رواية اميرة الرعد الفصل التاسع 9 - بقلم ندى الشرقاوي

نزل رعد بسرعه وقال: اميره اميره فين؟ أكرم باستغراب: يابني كانت طالعه تصالحك ومعاها جنه وكيك. رعد حط ايده علي وشه: ياالله. سليم بقلق: في إيه يارعد؟ رعد قعد: معرفش معرفش، طلعت لقت مايا معايا في الجناح ومايا لبسه القميص بتاعي وبعدين طلبت الطلاق ومشيت. يوسف بعصبيه: انت بتستهبل؟ يعني إيه مايا لبسه قميصك؟ وكانت مايا بتعمل إيه عندك؟ تقدر تفهمني؟ رعد:

والله معرف حاجة، أنا كنت في الحمام باخد دش وطلعت لقيتها واقفه، ابتسمت عادي، فاجأة لقيت مايا بتنادي عليا. ياسمين بقلق: وبعدين أميره فين؟ رعد: معرفش معرفش، وخدت جنه معاها. فين جمال؟ أكرم: بره. رعد: اميره فين ياجمال؟ جمال: للأسف معرفش الحقها، دي ركبت العربيه ومستنتش تعمل الحزام ومشيت على طول، وفي أقل من دقيقة مكنتش قدامي، كانت ماشية بسرعة كبيرة. رعد:

وبعدين اطلع بسرعة بالحرس لف شرم الشيخ كلها لحد ما تلاقيها وبلغ عن العربيه، وأنا هطلع معاك. أكرم ويوسف: واحنا معاك، ياله جهزوا العربيات. وبدأوا يلفوا شرم الشيخ حتة حتة وبلغوا عن العربية. رعد وهو بيضرب الدركسيون بعصبية: هتكون راحت فين يعني فين؟ أكرم: اهدي بقى، العصبية دي مش حل، خلينا نفكر. يوسف: أنا بحاول أوصل للعربية. رعد: يارب يارب. ............ "أنا عاوزه مامي." "بس يابت مش عاوزة أسمع صوتك وإلا هموتك، سامعه؟

زي ما سبنا أمك بتنازع الموت، وإن شاء الله روحها طلعت." جنه ببكاء: لا لا مامي مش هتسبني زي مامي مي، انت عمو شرير ووحش وأنا هقول لبابي يضربك علشان انت وحش، ومامي هتقوم وترجع قوية تاني. الراجل: بس اسكتي بقى، ولا أقولك، أهو. وجاب لزقة وحطها على فمها. جنه بتبكي في صمت خايفة إنه يضربها تاني. 🌸🌸🌸🌸🌸🌸🌸🌸🌸🌸🌸🌸🌸🌸 جمال: أيوه يارعد بيه، لقينا مداك أميره. رعد بفرح: بجد؟ طب هيا فين؟ جمال بأسف: .......... رعد وقف العربية: إيه؟ أكرم:

إيه الغباء ده؟ حد يوقف كده. رعد بعدم فهم ومش قادر يستوعب: عرفوا مكان أميره؟ يوسف: بجد؟ طب فين؟ انطق. رعد: لقوها على الطريق ومغمي عليها ومضروبة ومش بتنطق. أكرم: إزاي؟ ومين اللي عمل كده؟ شغل رعد العربية ولف بسرعة للمكان. وصلوا المكان، نزل رعد بسرعة وبيدعي ربنا في كل خطوة، متكنش أميره بس، هيا العربية بتاعتها، بس بيخيب ظنه. بص، كانت أميره مرمية على الأرض والدم يسيل منها، ولا قادرة على التحرك، فهي في عالم آخر. نزل رعد

على ركبته وشالها في حضنه: أميره..... أميره قومي..... حبيبتي.... مش دي أميره حبيبتي.... أنا حبيبتي قوية، قومي متوجعيش قلبي عليكي، ياله بقى، وحياتي عندك.... طب بصي، وحياة جنه وأنس ومالك وفردوس، قومي علشانهم.... انتي زعلانه مني صح؟ بس والله أنا معرفش حاجة.... طب قومي اضربيني.... زعقي بس مش كده.... متوجعيش قلبي عليكي 💔💔 يابت قلبي. أكرم وهو مصدوم من الموقف، وشها شاحب، لا توجد ملامح، يوجد أثر الضرب فقط:

قوم يارعد، مينفعش كده. رعد: إسعاف..... اسعاااااف بسرعة. جمال: في الطريق يافندم. والحرس بيستغربوا، رعد من قوته وجبروته بقى قاعد في الأرض حاضن حبيبته. يوسف: جنه؟ جنه فين؟ جمال: للأسف يافندم، جنه مختفية، محدش يعرف عنها حاجة. حتى في فارغ رصاص، بس السلاح الشخصي لمدام أميره مش في العربية. رعد: مش هستنى الإسعاف، إيه هييجوا بعد سنة؟ مراتي هتروح مني، وبنتي اللي معرفش عنها حاجة.

شال رعد أميره كويس وحطها في العربية وانطلق بالسيارة لأقرب مستشفى. في المستشفى، نزل رعد بسرعة ونده على حد من جوه، جم أخدوا أميره ودخلوا. رعد: يارب يارب. بعد عشر دقائق. أكرم: إيه؟ فين؟ رعد: جوه في العمليات. يوسف: إن شاء الله خير. رعد، جنه مختفية، لازم نبلغ البوليس. رعد بتحذير: اوعى. يوسف باستغراب: ليه؟ رعد: مش هتبلغ ولا هتعمل حاجة غير لما أميره تفوق، سامع؟ علشان نعرف إيه اللي حصل. يوسف: تمام، يارب بس تكون بخير.

بعد ساعة إلا ربع. الدكتور: الحمد لله، المريضة عدت فترة الخطورة وهننقلها الغرفة حالا، ونستناها تفوق، بس يارعد بيه، دي مسؤلية ولازم نبلغ عنها، دي مضروبة ضرب مبرح. رعد: أنا هعمل اللازم. الدكتور: تمام، عشر دقايق وتقدر تدخله. بعد مرور ساعة. ورعد وأكرم ويوسف قاعدين مستنين أميره تفوق. أميره تخت تأثير البنج: ...... لا جنه....... جنه لا ياجنه، متمشيش.... رعد.... يارعد الحقني..... يارعد. جري رعد عليها وأيده على خصلات شعرها:

قلب رعد، فوقي ياعمري. أميره: .... لا هموت.... هموت يارعد. رعد بدموع: بعد الشر عليكي ياعمري، فوقي الله يخليكي، متوجعيش قلبي عليكي 💔😢. أميره بدأت تفوق: جنننننننه. رعد: أميره، أميره. أميره بدموع: جنه..... جنه. رعد بيحاول يهديها: أميره اهدي...... أميره بدموع: رعد...... آآآآآآه. رعد: إيه؟ إيه اللي بيوجعك؟ أميرة: مكنتش قد الأمانة يارعد، مقدرتش أحافظ على جنه، مقدرتش أحافظ على بنتي...... بس هما كانوا كتير وأنا مش قدّهم.

رعد بابتسامة: إيه ياقلبي، بس انتي قد الأمانة ونص، انتي دفعتي عن جنه وهنجيب جنه بإذن الله، بس قوليلي براحة، فيه فارغ رصاص؟ الرصاص ده من سلاحك صح؟ أميرة بدموع: آه. رعد: حلو، الرصاصة جت في مين؟ أميره: الراجل اللي كان شايل جنه وبيضربها. رعد بغضب: بيضربها؟ أميره: آه يارعد..... أنا عرفت جنه فين. يوسف: فين؟ أكرم: إزاي؟ أميرة بألم وبتحاول تقوم: عاوزة أعدل بس. رعد: تعالي، عدلها. رعد خلاها في حضنه. أميره: موبايلي فين؟

كان في الشنطة. رعد: كل حاجة مع جمال، استني بس، انتي عاوزة التليفون ليه دلوقتي؟ أميره: هات بس التليفون، أه يا شيخ، هو خلاص وشي راح، مبقتش حلوة. رعد: مبقيتيش إيه؟ دا انتي ملكة جمال، وبغمزة: تحبي تشوفي؟ أميره: التليفون، ولسه حسابك مخلصش. جاب الفون من جمال. رعد: أهو، قوليلي هتعملي إيه. أميره: هات جنه، لبسة سلسلة أقدر أعرف هيا فين عن طريق الـ GPS. رعد: انتي بتتكلمي جد؟ طب إمتى وإزاي؟ أميره:

السلسلة دي من ساعة ما انت كنت في غيبوبة، علشان لو حصل حاجة. أكرم: أقسم بالله متجوز مخابرات. رعد: بس بس، محدش ليه دعوة بالقمر تبعي، اشتغلي. أميره بدأت تتبع السلسلة وقالت: جنه لسه في شرم الشيخ، في مكان في الجبل، ياخد من هنا 3 ساعات. رعد: ياله بينا. أكرم: ياله. أميره: على فين؟ يوسف باستغراب: على المكان. أميره: بس انتوا مش هتمشوا من غيري. رعد: أميره، مش عاوز جنان، انتي مش باين عليكي حاجة من كتر الضرب. أميره:

هاجي يعني هاجي، لو فيها موتي. يوسف: مش هينفع. أميره: يبقى مش هتاخدوا العنوان. رعد: يعني إيه؟ أميره: فيها لا أخفيها. أكرم: احنا بنلعب هنا ولا إيه؟ أميره: بره يا أكرم انت وجووو علشان ألبس. طلعوا وهما مستغربين. رعد: مردتش أتكلم قدامهم، بس انتي إزاي عاوزة تروحي؟ احنا مش ضامنين إيه اللي هيحصل. أميره: لازم أروح، لازم. رعد: مصرة ليه؟ أميره، انتي تعرفي حاجة أنا معرفهاش؟ أميره بتردد: أعرف إيه؟ رعد: ماشي معاكي للآخر. أميره:

تعال ساعدني بقى الله يخليك. رعد: تعالي يامصيبة حياتي. غيرت أميره ولبست وهيا بتتألم، بس مش عاوزة تبين، بس رعد حاسس بيها. رعد: تعالي ياله. أميره، انتي شوفتي مين اللي خطف جنه؟ لو غرضهم فلوس، كانوا خدوا العربية وخلاص، بس ده مقصود مين ياأميره؟ أميره: لما نروح هتعرف. رعد: مانتي ياأميره. طلعوا وجهزوا، والحرس بزيادة وأكتر من الأول. رعد: احنا معانا 40 راجل. أميره: مش كفاية. رعد: إزاي؟ أميره: مش كفاية، عاوزين عشرين كمان. أكرم:

طب ياله نتحرك، وأنا هطلب مساعدة من اللي في الفندق. أميره: تمام، عاوزة سلاح. رعد: آه، الهانم اتاخد سلاحها. أميرة بتوعد: هرجع. رعد: طب ياله. وشال أميره ركبها العربية واتحركوا. 🌸🌸🌸🌸🌸🌸🌸🌸🌸🌸🌸🌸🌸🌸🌸 بعد مرور الوقت. وصلوا لمكان في منطقة في الجبل. رعد بخوف: أميره خليكي هنا. أميره مسكت ايده: أنا كويسة، متخافش. رعد: بس أنا عارف إنك بتتألمي. هدخل جوه أنقذك ولا أنقذ بنتك؟ أميره: إحنا الاتنين يارعدي، انزل بقى، ياله.

نزلوا ودخلوا، والحرس اتحركوا وبدأوا يراقبوا المكان. أميره ماشية تتعقب السلسلة وتشوف هيا قريبة منها قد إيه. أميره: جنه في الأوضة اللي هناك دي، بس عليها اتنين شبه الحيطة. رعد: أسيبك وأمشي وإنتي تتصرفي؟ أميره: بتتبعني يا أبو العيال؟ رعد: اتنيلي، انتي في إيه ولا في إيه. أميره: لو اتخلصنا من الاتنين دول، معرفش مين اللي هيكون جوه مع جنه. رعد: طيب ياله يا أكرم. أكرم: إزيكوا يا رجالة؟

انتبه له الرجال وبدأت المعركة، لكن بحركة سريعة من رعد من الخلف، بلوي الرقبة، وقع ميت في ساعتها. وأكرم يتعارك مع التاني. وأميره بتمشي ببطء علشان توصل الأوضة من غير ما حد يعرف. وخبطت على الباب. الراجل اللي أميره ضربته فتح، كان يعتقد أنه أحد الرجال. أميره: مش قولتلك هرجعلك. وضربته ضربة قوية بالمسدس في وجهه، أطاحته أرضاً. دخلت وقفلت الباب. أميره: قولتلك، انت مستعجل على موتك. الراجل: هموت على إيد واحدة ست. أميره:

آه، تحب نشوف دا؟ أنا معلمة عليك في رجلك. "أميره افتحي الباب، افتحي، متفقناش على كده." أميره مش سامعة أصلا وقربت من الراجل وبدأت تضرب فيه بكل قوتها، وهو مش قادر بسبب إن رجله مجروحة. وقع على الأرض. أميره وهيا بتضربه بالبوكس في وشه: عرفت إن أنا مستسلمتش. ضربت بنتي صح؟ أنا هوريك. ومسكت إيده وفضلت تتني فيها لحد ما اتكسرت. من بره سمعوا صراخ الراجل. يوسف: أميره، انتي بتعملي إيه؟ افتحي.

جنه واقفة بتعيط وبس، لأنها فرحانة إن أميره ورعد جم. رعد: أميره، افتحي. كسروا الباب، وكان الراجل في الأرض وأميره بتضرب فيه. أميره: أنا كسرت دراعك اللي ضربت بيه بنتي، علشان بعد كده لو قربت من حاجة تخصني هموتك. سامع ولا مش سامع؟ انت كده كده ميت. رعد بيحاول يشيل أميره من على الراجل: كفاية كده، الراجل هيموت في إيدك. أميره: لمس حاجة مش بتاعته، وياريتوا لمس أي حاجة، ده أمي بنتي. أنا مد إيده على بنتي. رعد: طب كفايا......

"أخيرًا." لف رعد وثبت مكانه كالصنم، فهو يعرف الصوت جيداً. رعد: خالتو... هيام: بس اسكت، أنا مش خالتك، أنا العدو اللي بعمل كل ده، أنا اللي السبب في الحادثة علشان أحكي عينك وأنت مزلول، بس برضه قمت تاني، أنا اللي السبب في إني أخوف مراتك وأضرب نار عليها هي وبنتك في العربية، أنا اللي عملت كل ده يارعد، ولسه هنتقم، وأنا اللي رجالي ضربوا مراتك، وأنا اللي خطفت بنتك، ولسه يارعد، لسه. رعد بصدمة: وليه دا كله؟

عملتلك إيه علشان الحقد والغل ده كله؟ هيام: علشان أنت السبب. رعد: أنا السبب في إيه؟ هيام: أنت السبب، كانت قدامك على طول ليه محبتهاش؟ ليه كانت بتعمل كل حاجة عشانك؟ ليه تموتها؟ رعد: أنا أموتها؟ وأنا قولت لبنتك روحي اقتلي مراتي اللي لسه مخلفة علشان أتجوزك؟ ولا قولت لبنتك اعملي إيه؟ ولا اشربي مخدرات؟ ولا إيه؟ أنا مموتش بنتك، وفي الآخر جاية تنتقمي مني أنا ومراتى وعيالى؟ هيام: ولسه يارعد.

وفجأة الرجال دخلوا وحاوطوا المكان كله. هيام: لازم آخد حق بنتي، مش هتطلع من هنا يارعد. يوسف: برافو والله، أنا أقول بنتك كانت طالعة لمين؟ قلبها أسود، طالعة ليكي. هيام: انتوا كلكم وحشين، خذوا مني كل حاجة، أمك خدت مني سليم. سليم بص لها باستغراب، وقالت:

آه، أنا كنت بحب سليم، بس هو سابني واتجوز هدى، علشان كنت بشرب ولبسي مش عاجبه، وجوزوني غصب عني لواحد همه بس إنه معاه زوجة حلوة تكون معاه في الاجتماعات وخروجات، بس خلاص يارعد، كل حاجة بقت على المكشوف، مفيش حاجة أخسرها. رفع رجال هيام السلاح على رعد وأكرم ويوسف. أكرم: على الهادي بس، اسمعوا كده. وكانت صوت عربيات البوليس. اقتحمت القوات المكان. الظابط: ارمِ السلاح اللي في إيدك. هيام ببعض الخوف:

أنا كده كده ميتة، يبقى مش لوحدي. أميره: كان نفسي أقولك هاجي معاكي، بس عندي مشوار. هيام بغل: انتي اللي بوظتي حياتنا، انتي السبب. أميره: أنا معملتش حاجة، انتي عاملة كل ده علشان بنتك، صح؟ وبنتك اللي أصلاً مفكرتيش فيها ولا تعرف عنك حاجة، أحب أقولك بنتك عايشة. هيام بعدم تصديق: انتي كدابة! إيه اللي بتقوليه ده؟ رعد: أميره، انتي بتقولي إيه؟ أميره بصوت عالي: أيوه عايشة، وقريبة مننا كمان، وبرضه بتحاول تخرب عليا حياتي، هااا؟

إيه رأيك بعد كل ده، وبنتك ولا في همها حاجة؟ هيام: لا، انتي كدابة، كدابة. يوسف: أميره، انتي بتقولي إيه؟ أميره: إيه؟ أميره طلعت مجنونة دلوقتي. الظابط: اتفضلي معايا. وأخد هيام وتم القبض عليها. رعد راح لأميره اللي كانت بتحاول متبينش الألم. رعد: أميره. أميره: هات جنه وهات الرجالة وياله. جنه: مامي، أنا فرحانة إنك جيتي وضربتي عمو الوحش اللي ضربني وكان عاوزك تروحي عند مامي مي. يوسف:

تعالي ياسنيوريتا، نركب العربية ونروح علشان مامي تعبانة. رعد: أميره، اللي قولتيه ده صح؟ أميره من كتر الألم مش عارفة تتكلم: مش...... ق.... قادرة. رعد شالها بسرعة: معلش استحملي، هنوصل المستشفى وكل حاجة هتكون بخير. خلص الحوار وكل حاجة بقت تمام، وكلهم دلوقتي في المستشفى مستنين أميره. الدكتور: أنا قولت المريضة مينفعش تطلع ليه طلعت؟ هيا ليه؟ حتى لو قطة اللي ضرباه. رعد بعصبية: اتكلم عدل وقولي إيه اللي حصل. الدكتور:

أنا قولت لمدام أميره إن ممكن تحصلها مضاعفات، وده ممكن يحصلها نزيف، وممكن توقف الحمل لمدة سنتين أو أكتر. رعد بصدمة: محدش بلغني ليه؟ الدكتور: يافندم، مدام أميره مضية على إقرار قبل ما تمشي إن المستشفى ملهاش أي دخل لو حصلها حاجة. هيا دلوقتي نايمة، وياريت تفضل مرتاحة فترة. رعد: فترة طويلة؟ الدكتور: ياريت شهر أو شهر ونص، متعملش حاجات كتير، يعني. رعد: تمام، أقدر أدخل؟ الدكتور: اتفضل.

دخل رعد وكانت أميره نايمة على السرير بارهاق. قعد جمبها وأيده على شعرها: ليه تعملي في نفسك كده؟ ليه تخاطري بنفسك علشان بنت مش من دمك أصلاً؟ ليه تعملي كل ده وإنتي لسه صغيرة؟ شايلتك الحمل بدري بدري ياأميرة. بس أوعدك خلاص معتش فيه تعب تاني، مفيش غير سعادة وفرح وبس، وهنبعد عن كل الناس اللي هنا، بس إنتي اللي رجعتي تاني للمشاكل ياأميرتي، إزاي رحمة عايشة؟ إزاي؟

أنا دفنتها بإيدي، وسامية معرفش، رحمة كانت بتكذب ولا كانت بتقول إيه؟ يارب تعبت والله. أميره بتعب وابتسامة مرهقة: بس أنا متعبتش يابن المنشاوي. رعد: إنتي لسه فيكي نفس؟ أميره: آه لسه، كنت هتتجوز عليا ولا إيه؟ رعد: عمري ياقلب رعد، إنتي كويسة صح؟ أميره: آه كويسة، الحمد لله. رعد: أميره، إنتي بتسمعيش الكلام، مضيتي على إقرار من غير علمي، وبتعملي كل حاجة من ورايا. أميره: عارفة والله، وأنا آسفة، مش هعمل كده تاني. رعد:

ياريت، والتزمي بقى شوية، وقعدي في البيت، وكفاية حركة. أميره: حاضر، فين جنه؟ رعد: مصممة تشوفك قبل ما تمشي، استني أدخلها. دخلت جنه وجرت على أميره. جنه: وحشتيني أوي يامامي. أميره وهيا تحتضنها بشوق كبير: وإنتي أكتر ياعيون مامي. جنه: أنا فرحانة أوي يامامي إنك جيتي وضربتي عمو الشرير ده. أميره:

حبيبتي، فرحانة ديماً يارب، ياله روحي بقى على الفندق مع أكرم وجوو، وأنا هاجي كمان شوية، وخذي شاور، خلي ياسمين تغيرلك ونامي لأنك تعبانة. جنه: ماشي، يالة باي. وقبلتها من خدها. أميره بضحك: باي ياقلبي. طلعت جنه. رعد: طب إيه؟ أميره باستغراب: إيه؟ انت؟ رعد: مليش بوسة زي جنه؟ ده حتى عيب في حقي 🤔. أميره: لا، مفيش. رعد بيقرب: بتتحديني يعني؟ أميره: آه، عادي. رعد: طيب. وبيقرب منها. الباب خبط، دخلت الممرضة. الممرضة:

آسفة يافندم على الإزعاج. رعد بغيظ: ولا يهمك. الممرضة: حضرتك، ده الفطار. رعد: تمام، أنا هاكلها. الممرضة: تمام يافندم. طلعت الممرضة. أميره: هات بقى زي الشاطر علشان جعانة، وتعالى عدلني، مش عارفة أقوم، جنبي بيوجعني. رعد: تعالي يابلوه حياتي. والف سلامة عليكي يا قلبي. أميره: رعد، عاوزة أشوف الولاد. رعد: بكرة لما تطلعي، أحبهم هنا المستشفى إزاي؟ معلش علشان جو المستشفى وكده. أميره: تمام. بدأ رعد يأكل أميره. رعد:

ياريت بقى نبطل مشاكل، كان يوم أسود يوم ما علمتك الملاكمة والسواقة، كله بيطلع على دماغي أنا. أميره بتصنع البراءة: أنا يابابي؟ هو أنا عملت حاجة؟ رعد بسخرية: لا، إنتي ملاك، الواد مالك هو اللي عمل كل حاجة. أميره: بس ملكش دعوة بحبيب أمه ده. رعد: هضربك في الجنب التاني، كلي وإنتي ساكتة. أميره: هو أنا عملت حاجة؟ قولي عملت إيه؟ الشرطة خدت هيام هانم؟ رعد بهدوء: آه، ومش عارف هقول لأمي إيه. أميره: ولا أنا. رعد:

كانت بتقول مسافرة تغير جو، طلعت بتخطط لموتي. أميره: مكنتش أتوقع كده، أنا قولت هيكون حد منافس لينا في السوق وكده. رعد: الضربة بتيجي من أقرب حد. رعد: أميره. أميره: نعم. رعد: إنتي قولتلي إن رحمة عايشة؟ إزاي؟ إنتي بتهزري ولا جد؟ أميره: اصل.... اصل. رعد: اصل إيه؟ انطقي. أميره: آه يارعد، رحمة عايشة. رعد: إزاي؟ وإنتي عارفة من إمتى؟ أميره: من بعد ما انت فوقت بأسبوع. رعد: وساكتة ليه؟ وهيا فين؟ أميره:

هيا موجودة، بس بشخصية مختلفة، غيرت حياتها كلها، اسمها وكل حاجة. رعد بعدم استيعاب: مين ياأميره؟ أميره: بتكون...... رعد: مش معقول.