أحمد بحدة: قلت لك مليون مرة سيبهالي، أكسر لك عضمها. أنت اللي دايماً تمنعني عنها.

أمجد بتعب: أنا آسف يـ أحمد، بس قلت لك أنا مستحيل أقبل أن حد يمد إيده على مراتي، حتى لو أخوها.

أحمد بغيظ شديد: طيبة قلبك وحبك ليها يـ أحمد هي اللي مخلياها تعمل كده. بس قولي عملت إيه تاني؟

أمجد بوجع ومرارة: عايزاني أتجوز واحدة، أخلف منها ونديها قرشين وتسب لنا الطفل. وقدام الكل أمها هتكون هند.

أحمد بغضب: يـ نهار أبوها أسود! أنت بتقول إيه يـ أمجد؟ أنت اتجننت رسمي.

أمجد بعند وثأر لكرامته: بس أنا فعلاً هعمل كده يـ أحمد. هخليها توريني قوة تحملها هتكون لفين. هي اللي اختارت إني أكون في حضن غيرها، توريني بقى قوتها هتوصل لفين.

*********************.

في شركة الطيران اللي بيشتغل فيها خالد.

كانت واقفة إيمان وهي تبص شمال ويمين بارتباك. دخلت عليها صحبتها ندا بضيق.

ندا: انتي هتفضلي عاملة زي الحرامية كده؟ كل رحلة ما تقولي لأهلك إنك بتشتغلي مضيفة خلاص.

إيمان بفزع شديد: يـ نهار أسود! ده كان أبويا. يقطعني أنا، مفهمّاه إني بشتغل في شركة سكرتيرة.

ندا بقلق: ربنا يسترها يـ إيمان. بس يـ بختك النهارده الرحلة هتكون مع مز شركات الطيران كلهم، خالد الصياد.

إيمان بانبهار بالاسم: سمعت الاسم ده قبل كده كتير، بس أول مرة أطلع معاه رحلة.

ندا بغمزة وخبث: ومش هتبقى آخر رحلة يـ لوزة. كل البنات بيتموتوا يطلعوا معاه رحلة. يلا عشان الوقت.

***********.

في الطائرة…

كان واقف خالد بيطمن إن كل حاجة تمام. دخلت إيمان بابتسامة عذبة.

إيمان: إزيك حضرتك يـ كابتن خالد؟

خالد بابتسامة: أهلاً وسهلاً. أول مرة أشوفك، شكلك جديدة في طقم المضيفات.

إيمان بابتسامة: لا، مش جديدة. بس أول مرة اتشرف إني أكون مع حضرتك.

خالد بابتسامة إعجاب: الشرف ليا. يلا عشان ميعاد الطيارة.

*********************.

في الإدارة..

كانت قاعدة بسمة بغيظ شديد من تأخر حامد العسكري.

بسمة: هو اتأخر ليه الزفت ده؟ أووف.

خرجت بره وانصدمت من اللي شافته. حامد ويونس قاعدين بيشربوا الشاي واخر اندماج.

يونس بابتسامة: بس يـ سيدي، روحت واقع. رجلي اتكسرت، بس عدت على خير الحمد لله.

بسمة بغيظ وجنون: إيه ده؟ المنظر ده. انتوا قاعدين على الترعة؟ وانت يـ حامد إيه اللي مقعدك هنا؟ وفين الملف؟

يونس ببرود: واه، فيه إيه عاد؟ الراجل بيشرب كوباية شاي. إيه كفر؟

بسمة بحدة وغيظ: هو فيه إيه بقا ها؟ انت جاي تفرض ثقافتك علينا؟ عايز تعملي انقلاب في الإدارة؟ بقولك إيه، خليك في نفسك وقوم معايا. خليني أروح مشوار مهم. بس حسك عينك تتدخل في أي حاجة، سامعة.

*****************

في محلات الملابس الفاخرة…

كان داخل يونس بصدمة من تلك الأشياء اللي غير معتادة بالنسبة له وهو ينظر للمانيكان.

يونس: استغفر الله العظيم يارب. إيه النسوان دي؟ سايبنهم كده؟ طب يغطوهم بملاية ولا حاجة.

بسمة بغيظ وجنون: هو أنا مش قلت لك ما تتكلمش خالص.

يونس بغضب: ما أتكلمش كيف؟ أنا مكرهتش في حياتي غير المسخرة وقلة الحياة دي. والحاجات دي بقت بتتعرض كده كده عيني عينك.

بسمة بغيظ وجنون: بقولك إيه، خليك في حالك فاهم؟ أنا هدخل أقيس فستان وأخرج. أوعى تعمل حاجة، فاهم.

يونس بخفة دم: طب ما تتأخريش، ورايا اجتماع.

بسمة بغيظ شديد: يـ أبوووويا.

بعد نص ساعة..

خرجت بسمة وهي لابسة الفستان بإعجاب شديد.

يونس بغيظ وفزع وهو يخلع جلبيته: يـ نهار ملط! إيه ده؟ بتتطلعوا هنا كده بقمصان النوم؟ يا فضيحتك يـ ماهر باشا. امشي قدامي، ربنا يستر على ولايانا.

********************

********************

في الفيلا…

كانت بتصرخ بسمة بتوعد شديد ليونس.

بسمة: لا، لحد كده وكفاية. البنادم ده لازم يمشي من هنا دلوقتي حالا.

مخيمر بغيظ: عملت إيه يـ وش الفقر؟

يونس ببرود: ادي آخره اللي يعرف كل واحد غلطته.

ماهر بابتسامة: إيه اللي حصل بس يـ بسبوسة؟ يونس صعيدي مستحملش إنك تلبسي كده. وراعي إنه مش عارف تقاليد هنا.

بسمة بغيظ وجنون: واحنا إيه اللي يجبرنا على كده يـ بابا؟

ماهر بابتسامة وهمس: خلاص بقى يـ بسبوسة، عشان خاطر عمك مخيمر ده، هو اللي مربيكي. ويونس غلبان، وبصراحة الواد ده أنا حبيته.

بسمة بضيق: خلاص يـ بابا، حاضر. ربنا يعيني بقى.

****************.

في أحد الكافيهات الفاخرة.

كان قاعد عمر بيشرب سيجارة مع صاحبه وائل.

وائل بجدية: بس النهارده بسمة عندها مهمة صعبة. المفروض تكون معاها.

عمر بخبث ومكر وهو بيشرب سيجارته: يـ عم، تروح ما تروح. مانت عارف إنها مجرد مصلحة. هاخد فلوسها وأطير لبره. دي عندها فلوس ياما.

********************.

في فيلا الصياد..

كانت خارجة بسمة بملابس غريبة. لينظر إليها يونس بغيظ شديد.

يونس: ها، فاكرة نفسك عاد؟ لما تتسحبي كده في نص الليل، مش هجيبك وراكي وراكي.

ليسـرع وراها.

في الصالة.

كان داخل أمجد بعبوس، استغراب من تلك الفتاة التي ترتدي ملابس سوداء ووجهها مغطى. ليقترب منها.

هند بجدية: دي عشق بنت عمي جابر. هي العروسة اللي أنا اخترتها ليك عشان تتجوزها يـ أمجد.

**************.

في الكباريه..

كانت قاعدة بسمة متخفية بعض الشيء وهي تمسك هاتفها لتحادث عمر بسعادة كبيرة وصوت منخفض.

بسمة: أيوه يـ بيبي! مش مصدقة نفسي. نجحت يـ عمر، نجحت أخيراً. هقدر أقبض على أكبر شبكة جواسيس. يااه، هههه. هموت من الفرحة يـ عمر.

يونس وهو يمسكها بغيظ، كما يكون أمسك حرامي: أفشتك! بقالي ساعتين بلف عليكي كعب داير، وفي الآخر ألاقيكي هنا؟ مش عيب عليكي تكوني ظابط شرطة وبنت ناس علوي وتقعدي في الأماكن دي.

لتجتمع العصابة وهم يوجهون إليهم المسدسات، لينفزع الجميع. ليأمر رئيس العصابة.

رئيس العصابة: هاتوهُم.

بسمة وهي تمسك السكين بغيظ شديد: هقتلك يـ يونس، هقتلك.

يونس ببرود: طب استنوا لما أتعشى، عشان هموت من الجوع.

في المخزن ..

كانت قاعدة بسمه بجنون وغيظ من ذلك البارد.

/انا عايزه اعرف انت طلعتلي من انهي مصيبه عمال تبوظ في حياتي ومالك عمال تاكل كده وكأننا طالعين رحله مش كأننا مخطوفين وربنا الي عالم ايه الي ممكن يحصل فينا .

يونس ببرود /سبيها علي الله المهم تعالي كلي لقمه ده احنا لسه قدمنا موال طويل .

بسمه بغيظ شديد/منك لله ي يونس منك لله اشوف فيك يوم ي بعيد .

يونس وهو بياكل ببرود /لا الله الا الله وانا ذنبي ايه انتي لو كنتي جيتي قولتيلي ي يونس أنا عندي مهمه كذا كذا وخدتي راي كنت ساعدتك وعرفت الي فيها .

بسمه بغيظ /اقول ل سعادتك ليه أن شاء الله كنت للواء وانا معرفش اقولك ايه ي شيخ بوظتلي المهمه كان فيها ترقيه .

يونس بصراخ /انتوا ي جماعه يالي بره .

بسمه بحماس ولهفه /ايه ي يونس اوعا تكون بتفكر في الي بفكر فيه اكيد هتجبهم هنا ونتصرف معاهم صح .

يونس ببرود /لا ده انا هقولهم الاكل مفيهوش ملح دي مش معامله دي .

بسمه بغيظ وجنون /يارب ارحمني يارب .

دخل واحد من رجاله العصابه وهو بيبص ل بسمه بوقاحه .

/ايه ي عسل مالك شكلك كده اعصابك تعبانه انا هبسطك علي الاخر .

يونس بغضب جحيمي وفي لحظه بمهاره فائقه كسر رقبته بين بيديه ليسقط أرضا جثه هامدة تحت صدمه بسمه من مهارته .

/ايه ده ي يونس عملت كده ازي .

يونس بغيظ شديد/واه عاد مش راجل ولا ايه ده اموت نفسي قبل مايلمس شعره منك .

بسمه بابتسامه /ربنا يخليك ي يونس .

ليسمعوا طلقات نار تخترق المكان بأكمله ليسير عمر بغيظ شديد وحده .

/ممكن افهم انت ياض ايه حكايتك بالظبط هي حصلت انك تتدخل في شغلنا لولا أني مراقب تليفون بسمه مكنتش قدرت اوصل ل هنا ولا اقبض علي العصابه مش ناقص غير الفلاحين كمان .

يونس بغضب شديد/كلمه كمان وهخليك تتحسر علي نفسك فاهم ولا لا الموضوع انتهاء خلاص .

بسمه بغيظ شديد/خلاص ي عمر الحمد لله انها عدت علي خير يونس مكنش يعرف حاجه هو بس بيامني وخاف عليا .

عمر بغضب جحيمي/يامن مين هو فاهم ده حته عيل اهبل لا راح ولاجه .

وفي لحظه توقف بها الزمن كان يسحب يونس سلاحه من خصره ليضعه أمامه بصدمه .

/المشكله أنه كلكم صنف واحد فاكرين أن الطيبه هبل وعبط بس اهاه انا بعرف استخدم المسدس زين جوي ي عمر باشا وافديها بروحي لو لزم الأمر

ليرمي السلاح أرضا ويخرج للخارج تحت صدمتهم مما حدث .

في فيلا الصياد ..

كان واقف امجد بصدمه من الي بيحصل وهو بيبصلها بوجع ومراره لدرجه دي هو رخيص عندها .

/تمام فين المأذون بقا علشان مفيش وقت .

عبير بحده /جرا ايه ي امجد انت موافق علي التخاريف دي انت هتتجوز البنت دي فعلا هتوافقها علي جنانها ده .

امجد بغضب /ايوه ي امي موافق وهتجوزها الست هانم هي الي طلبت هي الي بعاني بالرخيص علشان حته عيل نست انا عملت ايه علشانها نست كل الحب الي حبتهولها .

هند بدموع ووجع/حرام عليك ي امجد انا عايزه ابقا ام حس بيا الله يخليك .

امجد بحزن ومراره /اخرسي انا مش عايز اسمع صوتك فاهمه ولا لا خلصونا من الموال ده وانتي مش عايز اشوف وشك فاهمه .

في العربيه …

كانت قاعده بسمه بضيق جنب عمر .

عمر بابتسامته خبيثه /ايه بقا ي حبيبتي خلاص قولتلك انا اسف اني انفعلت انا خوفت عليكي .

بسمه بغيظ /واضح فعلا انك كنت خايف انك حتي مفكرتش تسال عليا اول مدخلت انفجرت فينا علي فكره يونس كان خايف عليا بجد .

عمر بغيظ شديد/بقولك ايه متجبليش سيره البنادم ده خالص البيه شكله كان بيلعب وهو صغير عسكر وحراميه فاكرني هخاف من المسدس .

بسمه وهو بتكتم ضحكتها بصعوبه /بس الصراحه شكلك كان خايف فعلا ي عمر هههه .

عمر بغيظ شديد/سبينا بقا من الواد المهم جهزي نفسك لاني جاي اطلبك النهارده من عمي وفرحنا بعد بكره يوم عيد ميلادك خلاص الموضوع انتهاء .

بسمه بابتسامه/يا سلام ده أمر بقا ولا ايه.

عمر بابتسامه خبيثه /طبعا انا خلاص مش قادر ابعد عنك اكتر من كده بحبك .

بسمه بابتسامه ساحره/وانا بعشقك ي حبيبي .

ليرد بين وبين نفسه

/ههههه غبيه فاكره اني عايز احنفل بيوم ميلادها ده اليوم الي ابوها هيكسر فيها الوديعه الي عملهالها ثاني يوم علطول ي روحي هسحبها واسيب كل حاجه واسافر هههههههه .

في جنينه فيلا الصياد .

كان قاعد يونس بشرود قربت منه بسمه بابتسامه .

/عامل ايه ي يونس .

يونس بغيظ شديد/كويس .

بسمه بابتسامه وهي حاسه ان الوقت معاه بيكون ممتع .

/بس ايه ي عم الي عملته ده لا بجد ابهرتني صراحه طلعت مش سهل ابدا .

يونس بابتسامه/كل الرجاله كده ي بسمه في الصعيد .

بسمه بابتسامه/تصدق اني بدات احب الصعيد عن اذنك هنام .

يونس وهو ينظر ل أثرها بشرود /اها ي بسمه شكلك معلمتي جوه جلبي النهارده خوفي عليكي كان واعر جوي شكل حكايتنا هتكون واعره جوي .

في جناح مخصص ليهم .

كانت قاعده عشق بدموع ووجع قرب منها امجد بحده .

/وبعدين معاكي في العياط ده صدعتيني الي يسمعك كده يقول مغصوبه علي الجوازه دي مانا عرفت كل حاجه وان ابوكي قبض قد كده هتعمليلي فيها شريفه .

عشق بدموع وحرقه /حرام عليك متظلمنيش انا ماليش اي علاقه بالي حصل انا واحد غلبانه ملهاش اي راي ولا صفه ابويا الي بيتحكم في كل حاجه هو باعني قصاد الفلوس ارجوك انت كمان متقساش عليا انت كمان انا شاربه المر بزياده اوي .

امجد بندم/خلاص انا اسف مقصدتش تقدري ترتاحي وانا هنام في اللاوضه التانيه عن اذنك .

عشق وهي تمسح دموعها ببراءه/غبيه .

امجد باستغراب /هي مين .

عشق بجديه /هند بنت عمي الي تسيب راجل زيك علشان اي سبب مهما أن كان الي تتجوز راجل زيك لازم تشيله في عينيها الاتنين .

امجد بابتسامه حزينه /شكرا عن اذنك .

صباحا .

في فيلا الصياد .

نزلت بسمه لمائده الافطار بس استغربت لعدم وجود يونس حواليها .

/هو يونس فين .

ماهر بابتسامه /الف مبروك ي عروسه يونس بيفطر بره جهزي نفسك بقا بكره فرحك انتي وعمر .

بسمه بابتسامه/الله يبارك فيك يا بابا هروح اشوف يونس.

في الخارج …

كان يونس قاعد ليأكل بشرود قربت منه بابتسامتها الجميله.

/يونس باشا صباح الفل ينفع اقعد افطر معاك .

يونس بابتسامه /واه عاد حد يسيب الاكل العلوي الي جوه وياكل فول وطعميه بس طبعا تنوري الدنيا.

بسمه بابتسامه/قولي ي يونس انت فين اهلك .

يونس بحزن شديد/واه عاد فكرتيني بوجع عمري أهله ماتوا واتا صغير جوي وخالي مخيمر هو الي رباني ربنا يخليه ليا .

بسمه بابتسامه/طب وعمرك محبيت .

يونس وهو ينظر في عيناها بدقه /لا مفيش واحده مهما كانت تملأ عيني يونس .

قطعهم صوت جرس الهاتف لترد علي عمر .

بسمه بابتسامه/شكرا علي الفطار الحلو ده بس لازم اروح الاداره عمر مستنيني بره سلام .

يونس بدقه وثبات /سلام .

في الاداره …

في مكتب اللواء …

كانوا قاعدين بصدمه قاتله كم من الي بيسمعوه .

بسمه بصدمه /معقول ملفات زي دي اتسرقت ازي دي ملفات اكبر رجل اعمال في الشرق الأوسط كان خلاص هيقع تحت أيدينا بخصوص تجاره المخدرات .

عمر بجديه /مش محتاجه ذكاء اكيد هو الي سرقاهم.

اللواء محمد بجديه /العقرب .

بسمه باستغراب /العقرب مش ده المجرم الخفي الي محدش حتي يعرف شكله لحد دلوقتي ده قتال قتله احنا لازم نعرفه ونقبض عليه سيادتك .

اللواء محمد بحده /بالظبط كده مهمتنا لازم نلاقي العقرب وطبعا متشغلوش بالكم فراحكم بكره في ميعاده .

في الفرح .

كانوا الكل متجمع بسعاده وفجاه النور قطع ليصرخ الجميع ليعيد النور لكن مع اختفاء بسمه .

ليصيبوا بالفزع ليبحثوا عنها في كل مكان .

في روما ..

بعد مرور عده ساعات .

في قصر فخم كانت تفتح بسمه عينيها تتدريجا لتتفاجي من ذلك المكان الغريب لتسرع الي الأسفل لتنصدم من ذلك الذي يجلس علي البار وهو في قمه شياكته وجاذبيه لتقترب منه بصدمه .

/يونس .

يونس بثقه وثبات /توتو يونس ده هناك في مصر هنا العقرب.

بسمه بصدمه قاتله/انت الي سرقت الملفات انت المجرم الي محدش عارف يوصله.

يونس بغرور وثقه /بصراحه انا كانت مهمتي اني اخد الملفات بس بصراحه مقدرتش امشي من غيرك اعملي حسابك انسي مصر وانسي كل حاجه انتي خلاص بقيتي اسيرتي طول العمر .

كانت واقفة بصدمة قاتلة، مستحيل تكون دي حقيقة، أكيد حلم، لا كابوس بشع.

بسمة بصدمة: مستحيل. إزاي قدرت تعمل كده؟ إزاي قدرت تمثل بالبراعة دي؟ وغير كل ده، ليه عملت كده؟ ليه؟

يونس بضحكة مصحوبة بوجع: هههه، ليه؟ دي بقا بعدها مليون حاجة. أنا أبويا وأمي ماتوا من الفقر والجوع. أبويا كان مريض سرطان، كان بيشتغل في الغيطان بعشرة جنيه في اليوم. وأمي كانت بتشتغل في البيوت. كنت عيل صغير والحرقة والنار قادوا في قلبي وأنا شايفهم بيتذلوا وبيتهانوا عشان ملاليم. كبرت وأنا مصمم إن الفلوس هي كل حاجة، وهاجيبها بأي طريقة وبأي تمن. اتعرفت على اللورد، ساعدني ووصلني للي أنا فيه، قصر فلوس بملايين، أي حاجة بعوزها بحققها. موت إحساس الحرمان اللي كان جوايا.

بسمة بدموع وصراخ: والتمن إيه لكل ده؟ ها؟ دم ناس وبلد عمال تخون فيها؟

يونس بغضب وصراخ: أنا مفيش حد من اللي قتلتهم مكنش يستاهل الموت. كلهم يستاهلوا الحرق. وبعدين بلد إيه اللي بتتكلمي عنها؟ عملتلي إيه البلد عشان أخاف عليها؟

بسمة بدموع وصراخ: طب ويونس اللي أعرفه بيظهر في وقت مهماتك الحقيرة، مش كده؟

يونس بسخرية: يونس اللي تعرفيه أكتر شخصية بكرهها في حياتي. عبيط واهبل وضعيف. لكن العقرب مختلف تماماً، وصدقيني هيعجبك قوي.

بسمة باستفزاز: أنا مفيش راجل يملأ عيني غير عمر حبيبي. وهسلمك بإيدي دول للبوليس.

يونس بضحكة عالية: ههههههه. ولو إنه حلم بعيد، بس هسيبك تحلمي. أما بالنسبة للحمار خطيبك، اسمعي بنفسك.

لتعمل تلك الشاشات ليظهر تسجيلات لعمر يتحدث بها عن علاقته ببسمة، ماهي إلا مصلحة، وأيضاً علاقته بالفتيات. لتنزل دموعها بغزارة. "فيكفي، يكفي." لتسقط مغشياً عليها، لكنها سقطت بين يديه، لينظر إليها بنظرة تروي ألف رواية.

***

في فيلا الصياد...

كانوا قاعدين كلهم برعب من اللي حصل.

مخيمر بخوف شديد: يا ترى روحت فين يا يونس؟

عمر بحدة: أنا مش عارف ابن أخويا العبيط ده مين اللي هيخطفه.

ماهر بغضب شديد: بس مش عايز أسمع صوت خالص. كفاية بنتي مش عارف هي فين.

عشق بجدية: إن شاء الله هتلاقيها يا عمي وهترجع بالسلامة.

هند بغيظ: ما شاء الله يا عشق. عقدة لسانك اتفكت أهي وبقيتي بتتدخلي في اللي ملكيش فيه.

أمجد بغيظ واستفزاز: عشق مراتي. تتدخل في أي حاجة.

خالد بقلق بالغ: وبعدين يا بابا هتفضلوا ساكتين كده؟

عبير بدموع ونواح: بنتي. أنا عايزة بنتي. هاتولي بنتي يا ماهر.

ماهر بخوف شديد: ربنا يرجعلك لينا بالسلامة يا بنتي.

***

في القصر...

كان قاعد يونس جنبها وهي بتفوق لتتحدث بتوهان.

"هو إيه اللي حصل؟"

يونس ببرود: أبداً، صدمتك في حبيب القلب كانت كبيرة. وقعتي، أغمي عليكي. بصراحة أنا مش شايف إنه يستاهل ده كله.

بسمة بحدة وغيظ: إذا كنت أنت ولا هو أحقر من بعض. وأنا بقا اللي هعرف أخليكم تندموا على كل ده. ودلوقتي بالذوق كده، بدل ما أتصرّف تصرف ميعجبكش، سيبني أخرج من هنا.

يونس ببرود: أنا عايز أشوف هتعملي إيه بقا. خروج من هنا مفيش. خروج. ودلوقتي هتمسكي التليفون وتكلمي ماهر بيه وإخواتك، وهتقوليلهم إنك في مهمة رسمية ومش عارفة هترجعي إمتى، وإن أنا كمان معاكي.

يونس وهو يرفع تلك المرآة لتظهر داليا مكممة بدموع وخوف.

بسمة بفزع: داليا!

يونس ببرود: قسماً بالله لو معلمتيش اللي قلتلك عليه، هتقري على صاحبتك الفاتحة دلوقتي حالاً.

بسمة بدموع وصراخ: أنت حقيرررر!

يونس ببرود: أنا عارف نفسي كويس. المهم يلا اخلصي.

وفعلاً مسكت بسمة التليفون ورنت على ماهر اللي رد بسرعة.

"الووو."

بسمة بثبات مصطنع: عامل إيه يا بابا يا حبيبي؟

ماهر بلهفة: بسمة يا حبيبتي. انتي فين؟ ردي عليا.

بسمة بدمع مكتوم: متخافش عليا يا حبيبي. أنا طلعت مهمة كان لازم أطلعها. ومعايا يونس. متقلقش.

عمر بغضب: مهمة إيه دي اللي يوم فرحنا؟ انتي روحتي فين انتي وسي الزفت ده؟

بسمة باحتقار شديد: انت بالذات مش عايزة أسمع صوتك. الحمد لله ربنا كشفلي حقيقتك الحقيرة إنك بتقرب مني عشان الفلوس، يا واطي.

عمر بارتباك شديد: انتي بتقولي إيه يا بسمة؟

بسمة بحدة: اللي سمعته. وحسك عينك أشوفك في أي حتة بعد كده. فاهم؟

لتغلق الهاتف بدموع.

يونس ببرود: برافو عليكي. قومي بقا اعمليلي فطار عشان آخدك ونعمل شوبينج.

بسمة بغضب جحيمي: أنا مشوفتش في بجاحتك كده. طلع داليا أحسن لك. عارف لو آذيتها هدمرك.

بحركة ماهرة وسريعة كانت بين يديه، ليقترب منها بنظرة خبيثة.

"توتو، فيه واحدة متعصبة تبقى حلوة كده."

بسمة بغيظ شديد: ابعد عني بدل ما أقتلك.

يونس بابتسامة ساحرة وهمس: اقتليني. أنا مستعد أموت على إيديكي.

بسمة وهي تدفعه بغيظ: طب ابعد كده يا عم الميت. أحسن لك.

يونس بابتسامة خبيثة: دمك عسل. يلا حضريلي الفطار. أنا زي جوزك برضه.

بسمة وهي تتجه إلى الأسفل بحدة وتوعد: نجوم السما أقربلك يا عقرب.

يونس بابتسامة ساحرة: هيحصل يا بسمة وهتشوفي.

***

في شركة الطيران...

كان واقف خالد وهو بيدور عليها في كل مكان. من آخر مرة مشافهاش ولا يعرف عنها حاجة. قرب من الكافتيريا، كانت قاعدة بشرود.

"مختفية فين من آخر مرة؟"

إيمان بابتسامة: كابتن خالد.

خالد بابتسامة ساحرة: إيه مالك مختفية ليه؟

إيمان بحزن شديد: لأني خلاص هسيب الشغل.

خالد بحزن أخفاه ببراعة: ليه؟ في حد زعلك؟

إيمان بحزن ودموع: أهلي صعيدة. ولو عرفوا إني شغالة مضيفة هتبقى مصيبة. قولت أرتاح من الخوف والرعب ده.

خالد باستغراب شديد: معقول لسه فيه ناس تفكيرها رجعي كده؟ متشغليش بالك. أنا هتصرف.

إيمان باستغراب: هتتصرف إزاي يا كابتن خالد؟

خالد بجدية: هتجوزك وهخليكي تحققي حلمك.

إيمان بصدمة: حضرتك قلت إيه؟

***

في جناح عشق وأمجد...

كان واقف أمجد بيلبس هدومه. قربت منه عشق بابتسامة.

"الحمد لله أن بسمة بخير."

أمجد بابتسامة: الله يسلمك. قوليلي انتي كويسة؟

عشق بفرحة لاهتمامه: الحمد لله بخير. تسلم يارب.

أمجد بابتسامة ساحرة: طب جهزي نفسك عشان هننزل نتعشى سوا.

عشق بفرحة وسعادة: عنيا. هجهز. أمرك يا أمجد بيه.

أمجد بابتسامة وهمس: فيه واحدة تقول لجوزها يا بيه؟

لتنظر إليه بخجل شديد وقلب يرقص فرحاً.

***

في القصر...

في المطبخ...

يونس بابتسامة خبيثة: إيه القمر ده؟ عقبال ما تعمليلي فطار صبحياتنا قريب.

بسمة بغيظ شديد: إن شاء الله هعمل قرص وهفرقها على كل الناس يوم إعدامك يا عقرب. وعلى إيدي.

يونس بضحكة عالية: ههههههه. أموت فيكي وانتي عصبية كده يا بسبوسة قلبي. بس جهزي نفسك عشان فيه ضيف مهم جاي.

بسمة باستغراب: ضيف مين ده إن شاء الله؟ انت فاكرني الشغالة بتاعتك ولا إيه؟ أنا باخدك كده على هواك لحد ما تفوق على كابوس يا يونس.

يونس بابتسامة خبيثة: أهو الضيف جه. جهزي نفسك يا عروسة. المأذون وصل.

بسمة بصدمة: مأذون؟

يونس بابتسامة: بصراحة أنا هموت عليكي. بس أنا هعمل اللي يريحك واللي يرضيكي. وهنتجوز على سنة الله ورسوله. جهزي نفسك. هتكوني مدام يونس القناوي.

تتتتتتتتتتتتبع.

في القصر…

كانت واقفة بصدمة وفجأة انفجرت فيه.

/ نعم يا أخويا مأذون مين دي اللي هتتجوزها؟ أنت بتعمل إيه بالظبط ها؟ بقولك إيه اهدا كده معايا بدل ما أشوف الوش التاني.

يونس بابتسامة وهمس: إيه ده؟ هو فيه وش تاني؟ وش قمر كده زي اللي أنا شايفه ده؟ وخطفني أول ما عيني وقعت عليه.

بسمة باستفزاز وهمس: آه عين عبد العال. بقولك إيه يا ولا أنا الكلام ده ما بياكلش معايا خالص. أنا واحدة حلوفة. أنا حاسة إني بتعامل مع عمرو دياب مش قتال قتلة.

يونس بابتسامة وغمزة: هدخل المأذون وأجيلك يا عسل.

بسمة بغيظ شديد: إيه البنادم ده؟

يونس وهو يقبل يد المأذون: أنا آسف يا عم الشيخ إني سبتك كل ده على الباب.

المأذون بابتسامة: تعرف يا واد يا يونس، من أول مرة قابلتك هنا وأنا بقيت بعتبرك ابني. ربنا يهديك يا ابني.

بسمة بجنون وصراخ: لا لا كده كتير كتير! بقولك إيه أنت وهو؟ أنا عايزة أفهم إيه اللي بيحصل بالظبط ها؟ وأنت يا عم الشيخ مالك فيه؟ ليه محسساني إنه بيجاهد في سبيل الله؟ ده قتال قتلة ونصاب ده رايح جهنم حدف. ده بقولك إيه جواز مش هتجوز والبت اللي جواه دي ولع فيها دي أصلاً بت واطية.

الشيخ بابتسامة: محدش عارف يا بنتي مين اللي داخل الجنة ومين اللي داخل النار. بقولك إيه أنا عايز أتكلم معاكي شوية لوحدينا.

بسمة بغيظ شديد: اتفضل اقطع دراعي أما كنت أنت كمان رئيس العصابة.

يونس بابتسامة: بس بالراحة عليها يا سيدنا الشيخ لحسن حزنها بيرد في قلبي أنا ويوجعه.

بسمة بغيظ شديد: اللهي تترد المياه في زورك يا شيخ. اتفضل حضرتك.

********************

في الغرفة…

كانت قاعدة بدموع وحزن بعد ما سمعت حكايته.

/ قصد حضرتك إنه مجبر يعمل كل ده عشان خاطر يرجع صاحبه.

الشيخ بحزن شديد: أيوه يا بنتي. اللورد اللي مشغل يونس في كل الوساخة دي من سنين. خطف صاحبه عمره عشان يجبره ينفذله كل اللي هو عايزه. ولحد دلوقتي محدش عارف إذا كان صاحبه عايش ولا ميت. بس هو عنده أمل.

بسمة بدموع ووجع: معقول فيه شخص يعيش كل الوجع ده ويضحي بنفسه عشان صاحبه؟

الشيخ بابتسامة حنونة: فيه يا بنتي فيه. عشان كده عايزك تساعديني. يونس محتاج حد يخرجه من الدائرة دي. يونس بيحبك أنا متأكد من كده. خليكي جنبه يا بسمة. أنا متأكد إن انتي اللي هتساعديه يخرج من البئر ده ونقبضوا على المجرم ده.

بسمة بجدية وحماس: أوعدك يا سيدنا الشيخ أوعدك.

*******************

في أحد المطاعم الفاخرة…

كانت قاعدة عشق بارتباك شديد وجواها فرحة تكفي الكون كله. أما أمجد فحاسس معاها باللي افتقده مع هند. حب شايفه في عينيها. اتكلم بكل سعادة.

/ إيه مالك متوترة كده ليه؟

عشق بابتسامة: عايزني أعمل إيه وأنا بعيش حياة عمري ما عشتها. حتى لو حياة مؤقتة أول مصلحة أنا راضية. كفاية السعادة اللي عايشة فيها دلوقتي. تسوى الدنيا.

أمجد بابتسامة حنونة: أنتِ طيبة أوي يا عشق وبترضي بأي حاجة. بس أوعدك إني هعيشك أحلى عيشة.

عشق بحزن: طبعًا كل ده عشان تنتقم من هند وتحسسها إنها لازم تندم إنها سبتك. مش كده؟

أمجد وهو يقبل يدها بحنان: قسماً بالله ما قصدي كده يا عشق. أنا حاسس معاكِ حاجات كنت نسيتها من زمان. هند من ساعة ما عرفت إنها مش هتقدر تخلف واتحولت 180 درجة. مبقاش فيه حاجة في دماغها غير كده وبس. وأنا مبقاش ليا وجود. لما مشاعري ناحيتها تقريباً ماتت. بس على إيدك أنتِ بدأت تصحى من جديد.

عشق بدموع الفرحة: بجد يا أمجد بجد؟

أمجد بغمزة وخبث قام وشالها: والله أنا راجل عملي. بحب أثبت كلامي. يلا على البيت وأنا هثبتلك بحبك قد إيه.

****************

في الصعيد…

في منزل منصور والد إيمان.

كان قاعد خالد بثقة وثبات. ليتحدث منصور بحدة.

/ إحنا آسفين يا بيه بس بنتي مخطوبة لابن عمها. ربنا يرزقك ببنت الحلال.

خالد بحدة: اسمعها منها هي.

منصور بغضب: جرا إيه يا بيه؟ أنت جاي تقلل مننا في بيتنا ولا إيه؟ إحنا صعيدة. الحريم عندنا ملهمش كلمة واصل. وأنا بقولك إنها مخطوبة.

إيمان بدموع ووجع: لا أنا مش مخطوفة يا أبويا. وقلت لك مليون مرة إني مش هتجوز دسوقي مهما حصل. أنا هتجوز خالد.

منصور بغضب جحيمي: أنتِ بتردي عليا وبتكسري كلامي يا بت؟

دسوقي بغضب: سيبني أخلص عليها يا عمي.

خالد وهو يمسكه بحدة: اخرس! لو فكرت تقرب منها هقطع لك إيدك. أنت فاهم؟

منصور بغضب جحيمي: اختاري يا بت. ياحنا يا الواد ده. بس اعملي حسابك لو اخترتيه. أنتِ موتِ بالنسبة لنا. مش هيبقى ليكي لا أهل ولا ناس.

إيمان بقوة وثبات: خالد عندي بكل الناس يا أبويا.

*******************

في القصر…

بارك الله لكم وبارك عليكم وجمع بينكما في خير.

الشيخ بابتسامة: ألف مبروك يا ولاد. يلا أستأذن أنا.

يونس بابتسامة ساحرة: أنا مبسوط أوي على فكرة.

بسمة بابتسامة باهتة: لدرجة دي سعيد؟ بس ليه؟

يونس بابتسامة: لأني أخيراً حققت إنجاز كويس. إنجاز هيخليني حتى لو مت أموت مبسوط وسعيد.

بسمة بابتسامة: أنت ليه متأكد إني مش هبلغ عنك؟ ليه واثق كده؟

يونس بابتسامة عاشقة: أنا قلت لك قبل كده لو مت على إيديكِ هكون مبسوط وسعيد.

ليمسكها من يدها ويسير بها إلى الخارج. لتصعق من تلك الزينة والتورتة التي يزين اسمها عليها. لتتحدث باستغراب.

/ إيه كل ده يا يونس؟

يونس وهو يسحبها بين يديه لساحة الرقص.

/ ده كله كان متجهز للأميرة اللي هتنور حياتي.

بسمة وهي جواها إحساس غريب. إزاي ده كله حصل؟ معقول الحب ده كله؟ إمتى وإزاي؟

بسمة بجدية: يونس أنت فاكرني هبلة؟ فاكرني هصدق إنك بتحبني؟ طب إمتى وإزاي؟

يونس بجدية: من 3 شهور بالظبط.

بسمة باستغراب: قصدك إيه؟ مش فاهمة.

يونس بجدية: هقولك.

فلاش باك…

في القصر.

كان قاعد يونس وهو ماسك صورة بسمة بشرود. ليتحدث اللورد بجدية.

/ إيه؟ عجباك ولا إيه؟

يونس بجدية وإنجذاب عليها: هي حلوة بصراحة. بس مش فاهم أنت عايز إيه.

اللورد بجدية: البت دي مسؤولة عن ملفات بتدين رجل أعمال معروف. اسمه موجود عندك. وبصراحة الراجل بينفعنا. ومفيش غيرك هيقوم بالمهمة دي. دي بنت ماهر الصياد. واللي عرفته إن خالك بيشتغل عندهم. جه وقت إن العقرب يختفي شوية ويظهر يونس. لازم تجبلي الملفات. أما البت دي لازم تموت. لأنها بتدور ورانا وإحنا مش ناقصين وجع دماغ.

باك…

بسمة بخوف وقلق: يعني إيه؟ ممكن يموتوني؟

يونس بعشق حقيقي: متخافيش. أنا مستحيل أسيب حد يقرب منك. أنا خلاص امتلكتك وأنتِ امتلكتي قلبي. أنا مبقتش قادر أعيش من غيرك يا بسمة. أنتِ الحاجة الحلوة اللي في حياتي. بحبك يا بسمة. بحبك.

ليحتضنها بتملك وعشق كبير. أما هي فكانت بين أحضانه براحة غريبة. إحساس غريب بالاحتياج والإثبات أن مش بس يونس اللي محتاجها، هي كمان محتاجاه.

بعد وقت طويل.

في الجنينة…

كانوا قاعدين بيدفوا.

بسمة بابتسامة: يونس إيه اللي المفروض يحصل دلوقتي؟

يونس بابتسامة: أنتِ عايزاني أعمل إيه يا بسمة؟ اعذريني لأني مش هقدر أبعد عن اللي أنا فيه دلوقتي قبل ما أرجع صاحبي.

بسمة بحزن شديد: تفتكري هو لسه عايش؟ أنا مش عايزك تضيع حياتك أكتر من كده عشان وهم. يا يونس كفاية كده.

يونس بابتسامة: يلهووي على العسل يا ناس. آه يا بسمة أنتِ طلعتيلي منين؟ برغم كل الخطر اللي أنا معرض له دلوقتي بعد ما جبتك هنا وبحميكي منهم. ممكن يكون فيها موتي. بس طول ما أنتِ بخير وقدام عنيا أنا مرتاح ومطمن.

بسمة بخفة دم: الله يرحم يونس جبر. يلم العفش هههههه.

يونس بضحكة عالية: ههههههه. بس على العموم يونس ولا العقرب. الاتنين بيموتوا فيكي.

اللورد بغضب: متقلقش يا يونس. هموتكم مع بعض. متقلقش.

يونس بغضب جحيمي: لو فكرت تقرب منها. أنت عارف أنا ممكن أعمل إيه.

اللورد بحدة: عمرك ما عصيتلي أمر غير لما عرفت البت دي. خليها ترجع مصر ونكمل شغلنا. وأنا أوعدك إني مش هاذيها.

بسمة وهي تمسك يونس بتملك وخوف: مش هيحصل. مش هرجع مصر. مش هسيبه لك. إحنا الاتنين هندمرك. الرحلة قدامنا طويلة والمعركة لسه في البداية. ومبقتش معركة بلد وبس. معركة عشق كمان…

في فيلا يونس في روما ..

كانوا واقفين زي العصافير الي بتحمي بعض من الغراب الي عايز يفرقهم .

اللورد بضحكه عاليه ساخره: هههههه لا بجد ايه كل الثقه دي ي حضره الظابط مش خايفه اني أبلغ عنك واقول انك متستره علي مجرم هارب .

بسمه بثقه وقوه: جرب واعملها وساعتها المجرد ده هيكون انت وهتكون في السجن علي أيدينا باذن الله بكل جرايمك .

يونس بغضب: انا عملتلك كتير اوي فين هيثم بقا وخلينا ننهي اللعبه دي .

اللورد بضحكه عاليه: هههههههه انت اهبل ولا ايه انت فاكرني كده هسيبك بسهوله بعد كل الي عرفته هو اتفاق واحد تقتل البت دي ونخلص منها صاحبك يكون عندك في نفس اللحظه ي كده ي قول ي رحمان ي رحيم عليكم كلكم ي عقرب سلام .

يونس بخوف حقيقي: بسمه خليكي بعيد لو سمحتي سبيني انا اتصرف انا اموت لو جرالك حاجه.

بسمه وهي ماسكه ايده بتماسك: لا احنا خلاص بقينا مربوطين في بعض زي الحلقات كده انا مش هسيبك ي يونس لحد مانلاقي صاحبك ونقبض علي الزفت ده ونرميه في السجن.

يونس بتحول وغمزه: وبعد كده فكرك اني هسيبك تبعدي عني ده انا هحبسك جوه حضني مش هسيبك ابدا .

بسمه بغيظ شديد: قسما بالله انت مطبيعي احنا فيه ولا فيه ده احنا ممكن نضرب رصاصتين دلوقتي .

يونس بابتسامه خبيثه: وايه المشكله علي الاقل نموت سواء وندخل الجنه مع بعض كده .

بسمه بغيظ شديد: جنه ايه الي ندخلها ده انت داخل جهنم حدف ي قتال القتله .

يونس بابتسامه ساحره: بس والله العظيم بموت فيكي.

بسمه بارتباك شديد: انا هدخل جوه بدل ماتشل.

يونس وهو يتبع أثرها بعشق: بعشقك ي بسمه .

********************.

في فيلا الصياد …

كانت رايحه هند وجايه بغضب جحيمي فجاه لقيت امجد وعشق داخلين بضحك وسعاده .

هند بغضب وغيره: ممكن اعرف الي بيحصل ده .

امجد باستفزاز وسخرية: ايه الي بيحصل واحد ومرائته داخلين سعداء ومبسوطين .

هند بحده وغيره: مرائته انت ملكش غير زوجه واحده انا وبس مبقاش الي الفلاحه دي .

امجد بغضب: الفلاحه دي مرائتي فاهمه وافتكري انك انتي الي اخترتيها علشان اتجوزها ايه بقا مالك ايه الي مزعلك .

هند بغيظ وغيره: انا قولت انها مجرد واحده متاجره علشان تجبلنا طفل وتغور في ستين داهيه لكن ايه ده فسح وانبساط واخر روقان زي متكون ماصدقت ي امجد بيه .

امجد بصدق: اه ماصدقت تخيلي شوفت معاها حاجات كنت نسيتها معاكي من زمان انتي مش شايفه نفسك ولا ايه كل حاجه الطفل الطفل وكان انا مش موجود اصلا انتي موتي مشاعري وعشق احياتها من جديد احنا خلاص ي هند طريقنا بقا مسدود عشق هتبقى مرائتي بس مش لفتره مؤقته لا ده طول العمر وانتي شوفي عايزه ايه وانا هنفذه حتي لو عايزه تفضلي علي ذمتي انا معنديش مانع انتي برضه بنت عمي يلا ي عشق .

اخد عشق الي في عالم تاني مش مصدقه الي بيحصل ولا مصدقه عوض ربنا ليها يكون بالجمال ده مع راجل بيعترف بأنه مشهيقدر يستغنا عنها أما هند فكان جواها غضب يكفي لإحراق العالم كله .

*******************.

في شقه خالد …

كانت قاعده ايمان وهي مش قادره تصدق انها خلصت من الكابوس ده أما خالد كان بيبصلها بابتسامه احساس غريب جواه أنه مبسوط بالي حصل .

ايمان بابتسامه ساحره: مش قادره اصدق الي حصل ي خالد معقول خلصت من الكابوس ده شوفت صدقتني بقا لما قولتلك اني كنت هضيع .

خالد بجديه: بصراحه استغربت جدا أن لسه فيه ناس بتفكر كده وكان البنات ده مخلوقات ملهاش روح بجد حاجه غريبه بس انا لسه عند وعدي .

ايمان بارتباك شديد: قصدك ايه ي كابتن .

خالد وهو من جوه مبسوط بس تصنع الجديه: لأن انا راجل وقد وعدي هنتجوز فتره لحد ماطمن انك بخير وامنلك حياتك وبعدين براحتك خالص .

ايمان بحزن عميق: تمام انا موافقه ي كابتن .

لتحدث ذاتها بحزن ياريتك تحبني زي مابحبك ي خالد ياريت .

******************.

في روما .

في فيلا يونس..

كانت تفتح بسمه عيناها بانزعاج شديد لتثير الي الأسفل لترا يونس يتتدرب بعنف شديد لتقترب منه بغيظ شديد.

/حرام عليك ي شيخ انا مش عارفه انام ساعه واحده بس .

يونس وهو يحتضنها بحنان: قولتلك نامي في حضني هتنسي الدنيا والي فيها .

بسمه بخجل وارتباك: ابعد عني كده انت ايه مبتصدق .

يونس بعشق حقيقي: ي عني مرائتي وفي حضني هعوز ايه تاني من الدنيا دي .

بسمه بارتباك: يونس فوق اول مايخلص الموضوع ده واقبض علي اللورد والاقي صاحبك كل حاجه هتنتهي .

يونس بترقب: قصدك ايه هتسلميني للبوليس.

يونس بحزن شديد: عندك حق نهايتي معروفه يلا نفطر .

سابها ومشي عينيها بتبص عليه باحساسيس كتير متلخبطه حب ولا ضيق ولا رغبه في تحقيق العداله الف سؤال وسؤال .

علي مائده الافطار…..

كان قاعد يونس تقريبا مبياكلش .

بسمه بجديه: يونس .

يونس بحده: انا دلوقتي بدات افهم انتي وخداني صفقه مش كده ترقيه بتنيميني لحد ماتعرفي تقبضي علي كل الي ورايا وتاخديني انا فوق البيعه مش كده .

بسمه بجديه: يونس انا عارفه انك لو عايز تخلص عليا كنت عملتها بس .

يونس وهو بيركع تحت رجليها بدموع: صدقيني مش هقدر حتي لو فكرت في كده مش هقدر انا بحبك ي بسمه بحبك اوووي انا كنت اقدر بسهوله اوي اجيب كل الاوراق المطلوبه بس عملت كل ده علشان اكون جنبك واحميكي مكنتش اقدر اخسرك ابدا .

طبعا بسمه كانت صعب تقاوم كل العشق ده في لحظه هيام كانت في حضنه وبين ايديه وفاقوا اللاتنين لكن صدمه يونس من حاله بسمه المنهاره كان أكبر قلم فوقه من اجمل لحظات حياته .

بسمه بدموع وانهيار: ازي ده حصل ازي ضعفت كده انا عمري مكنت ضعيفه ازي ده حصل ي ربي .

يونس بوجع ومراره: ممكن تهدي بسمه انا بعشقك مستعد اعمل اي حاجه علشانك .

بسمه بدموع وصراخ: انت واحد مجرم فاهم ي عني ايه .

يونس بوجع شديد: عندك حق فعلا علي العموم الي انتي عايزاه انا هعمله بس تفتكري اني بعشقك ي بسمه …

في روما ..

في فيلا يونس ..

كان قاعد في الجنينه بوجع ومراره. معقول بعد كله اللي بيعمله عشانها تكون كاره لمسته بالشكل ده؟ بعد كل الحب ده؟ كفاية ي يونس، لازم تعترف بالحقيقة، لازم.

بسمة بدموع ووجع: يوونس .

يونس بدموع وصراخ: نعم ي بسمه، فيه إيه تاني عايزة تقوليه؟ مش كفاية اللي قولتييه وانتي في حضني ودمرتي أجمل ليلة في حياتي؟

بسمة بدموع وصراخ: أنا عملت كده لأني مصدومة من نفسي. أنا اللي المفروض أحقق العدالة. أحب مجرم؟ واقعة في حبه؟ أيوه ي يونس، أنا بحبك، بحبك أوي.

كانت قبلته كأنه يثبت ملكيته لها، لتبتعد عنه وهي تنظر لعينيه بتوهان.

يونس بعشق: أنا مش مجرم ي بسمه. يشهد الله إني ما عملتش حاجة حرام أبداً.

بسمة بصدمة: قصدك إيه ي يونس؟

يونس بدموع ووجع: أنا هقولك. أنا سافرت أنا وهيثم صاحبي روما عشان نلاقي أي شغلانة. ناس قالولنا إن فيه هنا شغل بالهبل بس اللي يشغل دماغه. جينا، وانتي عارفة إن كل بلد بيبقى فيها قطع طرق وحرامية. وأول ما نزلنا اتلموا علينا وكانوا عايزين يقلبونا. اتخانقنا معاهم وقطعناهم. وفي اللحظة دي كان موجود اللورد. بعدها بساعة واحدة لقينا نفسنا مخطوفين في مكان مرعب. والاختبار كان صعب. خيرني إني أستغل معاه يا إما يقتل هيثم. ومن ساعتها وأنا معاه وبحاول ألاقي هيثم، بس للأسف مفيش فايدة. بس والله العظيم كل المهام اللي بيطلبها ما كنتش بقوم بيها. كنت بحاول أبينله العكس. ده غير البوليس اللي بوصله كل حاجة. بس وعدوني إنهم مش هيقبضوا عليه غير لما ألاقي هيثم. وشخصية العقرب دي شخصية وهمية. لحدك انتي، لما عرفت إنك ماسكة القضية بتاعته، كلفني إني أجيب الملفات وأقتلك. بس مقدرتش. عملت كل ده عشانك، عشان أقرب منك. فهمتي؟ خالي لما رجعت إن الدنيا لطشت معانا وراجع بكح تراب، كنت عرفت إنه بيشتغل عندكم في الفيلا. ودي كانت فرصتي عشان أوصلك بكل سهولة وأحميكي. جيتك هنا تحت عنيا، مع إنك شفتي الخطر اللي أنا فيه. أنا بعشقك ي بسمه، بعشقك.

بسمة بدموع وسعادة لا توصف وهي تحتضنه بعشق: وأنا بعشقك ي يونس، بعشقك. والله العظيم بحبك. بس خلاص، إحنا كل مهمتنا دلوقتي إننا لازم نلاقي هيثم ونقبض على الزفت ده. وكل اللي حواليه لازم نراقبه. صدقيني، ساعتها هنوصل لهيثم ونعيش في سعادة ي حبيبي، علطول.

يونس بدعاء وأمل: يارب ي بسمه، يارب.

***

في فيلا ماهر ..

في جناح إيمان وأدهم بعد كتب كتابهم.

أدهم بابتسامة مشرقة: مبروك ي عروسة.

إيمان بابتسامة وخجل: الله يبارك فيك يا كابتن. أنا بجد مش مصدقة نفسي. أنا زي ما أكون كنت في سجن وخرجت منه على إيدك.

أدهم بابتسامة: أولاً، أنا اسمي أدهم. أنا بقيت جوزك خلاص، يعني بلاش كابتن دي. ثانياً، خلاص انسي كل اللي فات. انتي شوفتي أهلي فرحوا بيكي إزاي وحبوكي.

إيمان بابتسامة: وأنا والله حبيتهم أوي. دول عوضوني عن موت أمي وقسوة أبويا. ربنا يخليهم ليك يارب.

أدهم بابتسامة: ويخليكي ليا. يلا خدي شور عشان ننزل نفطر.

إيمان بابتسامة: حاضر.

***

في غرفة عبير.

كانت واقفة هند لتتحدث بعصبية كبيرة.

هند: بقولك ي طنط، ده خلاص أمجد باشا بقى شايف إنها مراته بجد. وسهرات وضحك وآخر دلع. وأنا أضرب راسي في الحيطة.

عبير بحدة: بقولك إيه؟ متتوجعيش دماغي ي بت انتي. ده كله انتي السبب فيه. مش انتي اللي جبتي عشق دي وصممتي إنه يتجوزها؟ وأنا قولتلك إن ده ممكن يحصل. بس متجيش بقا تعيطي، فاهمة؟

هند بغيظ وهمس: طيب ي ست عشق، وقعتك معايا سوداء.

***

تاني يوم في روما ..

كانت واقفة بسمة بتعمل الفطار لفلها. يونس وحضنها وباسها من رقبتها.

يونس: صباح الفل ي بسمة حياتي كلها.

بسمة بابتسامة: صباح الفل ي حبيبي. تعال افطر، ورانا شغل كتير.

يونس بقلق بالغ: بسمة، أنا خايف عليكي. أرجوكي اهدي.

بسمة بابتسامة: لا مش ههدا. إحنا هننزل ندور في كل أماكن اللورد. متقلقش، معانا قيادات تانية. وأكيد هنوصل للمكان اللي فيه هيثم.

يونس بتمني وأمل: يارب ي بسمه، يارب. على فكرة بعشقك.

بسمة بابتسامة وغمزة: وأنا كمان والله.

***

في فيلا ماهر.

على مائدة الإفطار..

كانوا قاعدين بيضحكوا وبيتكلموا. إلا هند طبعاً، اللي كانت هتموت من الغيظ.

هند بضيق وزهق: إيه ي طنط، الأكل ماله ماسخ ليه كده؟

عبير بضيق: بالعكس ي هند، ده طعمه جميل. ده من إيدين إيمان وعشق.

هند بغيظ أكبر: آه، قولتيلي. أكمنه مالوش طعم زيهم. واحدة كانت بتشتغل خدامة في بيوت الصعيد، جبتها وعملتها هانم. والتانية مش عارفة أدهم جايبها منين. شكلها كده بنت شوارع زيها.

أدهم بغضب جحيمي: ااااامجد! لم لسان مراتك، أحسن لها.

أمجد بتجاهل كبير لها: أنا مش معتبرها مراتي أصلاً. أنا قولت لها تعيش هنا بأدبها. مش عاجبها تاخد ورقتها وتمشي.

هند بدموع وحرقة: هي وصلت لكده ي أمجد؟

أمجد بحدة: أيوه وصلت لكده. للأسف ي هند، إنتي مالكيش عندي دلوقتي أي ذكرى، غير إنك واحدة باعت جوزها بالرخيص. بس بصراحة، أحب أشكرك، لأنك هديتيني بأجمل حاجة في حياتي، عشق.

هند بدمع وغيظ: ماشي ي أمجد، ماشي. أنا همشي وأسيب البيت، وورقة طلاقي توصلك، فاهم؟

أمجد ببرود قاتل: مع السلامة. متقطعيش الجوابات.

عشق بجدية: ليه ي أمجد كده؟ كنت مسكت فيها شوية.

أمجد بابتسامة: لو مسكت فيها، كانت هتقعد. وأنا بصراحة مش عايزها كده. أحسن، أنا مش عايز غيرك إنتي ي عشق. بحبك ي عشق، بحبك.

عشق بابتسامة عاشقة: وأنا كمان بعشقك ي أمجد.

إيمان بابتسامة: تصدق، أول مرة أحس إن حد بيخاف عليا وعلي كرامتي وبيدافع عني أوي كده.

أدهم بابتسامة: إنتي مراتي، كرامتك من كرامتي. مستحيل أسيب حد يجرحك بكلمة واحدة.

إيمان بابتسامة وسعادة: ربنا يخليك ليا ي حبيبي.

أدهم بابتسامة واسعة وهمس: قولتي إيه؟

إيمان بارتباك شديد: قولت ربنا يخليك ليا.

أدهم بابتسامة: لا، اللي بعدها. قولتي حبيبي؟ ولا أنا سمعت غلط؟

إيمان بارتباك شديد: لا، سمعتها صح.

أدهم بضحك: ههههه، طب كلي طيب، بدل وشك مقلب طماطم كده.

***

في روما

فيلا يونس …

كان قاعد حزين جداً. قربت منه بسمة وهي تحتضنه بحنان.

بسمة: حبيبي، دي مش آخر محاولة. إن شاء الله نقدر نوصل للمكان.

يونس بحزن ويأس: فين بس ي بسمة؟ أنا دورت في كل مكان. عارفة، للزفت ده مالوش أثر.

بسمة بابتسامة عاشقة: ي حبيبي، إنت فاكر إن الموضوع سهل؟ أنا عايزة أشوف يونس الجامد كده. جرى إيه؟ جبر يلمك.

يونس بضحكة عالية وهو يحتضنها بعشق: آه ي روح يونس، إنتي. نفسي أخلص من كل ده وأعيشك أحلى عيشة ي روح قلبي. ي حضرة الظابط.

بسمة بغيظ شديد: آه، تصدق. أنا معرفش إنت خريج إيه ي أستاذ يونس. تخيل.

يونس بابتسامة وهو يقبل يدها: خريج هندسة ي يروح قلبي.

بسمة بابتسامة: آه، بشمهندس.

يونس بمرح وخفة: آه، بشمهندس. يحظابط.

ليضحكوا ضحكات عالية ساحرة، ليحتضن كلا منهما الآخر.

***

في أحد الأماكن المهجورة التابعة للورد.

كان مقيد هيثم بتعب شديد. ليسير إليه اللورد بسخرية.

اللورد: شكل صاحبك مش خايف على عمرك ي هيثم. مصمم إنه يعاندني، شكله مش خايف عليك.

هيثم بكره وحدة: قولتلك من زمان، لو هفضل أنا الشوكة اللي بتلوي بيها دراع يونس وبتشغله في القرف ده، علشاني اقتلني وخلصني.

اللورد بضحكة خبيثة: شكلها كده نهايتك قربت، بس مش قبل ما أخليك تشوف صاحبك والمزة بتاعته وهم معاك هنا وبيتعمل معاهم أحلى واجب.

هيثم بغضب جحيمي: لو لمست منه شعرة، هقتلك.

اللورد بضحكة عالية: ههههههه، تصدق ضحكتني.

عزمي، أحد رجال اللورد، بدموع وصراخ: الحقني ي باشا! فيه حد ولع في البيت ومراتي وعيالي اتحرقوا.

***

في فيلا يونس …

كانوا قاعدين بسمة ويونس في الجنينة، فتفاجئ بعزمي اللي يعرفه كويس أوي. ليشهر مسدسه أمامه بغضب.

يونس: اثبت عندك ي عزمي، بدل ما أخلص عليك.

عزمي بوجع ورغبة في الانتقام من اللورد: اطمن ي ابني، أنا مش جاي أذيك. أنا جاي أسلمك اللورد وأعرفك مكان صاحبك…

رواية امتلكني صعيدي الفصل الثامن 8

/اثبت عندك ي عزمي بدل ماخلص عليك .

عزمي بوجع ورغبه في الانتقام من اللورد /اطمن ي ابني انا مش جاي اذيك انا جاي اسلمك اللورد واعرفك مكان صاحبك …

الفصل كاملا ل كاملا