رواية امتلكت قلب صعيدي الفصل الخامس 5 - بقلم نرمين حمدي

حبيبه: إيه ده مال صوتكم. قعدت حكتلها على كل حاجة. حبيبه بصدمة: ينهار أسود. سيف مات؟ وهتعملي إيه يا وعد؟ وعد ببكاء أكثر: مش عارفة. أنا تعبت. حبيبه: ده باين عليه بيتلكك لك. بلغي عنه يا وعد. وعد: أبلغ إيه؟ ده يا ماما قتل ناس، ويا ولا ولع في بيوت وحرق قلوب أمهات على أولادها، ومخدش ساعة سجن. ده شخص محدش يقدر عليه غير اللي خلقه. حبيبه: يا حبيبتي والله زعلتيني على اللي بيحصل لك ده.

وعد: مبقتش تفرق. عادي. حياتي مبقاش لها طعم. حبيبه: معلش يا حبيبتي استحملي. يمكن لما تتجوزي زين ميقدرش يتكلم معاكي. *** تاني يوم. المأذون جه وهارون وصخر وباقي العيلة مستنيين تحت. نزل زين وفاجأ الجميع: جدي أنا مش هتجوز وعد. أنا مش هتجوز واحدة رفضاني. هارون: يعني إيه الكلام ده؟ زين: يعني اللي سمعته. أنا مش هتجوزها. هارون: وهو لعب عيال ولا إيه؟ زين: حرام نظلمها كده. كفاية اللي هي فيه. هارون: إنت أولى بيها من الغريب.

زين: ده لما تكون بتحبني وبتريداني. لكن هي مش عايزاني. صخر يضع يده على كتف زين ويهمس في أذنه: أنا أدتك الفرصة وإنت رفضتها. مفيش ظروف أحسن من دي تقدر تتجوزها فيها. لكن إنت غبي. وبغبائك ده ضيعت فرصة عمرك. زين: معلش. أصل إنت واخد على الجبروت وإن اللي قدامك يعمل كل حاجة إنت عايزها غصب عنه. لكن أنا مش كده. صخر: ماشي يا بتاع المبادئ والحنية.

هارون: يعني إيه بعد ما كل أهل البلد عرفوا إن إنهارده كتب كتاب وجواز زين حفيد هارون الدمنهوري، كل حاجة تتلغي كده؟ إلا اسمي يا زين. إلا اسمي. زين: ده كل اللي هامك اسمك وسمعتك. لكن مستقبل البت الغلبانة دي مش فارق معاك. هارون بغضب شديد: غور من قدامي. غووووووور. ليلي: هدي نفسك يا عمي. مش كده. كل حاجة وليها حلة. هارون: ملهاش غير حل واحد. تتجوزها إنت يا صخر. صخر: لا. مليش في الجواز. أنا وبصراحة كده لو وجعت تحت إيدي هـ...

يقاطعه هارون: وأنا قلت هتتجوزها يا صخر. والكلام خلص على كده. صخر: أنا كمان كلامي خلص. ومش هتجوزها. هارون: إفهم بقى. أهل البلد كلهم برا بيهيصوا. ده غير الناس المهمة قوي اللي جاية. عايزني كيف أقول لهم الفرح اتلغى وسمعتي. ليك مني الشركة اللي إنت عايزها هتكون باسمك بكرة الصبح. صخر: ماشي. بس هيبقوا شركتين. هارون: تلاتة. بس يلا يا ولدي. صخر: أنا مستعد.

فعلاً طلعوا برا للناس. وصخر سلم على كل الناس. اللي كان في عينها نظرة استغراب. فالمفروض العريس هو زين.