رواية اميرة الرعد الفصل الرابع عشر 14 - بقلم ندى الشرقاوي

بعد 10 أيام على الجزيرة، كانت أيامًا جميلة. ورعد يعامل أميرة كأنها طفلة، حتى الماء كان يحضره لها. رعد: حبيبة قلبي، بتعملي إيه؟ أميرة: زهقت من القعدة في الجناح، عاوزة أطلع بره. رعد: بره الجو برد عليكِ. هنا دفء شوية، وكمان في حضني، عاوزة إيه تاني؟ أميرة بغضب طفولي، وانكمشت ملامح وجهها. رعد: خلاص، هتقلبي ولا إيه؟ استني دقيقة، وهنطلع نقعد بره على النجيل. أميرة بفرحة: آه، يلا بينا. رعد: استني شوية.

دخل، جاب جاكت تقيل كده، لبسه لها. أميرة: إيه لزمته؟ رعد: الجو بره برد، إنتي نسيه إننا في وسط البحر؟ شالها وطلع، وجه يقعد على الكرسي. أميرة: لأ، على الأرض. رعد: حاضر. قعدوا على الأرض. رعد: فاكرة لما كنا هنا آخر مرة؟ أميرة: آه، كانت أيام جميلة أوي أوي. رعد: اللي جاي أحلى بكتير أوي أوي. أميرة: عارف، نفسي أفضل في حضنك على طول.

رعد: وأنا مش هبعدك عن حضني أبدًا. مكنتش مخطط لكل ده، بس فعلًا ربنا كبير وتدبيره أحلى بكتير. بقا كان يتخيل إن رعد المنشاوي يتجوز واحدة عندها 18 سنة؟ أميرة بمرح: لأ، وجابت 3 عيال. رعد: أحلى 3 عيال في العالم كله. مليتي عليا دنيتي وحياتي كلها، وخلّيتي ليا عيلة كبيرة أعيش في وسطهم. أميرة: أنا لو كانوا قالوا لي إن دي هتكون حياتي، عمري ما كنت هصدق. رعد: ندمتيش يا أميرة قبل كده إنك تتجوزيني واحد مخلف وأكبر منك بـ 10 سنين؟

أميرة وهي ماسكة وجهه باديها: كل شوية تقول 10 سنين. دا أنا اللي شكلي أكبر منك، وإنت قمر كده. أما بقا بالنسبة لجنه، فدي حياتي كلها. بنتي اللي كان نفسي تكون مني أنا بس، مش الأم اللي تحمل بس، الأم اللي تربي. وأنا فخورة إني فرد من عيلة رعد المنشاوي. رعد بيحضنها. رعد: يا خرااابي على الجمال. لو أطول أفضل حاضنك عمري كله، هعمل كده. أنا بحبك أوي أوي يا أميرة، بعشقك.

أميرة بعشق أيضًا: وأنا بموت فيك. عارف، عاوزه أنزل البحر دلوقتي، مع إنّي مبعرفش أعوم. رعد: تنزلي البحر عشرة بالليل يا مفترية؟ دا إنتي بتخافي لو نزلتيّه الصبح. هتنزلي بليل؟ تعالي ندخل جوه بقا. أميرة: خلينا شوية، أنا مش بردانه. رعد: يا مغلباني انتي. أميرة: تعمل إيه يا رعد لو كل ده حلم؟ رعد: هصحى أروح أتعلم الرسم، ليل نهار، وأرسم ملامحك، وأطبع صورك لأي حد يلاقي بنت قلبي. أميرة بمرح وضحك: بتحبني أوي كده؟

رعد: حد كان يصدق إن رعد المنشاوي يبكي في الشارع على حبيبته؟ أميرة: تشكرات، كل ده عشان أنا في حياتك. رعد: خدي العصير بتاعك بقا. أميرة بعبث وغضب: مش بحبه. رعد: لأ، التفاح حلو وصحي. أميرة: عاوزة مانجا. رعد: طب اشربي ده الأول بس، وفاضل 5 أيام ونرجع، اعملي حسابك. أميرة: عارف لو نجيب الولاد ونفضل طول حياتنا هنا من غير مشاكل ولا أي حاجة؟ رعد: معتش في مشاكل يا أميرتي. بس في طلب صغير. زعلانه إني قولت لك البسي الحجاب.

أميرة: لا، أنا... قاطعها رعد وقال: أنا والله بعمل كده عشان غيرتي عليكي. إنتي جميلة أوي، لو ينفع أنقبك هعمل كده. لو طولت أخبيكي عن العالم، هعمل كده. أنا اشتريت الجزيرة دي ليه؟

عشان محدش يشوفك هنا. أنا عملت كده عشان الشعر الأحمر اللي لونه يشبه النار، وشدة لونه ولمعانه يكون ملكي أنا وبس. محدش يشوفه غيري، وكل حاجة تكون ملكي أنا. أنا بس اللي يحق لي أشوف الجمال ده كله. بكون بغلي وغضبان من جوايا لما ألاقيكي لابسة فستان ضيق أو قصير. ليه الناس تشوف حاجة ملك ليا أنا؟

أنا راجل صعيدي، ومافيش راجل صعيدي يرضى إن الناس تشوف مراته كده. غير كده، إنتي كبيرة وعاقلة، وحرام تفضلي من غير حجاب. بس محبتش أفرضه عليكي. أميرة مبتسمة من كلامه وقالت: عارفة ياحبيبي، بس أنا مكنش معايا حد يقول لي. ماما كانت سايبة الرأي ليا، وبابا إنت عارف. وأنا كان نفسي ألبسه، بس أوعدك هنرجع الصعيد وأنا لابساه. رعد يقبل رأسها: ربنا يحميكي يا أميرتي ويخليكي ليا. وهوبا، وشالها وفضل يلق بها، وأميرة بتضحك بصوت عالي.

رعد: بحبببببك يا بنت قلبي. أميرة بضحك وحب: وأنا بعشقك يا رعدي. رعد: تعالي ندخل، الجو برد عليكي. أميرة: تمام، يلا بينا. دخلوا جوه. رعد: المفروض 5 أيام ونرجع. أميرة: تمام، بس إنت وعدتني إننا نيجي هنا تاني. رعد: وأنا موافق. هنيجي هنا كل شهرين، تيجي أسبوع كده. حلو؟ أميرة: آه، كده إنت حبيبي. رعد بيقرب منها أكتر: حبيبك بس؟ أميرة: آه، وروحي وكل حاجة. رعد بيقرب: امممم. أميرة بخجل: إنت بتقرب ليه؟ رعد دفن

راسه في عنقها وقال ببرائة: إيه؟ عاوز أنام فيها، مشكلة دي؟ أميرة: عاوز تنام؟ إيه اللي جابك هنا بقا؟ رعد بحضنها أكتر: ده أكتر مكان بستريح فيه وأعرف أنام بعمق، إني أكون جنبك. أميرة ابتسمت بحب وقالت: ومستني إيه؟ نام. رعد: بجد؟ يعني مش هتوجعيني عشان دراعك؟ أميرة: لأ، متخافش. إنت بعيد عن دراعي.

حضنها رعد جامد ونام. وأميرة مراقباه، وباصة عليه. قد إيه هو جميل ووسيم وحنين وبيحبها، وممكن يضحي بحياته عشانها. وقبلته على خده، قبلة رقيقة. رعد بنوم: يعني لازم تبوسيني وأنا نايم؟ ما أنا بكون صاحي وبتحسسيني إني أخوكي في الرضاعة. أميرة بضحك: إنت لسه منمتش؟ رعد: لأ، منمتش يا جميل. أميرة: طب نام، نام. رعد: ماشي. مسيرك تيجي تحت إيدي ساعتها، مش هتعرفي تهربي. أميرة: وأنا مش عاوزة أهرب منك.

رعد بغيظ: نامي، نامي. عشان دراعك ورجلك يا أختي. أميرة: صغيرة على جو المستشفيات ده. إيه الأكشن ده؟ رعد: حظي الأسود وعين أكرم. أميرة بضحك: ماشي، يلا ننام. *** "إنتي إيه اللي دخلك هنا؟ بشري: جيت ألم خلجات أميرة. جنه بغضب: يعني إيه خلجات؟ بشري: هدوم يعني. جنه: ومين سمح لك تدخلي هنا وتفتحي حاجات مامي؟ بشري بخبث: ما خلاص يا جنه، معتش في أميرة. جنه بغضب: اطلعي بره ومش تدخلي هنا تاني، وأنا هقول لبابي. برررره.

بشري: وإنتي بتعلي صوتك عليا يا قليلة الرباية؟ اتحشمي يا بت. جنه: يا جدووووو، يا جدو، يا أكرم، يا يوسف. طلعوا كلهم على صوت جنه. سليم بقلق: في إيه يا جنه؟ جنه: طنط دي يا جدو، عاوزة تشيل الهدوم بتاعت مامي من الجناح. يوسف: ليه إن شاء الله؟ بشري بتردد: والله يا خال، إني قولت عادي بدل ما المرحومة خلاص، نشيل الخلجات. ياسمين: مين سمحلك تدخلي هنا أصلًا؟

إنتي هنا ضيفة وبس، ملكيش حاجة في السرايا دي. ولو دخلتي هنا تاني، هكسر رجلك. بره. سلوي: إنتي كيف تتكلمي مع بتي أكده؟ ياسمين: بتك قليلة الرباية كيف تسمح لنفسها تدخل تلم حاجة مش ليها من غير ما تستأذن صاحب المكان. ولو عتبت الجناح ده، هكسر رجلي. سليم: خدي بتك من هنا واطلعي من الجناح يا سلوي. سلوي: حاضر يا خوي. طلعت سلوي وبشري. سليم: معلش يا جنه، محدش هيدخل هنا تاني. جنه: ماشي يا جدو. *** أكرم: لا، عجبتني.

ياسمين: واحدة ما عندهاش ذوق ولا أدب. أكرم: معلش. ياسمين: مفيش أخبار عن رعد يا أكرم؟ أكرم: لسه والله، ياياسمين، مش عارفين. ياسمين: ربنا يرجعه بالسلامة. أكرم: يارب. سمعوا صوت بكاء تاج. أكرم: حبيبة بابي، بتعيط ليه؟ وشالها وفضل يلعب معاها. *** جنه رنت على رعد وكانت الساعة 1 في منتصف الليل. أميرة بقلق: رعد، رعد. رعد فتح عيونه: إيه يا أميرة، مالك؟ أميرة: الفون بيرن، شوف مين بسرعة. رعد: سيبك يا أميرة ونامي.

أميرة: لأ يا رعد، الساعة واحدة بالليل. مين هيرن في الوقت ده؟ رعد: حاضر. مسك الفون وقال: دي جنه. خير، في إيه؟ أميرة: طب رد بسرعة، ليكون حصل حاجة. رعد: جنه حبيبتي، في إيه؟ مالك؟ جنه ببكاء: يا بابي.... تعال بقا، أنا زعلانه منك.... تعال، إنت وحشة جنه أوي. رعد بتأثر من كلامها: حبيبتي، براحة بس، وإنتي وحشتيني أوي. في إيه؟ براحة. جنه ببكاء مستمر: طنط الوحشة بشري دخلت.... الجناح وكانت.... أميرة: كانت عاوزة إيه يا جنتي؟

جنه: يا مامي، كانت عاوزة تشيل الهدوم بتاعتك ترميها. أميرة بغضب: ليه؟ جنه: قالت إنك مش هترجعي تاني. كنت عاوزة أقولها إنتي كدابة، مامي هترجع. بس مش رديت عشان أنا وعده بابي مش أقول لحد. أميرة: جنتي، بطلي عياط الأول عشان إنتي شطورة وكبيرة ومش بتعيطي، صح؟ وبعدين فاضل 5 أيام بس وأكون عندك في الصعيد. متخافيش، وهنلعب سوا ونروح الملاهي ونعمل shopping، وأجبلك لعب كتير. جنه: بجد يا مامي، قربتي تيجي؟ أميرة: آه يا حبيبتي.

جنه: وأنام في حضنك. رعد بصوت واطي: ده عند أمك. أميرة بتحذير: رعد. رعد: إيه يا روحي؟ تنام، متنامش ليه؟ أقولك على حاجة، تنام في النص. أميرة: ده اللي هيحصل. رعد: عند أمك إنتي كمان. جنه: مامي. أميرة: قلبها. جنه: هو إنتي فين؟ أميرة: إحنا في الجزيرة. إنتي مش فكراها أوي عشان كنتي صغيرة، بس هتيجي معانا المرة الجاية، أوك؟ جنه: أوك. أميرة: يلا بقا، وريني إخواتك وهما نايمين. راحت جنه وقلبت الكاميرا على فردوس وأنس ومالك.

أميرة بحنية وطيبة وشوق: الله، وحشوني أوي أوي. جنه: وإنتي كمان وحشتينا أوي. رعد: طب وأنا يا جنه؟ جنه: وإنت كمان يا بابي. تعالوا بسرعة بقا. رعد: حاضر يا جنه، من عيوني. جنه: يلا باي. أنا هقفل وأنام عشان جدو وعدني وقالي هيفرجني على البلد كلها ويخليني أركب الحصان. رعد: ماشي يا جنتي، بس خلي بالك واركبي مهران. جنه: اشمعنى مهران؟

رعد: مهران بيخاف على صاحبه وبيحبه ومش هياذيكي. ولو إنتي كبيرة وراكباه لوحدك، مش هسيبك. ولو تهتوا، هيرجعك، مش هيهرب. جنه: ماشي يا بابي. قفلت جنه. أميرة: أنا عاوزة أركب مهران. رعد: كلكم على مهران؟ ولا إيه؟ ده بتاعي. أميرة: أنا معايا صاحب مهران، مش هيكون معايا مهران نفسه، ولا إيه؟ رعد بضحك: ثبتيني، ثبتيني. أميرة ببرائة: أنا يا بابي. رعد حضنها وضحك: لا، أنا يا عيون بابي. *** بعد مرور خمس أيام. أميرة: رعد، رعد.

رعد: نعم يا أميرة. أميرة: هو أنا هروح المستشفى بشرعي صح؟ عشان مفيش هنا حجاب. رعد: وهيا دي حاجة أنساها؟ هو إيه؟ مفيش هنا حجاب، بس عامل حسابي عشان الشعر الأحمر ده ما يبانش. أميرة برفع حاجب: أمال إيه؟ رعد: الجو بقا برد يا روحي. أنا جايب لك بنطلون أسود جميل وسويت شيرت، وهتلبسي بتاعه. أميرة: عامل حسابك يعني؟ رعد: آه يروحي. أميرة: ماشي، يلا بقا عشان نلبس عشان نرجع القاهرة. رعد: ماشي، يلا.

بينادوا، دخل رعد أخد شاور ولبس بنطلون وتيشيرت أبيض وجاكت جلد أسود وساعة. وأميرة لبست الطقم اللي طلعه رعد، وكان عبارة عن بنطلون أسود وسويت شيرت كحلي. رعد: قمر يا أميرة. وبيدخل خصلات شعرها. أميرة: حبيبي إنت. وشالها وطلع. كانت الطيارة جاهزة. ركبوا، وبعد وقت وصلوا القاهرة. وكان جمال في استقبالهم. جمال: حمدلله على السلامة يا فندم. رعد: الله يسلمك. هنتحرك على المستشفى. بلغ الحرس. جمال: تمام.

جهزوا واتجهوا للمستشفى المنشاوي تبع رعد، ونزلوا. وكان الجميع في استقبالهم. مدير المستشفى: اتفضل يا فندم. ألف سلامة عليكي يا مدام. أميرة: الله يسلمك. رعد: عاوز نفك الجبس لأميرة. عاوز دكتورة مش دكتور، تمام. المدير: تمام يا فندم. جت دكتورة. الدكتورة: نورتي المستشفى يا فندم. رعد بابتسامة: تسلمي يا دكتورة. الدكتورة: حضرتك عامل إيه؟ رعد: الحمد لله. أميرة: هنكمل تعارف بقا ونشرب ليمون، ولا تفكولي الجبس ده؟

الدكتورة: حالًا يا فندم. أميرة: يا ريت بسرعة. وبدأت الدكتورة تفك الجبس لأميرة. وبعدين وقت، ورعد ماسابش أميرة ولا دقيقة واحدة لحد ما فكت الجبس الحمد لله. أميرة: أخيرًا. الدكتورة: الحمد لله على سلامتك. أميرة: الله يسلمك. رعد قبل يداها: حمد الله على السلامة يا روح قلبي. أميرة: الله يسلمك يا حبيبي. شالها رعد وطلع بره المستشفى تحت أنظار الجميع واستغرابهم من ملامحها وتغيراتها.

رعد: هنروح القصر نغيري، ونطلع على الصعيد. ولو تعبانة، نبيت في القصر وبكرة نتحرك. أميرة: لا، مش تعبانة. نروح دلوقتي القصر ونتحرك على الصعيد. وصلوا للقصر. وانفتحت البوابات، وكان الخدم والحرس في استقبالهم. طلعوا الجناح. رعد: يلا، غيري. وأنا هغير. أميرة باستغراب: وإنت تغير ليه؟ رعد: هتفهمي لما أخلص. أميرة: تمام.

دخلت أميرة ولبست طقم عبارة عن بنطلون أسود وتيشيرت نص كم أسود وجاكت نبيتي جميل، وطرحة بنفس اللون. وبصت لنفسها في المرايا، وكانت جميلة أوي. وبكت من شدة جمالها بالحجاب. وطلعت. وكان رعد لبس نفس لبس أميرة بالظبط. بيعدل الجاكت، لاكن وقف فجأة من جمالها. رعد بيقرب منها براحة: الله، شكلك جميل. أميرة بالابتسامة: بجدارة. رعد إيده على وشها: آه، أوي. شكلك قمر أوي، أكتر من الأول. أميرة: وإنت كده شكلك جميل وأنت لابس زيي.

رعد: وأنا قمر أوي أكتر من الأول. قلت الحجاب هيداري شعرك، بس خلاكي أجمل من الأول. أميرة: تسلم يا حبيبي. تعال ناخد صورة بقا وأنت قمر كده. رعد بضحك: طول عمري قمر. أميرة: يا عيني على التواضع. واتصوروا صورة سوا. رعد: يلا نتحرك. أميرة: يلا بينا. نزلوا واتجهوا للصعيد. في الطريق. أميرة: رعد، هتعمل إيه في أكرم ويوسف؟ رعد بتوعد: هموتهم عشان عملوا كده من ورايا وكدبوا عليا، وكانوا شايفني بموت بالبطيء.

أميرة مسكت إيده: حبيبي، أكيد كانوا خايفين عليك. رعد قبل يداها: حبيبتي، ممكن نقفل الموضوع ده يا قلبي؟ أميرة: ماشي يا رعد. رعد: ماشي يا قلبي. آه، بشري وعمتي في السرايا، شكلهم مش هيروحوا. أميرة بتوعد: يشرفوا. رعد: إنتي قلبتي ولا إيه؟ أميرة: لا يا قلبي، ده أنا كيوت. رعد: آه، بامرأة اللي قلت لي عليه، وإنك حبستيها في المخزن وضربتيها. أميرة بانفعال: أمال كنت عاوز أعمل إيه؟ وهي بتقولي حامل من جوزي، ومتجوزاه عرفي؟

رعد بعصبية: أميرة، أنا بهزر معاكي. صوتك ما يعلاش تاني، فاهمة؟ أنا جوزك، مش بتكلمي حد من الحرس. وشال إيده من على أيديها وسكت. أميرة اضايقت من نفسها، وإنها ما كان ينفع تنفعل كده. أميرة: رعد. رعد: .... لا رد... أميرة: رعدي. رعد: لا رد. أميرة مسكت إيده، شد إيده منها بهدوء. أميرة: أنا آسفة والله. رعد صعبة عليه، شدها لحضنه وسكت. أميرة: يا رعد. رعد ساكت مش بيتكلم.

أميرة دخلت جوه حضنه جامد، كأنها بتستخبى جواه، وفضلت كده. ورعد حاضنها، بس مش بيتكلم. *** أكرم: رعد قال راجع انهاردة. سليم: متعرفش كان فين؟ أكرم: لا، حتى جمال رافض يقول حاجة. يوسف: هييجي وهنعرف. ..... : هيهيهي، بابي جاي، بابي جاي. بشري بابتسامة: صح، صح يا خال. رعد جاي. سليم: آه، جاي. هدي: يا حبيبي، ربنا يجيبه بالسلامة. جنه: هطلع آخد شاور وألبس السلوبت بتاعي. سلوي: طب إيه رايك يا جمور، بشري تلبسك؟

جنه: لا، ميرسي. مرام هتعملي صح يا مرام؟ مرام بابتسامة: صح يا عيون مرام. يلا بينا. طلعوا فوق ومرام بتجهز جنه. وياسمين بتجهز فردوس وأنس ومالك. أكرم شايل تاج، ويوسف شايل خديجه. أكرم: أدي آخره الجواز. يوسف: آخرتها أنا يوسف الشامي شايل بيبي وبهز فيه. سليم: بطل كلام منك ليه؟ عشان العيال تنام. هدي: أنا هقوم أحضر الغدا مع بهانة. سليم: تمام. سلوي بصوت واطي لبشري: جومي يا بت، جامت قيامتك. بشري: أعمل إيه يا ماما؟

سلوي: اطلعي اتسبحي (شاور) ، والبسي خلجات زينة عشان ولد خالك لما يجي، تكوني معاه كده ويعرف إنك أحق إنك تاخدي مكان أميرة السنيورة. بشري: حاضر يا ماما. طلعت بشري عشان تلبس، ولبست عباية فيها لون كتير، ولبست دهب كتير أوي، وحطت روج أحمر. بشري: يارب يعجبه بس، عشان أكون ست القصر. رعد: مرور الوقت، خلصت جنه لبس. ولابست سلوبت لونه أحمر وشوز، وعملت شعرها على هيئة كعكة. مرام: كده إيه رأيك؟ جنه: جميل أوي أوي.

مرام حضنتها: إيه حاجة عاوزاها يا حبيبتي؟ قولي وأنا هعملها لك. جنه: ماشي، يلا ننزل بقا. فتحت هدي: بهانة، اعملي مكرونة بشاميل، واعملي محشي، واعملي كل الأكل اللي رعد بيحبه. جنه: نانا نانا. هدي بابتسامة: قلب نانا، إيه الجمال ده كله؟ عاوزة إيه يا قلبي؟ جنه: عاوزة تعملي سندوتش نوتيلا صغنون. هدي: ماشي، تعالي نعمل. دخلت هدي وعملت سندوتش لجنه. وطلعت جنه. بشري: كيفك يا جنه؟ جنه: كويسة. إيه الأوفر ده كله؟ إكسسوارات وروچ؟

هو حضرتك راحة فرح؟ بشري: لا، مش راحة. كل ده لجل رعد وبس. جنه: آه، كل ده عشان بابي. وإنت عاوزة بابي ليه إن شاء الله؟ بابي هيفضل مع جنه. وبس. بشري: آه، آه طبعًا هيفضل مع جنه. وكملت في سرها: تتجوزه بس، وأنا أخليه يسيبكوا هنا، وأنا أكون لوحدي، وأجيب له عيال مني أنا. جنه: أنا راحة الجنينة. بشري: لحالك كده؟ مش تاخدي الإذن؟ جنه: الإذن من مين يا طنط؟

بشري: مني، إني مش أنا في مقام أمك. وبلاها طنط دي. كلمة ماسحة جوي جوي. جوليلي يا ماما. جنه: يا إيه؟ بشري: جوليلي يا ماما، يعني كيف ما بتقولي. ..... : وإنتي تقولي لماما ليه إن شاء الله؟ أمها حصلها حاجة يا بشري؟ ولا إيه؟ أميرة المنشاوي لسه عايشة يا بت سلوي. بشري بصدمة: .........