رواية امتلكت عرش قلبي الفصل الأول 1 - بقلم ايات عبد الرحمن

بابا مستحيل اللي بتقوله دا. انت عايز تتزوج بنت من عمر أحفادك؟ لا وكمان هتكتب ليها نصف أملاكك مقابل توافق؟ لي بنت زوات هي دي بتشتغل عندك وف شركتك كمان؟ بقولك إيه يا نجمة، أنا أخدت قرار ومستحيل أرجع فيه لو مهما حصل. حفل الزفاف هيكون بعد بكرة. حابة تحضريه؟ هيكون في قاعة ********. مش حابة؟ يبقي أنا كدا عملت اللي عليا. وقفل الفون قبل حتى ما يرد عليه. وسند رأسه على

كرسي المكتب وقال في نفسه: لازم أتزوجها لإنها عارفة كل أسراري، يعني روحي في إيديها. مش من عائلة غنية هي، لقيطة، أخدتها ست كبيرة وربيتها بعد ما لقيتها محطوطة في كيس أسود في باسكت قماشة ونشأت عندها. حفل زفاف فخم جداً. وطبعاً بنت كمال رجعت مصر عشان تشوف مين هتقسم معاها أملاك والدها. الحفل انتهى ورجعت أسما مع كمال فيلتهم الخاصة. اللي هيبدؤا فيها حياتهم.

كانت قاعدة على السرير بفستانها الأبيض اللي اتصنع مخصوص ليها وعيونها متجمع فيها الدموع. كان لازم أوافق أتزوجه عشان هيحقق ليا كل أحلامي وكمان هينفذ ليا مشروعي. بس خلاص أنا أخدت قرار. إن أول ما ينفذ اللي في رأسي وأسجله، هسيبه ومش هكمل معاه. وطلعت أوراق من تحت السرير وابتسمت وقالت:

هانت يا كمال بيه. في أقل من ساعة هتكون مضيت على كل أملاكك. مش فاضل بس غير إمضاء صغير جداً ليا وتسجيل الأملاك وأكون مليونيرة رسمي. وأنت خدام عندي. وابتسمت بشر. وبعد وقت مش طويل سمعت صوت خطواته. قامت بسرعة وأخفت الأوراق ورجعت لشكلها الملائكي. البنت المضطرة تتزوج مديرها اللي خايف أسرار شركته تطلع برا وكمان كبير عنها جداً في السن. دخل كمال وبص ليها وبدأ يغمض عيونه. وفي لحظة كان واقع على الأرض متوفي.